ဧရာဝတီတိုင်းဒေသကြီး၊ဟိုင်းကြီးကျွန်းမြို့ ၊ဇီးချိုင်ကျေးရွာအုပ်စု၍တည်ထား ကိုးကွယ်တော်မူသည့် မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီး၏ ရင်ပြင်တော်တိုးချဲ့တည်ဆောက်ခြင်းလုပ်ငန်းများကို တိုင်းဒေသကြီး ဝန်ကြီးချုပ် ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ သွားရောက်ကြည့်ရှု စစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်သည် မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီး မြောက်ဘက်မုခ်ဦးလှေကား ဆောင်ရွက်နေမှု အခြေအနေများ၊ ကားရပ်နားနေရာဆောင်ရွက်နေမှုအခြေအနေများ၊ ရေကန်သန့်ရှင်းရေး ဆောင်ရွက်နေမှုအခြေအနေများအားကြည့်ရှုစစ်ဆေးခဲ့သည်။ ဆက်လက်၍ အပေါ်ရင်ပြင် မြေထိန်းနံရံ တည်ဆောက်ခြင်း လုပ်ငန်းဆောင်ရွက်နေမှုများ၊ ပန်းတင်ခုံဆောင်ရွက်နေမှုများ၊ အောက်ရင်ပြင် ေနပူခံကြွေပြားခင်းခြင်း ဆောင်ရွက်နေမှုများ၊ မဟာရံတံတိုင်းဆောင်ရွက်နေမှုများ၊ တံခွန်တိုင်ပြန်လည်ပြုပြင်တည်ဆောက်နိုင်ရေး ပြင်ဆင်ဆောင်ရွက်နေမှုများအောက်ရင်ပြင် အောက်အနှုတ်(၁၂)level မြေဖို့ခြင်းဆောင်ရွက်နေမှုများ၊ စေတီတော်ရင်ပြင်အောက်ဘက်ရှိ ကမ်းခြေဆင်းလမ်းနှင့် မြေနေရာရှင်းလင်းဆောင်ရွက်နေမှုအခြေအနေများအားကြည့်ရှုစစ်ဆေးခဲ့ရာ တာဝန်ရှိသူများက တည်ဆောက်ရေးလုပ်ငန်း ဆောင်ရွက်ပြီးစီးမှုအခြေအနေများ၊ ဆက်လက်ဆောင်ရွက်မည့်အခြေအနေများရှင်းလင်းတင်ပြမှုအပေါ် တိုင်းဒေသကြီး ဝန်ကြီးချုပ်မှ ​အောက်ရင်ပြင်တိုးချဲ့ခြင်းလုပ်ငန်းဆောင်ရွက်စဥ် စေတီ​တော်ကြီး၏ အ​ပေါ်ရင်ပြင်​မြေထိန်းနံရံကြံ့ခိုင်​​စေရေးအတွက်ပါ တစ်ပါတည်းပြီးစီးအောင်​ဆောင်ရွက်ရန်၊ တည်ဆောက်ရေး လုပ်ငန်းများအရည်အသွေးပြည့်မီရန်၊ သတ်မှတ်ကာလအတွင်းပြီးစီး စေရေး လူအင်အားစက်ယန္တရားများဖြင့် အင်အားပြည့်ဆောင်ရွက်ရန်နှင့် လုပ်ငန်းခွင်အန္တရာယ်ကင်းရှင်းစေရေးနှင့်သန့်ရှင်းမှုရှိစေရေး အလေးထားဆောင်ရွက်ရန် မှာကြားခဲ့ကာ မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီးအား ဖူးမြော်ကြည်ညိုခဲ့သည်။ ဆက်လက်၍ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်သည် ဟိုင်းကြီးကျွန်းမြို့၊ဟိုင်းကြီးအဝင်ရေလမ်းကောင်းမွန်ရေး ဆောင်ရွက် လျက်ရှိသည့် သောင်တူးခြင်းနှင့်နုန်းတားးကျောက်စီလှိုင်းကာတည်ဆောက်ရေး လုပ်ငန်းသို့ရောက်ရှိလာရာ တိုင်းဒေသကြီးဦးစီးမှူးက ဟိုင်းကြီးအဝင်ရေလမ်း ကောင်းမွန်ရေးအတွက် ၂၀၂၃-၂၀၂၄ ဘဏ္ဍာရေးနှစ် တိုင်းဒေသကြီးအစိုးရအဖွဲ့ ရန်ပုံငွေကျပ် ၄၉၅.၅၀ သန်းဖြင့် နုန်းတား‌ကျောက်စီလှိုင်းကာ(၅၀၀)ပေ ဆောင်ရွက်မှု အခြေအနေနှင့် ပြည်ထောင်စုရန်ပုံငွေကျပ် ၅၂၄.၆၄ သန်းဖြင့်သောင်တူးဖော်ခြင်း ဆောင်ရွက်မှုအခြေအနေတို့အား ရှင်းလင်းတင်ပြရာ လုပ်ငန်းများအားအချိန်မီပြီးစီးရေး၊ သောင်တူးစာများအားစနစ်တကျစွန့်ပစ်ရေးနှင့်အရည်အသွေးပြည့်မီစွာဆောင်ရွက်ရေးတို့ကိုမှာကြားပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် ဒီဇင်ဘာလ ၇ရက် နေ့ မွန်းလွဲပိုင်းတွင် အစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့်အတူ ကျောင်းကုန်းမြို့နယ်၊ ဂုံမင်းကျေးရွာအုပ်စုတွင် လယ်ဧက ၃၅၀ ဧကအားအကျိုးပြုမည့် ရှင်ပြန်မြောင်းမှ လယ်တီစုရွာဖျားအထိ ကားလမ်းဘေးဝဲယာ မြောင်းတူးဖော်ခြင်းလုပ်ငန်းဆောင်ရွက်နေမှုအားကြည့်ရှုစစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ကျုံပျော်- ပုသိမ်ကားလမ်းဘေးဝဲယာတစ်လျှောက် ပိုက်ဆံလျှော်မျိုး​စေ့ထုတ်စိုက်ခင်းများဖြစ်ထွန်းအောင်မြင်မှုများကိုကြည့်ရှုစစ်ဆေးခဲ့သည်။ ထို့နောက် ကျောင်းကုန်းမြို့နယ်၊ ဂုံမင်းကျေးရွာအုပ်စုတွင် လယ်ဧက ၃၅၀ ဧကအားအကျိုးပြုမည့် ရှင်ပြန်မြောင်းမှ လယ်တီစုရွာဖျားအထိ ကားလမ်းဘေးဝဲယာ မြောင်းတူးဖော်ခြင်း လုပ်ငန်းဆောင်ရွက်နေမှုအားကြည့်ရှုစစ်ဆေးခဲ့ပြီး တာဝန်ရှိသူများ၏ရှင်းလင်းတင်ပြမှုအပေါ် အောင်ရေလုံလောက်စွာရရှိစေရေး သတ်မှတ်ကာလအတွင်းပြီးစီးစေရေးမှာကြားခဲ့သည်။ အဆိုပါမြောင်းသည် အရှည်၆၆၀၀ပေ၊အကျယ်၂၀ပေ၊ အနက်ပျမ်းမျှ ၇ပေရှိပြီး ကျောင်းကုန်းမြို့နယ်၊ ဂုံမင်းကျေးရွာအုပ်စုတွင် မိုးစပါးရေကျနောက်စိုက်ဧက ၃၅၀အတွက်အောင်ရေနှင့်နွေစပါးစိုက်ပျိုးရန်အတွက်စိုက်ပျိုးရေနှင့်​ အောင်ရေလုံလောက်စွာသုံးစွဲနိုင်မှာဖြစ်ကြောင်းသိရသည်။

ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ် ဦးတင်မောင်ဝင်းသည် ယနေ့မွန်းလွဲပိုင်းတွင် အစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့်အတူ (၁၀၃)နှစ်မြောက်အမျိုးသားအောင်ပွဲနေ့ အထိမ်းအမှတ်အဖြစ်ပြုလုပ်သည့် လျှပ်စစ်မီးဖွင့်ပွဲ၊ ကွန်ကရစ်လမ်းသစ်ဖွင့်ပွဲများတက်ရောက်အားပေးခဲ့သည်။ ဦးစွာ တိုင်းဒေသကြီး ဝန်ကြီးချုပ်နှင့်တာဝန်ရှိသူများသည် (၁၀၃)နှစ်မြောက်အမျိုးသားအောင်ပွဲနေ့ အထိမ်းအမှတ်အဖြစ်ပြုလုပ်သည့် ရေကြည်မြို့နယ်၊ ကျွဲတလင်းကျေးရွာအုပ်စု၊ ရုံးတုံးအနောက်စုကျေးရွာ လျှပ်စစ်မီးဖွင့်ပွဲအခမ်းအနားသို့တက်ရောက်၍ တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးသည်။ ယင်းနောက် တိုင်းဒေသကြီးဝန်ကြီးချုပ်သည် ကျေးရွာမီးလင်းရေး လျှပ်စစ်မီးအား မီးခလုတ်နှိပ်၍ ဆက်လက်ဖွင့်လှစ်ပေးကာ ဆိုင်းဘုတ်အား တာဝန်ရှိသူများနှင့်အတူ အမွှေးနံ့သာရည်များပက်ဖျန်းပေးခဲ့ပြီး ဧည့်သည်တော်များနှင့်အတူ စုပေါင်းမှတ်တမ်းတင် ဓာတ်ပုံများရိုက်ကူး၍ ကျေးရွာအတွင်း မီတာတပ်ဆင် ထားမှုများနှင့် လျှပ်စစ်မီးသုံးစွဲမှုများအား လှည့်လည်ကြည့်ရှုစစ်ဆေးခဲ့သည်။ အဆိုပါကျေးရွာတွင် နေအိမ်၃၇လုံးအားလျှပ်စစ်မီးစတင်သုံးစွဲလျက်ရှိကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် (၁၀၃)နှစ်မြောက်အမျိုးသားအောင်ပွဲနေ့ကို ကြိုဆိုဂုဏ်ပြုသောအားဖြင့် ဖွင့်လှစ်သည့် ငါးသိုင်းချောင်းမြို့၊ မြို့သစ်ရပ်ကွက်၊ အနော်ရထာလမ်း ကွန်ကရစ်လမ်းသစ်ဖွင့်အား တက်ရောက်ခဲ့ပြီး တိုင်းဒေသကြီး ဝန်ကြီးချုပ်သည် အစိုးရအဖွဲ့ဝင် ဝန်ကြီးများနှင့်အတူ ကွန်ကရစ်လမ်းသစ်အား ဖဲကြိုးဖြတ်ဖွင့်လှစ်ပေးပြီးနောက် တိုင်းဒေသကြီးစည်ပင်သာယာရေးအဖွဲ့ ခေတ္တညွှန်ကြားရေးမှူးက လမ်းဖွင့်ပွဲအထိမ်းအမှတ်လက်ဆောင်အား ပေးအပ်ခဲ့သည်။ ထို့နောက် ဝန်ကြီးချုပ်နှင့် ဧည့်သည်တော်များသည် ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါ ကွန်ကရစ်လမ်းသည် ၂၀၂၃-၂၀၂၄ခု ဘဏ္ဍာရေးနှစ်၊ ငါးသိုင်းချောင်းမြို့စည်ပင်သာယာရေးအဖွဲ့ ငွေလုံးငွေရင်းရန်ပုံငွေဖြင့် ဆောင်ရွက်သည့် လမ်းဖြစ်ပြီး လမ်းအရှည် ၄၄၅ပေ၊ အကျယ်၁၀ပေနှင့် ထု ၈လက်မရှိကြောင်း သိရသည်။ အလားတူ တိုင်းဒေသကြီး ဝန်ကြီးချုပ်သည် ကျုံပျော်မြို့၊ အောင်ဆန်းရပ်ကွက်၊ ဦးဖိုးခလမ်းအား တာဝန်ရှိသူများနှင့်အတူ တက်ရောက်၍ ဖဲကြိုးဖြတ်ဖွင့်လှစ်ပေးသည်။ ယင်းနောက် တိုင်းဒေသကြီးစည်ပင်သာယာရေးအဖွဲ့ ခေတ္တညွှန်ကြားရေးမှူးက လမ်းဖွင့်ပွဲအထိမ်းအမှတ်လက်ဆောင်အား ပေးအပ်ခဲ့ပြီး ဝန်ကြီးချုပ်နှင့် ဧည့်သည်တော်များသည် ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါ ကွန်ကရစ်လမ်းသည် ၂၀၂၃-၂၀၂၄ခု ဘဏ္ဍာရေးနှစ်၊ ကျုံပျော်မြို့နယ်စည်ပင်သာယာရေးအဖွဲ့ ငွေလုံးငွေရင်းရန်ပုံငွေဖြင့် ဆောင်ရွက်သည့် လမ်းဖြစ်ပြီး လမ်းအရှည် ၅၃၀ပေ၊ အကျယ်၁၄ပေနှင့် ထု ၈လက်မရှိကြောင်း သိရသည်။

ဧရာဝတီတိုင်းဒေသကြီး ဝန်ကြီးချုပ်သည် ရေကြည်မြို့အခြေခံပညာအထက်တန်းကျောင်းတွင် ပြုလုပ်သည့် ၂၀၂၃-၂၀၂၄ခု ဘဏ္ဍာရေးနှစ်၊ ပြည်ထောင်စု ဘဏ္ဍာရန်ပုံငွေ၊ ကျောင်းသားကျောင်းသူဟောင်းများစုပေါင်းလှူဒါန်း ငွေဖြင့် ဆောင်ရွက်သည့်တေဇာသီရိခန်းမဆောင်ဖွင့်ပွဲသို့ တက်ရောက်ခဲ့ပြီး တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးကာ ကမ္ဗည်းမော်ကွန်းအား အမွှေးနံ့သာရည်များ ပက်ဖျန်းပေးခဲ့ပြီး ခန်းမပြင်ဆင်ထားရှိမှုများအားလှည့်လည်ကြည့်ရှုစစ်ဆေးခဲ့ပြီး ဘင်ခရာအဖွဲ့နှင့် ပန်းပွားအကအဖွဲ့တို့အား ချီးမြှင့်ငွေများပေးအပ်ခဲ့သည်။ ဆက်လက်၍ အဆိုပါ တေဇာသီရိခန်းမ၌ (၃၇)ကြိမ်မြောက် အာစရိယပူဇော်ပွဲအခမ်းအနားတက်ရောက်ခဲ့ရာ ကျောင်းသား၊ကျောင်းသူဟောင်းနှစ်ဦးက“အိုဘယ့်မြတ်ဆရာ”သီချင်းဖြင့်ပူဇော်သီဆို ဖွင့်လှစ်ခဲ့ပြီးနောက် တိုင်းဒေသကြီးဝန်ကြီးချုပ်က“ ရေကြည်မြို့အခြေခံပညာအထက်တန်းကျောင်း၏ ဆရာကြီး၊ဆရာမကြီးများအား ပူဇော်ကန်တော့ပွဲကို နှစ်စဉ်နှစ်တိုင်း အမျိုးသားအောင်ပွဲနေ့တွင် ကျင်းပပြုလုပ်ခဲ့သည်မှာ(၃၇)ကြိမ်မြောက် ရှိပြီဖြစ်ပါကြောင်း၊ မိမိတို့အနေဖြင့် ကန်တော့ခံ ဆရာကြီး၊ ဆရာကြီးများ၏ သွန်သင်ဆုံးမမှုအောက်တွင် ကြီးပြင်းခဲ့ရပြီး နိုင်ငံ့တာဝန်များကိုလည်း ထမ်းဆောင်ခွင့်ရခဲ့ပါကြောင်း၊ ယခုအာစရိယပူဇော်ကန်တော့ပွဲ ပြုလုပ်သည့် တေဇာသီရိခန်းမဆောင်အား ပြည်ထောင်စုရန်ပုံငွေ၊ တပည့်ဟောင်းများ၏ စုပေါင်းလှူဒါန်းမှုများ၊ စေတနာရှင်ပြည်သူများ၏ လှူဒါန်းမှုများဖြင့် ပြန်လည်မွမ်းမံပြုပြင်ဆောင်ရွက်ခဲ့ပြီး အမျိုးသားအောင်ပွဲနေ့အမီပြီးစီးစေရးဆောင်ရွက်ခဲ့ပါကြောင်း၊ ခန်းမပြန်လည်ပြုပြင်မွမ်းမံပြီးဖြစ်၍ ဆရာကြီး၊ ဆရာမကြီးများစိတ်အေးချမ်းသာစွာကန်တော့ခံနိုင်ပြီဖြစ်ပါကြောင်း၊ ဆရာကြီး၊ဆရာမကြီးများသည် တပည့်များအပေါ် မတတ်သည်များကိုတတ်အောင်၊ မသိသည်များကိုသိ‌ရှိ‌အောင်၊ နားမလည်သည်များကို နားလည်အောင်၊ မကျွမ်းသည်များကိုကျွမ်းကျင်အောင်၊ မလိမ္မာသည်များကို လိမ္မာအောင်၊မယဉ်ကျေးသည်များကို ယဉ်ကျေးအောင်၊ လမ်းမှားရောက်နေသည်များကို လမ်းမှန်ရောက်အောင် သွန်သင်ဆုံးမပေးခဲ့ပြီး အများအကျိုးကိုယ်ကျိုးမဖက် ထမ်းရွက်တတ်သူ အနန္တော၊ အနန္တဂိုင်းဝင်ဆရာကြီး၊ဆရာမကြီးများပင်ဖြစ်ပါကြောင်း၊ မိမိတို့တပည့်များအနေဖြင့် ဆရာကြီး၊ ဆရာမကြီးများ၏ လိုအပ်သည်များကို မမြင်မိ၊ မကြားမိခဲ့မှုများရှိပါကလည်း ခွင့်လွှတ်ပေးပါရန် ကန်တော့အပ်ပါကြောင်း၊ ဆရာကြီး၊ဆရာမကြီးများ၏ ရေရှည်ကျန်းမာရေးစောင့်ရှောက်မှုများဆောင်ရွက်ပေးနိုင်ရေး ကြိုးစားသွားမည်ဖြစ်ပါကြောင်းနှင့် ယခုထက်ကောင်းမွန်သည့် ကန်တော့ပွဲများ ဖြစ်မြောက်စေရေးအတွက်လည်း ကြိုးစားသွားမည်ဖြစ်ပါကြောင်း” ဝမ်းမြောက်နှုတ်ခွန်းဆက်စကားပြောကြားသည်။ ဆက်လက်၍ အာစရိယပူဇော်ပွဲဖြစ်မြောက်ရေးကော်မတီ ဥက္ကဋ္ဌက ကျေးဇူးတင်စကားများ ပြောကြားခဲ့ပြီးနောက် ကျောင်းသားဟောင်းတစ်ဦးက “မေတ္တာရေကြည်မြတ်ဆရာ” ကျန်းမာရေးစောင့်ရှောက်မှုအဖွဲ့အနေဖြင့် အငြိမ်းစားဆရာကြီး၊ ဆရာမကြီးများအား ကျန်းမာရေးစောင့်ရှောက်ပေးနေမှု အခြေအနေများကို ရှင်းလင်းတင်ပြသည်။ ထို့‌နောက် အာစရိယပူဇော်ပွဲသို့ တက်ရောက်လာကြသည့် ကန်တော့ခံဆရာကြီး၊ ဆရာမကြီးများအား တိုင်းဒေသကြီးဝန်ကြီးချုပ်နှင့်ဇနီး၊ ကျောင်းသား၊ကျောင်းသူဟောင်းများက လှူဖွယ်ပစ္စည်းများဖြင့် လှူဒါန်းပူဇော်ကန်တော့ကြသည်။ ဆက်လက်၍ ကျောင်းသားဟောင်းတစ်ဦးက ကန်တော့ချိုးဖြင့် ဦးဆောင်တိုင်တည်ကာ ဆရာကြီး၊ ဆရာမကြီးများအား စုပေါင်းကန်တော့ခဲ့ကြပြီး ဆရာကြီး၊ ဆရာမကြီးများအတွက် ဝန်ကြီးချုပ်နှင့် ဇနီး၊ စေတနာရှင်အလှူရှင်များက ဆေးပဒေသာပင်အလှူငွေများဆက်လက်လှူဒါန်းရာ အာစရိယပူဇော်ပွဲဖြစ်မြောက်ရေးကော်မတီ ဥက္ကဋ္ဌနှင့် အဖွဲ့ဝင်များက လက်ခံရယူခဲ့ပြီးနောက် အပူဇော်ခံဆရာကြီးနှစ်ဦးက ဆုံးမစကားများပြောကြားသည်။ ထို့နောက် ကျောင်းသား၊ ကျောင်းသူဟောင်းများ၊ စေတနာရှင်ကုသိုလ်ရှင်များ၏ ကောင်းမှုအစုစုတို့ကို အမျှပေးဝေခဲ့ကာ “ကျောင်းဆရာ”သီချင်းအား သံပြိုင်သီဆို၍ အာစရိယပူဇော်ကန်တော့ပွဲအခမ်းအနားအား ရုပ်သိမ်းခဲ့သည်။

၂၀၂၃ခုနှစ်၊ (၁၀၃)နှစ်မြောက် အမျိုးသားအောင်ပွဲနေ့ကို ကြိုဆိုဂုဏ်ပြုသောအားဖြင့် ၂၀၂၃-၂၀၂၄ခုဘဏ္ဍာရေးနှစ်၊ ရေကြည်မြို့နယ်စည်ပင်သာယာရေးအဖွဲ့နှင့် ပြည်သူလူထုပူးပေါင်းဆောင်ရွက်သော အောင်ဆန်းရပ်ကွက်(၄)လမ်း ကွန်ကရစ်လမ်းသစ်ဖွင့်ဖွဲအခမ်းအနားကို ယနေ့နံနက်ပိုင်းက အဆိုပါလမ်းတွင်ပြုလုပ်ခဲ့ရာ တိုင်းဒေသကြီးဝန်ကြီးချုပ်ဦးတင်မောင်ဝင်းသည် တာဝန်ရှိသူများ နှင့်အတူ တက်ရောက်ဖွင့်လှစ်ပေးခဲ့သည်။ ဦးစွာကွန်ကရစ်လမ်းသစ်အား တိုင်းဒေသကြီးဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီး၊ လမ်းပန်းဆက်သွယ်ရေးဝန်ကြီး၊ ကျုံပျော်ခရိုင်စီမံအုပ်ချုပ်ရေးအဖွဲ့ ဥက္ကဋ္ဌတို့က ဖဲကြိုးဖြတ်ဖွင့်လှစ်ပေးသည်။ ထို့နောက် တိုင်းဒေသကြီးဝန်ကြီးချုပ်အား ရေကြည်မြို့နယ်စည်ပင်သာယာရေးအဖွဲ့ အမှုဆောင်အရာရှိက ကွန်ကရစ်လမ်းသစ်ဖွင့်ပွဲ အထိမ်းအမှတ်လက်ဆောင်အား ပေးအပ်ခဲ့ပြီးနောက် စုပေါင်းမှတ်တမ်းတင် ဓာတ်ပုံများရိုက်ကူးခဲ့ကြပြီး ဝန်ကြီးချုပ်နှင့် ဧည့်သည်တော်များသည် ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါလမ်းသည် ရေကြည်မြို့နယ်စည်ပင်သာယာရေးအဖွဲ့နှင့် ပြည်သူလူထု ပူးပေါင်းဆောင်ရွက်သောလမ်းဖြစ်ပြီး လမ်းအရှည် ၄၈၀ပေ၊ အကျယ် ၁၂ပေနှင့် ထု၆လက်မရှိကြောင်းသိရသည်။