သတင်းများ


ဧရာဝတီတိုင်းဒေသကြီးဝန်ကြီးချုပ် လပွတ္တာခရိုင်အတွင်း စိုက်ပျိုးရေးလုပ်ငန်းများ ကွင်းဆင်းစစ်ဆေးဆောင်ရွက်
ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ လပွတ္တာခရိုင်အတွင်းရှိ စိုက်ပျိုးရေးလုပ်ငန်းများအား ကြည့်ရှု စစ်ဆေးခဲ့ပြီး တောင်သူများ၏ တင်ပြချက်များအပေါ် သက်ဆိုင်ရာတာဝန်ရှိများသူနှင့် ပေါင်းစပ်ညှိနှိုင်းဆောင်ရွက်ပေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် မော်လမြိုင်ကျွန်းမြို့၊ ကျိုက်ပိကျေးရွာ အခြေခံပညာအထက်တန်းကျောင်း ၁၄၀ပေ× ၃၀ပေ RCနှစ်ထပ် ကျောင်းဆောင်သစ် ဖွင့်ပွဲအခမ်းအနားအား တက်ရောက်၍ ဖဲကြိုးဖြတ်ဖွင့်လှစ်ပေးပြီး ကမ္ဗည်းမော်ကွန်းအား အမွှေးနံ့သာရည်များ ပက်ဖျန်းပေးခဲ့သည်။ ထို့နောက် ကျောင်းဆောင်သစ်ဆောက်လုပ်သော ကုမ္ပဏီမှ တာဝန်ရှိသူတစ်ဦးက ကျောင်းဆောင်သစ်၏ စာရွက်စာတမ်းများအား ပညာရေး ဌာနသို့လွှဲပြောင်းပေးအပ်ခဲ့ပြီးနောက် တိုင်းဒေသကြီးဝန်ကြီးချုပ်သည် တာဝန်ရှိသူများသည် ကျောင်းဆောင်သစ်အား လှည့်လည်ကြည့်ရှုစစ်ဆေးခဲ့ပြီး ကျောင်းဆောင်သစ်ရေရှည် တည်တံ့စေရေး စနစ်တကျထိန်းသိမ်းဆောင်ရွက်ရန်မှာကြားခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် မော်လမြိုင်ကျွန်းမြို့နယ်၊ ဝဲဒေါင့်ကျေးရွာရှိ တောင်သူ ဦးမြင့်ဇော်၏ ဆီထွက်သီးနှံနေကြာ super sun-41 ( ၅ )ဧက ဖြစ်ထွန်းအောင်မြင်နေမှုများကို ကြည့်ရှုအားပေးခဲ့ပြီး ရိတ်သိမ်းချိန်လေလွင့်မှုမရှိစေရေးနှင့် စနစ်တကျမှတ်တမ်းထားဆောင်ရွက်စေရေးမှာကြားခဲ့သည်။ ထို့နောက် တိုင်းဒေသကြီး ဝန်ကြီးချုပ်နှင့်အဖွဲ့သည် (၇၉)နှစ်မြောက်တပ်မတော်နေ့ကို ကြိုဆိုဂုဏ်ပြုသောအားဖြင့် ဖွင့်လှစ်သည့် မော်လမြိုင်ကျွန်းမြို့၊ အမှတ်(၁၁) ရပ်ကွက်၊ ဗန္ဓုလလမ်း ကွန်ကရစ်လမ်းသစ် ဖွင့်ပွဲအား တက်ရောက်ခဲ့ပြီး တိုင်းဒေသကြီးဝန်ကြီးချုပ်သည် အစိုးရအဖွဲ့ဝင် ဝန်ကြီး များနှင့်အတူ ကွန်ကရစ်လမ်းသစ်အား ဖဲကြိုးဖြတ်ဖွင့်လှစ်ပေးသည်။ ဆက်လက်၍ တိုင်းဒေသကြီးဝန်ကြီးချုပ်၊လူမှုရေးရာဝန်ကြီး၊ လမ်းပန်းဆက်သွယ်ရေးဝန်ကြီးတို့ ထံသို့ တိုင်းဒေသကြီးစည်ပင်သာယာရေးအဖွဲ့ ခေတ္တညွှန်ကြားရေးမှူး၊ မြို့နယ်စီမံအုပ်ချုပ်ရေး အဖွဲ့ ဥက္ကဋ္ဌနှင့် မြို့နယ်စည်ပင်သာယာရေးအဖွဲ့ အမှုဆောင်အရာရှိတို့က လမ်းဖွင့်ပွဲ အထိမ်းအမှတ် လက်ဆောင်အား ပေးအပ်ခဲ့ပြီးနောက် ဝန်ကြီးချုပ်နှင့် ဧည့်သည်တော်များသည် ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါ ကွန်ကရစ်လမ်းသည် ၂၀၂၃-၂၀၂၄ခု ဘဏ္ဍာရေးနှစ်၊ မော်လမြိုင်ကျွန်းမြို့နယ်စည်ပင်သာယာရေးအဖွဲ့ ငွေလုံးငွေရင်း ရန်ပုံငွေ၊ ပြည်သူလူထုစုပေါင်းထည့်ဝင်ငွေများဖြင့် ဆောင်ရွက်သည့်လမ်းဖြစ်ပြီး လမ်းအရှည် ၁၀၀၀ ပေ၊ အကျယ်၁၆ပေနှင့် ထု ၆လက်မရှိကာ မော်လမြိုင်ကျွန်းမြို့တွင်း လမ်းပန်း ဆက်သွယ်မှု ကောင်းမွန်စေရေးနှင့် မြို့အင်္ဂါရပ်နှင့်အညီ သာယာလှပစေရန် ဆောင်ရွက်ခဲ့သော လမ်းဖြစ်ကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် မော်လမြိုင်ကျွန်းမြို့နယ်၊ လပွတ္တလုပ်ကြီးကျေးရွာရှိ တောင်သူဦးသိန်းကြွယ်၏ ဆီထွက်သီးနှံ နေကြာ ရေဆင်း-၂ ( ၅ )ဧက ဖြစ်ထွန်းအောင်မြင်နေမှုများကို ကြည့်ရှုအားပေးခဲ့ပြီး မြေဩဇာကျွေးခြင်း၊ ရေပေးခြင်းများ စနစ်တကျဆောင်ရွက်စေရေး၊ နေကြာပွင့်များအား အရွယ်အစားအလိုက် မှတ်တမ်းထားရှိဆောင်ရွက်စေရေးနှင့် အောင်မြင်အောင်ဆောင်ရွက် စေရေး မှာကြားခဲ့သည်။


Read More...
19-Feb-2024
တိုင်းဒေသကြီးဝန်ကြီးချုပ် မော်လမြိုင်ကျွန်းမြို့နယ်ရှိ စနစ်ကျ စံပြလယ်ယာမြေ ဧက(၁၀၀)အား တောင်သူများထံသို့ လွှဲပြောင်းပေးအပ်ပွဲ အခမ်းအနားတက်ရောက်
၂၀၂၃-၂၀၂၄ဘဏ္ဍာရေးနှစ်၊ ပြည်ထောင်စုရန်ပုံငွေဖြင့်ဆောင်ရွက်သော စက်မှုလယ်ယာ စနစ်ကျ စံပြလယ်ယာမြေ ဧက(၁၀၀)အား တောင်သူများထံသို့ လွှဲပြောင်းပေးအပ်ပွဲ အခမ်းအနားကို ယနေ့နံနက်ပိုင်းက မော်လမြိုင်ကျွန်းမြို့နယ်၊ မရဲ့အုန်းပင်စုကျေးရွာ၌ ပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ တက်ရောက်ခဲ့သည်။ ဦးစွာတိုင်းဒေသကြီး ဝန်ကြီးချုပ်နှင့်အဖွဲ့သည် မရဲ့အုန်းပင်စုကျေးရွာရှိ စနစ်ကျလယ်ယာမြေ ဧက(၁၀၀) လွှဲပြောင်းပေးအပ်ပွဲ အခမ်းအနားသို့တက်ရောက်၍ ဖဲကြိုးဖြတ်ဖွင့်လှစ်ပေးပြီး အဆိုပါလယ်ဧကတွင် နွေစပါး နယူးဧရာ(၁)စပ် မျိုးစပါးပျိုးထောင်၍ ကောက်စိုက်သမများနှင့် စနစ်တကျစိုက်ပျိုးခြင်း၊ လက်ဆွဲကောက်စိုက်စက်၊ ကောက်စိုက်စက်ဖြင့် စနစ်တကျစိုက်ပျိုးခြင်း၊ (Seeder) စနစ်ဖြင့် စနစ်တကျစိုက်ပျိုးခြင်း များကိုကြည့်ရှုအားပေးခဲ့ပြီး မြေဆီလွှာဖွံ့ဖြိုးတိုးတက်ကောင်းမွန်ရန် စပါးခွံမြေဆွေးနှင့် ဓါတ်မြေဩဇာ အချိုးကျရောစပ်၍ စုပေါင်းမြေဩဇာကြဲပတ်နေမှုများကို ကြည့်ရှုအားပေးခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် စက်မှုလယ်ယာ စနစ်ကျ စံပြလယ်ယာမြေ ဧက(၁၀၀) ဖော်ထုတ်ဆောင်ရွက်ထားရှိမှု အခြေအနေအား ရှင်းလင်းတင်ပြခြင်းနှင့် တောင်သူ များအား နိုင်ငံ့စီးပွားမြှင့်တင်ရေးရန်ပုံငွေမှ ဓာတ်မြေဩဇာနှင့် သဘာဝမြေဩဇာ ထောက်ပံ့ ပေးအပ်ပွဲအခမ်းအနားသို့ တက်ရောက်ခဲ့ပြီး တိုင်းဒေသကြီးဝန်ကြီးချုပ်က “ဧရာဝတီတိုင်း ဒေသကြီးသည် သီးနှံစုံအထွက်တိုးရေးနှင့် ပန်းတိုင်အထွက်နှုန်းရောက်ရှိအောင် ကြိုးစား ဆောင်ရွက်လျက်ရှိပါကြောင်း၊ မရဲ့အုန်းပင်စုကျေးရွာသည် စံပြကျေးရွာအဖြစ်တည်ရှိပြီး စနစ်ကျလယ်ယာမြေတွင် ကောက်စိုက်စက်၊ လက်ဆွဲကောက်စိုက်စက်၊ မျိုးစေ့ချစိုက်နည်းစနစ် (Seeder)စသည့် ခေတ်မီစိုက်နည်းစနစ်များ စိုက်ပျိုးရမည်ဖြစ်ပါကြောင်း၊ ပန်းတိုင် အထွက်နှုန်းရောက်ရှိရန် မျိုး၊ မြေ၊ ရေ၊ နည်း စနစ်တကျ အကောင်အထည်ဖော် ဆောင်ရွက်ကြရမည်ဖြစ်ပါကြောင်း၊ စနစ်တကျမြေခံထည့်သွင်းခြင်း၊ မြေဩဇာ အချိုးကျ ထည့်သွင်းသုံးစွဲခြင်းများကိုလည်း ဆောင်ရွက်ကြရမည်ဖြစ်ပါကြောင်းနှင့် ယခုကဲ့သို့ စနစ်ကျ လယ်ယာမြေများဖော်ထုတ် စိုက်ပျိုးခြင်းဖြင့် သုံးသီးစိုက်လယ်မြေများဖြစ်ထွန်း အောင်မြင် စေရေး တိုင်းဒေသကြီး၏ စိုက်ပျိုးရေးလုပ်ငန်းများ ပိုမိုတိုတက်စေရေး ဌာနဆိုင်ရာများ၊ တောင်သူများက ဝိုင်းဝန်းပူးပေါင်းဆောင်ရွက်ကြစေလိုကြောင်း” အမှာစကားပြောကြားသည်။ ဆက်လက်၍ စက်မှုလယ်ယာဦးစီးဌာန၊ လက်ထောက်ညွှန်ကြားရေးမှူးက စက်မှုလယ်ယာ စနစ်ကျ စံပြလယ်မြေ ဧက(၁၀၀) ဖော်ထုတ်ဆောင်ရွက်ထားရှိမှု အခြေအနေနှင့် ရရှိမည့် အကျိုးကျေးဇူးများအားလည်းကောင်း တိုင်းဒေသကြီးလယ်ယာမြေစီမံခန့်ခွဲမှုနှင့် စာရင်းအင်းဦးစီးဌာန၊ ဦးစီးမှူးမှ မြေစာရင်းမြေပုံမှန်ကန်စေရေး ဆောင်ရွက်နေမှုနှင့် အကျိုးကျေးဇူးများအားလည်းကောင်း ရှင်းလင်းတင်ပြခဲ့ပြီးနောက် စက်မှုလယ်ယာ စနစ်ကျ စံပြလယ်မြေ ဧက(၁ဝဝ) ဖော်ထုတ်ရေးအဖွဲ့ အောက်မြန်မာပြည်(သံလျင်) အခြေစိုက် ဒုတိယတာဝန်ခံ ဦးစီးအရာရှိက စနစ်ကျလယ်ယာမြေဧက ဆောင်ရွက်ထားရှိမှု စာရွက်စာတမ်း နှင့် အထောက်အထားများအား တောင်သူများထံသို့ ပေးအပ်ရာတောင်သူများက လက်ခံရယူခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည်နိုင်ငံ့စီးပွားမြှင့်တင်ရေး ရန်ပုံငွေမှ ဓာတ်မြေဩဇာနှင့် သဘာဝမြေဩဇာများအားတောင်သူများထံ ထောက်ပံ့ပေးအပ်ခဲ့ပြီး တောင်သူများကိုယ်စား တောင်သူအစုအဖွဲ့ ဥက္ကဋ္ဌက ကျေးဇူးတင်စကားပြောကြားခဲ့ကာ တိုင်းဒေသကြီးဝန်ကြီးချုပ်က တစ်ဧကအထွက်နှုန်းများ ပိုမိုတိုးတက်ထွက်ရှိရေးအတွက် အထွက်တိုးမျိုးကောင်းမျိုးသန့်များ ပြောင်းလဲစိုက်ပျိုးရန်၊ စိုက်နည်းစနစ်များ ပြောင်းလဲ စိုက်ပျိုးရန်၊ စိုက်ပျိုးသီးနှံများ ပန်းတိုင်အထွက်နှုန်းရောက်ရှိအောင် ကြိုးပမ်းဆောင်ရွက်ကြရန်နှင့် တစ်နှစ်သုံးသီးအထိ စိုက်ပျိုးနိုင်ရေး ဆွေးနွေးပြောကြားခဲ့ပြီး တောင်သူများ၏ စိုက်ပျိုးရေးဆိုင်ရာ လိုအပ်ချက်များအား ဌာနဆိုင်ရာများနှင့် ပေါင်းစပ်ဆောင်ရွက်ပေးခဲ့ပြီး ပြသထားသည့် လယ်ယာသုံးစက်ပစ္စည်းများအား လှည့်လည်ကြည့်ရှု အားပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် စီးပွားချောင်ကျေးရွာအုပ်စုရှိ တောင်သူဦးတင်အောင်သန်း၏ စိုက်ဧက (၂၅၀)ဧက၌ စိုက်ပျိုးထားသည့် နယူးဧရာ(၁)စပ်မျိုး နွေစပါးစိုက်ခင်း ဖြစ်ထွန်းအောင်မြင်မှုများနှင့် ဓာတ်မြေဩဇာနှင့် သဘာဝမြေဩဇာ ရောစပ်ကြဲပက်နေမှုများကို ကြည့်ရှုအားပေးခဲ့ပြီး တာဝန်ရှိသူများမှ နယူးဧရာ(၁)စပ်မျိုး စပါး၏ ပင်ပွားရရှိမှု၊ တစ်နှံအောင်စေ့ပါဝင်မှု၊ စပါးခွံဘိုကာရှီ သဘာဝမြေဩဇာနှင့် ဓါတ်မြေဩဇာ အချိုးကျသုံးစွဲမှုဖြင့် ရရှိနိုင်သည့်အကျိုး ကျေးဇူးများရှင်းလင်းတင်ပြမှုအပေါ် တိုင်းဒေသကြီး ဝန်ကြီးချုပ်မှ အထွက်တိုးမျိုးကောင်းမျိုးသန့်များအား ကျယ်ကျယ်ပြန့်ပြန့်အသုံးပြုစေရေး၊ သဘာဝမြေဩဇာနှင့်ဓါတ်မြေဩဇာ အချိုးကျသုံးနိုင်ရေးနှင့် သီးထပ်စွမ်းအားမြှင့်တင်နိုင်ရေး ဆောင်ရွက်ရန်ဆွေးနွေးပြောကြားခဲ့သည်။


Read More...
19-Feb-2024
ဧရာဝတီတိုင်းဒေသကြီးဝန်ကြီးချုပ် မြန်အောင်ခရိုင်၊ ကြံခင်း မြို့နယ်ရှိ အကောက်တောင် စေတီတော်အားဖူးမြော်ကြည်ညို
တိုင်းဒေသကြီးဝန်ကြီးချုပ်သည် တာဝန်ရှိသူများလိုက်ပါလျက် ဖေဖော်ဝါရီ ၁၈ ရက်နေ့ နေ့လည်ပိုင်းတွင် မြန်အောင်ခရိုင်၊ ကြံခင်းမြို့နယ်၊ အကောက်တောင်စေတီတော်အား ဖူးမြော်ကြည်ညို၍ အလှူငွေများလှူဒါန်းခဲ့ကြသည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် အကောက်တောင်ကျောင်းတိုက် ဆရာတော် ဘဒ္ဒန္တနန္ဒါစာရအား ဖူးမြော်ကြည်ညို၍ သာသနာရေးဆိုင်ရာကိစ္စရပ်များ၊ အကောက်တောင်သာသနိကနယ်မြေအတွင်း သာသနိကအဆောက်အဦများတည်ဆောက်နေမှု၊ လမ်းပန်းဆက်သွယ်ရေးကောင်းမွန်စေရေးဆောင်ရွက်နေမှုအခြေအနေများတင်ပြလျှောက်ထားခဲ့ပြီးလှူဖွယ်ဝတ္တုပစ္စည်းများနှင့်အလှူငွေများ ဆက်ကပ်လှူဒါန်းခဲ့ပြီး လှူဒါန်းမှုအစုစုတို့အတွက် အမျှပေးဝေခဲ့ကြသည်။ ဆက်လက်၍ ရွှေမြင်းတင်စေတီတော်မြတ်ကြီးအား လှည့်လည်ဖူးမြော် ကြည်ညိုဖူးမြော်ခဲ့ပြီးနောက် အကောက်တောင်နံရံများရှိ နံရံကပ်ရုပ်ပွားတော် များအား ဖူးမြော်ခဲ့ကာ နံရံကပ်ရုပ်ပွားတော်များထိခိုက်ပျက်စီးမှု မရှိစေရေးထိန်းသိမ်း စောင့်ရှောက်ရန်၊ ဘုရားဖူးလာပြည်သူများ စိတ်အေးချမ်းသာစွာ ဖူးမြော်ကြည်နိုင်ရေးအတွက် ဘုရားပရဝဏ်အတွင်း သန့်ရှင်းသပ်ရပ်မှုရှိစေရေးဆောင်ရွက်ရန်မှာကြားခဲ့သည်။


Read More...
19-Feb-2024
တိုင်းဒေသကြီးဝန်ကြီးချုပ် ကျုံပျော်ခရိုင်၊ မြန်အောင်ခရိုင်များအတွင်းရှိ စိုက်ပျိုးရေးလုပ်ငန်းများအား ကြည့်ရှုစစ်ဆေး
ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ ကျုံပျော်ခရိုင်၊ မြန်အောင်ခရိုင်များ အတွင်းရှိ စိုက်ပျိုးရေးလုပ်ငန်းများအား ကြည့်ရှုစစ်ဆေးခဲ့ပြီး တောင်သူများ၏ တင်ပြချက်များအပေါ် သက်ဆိုင်ရာတာဝန်ရှိများသူနှင့် ပေါင်းစပ်ညှိနှိုင်းဆောင်ရွက်ပေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ကျုံပျော်ခရိုင်၊ ရေကြည်မြို့နယ်၊ ဆီဆုံကုန်းကျေးရွာရှိ တောင်သူဦးနိုင်ဝင်းဆွေ ၏ လယ်( ၅ )ဧက၌ စိုက်ပျိုးထားသည့် Super Sun 41 နေကြာဖြစ်ထွန်းအောင်မြင်နေမှုများနှင့် ငါးသိုင်းချောင်းမြို့၊ ဒေါင့်ကြီးဘက်ကျေးရွာရှိ တောင်သူ ဦးကျော်ညွန့်၏ စိုက်ဧက(၅)၌ စိုက်ပျိုးထားသည့် ပဲတီစိမ်း-နေကြာ သီးညှပ်စံပြစိုက်ခင်းဖြစ်ထွန်းအောင်မြင်နေမှုများကိုကြည့်ရှုအားပေးခဲ့ပြီး နေကြာပွင့်များ ထိခိုက်ပျက်စီးမှုမရှိစေရေး၊ ပိုးမွှားအန္တရာယ်ကျရောက်မှုမရှိစေရေး၊ မြေဩဇာကျွေးခြင်း၊ ရေပေးခြင်းများ စနစ်တကျဆောင်ရွက်စေရေးနှင့်အောင်မြင်​ အောင်ဆောင်ရွက်စေရေးမှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်ဇနီးနှင့် အစိုးရအဖွဲ့ဝင်ဝန်ကြီးများ၏ ဇနီးတို့သည် အင်္ဂပူမြို့နယ်၊ ထူးကြီးမြို့၊ အမှတ်(၃)ရပ်ကွက်ရှိ ဝါဆိုမဟာစည်သာသနာ့ရိပ်သာကျောင်းတိုက် ဆရာတော် ဘဒ္ဒန္တသုဇာတအမှုးပြု သော သံဃာတော် အရှင်သူမြတ်များအားဖူးမြော်ကြည်ညို၍ ငါးပါးသီလခံယူဆောက်တည်ခဲ့ကြကာ ဆရာတော် သံဃာတော်အရှင်သူမြတ်များထံမှ ပရိတ်တရားတော်များ ဆက်လက်နာယူကြည်ညိုခဲ့ကြပြီး ဆန်၊ ဆီ၊ လှူဖွယ်ပစ္စည်းနှင့် ဝတ္ထုငွေများ ဆက်ကပ်လှူဒါန်းခဲ့ကြသည်။ ဆက်လက်၍ ဝါဆိုမဟာစည်သာသနာ့ရိပ်သာကျောင်းတိုက် ဆရာတော် ဘဒ္ဒန္တသုဇာတထံမှ အနုမောဒနာတရားနာကြားခဲ့ကာလှူဒါန်းမှုအစုစုတို့အတွက် ရေစက်သွန်းချအမျှပေးဝေခဲ့ကြပြီး သံဃာတော် အရှင်သူမြတ်များအား နေ့ဆွမ်းဆပ်ကပ်လှူဒါန်းခဲ့ကြသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်မြို့နယ်၊ ဆင်သေကျေးရွာရှိ တောင်သူ ဦးအောင်ဌေး၏ စိုက်ဧက(၂)ဧက၌ ဆင်းရွှေကြာ(၂)နေကြာ အောင်မြင်ဖြစ်ထွန်းနေမှုများကို ကြည့်ရှုအားပေးခဲ့ပြီး တောင်သူများနှင့်တွေ့ဆုံ၍ ဆီဖူလုံရေးအတွက် နေကြာ၊ နှမ်း၊ မြေပဲစသည့် ဆီထွက်သီးနှံများတိုးချဲ့စိုက်ပျိုးနေမှုအခြေအနေများနှင့် ပန်းတိုင်အထွက်နှုန်းရရှိစေရေးဆောင်ရွက်နေမှုအ ​ခြေအနေများ ဆွေးနွေးပြောကြားခဲ့ပြီး တိုင်းဒေသကြီး၏ စိုက်ပျိုးရေးလုပ်ငန်းများ တိုးတက် အောင်မြင်စေရေး ဝိုင်းဝန်းကြိုးပမ်းဆောင်ရွက်ကြရန်မှာကြားခဲ့သည်။ ထို့နောက် ဝန်ကြီးချုပ်နှင့်အဖွဲ့သည် ရှားတောကျေးရွာသို့ သွားရောက်ခဲ့ပြီး မြေနုကျွန်းတွင် တောင်သူ(၇၀)ဦး၏ စိုက်ဧက( ၂၃၈) ဧက၌ ပဲလွန်း၊ ပဲယင်း၊ ပဲစိတ်တို/အပျိုကြီးပဲ၊ ပဲကြီး၊ ပဲတီစိမ်း၊ မြေပဲအဖြူ၊ ခရမ်းချဉ်သီး၊ပြောင်း၊ နေကြာစသည့် ပဲအမျိုးမျိုးနှင့် ဟင်းသီးဟင်းရွက်စိုက်ခင်းအား ကြည့်ရှုအားပေးပြီး တာဝန်ရှိသူများမှ သီးနှံများစိုက်ပျိုးမှုဖြစ်ထွန်းမှု၊ ရောင်းချရမှုအခြေအနေများရှင်းလင်းတင်ပြမှုအပေါ်ဖြစ်ထွန်းအောင်မြင်စေရန်၊ တိုးချဲ့စိုက်ပျိုးရန်နှင့် ပန်းတိုင်အထွက်နှုန်းရရှိစေရေးဆောင်ရွက်ရန် မှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ၂၀၂၃-၂၀၂၄ဘဏ္ဍာရေးနှစ်တွင် မြန်အောင်မြို့ ကမ်းထိန်းလုပ်ငန်း ဘိုးပိုင်အခြေပြုကျောက်စီတမံ အလျား၂၆၀ပေ တည်ဆောက်ခြင်းလုပ်ငန်းအား ကြည့်ရှုစစ်ဆေးခဲ့ပြီး တာဝန်ရှိသူများမှ ဆောင်ရွက်ပြီး၊ ဆောင်ရွက်ဆဲနှင့် ဆက်လက်ဆောင်ရွက်မည့်အခြေအနေများရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ ကမ်းထိန်းလုပ်ငန်းများရေရှည်တည်တံ့မှုရှိစေရေး အရည်အသွေးကောင်းမွန်ပြီး သတ်မှတ်ကာလအတွင်းပြီးစီးစေရေးနှင့် လုပ်ငန်းခွင် အန္တရာယ်ကင်းရှင်းစေရေး အလေးထားဆောင်ရွက်ရန်မှာကြားခဲ့ကြောင်းသိရသည်။


Read More...
18-Feb-2024
တိုင်းဒေသကြီးဝန်ကြီးချုပ် ကျုံပျော်ခရိုင်၊ မြောင်းမြခရိုင်၊ ပုသိမ်ခရိုင်အတွင်းရှိ စိုက်ပျိုးရေးလုပ်ငန်းများအား ကြည့်ရှုစစ်ဆေး
ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ ကျုံပျော်ခရိုင်၊ မြောင်းမြခရိုင်၊ ပုသိမ်ခရိုင်င် များအတွင်းရှိ စိုက်ပျိုးရေးလုပ်ငန်းများအား ကြည့်ရှုစစ်ဆေးခဲ့ပြီး တောင်သူများ၏ တင်ပြချက်များအပေါ် သက်ဆိုင်ရာတာဝန်ရှိများသူနှင့် ပေါင်းစပ်ညှိနှိုင်းဆောင်ရွက်ပေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ကျုံပျော်ခရိုင်၊ ကျောင်းကုန်းမြို့နယ်၊ ဇီးချောင်ကျေးရွာအုပ်စုရှိ တောင်သူဦးအောင်သန်းဦး၏ ရေကျနောက်စိုက် စိုက်ဧက( ၁၀ )ဧက တွင် GW-11 မျိုးစပါး စံကွက်ရိတ်သိမ်းနေမှုအားလည်းကောင်း၊ တောင်သူ ဦးဝေလင်းအောင်၏ စိုက်ဧက(၇)ဧကတွင် ဒုတိယသီးနှံ နွေစပါးတိုက်ရိုက်အစေ့ချ( Durm Seeder)ဖြင့် စိုက်ပျိုးနေမှုအားလည်းကောင်း ကြည့်ရှုအားပေးခဲ့ပြီး တောင်သူများနှင့်ရင်းရင်းနှီးနှီး တွေ့ဆုံ၍ သွင်းအားစုများစနစ်တကျ ထည့်သွင်းဆောင်ရွက်မှု၊ အထွက်တိုး မျိုးစပါးများနှင့် စိုက်နည်းစနစ်များပြောင်းလဲစိုက်ပျိုးမှု အထွက်နှုန်းတိုးတက်စေရေး ဆောင်ရွက်နေမှုများအား ဆွေးနွေးမေးမြန်းခဲ့ပြီး စပါးရိတ်သိမ်းပြီးပါက ဒုတိယသီးနှံများ ထပ်မံစိုက်ပျိုးစေရေး၊ သီးထပ်စွမ်းအားမြှင့်တင်စေရေးနှင့် ပန်းတိုင်အထွက်နှုန်း ရရှိစေရေးဆောင်ရွက်ရန်မှာကြားခဲ့ပြီး တောင်သူများ၏တင်ပြချက်များအပေါ် သက်ဆိုင်ရာတာဝန်ရှိသူများနှင့်ပေါင်းစပ်ညှိနှိုင်း ဖြည့်ဆည်းဆောက်ရွက်ပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် မြောင်းမြခရိုင်၊ ဝါးခယ်မမြို့နယ်၊ ကြာဖြူကျေးရွာရှိ တောင်သူဦးဝင်းဗိုလ်၏ လယ်မြေ(၅)ဧက ၌ ဆင်းရွှေကြာ(၂) မျိုးရွေးချယ်မြှင့်တင်ရေးစံပြကွက်၌ ဆီထွက်သီးနှံနေကြာ စံကွက်ရိတ်သိမ်းနေမှုအား ကြည့်ရှုအားပေးခဲ့ပြီး တာဝန်ရှိသူများမှ နေကြာပွင့်အရွယ်အစားအလိုက် နေကြာစေ့ ပါရှိမှုအခြေအနေများနှင့် မျိုးရွေးချယ်မှုအခြေအနေများရှင်းလင်းတင်ပြမှုအပေါ် တိုင်းဒေသကြီး ဝန်ကြီးချုပ်မှ နေကြာပွင့်အရွယ်အစားအလိုက် စနစ်တကျရေတွက်ထားရှိရန်၊ ရိတ်သိမ်းချိန် လေလွင့် မရှိစေရေးဂရုစိုက်ဆောင်ရွက်ရန်မှာကြားခဲ့ကာ စံကွက်ရိတ်သိမ်းနေမှုများကိုကြည့်ရှု အားပေးခဲ့ပြီး တတိယသီးနှံ နေကြာစမ်းသပ်စိုက်ခင်းနှင့် တတိယသီးနှံနှမ်း၊ နေကြာသီးညှပ် စိုက်ခင်း စမ်းသပ်စိုက်ပျိုးထားရှိမှုများအား ကြည့်ရှုအားပေးခဲ့သည်။ ထို့နောက် သဲကုန်းကျေးရွာ တောင်သူဦးပွား၏ နေကြာ၊ မြေပဲ စနစ်စကျသီးညှပ်(၄) ဧကစိုက်ခင်း စိုက်ပျိုးဖြစ်ထွန်းအောင်မြင်နေမှုနှင့် တစ်နှစ်သုံးသီးစိုက် လယ်ဧက( ၅)ဧကတွင် ပထမသီးနှံ စပါး၊ ဒုတိယသီးနှံ ပဲတီစိမ်း စိုက်ပျိုးပြီး၍ တတိယသီးနှံ နွေစပါး (ခွန်နှစ်)မျိုးသန့်စပါး စိုက်ပျိုးရန် ဆိုလာစနစ်ဖြင့်ရေတင်၍ မြေပြင်ထွန်ယက်နေမှုများကို ကြည့်ရှုအားပေးခဲ့ပြီး သီးထပ်စွမ်းအား မြှင့်တင်နိုင်ရေးနှင့် အောင်မြင်အောင်ဆောင်ရွက်စေရေးမှာကြားခဲ့သည်။ ဆက်လက်၍ ဝန်ကြီးချုပ်နှင့်အဖွဲ့သည် ဝါးခယ်မမြို့၊ သကျမဟာသီရိဘုရားကြီးအား ဖူးမြော်ကြည်ညို ၍ အလှူငွေများပေးအပ်ခဲ့ပြီး ဘုရားကြီးရှိ တကဲတော်၊ ပန်းေတာင်ပန်းစွဲများ၊ မှန်စီရွှေချ လက်ရာများ၊ ရုပ်လုံးရုပ်ကြွများစသည့် ရှေးလက်ရာများ ေရရှည်တည်တံ့ စေရေးနှင့် ထိခိုက် ပျက်စီးမှုမရှိစေရေး အလေးထားဆောင်ရွက်ရန်၊ ဘုရားပရဝဏ်အတွင်းအပြင် သန့်ရှင်းသပ်ရပ်မှု ရှိစေရေး ဆောင်ရွက်ရန်မှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် ဝါးခယ်မ - အိမ်မဲ - မြောင်းမြ ကားလမ်းဘေးဝဲယာရှိ ကျေးရွာအလိုက် ပိုက်ဆံလျှော်မျိုးစေ့ထုတ်စိုက်ခင်းများနှင့် ဝဲကြီးဝကျေးရွာရှိ တောင်သူဦးရွှေထွန်း၏ ဆီထွက်သီးနှံနေကြာ( Super Sun 41) (၅) ဧက စိုက်ခင်းဖြစ်ထွန်းအောင်မြင်မှုများကိုကြည့်ရှုအားပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်သည် ကန်ကြီးထောင့်မြို့နယ်၊ ဝါးဒူးကျေးရွာတွင် မတ်လ၂ ရက်နေ့၌ ကျင်းပပြုလုပ်မည့် တောင်သူလယ်သမားနေ့အခမ်းအနားတွင် ပြသရန်အတွက် စိုက်ပျိုးရေးဦးစီးဌာနမှ ကြိုတင်ပြင်ဆောင်ရွက်ထားသည့် သီးပင်စားပင်များ၊ သစ်ပင် ပန်းမန်များနှင့် အခမ်းအနားပြုလုပ်မည့်နေရာတို့အား ကြည့်ရှုစစ်ဆေးခဲ့ရာ တောင်သူ လယ်သမားနေ့အတွက် ကြိုတင်ပြင်ဆောင်ရွက်နေမှုအခြေအနေများအား တာဝန်ရှိသူများ၏ ရှင်းလင်းတင်ပြချက်များအပေါ် သီးပင်စားပင်များ စိမ်းလမ်းစိုပြေနေစေရေး၊ သစ်ပင်ပန်းမန်များ အချိန်မီဖူးပွင့်စေရေး၊ ပြခန်းများစုံလင်စွာဖြင့်အများပြည်သူ ဗဟုသုတရရှိစေရေးပြသနိုင်ရေးနှင့် လိုအပ်သည်များကို ဖြည့်စွက်မှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့် အဖွဲ့သည် ပုသိမ်ခရိုင်၊ သာပေါင်းမြို့နယ်၊ သဲဖြူကျေးရွာရှိ တောင်သူဦးမြင့်စိုး၏ စိုက်ဧက (၁၀)ဧကတွင် ဆီထွက်သီးနှံနေကြာ( Super Sun 41) စိုက်ပျိုးဖြစ်ထွန်းအောင်မြင်မှုများကို ကြည့်ရှုအားပေးခဲ့ပြီး တာဝန်ရှိသူများ၏ ရှင်းလင်းတင်ပြမှုများအပေါ် ပိုးမွှားအန္တရာယ် သတိထားဆောင်ရွက်စေရေး၊ မြေဩဇာကျွေးခြင်း၊ ရေပေးခြင်းများ အချိန်ကိုက်ဆောင်ရွက် စေရေးနှင့် အောင်မြင်အောင်ဆောင်ရွက်စေရေးမှာကြားသည်။ ဆက်လက်၍ အောင်တက် ကျေးရွာ နွေစပါး ဆင်းသုခ (RS-CS) မျိုးသန့်မျိုးစေ့ထုတ်စံပြစိုက်ခင်းမြေဩဇာ စုပေါင်းကြဲပတ် နေမှုအားကြည့်ရှုအားပေးခဲ့ပြီး သဘာဝမြေဩဇာ၊ ဓါတ်မြေဩဇာအချိုးကျ သုံးစွဲစေရေးနှင့် ပန်းတိုင်အထွက်နှုန်းရရှိစေရေး ဆောင်ရွက်ရန်မှာကြားခဲ့သည်။


Read More...
17-Feb-2024