ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့်အတူ ယနေ့မွန်းလွဲပိုင်းက ရေကြည်မြို့နယ်အတွင်းရှိ ဟင်းသီးဟင်းရွက်စိုက်ခင်းများနှင့် စိုက်ပျိုးရေးလုပ်ငန်းများအားကြည့်ရှုအားပေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ရေကြည်မြို့နယ်၊ အင်းလျာကုန်းကျေးရွာအုပ်စုအတွင်းရှိ ဆင်ကူးအနောက်ကျေးရွာ၊ လှေတော်ရုံကျေးရွာ၊ လယ်ဒီကျေးရွာ၊ ဆင်ကူးအရှေ့ကျေးရွာနှင့် အင်းလျာကုန်းကျေးရွာတို့မှ တောင်သူ(၂၃၈)ဦး၏ ပန်းအမျိုးမျိုး၊ ပန်းဂေါ်ဖီ၊ ဂေါ်ဖီထုပ်၊ ချဉ်ပေါင်၊ မုံလာ၊ ဆလပ်၊ ကန်စွန်း၊ စားပြောင်း၊ ငရုတ်စသည့် ဟင်းသီးဟင်းရွက် (၁၃၅)ဧက စိုက်ပျိုးထားရှိမှုများကို ကြည့်ရှု့အားပေးခဲ့ပြီး ဌာနဆိုင်ရာများ၊ တောင်သူများအား သီးနှံများပိုမိုစိုက်ပျိုးထုတ်လုပ်နိုင်စေရေး၊ စားဖိုဆောင်သီးနှံများစျေးနှုန်းသက်သာစွာထုတ်လုပ်ရောင်းချနိုင်ရေးဆောင်ရွက်ရန်မှာကြားခဲ့သည်။ အဆိုပါ စိုက်ခင်းမှထွက်ရှိသည့် သီးနှံများအား ပုသိမ်၊ ဟင်္သာတမြို့များသို့တင်ပို့ရောင်းချလျက်ရှိကြောင်းသိရသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ရေကြည်မြို့နယ်၊ ကျေးလက်လမ်းဖွံ့ဖြိုးရေးဦးစီးဌာနမှ တာဝန်ယူဆောင်ရွက်လျက်ရှိသည့် အင်းလျားကုန်း-သံဒင်း-နတ်စင်ငူ-ဇရပ်လှလမ်း(၉မိုင်၂ဖာလုံ)မှ ၄.၄၇၄ဖာလုံအား အမာခံခင်းခြင်းလုပ်ငန်း ဆောင်ရွက်နေမှုများကို ကြည့်ရှုစစ်ဆေးပြီး တာဝန်ရှိသူများ၏ ရှင်းလင်းတင်ပြချက်ချက်များအပေါ် တိုင်းဒေသကြီး ဝန်ကြီးချုပ်က အရည်အသွေးပြည့်မီရေး၊ သတ်မှတ်ထားသောကာလအတွင်း ပြီးစီးစေရေးနှင့် လမ်းဘေး ဝဲယာများ၊ လမ်းပုခုံးများ စနစ်တကျရှိစေရေးမှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် သပြေကွင်းစံပြကျေးရွာ ပွင့်သစ်စ သမအသင်း၏ နေကြာတစ်ဧကနှင့် ပိုက်ဆံလျှော်မျိုးစေ့ထုတ်တစ်ဧကအားစိုက်ပျိုးနေမှုများနှင့် ကွင်းသုံးဆင့်ကျေးရွာအုပ်စု၊ သပြေကွင်းခေတ်မီစံပြကျေးရွာမှ တောင်သူများ စုပေါင်း၍ အကောင်အထည်ဖော်ဆောင်ရွက်သော ၂၀၂၃-၂၀၂၄ခုနှစ်၊ ဆောင်းသီးနှံ(ပိုက်ဆံလျှော်)မျိုးစေ့ထုတ်(၁၀)ဧကနှင့် နေကြာတစ်ဧက စိုက်ပျိုးပြီးစီးမှုအခြေအနေများ ကြည့်ရှုစစ်ဆေးခဲ့ပြီး ပိုက်ဆံလျှော်မျို့စေ့ထုတ်စိုက်ခင်းများအောင်မြင်စွာဆောင်ရွက်စေရေး၊ နေကြာစိုက်ပျိုးမှုများဖြစ်ထွန်းအောင်မြင်စေရေးနှင့် စိုက်ပျိုးမြေများကျန်လပ်မှုမရှိစေရေးနှင့် သီးထပ်စွမ်းအားများမြှင့်တင်စိုက်ပျိုးရန်မှာကြားခဲ့သည်။ ထို့နောက်သပြေကွင်းကျေးရွာ အခြေခံပညာမူလတန်းကျောင်းသို့ သွားရောက်ကြည့်ရှုစစ်ဆေးခဲ့ပြီး ကျောင်းအုပ်ကြီးမှ ကျောင်း၏လိုအပ်ချက်များကိုတင်ပြခဲ့ရာ တိုင်းဒေသကြီးဝန်ကြီးချုပ်က သက်ဆိုင်ရာတာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးခဲ့ကာ ဆရာ၊ ဆရာမများအတွက် ထောက်ပံ့ငွေများပေးအပ်ခဲ့သည်။ ထို့နောက် တိုင်းဒေသကြီး ဝန်ကြီးချုပ်သည် ပုသိမ်(ကံကလေး)-မုံရွာလမ်း မိုင်(၀/၀-၂၀/၃)အထိ(၂၀မိုင်၃)ဖာလုံ အတွင်းမိုင်(၁မိုင်၅ဖာလုံမှ မိုင်၇ဖာလုံ)အထိ ၂ဖာလုံ ၁၈ပေအကျယ်မှ ၂၄ပေအကျယ်ကတ္တရာလမ်းချဲ့ခြင်း၊ မိုင်(၁၀မိုင်၀ဖာလုံမှ ၁၀မိုင် ၂‌.၅ဖာလုံ)အထိ (၂.၅ဖာလုံ) ၁၈ပေအကျယ်မှ ၂၄ပေအကျယ်ကတ္တရာလမ်းချဲ့ခြင်းနှင့် မိုင် (၁၂မိုင် ၃ဖာလုံမှ ၁၂မိုင် ၅ဖာလုံ)အတွင်း (၁)ဖာလုံ လမ်းအနိမ့်အမြင့်ဖြေညှိခြင်းလုပ်ငန်းဆောင်ရွက်မှုများကို ကြည့်ရှုစစ်ဆေးပြီး တာဝန်ရှိသူများအား အရည်အသွေးပြည့်မီရေး၊ သတ်မှတ်ထားသောကာလအတွင်း ပြီးစီးစေရေးနှင့် လမ်းဘေး ဝဲယာများ၊ လမ်းပုခုံးများ စနစ်တကျရှိစေရေးမှာကြားခဲ့သည်။

ဧရာဝတီတိုင်းဒေသကြီးအတွင်းရှိ သတ်မှတ်မြို့နယ် (၅)မြို့နယ်တွင် ကျေးလက်နေပြည်သူများနှင့် တိုင်းရင်းသားပြည်သူများ စာတတ်မြောက်ရေးလုပ်ငန်း အကောင်အထည်ဖော်ဆောင်ရွက်နိုင်ရေးနှင့်စပ်လျဉ်း၍ လုပ်ငန်းညှိနှိုင်းအစည်းအဝေးကို တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁)တွင်ပြုလုပ်ခဲ့သည်။ အစည်းအဝေးတွင် ကျောင်းပြင်ပနှင့်တစ်သက်တာပညာရေးဦးစီးဌာန၊ ဒုတိယညွှန်ကြားရေးမှူးချုပ်(စီမံ)က ဧရာဝတီတိုင်းဒေသကြီးအတွင်းရှိကျေးလက်ဒေသနေပြည်သူများနှင့် တိုင်းရင်းသားပြည်သူများ စာတတ်မြောက်ရေးလုပ်ငန်းစီမံချက်၊ လုပ်ငန်းနယ်ပယ်ရွေးချယ်သတ်မှတ်ခြင်း၊ စာသင်သားနှင့် စာသင်ဝိုင်းစာရင်းကောက်ယူစုစည်းခြင်း၊ စာသင်သား၊ စာသင်ဝိုင်း၊ နည်းပြ၊ ကြီးကြပ်များအားထောက်ပံ့ပစ္စည်းများပေးအပ်ခြင်း၊ နည်းပြသင်တန်းကျင်းပခြင်း၊ သင်ကြားသင်ယူမှုလုပ်ငန်းများဆောင်ရွက်ခြင်း စသည်တို့ကို Power Point ဖြင့်ရှင်းလင်းတင်ပြသည်။ ဆက်လက်၍တိုင်းဒေသကြီး ဝန်ကြီးချုပ်က“ ၂၀၂၄ခုနှစ် သန်းခေါင်စာရင်းနှင့် ၂၀၁၉ခုနှစ် ကြားဖြတ်လူဦးရေနှင့် သန်းခေါင်စာရင်းများအရ ဧရာဝတီတိုင်းဒေသကြီးအတွင်း စာတတ်‌ေမြာက်ခြင်းမရှိသူများ စာရင်းအရ အရေး၊ အဖတ်နှင့် အတွက်အချက်များ တတ်မြောက်လာစေရန် ဆောင်ရွက်ပေးပါက တိုင်းဒေသကြီးအတွင်းရှိ ပြည်သူများ၏ လူမှုစီးပွားဘဝဖွံ့ဖြိုးတိုးတက်ရေးအတွက် အထောက်အကူရရှိမည်ဖြစ်ပါကြောင်း၊ တိုင်းဒေသကြီးအတွင်း စာတတ်မြောက်မှု ရာခိုင်နှုန်း များသော်လည်း စာမတတ်သူများလည်း ရှိနေသေးပါကြောင်း၊ ငယ်စဉ်က မူလတန်းပညာပြီးဆုံးအောင်မသင်ကြားခဲ့သူများ၊ ကျောင်းမနေခဲ့ရသူများ စာတတ်မြောက်ရန်နှင့် စဉ်ဆက်ပညာရေးအားသင်ကြားနိုင်ရန်လိုအပ်ပါကြောင်း၊ အခြေခံစာတတ်မြောက်ရေးလုပ်ငန်းစဉ်နှင့် ပတ်သက်၍ စုဖွဲ့မှုများကြိုတင်ဆောင်ရွက်ထားရှိပြီး တိုင်းဒေသကြီးအစိုးရအဖွဲ့မှ လိုအပ်သည်များဆောင်ရွက်ပေးသွားမည်ဖြစ်ပါကြောင်း” အမှာစကားများ ပြောကြားခဲ့သည်။ ထို့နောက် အစည်းဝေးသို့တက်ရောက်လာသူများ၏ အကြံပြုတင်ပြချက်များအပေါ် တိုင်းဒေသကြီး ဝန်ကြီးချုပ်က စာတတ်မြောက်ရေးလုပ်ငန်း အောင်မြင်စွာဆောင်ရွက်နိုင်ရေး တာဝန်ရှိသူများနှင့် ညှိနှိုင်းပူးပေါင်းဆောင်ရွက် ပေးခဲ့သည်။

ဧရာဝတီတိုင်းဒေသကြီးဝန်ကြီးချုပ်နှင့် ဇနီး၊ အစိုးရအဖွဲ့ဝင် ဝန်ကြီးများနှင့် ဇနီးများသည် ပုသိမ်မြို့၊ ကိုးသိန်းအားကစားကွင်း၌ပြုလုပ်သည့် ဒီဇင်ဘာလူထုအားကစားလ ဌာနပေါင်းစုံ ပိုက်ကျော်ခြင်းပြိုင်ပွဲ ဗိုလ်လုပွဲစဉ် ယှဉ်ပြိုင်ကစားနေမှုများကို ကြည့်ရှုအားပေးခဲ့သည်။ ထို့နောက် ဆုချီးမြှင့်ပွဲအခမ်းအနားကို ဆက်လက်ပြုလုပ်ရာ ဒုတိယဆုရရှိသည့် အသင်းအား တစ်ဦးချင်းဆုတံဆိပ်နှင့် ငွေသားဆုကို လုံခြုံရေးနှင့်နယ်စပ်ရေးရာဝန်ကြီးကလည်းကောင်း၊ ပထမဆုရရှိသည့် အသင်းအား တစ်ဦးချင်းဆုတံဆိပ်နှင့် ငွေသားဆုကို တိုင်းဒေသကြီးဝန်ချုပ်ကလည်းကောင်း ဆုများအသီးသီးချီးမြှင့်ခဲ့ကြကြောင်းသိရသည်။ တိုင်းဒေသကြီး အစိုးရအဖွဲ့အနေဖြင့် ဘောလုံး၊ ဘော်လီဘောပြိုင်ပွဲများကိုလည်း ပြုလုပ်လျက်ရှိကြောင်း သိရသည်။ ဆက်လက်၍ တိုင်းဒေသကြီးဝန်ကြီးချုပ်သည် ပုသိမ်မြို့၊ စက်တော်ရာဘုရား၊ မဟာဗောဓိမင်္ဂလာစေတီတော်ပရဝဏ်အတွင်း၌ နယ်မြေခံတပ်ရင်းတပ်ဖွဲ့များ၊ ဌာနဆိုင်ရာများ၊ ပြည်သူများက အပတ်စဉ်စနေနေ့တိုင်း စုပေါင်းသန့်ရှင်းရေးဆောင်ရွက်ခြင်းနှင့် ဘုရားရင်ပြင်တော် ဆေးကြောသန့်စင်ခြင်းများ ဆောင်ရွက်နေမှုများကို လှည့်လည်ကြည့်ရှု အားပေးခဲ့ပြီး စုပေါင်းသန့်ရှင်းရေးဆောင်ရွက်ခြင်းတို့ကို အပတ်စဉ်ဆောင်ရွက်ခြင်းများအပြင် နေ့စဉ်သန့်ရှင်း သပ်ရပ်မှုရှိစေရေးကိုလည်း အလေးထားလိုက်နာ ဆောင်ရွက်သွားရန်နှင့် မြို့သန့်ရှင်းသာယာလှပစေရေး အစဉ်တစိုက်ဆောင်ရွက်ကြရန်မှာကြားခဲ့သည်။

တစ်မျိုးသားလုံးကျန်းမာသန်စွမ်းပြီး ကိုယ်လက်ကြံ့ခိုင်ရေးအတွက် တစ်နိုင်ငံလုံးအတိုင်းအတာဖြင့် ဒီဇင်ဘာလအား လူထုလှုပ်ရှား အားကစားလအဖြစ်သတ်မှတ်၍ နှစ်စဉ်နှစ်တိုင်း စုပေါင်းလမ်းလျှောက်ပွဲကို ပြုလုပ်လျှက်ရှိရာ ဧရာဝတီတိုင်းဒေသကြီး၊ ပုသိမ်မြို့တွင်လည်း စုပေါင်းလမ်းလျှောက်ပွဲကို ယနေ့နံနက်ပိုင်းက ရွှေရုပ်တုအဝိုင်းရှေ့၌ ပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်းနှင့်ဇနီး၊ အစိုးရအဖွဲ့ဝင် ဝန်ကြီးများနှင့်ဇနီးများ၊ ဌာနဆိုင်ရာများ၊ ပြည်သူများပါဝင်ဆင်နွှဲခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က သေနတ်ပစ်ဖောက်၍ စုပေါင်းလမ်းလျှောက်ပွဲအား ဖွင့်လှစ်ပေးပြီးနောက် ရွှေရုပ်တုအဝိုင်းရှေ့မှစတင်၍ မဟာဗန္ဓုလလမ်းမကြီးအတိုင်း တပျော်တပါး စုပေါင်းလမ်းလျှောက်ခဲ့ကြပြီး ကိုးသိန်းအားကစားကွင်းတွင် ကိုယ်လက်လှုပ်ရှားလေ့ကျင့်ခန်းများ၊ Physical Fitness dance များအား အတူတကွ စုပေါင်းဆောင်ရွက်ခဲ့ကြသည်။ ဧရာဝတီတိုင်းဒေသကြီး၊ ပုသိမ်မြို့တွင် ဒီဇင်ဘာလဒုတိယပတ် စုပေါင်း လမ်းလျှောက်ပွဲသို့ ဌာနဆိုင်ရာများ၊ လူမှုရေးအသင်းအဖွဲ့များ၊ ဒေသခံပြည်သူများ စုစုပေါင်း(၂၀၀၀)ဦးခန့်က တပျော်တပါး ပါဝင်ဆင်နွှဲခဲ့ကြကြောင်းသိရသည်။

ဧရာဝတီတိုင်းဒေသကြီး၊ဟိုင်းကြီးကျွန်းမြို့ ၊ဇီးချိုင်ကျေးရွာအုပ်စု၍တည်ထား ကိုးကွယ်တော်မူသည့် မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီး၏ ရင်ပြင်တော်တိုးချဲ့တည်ဆောက်ခြင်းလုပ်ငန်းများကို တိုင်းဒေသကြီး ဝန်ကြီးချုပ် ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ သွားရောက်ကြည့်ရှု စစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်သည် မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီး မြောက်ဘက်မုခ်ဦးလှေကား ဆောင်ရွက်နေမှု အခြေအနေများ၊ ကားရပ်နားနေရာဆောင်ရွက်နေမှုအခြေအနေများ၊ ရေကန်သန့်ရှင်းရေး ဆောင်ရွက်နေမှုအခြေအနေများအားကြည့်ရှုစစ်ဆေးခဲ့သည်။ ဆက်လက်၍ အပေါ်ရင်ပြင် မြေထိန်းနံရံ တည်ဆောက်ခြင်း လုပ်ငန်းဆောင်ရွက်နေမှုများ၊ ပန်းတင်ခုံဆောင်ရွက်နေမှုများ၊ အောက်ရင်ပြင် ေနပူခံကြွေပြားခင်းခြင်း ဆောင်ရွက်နေမှုများ၊ မဟာရံတံတိုင်းဆောင်ရွက်နေမှုများ၊ တံခွန်တိုင်ပြန်လည်ပြုပြင်တည်ဆောက်နိုင်ရေး ပြင်ဆင်ဆောင်ရွက်နေမှုများအောက်ရင်ပြင် အောက်အနှုတ်(၁၂)level မြေဖို့ခြင်းဆောင်ရွက်နေမှုများ၊ စေတီတော်ရင်ပြင်အောက်ဘက်ရှိ ကမ်းခြေဆင်းလမ်းနှင့် မြေနေရာရှင်းလင်းဆောင်ရွက်နေမှုအခြေအနေများအားကြည့်ရှုစစ်ဆေးခဲ့ရာ တာဝန်ရှိသူများက တည်ဆောက်ရေးလုပ်ငန်း ဆောင်ရွက်ပြီးစီးမှုအခြေအနေများ၊ ဆက်လက်ဆောင်ရွက်မည့်အခြေအနေများရှင်းလင်းတင်ပြမှုအပေါ် တိုင်းဒေသကြီး ဝန်ကြီးချုပ်မှ ​အောက်ရင်ပြင်တိုးချဲ့ခြင်းလုပ်ငန်းဆောင်ရွက်စဥ် စေတီ​တော်ကြီး၏ အ​ပေါ်ရင်ပြင်​မြေထိန်းနံရံကြံ့ခိုင်​​စေရေးအတွက်ပါ တစ်ပါတည်းပြီးစီးအောင်​ဆောင်ရွက်ရန်၊ တည်ဆောက်ရေး လုပ်ငန်းများအရည်အသွေးပြည့်မီရန်၊ သတ်မှတ်ကာလအတွင်းပြီးစီး စေရေး လူအင်အားစက်ယန္တရားများဖြင့် အင်အားပြည့်ဆောင်ရွက်ရန်နှင့် လုပ်ငန်းခွင်အန္တရာယ်ကင်းရှင်းစေရေးနှင့်သန့်ရှင်းမှုရှိစေရေး အလေးထားဆောင်ရွက်ရန် မှာကြားခဲ့ကာ မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီးအား ဖူးမြော်ကြည်ညိုခဲ့သည်။ ဆက်လက်၍ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်သည် ဟိုင်းကြီးကျွန်းမြို့၊ဟိုင်းကြီးအဝင်ရေလမ်းကောင်းမွန်ရေး ဆောင်ရွက် လျက်ရှိသည့် သောင်တူးခြင်းနှင့်နုန်းတားးကျောက်စီလှိုင်းကာတည်ဆောက်ရေး လုပ်ငန်းသို့ရောက်ရှိလာရာ တိုင်းဒေသကြီးဦးစီးမှူးက ဟိုင်းကြီးအဝင်ရေလမ်း ကောင်းမွန်ရေးအတွက် ၂၀၂၃-၂၀၂၄ ဘဏ္ဍာရေးနှစ် တိုင်းဒေသကြီးအစိုးရအဖွဲ့ ရန်ပုံငွေကျပ် ၄၉၅.၅၀ သန်းဖြင့် နုန်းတား‌ကျောက်စီလှိုင်းကာ(၅၀၀)ပေ ဆောင်ရွက်မှု အခြေအနေနှင့် ပြည်ထောင်စုရန်ပုံငွေကျပ် ၅၂၄.၆၄ သန်းဖြင့်သောင်တူးဖော်ခြင်း ဆောင်ရွက်မှုအခြေအနေတို့အား ရှင်းလင်းတင်ပြရာ လုပ်ငန်းများအားအချိန်မီပြီးစီးရေး၊ သောင်တူးစာများအားစနစ်တကျစွန့်ပစ်ရေးနှင့်အရည်အသွေးပြည့်မီစွာဆောင်ရွက်ရေးတို့ကိုမှာကြားပါသည်။