ပြည်ပပို့ကုန်တိုးမြှင့်တင်ပို့ရေးနှင့် တန်ဖိုးမြှင့်ထုတ်ကုန်တိုးချဲ့ထုတ်လုပ်နိုင်ရေးအလုပ်ရုံဆွေးနွေးပွဲအား ယနေ့နံနက်ပိုင်းက ပုသိမ်မြို့၊Swen Hotel အစည်းအဝေးခန်းမ၌ ပြုလုပ်ခဲ့ရာ တိုင်းဒေသကြီး ဝန်ကြီးချူပ်ဦးတင်မောင်ဝင်း၊အစိုးရအဖွဲ့ဝင် ဝန်ကြီးများ၊စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊မြန်မာကုန်သွယ်မှုမြှင့်တင်ရေးအဖွဲ့ ဒုတိယညွှန်ကြားရေးချုပ်နှင့်တာဝန်ရှိသူများ၊ သက်ဆိုင်ရာဌာနများမှတာဝန်ရှိသူများ၊ လုပ်ငန်းရှင်များတက်ရောက်ခဲ့ကြသည်။ အလုပ်ရုံဆွေးနွေးပွဲတွင် တိုင်းဒေသကြီး ဝန်ကြီးချုပ်က “မိမိတို့တိုင်းဒေသကြီးသည် ရေခံမြေခံကောင်းမွန်ပြီး စိုက်ပျိုးမွေးမြူရေးလုပ်ငန်းများအား အဓိကအားထားလုပ်ကိုင်နေသည့် တိုင်းဒေသကြီးဖြစ်ပါကြောင်း၊  သား၊ ငါး မွေးမြူရေးလုပ်ငန်းများအပြင် ကမ်းရိုးတန်းရှည်လျားသည့်တိုင်းဒေသကြီးဖြစ်၍ ၎င်းတို့အားအခြေပြု၍ ရေထွက်လုပ်ငန်းများလည်း ဖွံ့ဖြိုးတိုးတက်သည့် တိုင်းဒေသကြီးဖြစ်ပါကြောင်း၊ မိမိတို့တိုင်းဒေသကြီး၌ စိုက်ပျိုးမွေးမြူရေးနှင့် ပတ်သက်သည့်ကုန်ကြမ်းများစွာထွက်ရှိပြီး ကုန်ကြမ်းများအား ကုန်ချောပြုလုပ်၍ ပြည်ပပို့ကုန်အဖြစ်တိုးမြှင့်ရန်နှင့် တန်ဖိုးမြှင့်ထုတ်ကုန်များ ထုတ်လုပ်နိုင်ရန်အတွက် အလားအလာကောင်း များရှိနေပါကြောင်း၊ စိုက်ပျိုးရေးထွက်ကုန်များထဲမှ ပြည်ပသို့ ပုံမှန်တင်ပို့နေတဲ့အမယ်များအပြင် အလားအလားရှိတဲ့ အမယ်သစ်များကိုလည်း ပြည်ပစျေးကွက်များနှင့်ချိတ်ဆက် ပြီးတိုးချဲ့တင်ပို့နိုင်ရေးဆောင်ရွက်ရန်လိုပါကြောင်း၊ ယနေ့ပြုလုပ်သည့် အလုပ်ရုံဆွေးနွေးပွဲအား ပညာရှင်များ၊ လုပ်ငန်းရှင်များ၊ ဌာနဆိုင်ရာများအားလုံး ပါဝင်ဆွေးနွေးသည့်အတွက် တိုင်းဒေသကြီး၏ ပြည်ပပို့ကုန်တိုးမြှင့်တင်ပို့ရေးနှင့် တန်ဖိုးမြှင့်ထုတ်ကုန်တိုးချဲ့ထုတ်လုပ်နိုင်ရေးအတွက်များစွာအ ကျိုးပြုမှာဖြစ်ပါကြောင်း နှင့်ဆွေးနွေးပွဲသို့ တက်ရောက်လာသူများက တိုင်းဒေသကြီးအကျိုး‌မျှော်ကိုး၍ ရလာဒ်ကောင်းများထွက်ပေါ်ပြီး အမြန်ဆုံး အကောင်အထည်ဖော်နိုင်ရန် ဝိုင်းဝန်းအကြံပြုဆွေးနွေးပေးကြစေလိုကြောင်း”အဖွင့်မိန့်ခွန်းပြောကြားခဲ့သည်။ ယင်းနောက် စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊မြန်မာကုန်သွယ်မှုမြှင့်တင်ရေးရေးအဖွဲ့ ဒုတိယညွှန်ကြားရေးချုပ်က အမှာစကားများဆက်လက် ပြောကြားခဲ့ပြီး စုပေါင်းမှတ်တမ်းတင်ဓာတ်ပုံများရိုက်ကူးခဲ့ကြသည်။ ထို့နောက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊မြန်မာကုန်သွယ်မှုမြှင့်တင်ရေးရေးအဖွဲ့ ဒုတိယညွှန်ကြားရေးချုပ်က ပြည်ပပို့ကုန် တိုးမြှင့်တင်ပို့နိုင်ရေးအတွက် လိုအပ်ချက်များခေါင်းစဉ်ဖြင့်လည်းကောင်း၊ စားသုံးသူရေးရာဦးစီးဌာနမှ ညွှန်ကြားရေးမှူးက ကုန်စည်ဒိုင်ဖွံ့ဖြိုးတိုးတက်ရေးနှင့် ပြည်တွင်းကုန်သွယ်မှု မြှင့်တင်ရေးခေါင်းစဉ်ဖြင့်လည်းကောင်း၊စက်မှုကြီးကြပ်ရေးနှင့်စစ်ဆေးဦးစီးဌာနမှ ညွှန်ကြားရေးမှူးက စက်မှုထုတ်ကုန်ပစ္စည်းများဖြင့် ပြည်ပပို့ကုန်တိုးမြှင့်ရေး ခေါင်းစဉ်ဖြင့်လည်းကောင်း၊ မြန်မာကုန်သွယ်မှုမြှင့်တင်ရေးရေးအဖွဲ့မှ ညွှန်ကြားရေးမှူးက (The General Administration of Customs of China-GACC) အကြောင်း သိကောင်းစရာခေါင်းစဉ်ဖြင့်လည်းကောင်း၊ ဧရာဝတီတိုင်းဒေသကြီး ပီလောပီနံစိုက်ပျိုးထုတ်လုပ်တင်ပို့ ရောင်းချသူများအသင်း ဥက္ကဋ္ဌနှင့်  MAE Co Ltdမှ ဦးဆောင်ညွှန်ကြားရေးမှူးတို့က ဆက်လက်ဆွေးနွေးခဲ့ကြကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်ဇနီး၊တိုင်းဒေသကြီးအစိုးရအဖွဲ့ဝင်ဝန်ကြီးများသည် ဟင်္သာတမြို့နယ်၊လိပ်ချောင်းကျေးရွာ၊ စလင်းကျောင်းကြီးကျောင်းတိုက်၌ ခေတ္တသီတင်းသုံးနေထိုင်တော်မူသည့် အဘိဓဇ အဂ္ဂမဟာ သဒ္ဓမ္မဇောတိက၊ အဂ္ဂမဟာ ကမ္မဌာနာစရိယ၊ ဒေါက်တာ ဘဒ္ဒန္တ အာစိဏ္ဏ ကျေးဇူးတော်ရှင် ဖားအောက်ဆရာတော်ဘုရားကြီးအား ဖူးမြော်ကြည်ညို၍ အလှူငွေများနှင့် လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ပြီး သာသနာရေးဆိုင်ရာကိစ္စရပ်များလျှောက်ထားတင်ပြခဲ့ပါသည်။ ထို့နောက် ၁၃၈၄ခုနှစ်၊ တပေါင်းလဆန်း(၁)ရက်နေ့တွင် စလင်းကျောင်းကြီးကျောင်းတိုက်၌  စိန်ဖူးတော်၊ငှက်မြတ်နားတော်၊ရွှေထီးတော် အထွဋ်တင်လှူပူဇော်ခြင်းနှင့် ဗုဒ္ဓါဘိသေက အနေကဇာတင် မင်္ဂလာပြုလုပ်မည့် နှစ်ကျိပ်ရှစ်ဆူ ကောင်းမှုတော် ဝိသုံဂါမသိမ် စေတီတော်မြတ်ကြီးအား လှည့်လည်ဖူးမြော်ကြည်ညိုခဲ့ကြောင်းသိရသည်။

ဧရာဝတီတိုင်းဒေသကြီးအစိုးရအဖွဲဲ့ ဝန်ကြီးချုပ်သည် ပုသိမ်တက္ကသိုလ်ဘွဲ့နှင်းသဘင်ခန်းမ၌ ပြုလုပ်သည့် တက္ကသိုလ်၊ဒီဂရီကောလိပ်ဇုန်အလိုက် အမျိုးသားဘောလုံးပြိုင်ပွဲ အောင်နိုင်ရေးအလံပေးအပ်ပွဲအခမ်းအနားသို့ တက်ရောက်ခဲ့ရာ တိုင်းဒေသကြီးဝန်ကြီးချုပ်အား တက္ကသိုလ်၊ဒီဂရီကောလိပ်ဇုန်အလိုက် အမျိုးသားဘောလုံးပြိုင်ပွဲသို့ ဝင်ရောက်ယှဉ်ပြိုင်မည့်  ပုသိမ်တက္ကသိုလ်ဇုန် အမျိုးသားဘောလုံးအသင်း အုပ်ချုပ် ၊ နည်းပြ ၊ အားကစားသမားများနှင့် တစ်ဦးချင်းမိတ်ဆက်ပေးပြီး အသင်းအုပ်ချုပ်သူက  ပြိုင်ပွဲဝင်ရောက်ယှဥ်ပြိုင်မည့် အစီအစဉ်များအား ရှင်းလင်းတင်ပြသည်။ ယင်းနောက် တိုင်းဒေသကြီးဝန်ကြီးချုပ်က“အားကစားသမားများအနေဖြင့် အသင်းအဖွဲ့ စိတ်ဓာတ်၊ အချိတ်အဆက် မျှမျှတတဖြင့် ကြိုးစားယှဉ်ပြိုင် သွားကြရန်၊ ကျန်းမာရေးကို အထူးဂရုစိုက်ကြရန်၊ အာဟာရပြည့်ဝသည့် အစားအစာများကို စားသောက်ရန်၊ အသင်းအုပ်ချုပ်သူများအနေဖြင့်လည်း စည်းကမ်းစနစ်တကျ ဖြစ်စေရေး ကြပ်မတ်ဆောင်ရွက်ပေးရန်နှင့် အောင်ပွဲများရရှိပြီး တိုင်းဒေသကြီးနှင့် တက္ကသိုလ်ဂုဏ်ဆောင် အားကစားသမားများဖြစ်စေရေး” မှာကြားခဲ့ပြီး ပြိုင်ပွဲဝင် အားကစားသမားများအား အောင်နိုင်ရေးအလံနှင့်ချီးမြှင့်ထောက်ပံ့ငွေများပေးအပ်ခဲ့သည်။ ထို့နောက် မြို့နယ်စည်ပင်သာယာရေးအဖွဲ့မှ ဆောင်ရွက်လျက်ရှိသည့် ပုသိမ်တက္ကသိုလ်အဝင်မုခ်ဦးမှ ငါးအောက်ချောင်း အထိ အလျား(၆၁၀) ပေမြေသားတာဘောင်ဖို့ခြင်းလုပ်ငန်းဆောင်ရွက်နေမှုများကိုကြည့်ရှုစစ်ဆေးခဲ့ပြီး မြေသားအမာခံရရှိစေရေး၊ ရေစီးရေလာကောင်းမွန်စေရေးနှင့် သတ်မှတ်ကာလအတွင်းပြီးစီးစေရေးမှာကြားခဲ့သည်။

ဧရာဝတီတိုင်းဒေသကြီးအစိုးရအဖွဲ့ ဥပဒေ(မူကြမ်း) ရေးဆွဲရေးသင်တန်းဖွင့်ပွဲအား ပုသိမ်မြို့၊ဧရာရွှေဝါခန်းမ၌ ယနေ့နံနက်ပိုင်းက ပြုလုပ်ခဲ့ရာ တိုင်းဒေသကြီး ဝန်ကြီးချုပ်ဦးတင်မောင်ဝင်း၊အစိုးရအဖွဲ့ဝင် ဝန်ကြီးများနှင့် ဌာနဆိုင်ရာ သင်တန်းသား၊သင်တန်းသူများ တက်ရောက်ခဲ့ကြသည်။ သင်တန်းဖွင့်တွင် တိုင်းဒေသကြီး ဝန်ကြီးချုပ်က“ ဖွဲ့စည်းပုံအခြေခံဥပဒေ (၂၀၀၈)ခုနှစ်၊  ဇယား(၂)ပါ တိုင်းဒေသကြီးသို့မဟုတ်ပြည်နယ်များ၏ ဥပဒေပြုစာရင်းနှင့် ဇယား(၅)ပါ တိုင်းဒေသကြီးသို့မဟုတ်ပြည်နယ်များက ကောက်ခံရမည့်အခွန်အခများစာရင်းတွင် ဧရာဝတီတိုင်းဒေသကြီးအနေဖြင့် ဥပဒေပြဋ္ဌာန်းနိုင်ခြင်းမရှိသေးသည့် ကဏ္ဍများအတွက် ပြည်ထောင်စုကပြဋ္ဌာန်းပေးထားသည့် ဥပဒေများ၊ သက်ဆိုင်ရာဝန်ကြီးဌာနများကထုတ်ပြန်ထားသောနည်းဥပဒေများ၊ ညွှန်ကြားချက်များနှင့်အညီ မိမိတို့တိုင်းဒေသကြီးအတွင်း ဥပဒေပြဋ္ဌာန်း၍ အကောင်အထည်ဖော်ဆောင်ရွက်ရန်လိုအပ်သည့်ကဏ္ဍများအတွက် သက်ဆိုင်ရာတိုင်းဒေသကြီးအဆင့် ဌာနဆိုင်ရာများက  ဥပဒေ၊ နည်းဥပဒေများရေးဆွဲ ပြဋ္ဌာန်းနိုင်ရေးအတွက် အထောက်အကူပြုနိုင်ရန် ဥပဒေ(မူကြမ်း) ရေးဆွဲရေးသင်တန်းအားဖွင့်လှစ်ရခြင်းဖြစ်ပါကြောင်း၊ ပြဋ္ဌာန်းမည့်ဥပဒေ(မူကြမ်း)များကိုလည်း နိုင်ငံတော်စီမံအုပ်ချုပ်ရေးကောင်စီသို့ တင်ပြနိုင်ရေးအလေးထားဆောင်ရွက်သွားရန်” အမှာစကားများပြောကြားခဲ့သည်။အဆိုပါသင်တန်းအား ယနေ့မှ ဖေဖော်ဝါရီလ(၁၇ )ရက်နေ့အထိ ဖွင့်လှစ်သွားမည်ဖြစ်ပြီး ဌာနဆိုင်ရာ သင်တန်းသား၊သင်တန်းသူ (၁၄၄ )ဦးတက်ရောက်ခဲ့ကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်သည် ကန်ကြီးထောင့်မြို့နယ်၊ တကုန်းကြီးကျေးရွာ အခြေခံပညာအထက်တန်းကျောင်းသို့သွားရောက်၍ ၂၀၂၃ခုနှစ် တက္ကသိုလ်ဝင်စာမေးပွဲဝင်ရောက်ဖြေဆိုကြမည့် ကျောင်းသားကျောင်းသူများအတွက်အကြိုလေ့ကျင့်စာမေးပွဲ ဖြေဆိုနေမှုများကိုကြည့်ရှုအားပေးခဲ့ပြီး ကျောင်းသားကျောင်းသူများ စိတ်အေးချမ်းသာစွာနှင့် ဘာသာရပ်များအားလုံးဖြေဆိုနိုင်စေရေး တာဝန်ရှိသာများမှ  အလေးထားဆောင်ရွက်ရန်မှာကြားခဲ့သည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်၏ လမ်းညွှန်မှုဖြင့် ပုသိမ်မြို့ရှိ နိုင်ငံတော်သြဝါဒါစရိယ ဆရာတော်ကြီးအမှူးပြုသည့် ထေရ်ကြီးဝါကြီးဆရာတော်ကြီးများအား အခြေခံကျန်းမာရေးစစ်ဆေးခြင်းလုပ်ငန်းများကို ယနေ့နံနက်ပိုင်းတွင် ပုသိမ်ပြည်သူ့ဆေးရုံကြီး ကိုးထပ်ဆောင်တွင် ကုသိုလ်ယူဆောင်ရွက်ပေးလျက်ရှိရာ တိုင်းဒေသကြီးဝန်ကြီးချုပ်ဦးတင်မောင်ဝင်း၊ တိုင်းဒေသကြီးအစိုးရအဖွဲ့ဝင်များ၊ ဌာနဆိုင်ရာများသွားရောက်ပေးအားပေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် တိုင်းဒေသကြီးပြည်သူ့ကျန်းမာရေးဦးစီးဌာနမှူး၊ ဆေးရုံအုပ်ကြီးနှင့်ဆေးရုံဝန်ထမ်းများက ဆရာတော်ကြီးများအား အခြေခံကျန်းမာရေးစောင့်ရှောက်မှုလုပ်ငန်းများဖြစ်သည့် ဆီးစစ်ခြင်း၊ သွေးစစ်ခြင်း၊ Ultrasound၊ ECG၊ X -Ray များဖြင့် ရောဂါရှာဖွေခြင်းလုပ်ငန်းများ ကုသိုလ်ယူဆောင်ရွက်ပေးနေမှုများကို ကြည့်ရှုအားပေးခဲ့ပြီး ဆရာတော်ကြီးများအား ကျန်းမာရေးစောင့်ရှောက်ပေးနိုင်ရေးဆောင်ရွက်မှုများအား တင်ပြလျှောက်ထားခဲ့ပါသည်။ ထို့နောက် ဆေးရုံအတွင်းလူနာများအားကုသပေးနေမှုများနှင့်ပြင်ပမှဆေးရုံလာရောက်၍ ဆေးရုံ ပြသ မှုများအားကြည့်ရှုစစ်ဆေးခဲ့ပြီး လူနာများနှင့်တွေ့ဆုံအားပေး စကားများပြောကြားခဲ့သည်။ ဆက်လက်၍  ၂၀၂၃ခုနှစ် တက္ကသိုလ်ဝင်စာမေးပွဲဝင်ရောက်ဖြေဆိုကြမည့် ကျောင်းတွင်းဖြေကျောင်းသားကျောင်းသူများအတွက်အခြေခံပညာအထက်တန်းအဆင့်ပြီးမြောက်မှု စစ်ဆေးခြင်း Grade 11(သင်ရိုးဟောင်း) စာမေးပွဲ )နှင့် (ပြင်ပဖြေဆိုမည့်ကျောင်းသူကျောင်းသားများအတွက်အကြိုလေ့ကျင့်စာမေးပွဲ ဖြေဆိုလျက်ရှိသည့် ပုသိမ်မြို့၊ အမှတ်(၃) အခြေခံပညာအထက်တန်းကျောင်းသို့သွားရောက်၍ ကျောင်းသားကျောင်းသူများ၏ စာမေးပွဲဖြေဆိုနေမှုများကိုကြည့်ရှုအားပေးခဲ့ပါသည်။ ထို့အတူ အမှတ်(၁) အခြေခံပညာအထက်တန်းကျောင်းသို့သွားရောက်၍ ကျောင်းသားကျောင်းသူများ၏ စာမေးပွဲ ဖြေဆိုနေမှုများကိုကြည့်ရှုအားပေးခဲ့ပြီး ကျောင်းသားကျောင်းသူများ အေးချမ်းစွာဖြေဆိုစေနိုင်ရေး အလေးထားဆောင်ရွက်ရန်မှာကြားခဲ့သည်။ ဧရာဝတီတိုင်းဒေသကြီးအနေဖြင့် ၂၀၂၃ခုနှစ် တက္ကသိုလ်ဝင်စာမေးပွဲဝင်တွင် အတွင်းဖြေ ၇၈၁၀ဦး၊ ပြင်ပဖြေ ၁၄၂၆၃ဦး စုစုပေါင်းဖြေဆိုသူ ၂၂၀၇၃ဦး ဖြေဆိုမှာ ဖြစ်ကြောင်းသိရသည်။

ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ် ဦးတင်မောင်ဝင်းသည် အစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့်အတူ ဖေဖော်ဝါရီလ ၁၃ရက်နေ့တွင် ကျောင်းကုန်းမြို့၊အမှတ်(၁)အခြေခံပညာအထက်တန်းကျောင်းနှင့် ရေကြည်မြို့နယ် အခြေခံပညာအထက်တန်းကျောင်းများသို့ သွားရောက်၍ ၂၀၂၃ခုနှစ်၊တက္ကသိုလ်ဝင်စာမေးပွဲဝင်ရောက်ဖြေဆိုမည့် ကျောင်းသား၊ ကျောင်းသူများအား တွေ့ဆုံအားပေးခဲ့ပါသည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ကျောင်းကုန်းမြို့၊အမှတ်(၁)အခြေခံပညာအထက်တန်းကျောင်း သို့ သွားရောက်၍ ၂၀၂၃ခုနှစ်၊တက္ကသိုလ်ဝင်စာမေးပွဲဝင်ရောက်ဖြေဆိုမည့် ကျောင်းသား၊ ကျောင်းသူများအား တွေ့ဆုံအားပေးခြင်းအခမ်းအနားကို တက်ရောက်ခဲ့ရာမြို့နယ်ပညာရေးမှူးများက တက္ကသိုလ်ဝင်စာမေးပွဲအောင်ချက်မြင့်မားရေးအတွက် ဆောင်ရွက်ထားရှိမှုအခြေအနေများအား ရှင်းလင်းတင်ပြခဲ့သည်။ ယင်းနောက်  တိုင်းဒေသကြီးပညာရေးမှူးမှ အောင်ချက်မြင့်မားရေးအတွက် ကျောင်းသားကျောင်းသူများလေ့လာကျက်မှတ်ရေးနည်းလမ်းများရှင်းလင်းပြောကြားခဲ့ပြီး တိုင်းဒေသကြီးဝန်ကြီးချုပ်က တက္ကသိုလ်ဝင်စာမေးပွဲ အောင်ချက်မြင့်မားရေးအားပေးစကားများပြောကြားခဲ့ပြီး ကျောင်းသား၊ကျောင်းသူများအားထောက်ပံ့ငွေများကို မြို့နယ်ပညာရေးမှူးထံသို့ပေးအပ်ခဲ့ကာ ဆရာ၊ဆရာမများ၊ ကျောင်းသားကျောင်းသူများ၊ ကျောင်းသားမိဘများ၊ အုပ်ချုပ်ရေးအဖွဲ့များနှင့်ရင်းရင်းနှီးနှီးတွေ့ဆုံအားပေးခဲ့သည်။ အလားတူ ရေကြည်မြို့နယ် အခြေခံပညာအထက်တန်းကျောင်းသို့ သွားရောက်၍ ၂၀၂၃ခုနှစ်၊တက္ကသိုလ်ဝင်စာမေးပွဲဝင်ရောက်ဖြေဆိုမည့် ကျောင်းသား၊ ကျောင်းသူများအား တွေ့ဆုံအားပေးခြင်းအခမ်းအနားကို တက်ရောက်ခဲ့ပြီး  တိုင်းဒေသကြီးပညာရေးမှူးမှ အောင်ချက်မြင့်မားရေးအတွက် ကျောင်းသားကျောင်းသူများလေ့လာကျက်မှတ်ရေးနည်းလမ်းများရှင်းလင်းပြောကြားခဲ့ပြီး တိုင်းဒေသကြီးဝန်ကြီးချုပ်က တက္ကသိုလ်ဝင်စာမေးပွဲ အောင်ချက်မြင့်မားရေးအားပေးစကားများပြောကြားခဲ့ပြီး ကျောင်းသား၊ကျောင်းသူများအားထောက်ပံ့ငွေများကို မြို့နယ်ပညာရေးမှူးထံသို့ပေးအပ်ခဲ့ကာ ဆရာ၊ဆရာမများ၊ ကျောင်းသားကျောင်းသူများ၊ ကျောင်းသားမိဘများ၊ အုပ်ချုပ်ရေးအဖွဲ့များနှင့်ရင်းရင်းနှီးနှီးတွေ့ဆုံအားပေးခဲ့ပြီး  ဘာသာရပ်သင်ဆရာဆရာမများမှ အောင်ချက်မြင့်မားရေးသင်ကြားပို့ချနေမှုများလှည့်လည်ကြည့်ရှုအားပေးခဲ့သည်။ ယင်းသို့တွေ့ဆုံအားပေးရာတွင် တိုင်းဒေသကြီး ဝန်ကြီးချုပ်က“ပညာရေးကိုလိုလားကြသည့် ကျောင်းသားကျောင်းသူများ၊ မိဘများ၊ဆရာ၊ဆရာမများ၊ အုပ်ချုပ်ရေးအဖွဲ့များအား ယခုကဲ့သို့စုစည်းတွေ့ရှိရခြင်းကြောင့် မိမိတို့အနေဖြင့်များစွာဝမ်းသာအားရမိပါကြောင်း၊ ခေတ်မီဖွံ့ဖြိုးတိုးတက်သောနိုင်ငံတော်တည်ဆောက်ရာတွင် ပညာရေးဖြင့်ရင်းနှီးမြှုပ်နှံရမှာဖြစ်ပါကြောင်း၊ ပြီးခဲ့သည့် ပညာသင်နှစ်တွင် ဧရာဝတီတိုင်းဒေသကြီးသည်  ၅၂.၁၆ရာခိုင်နှုန်းဖြင့် အောင်မြင်ခဲ့ပြီး ယခုပညာသင်နှစ်တွင် အခြေခံပညာကျောင်းတက်ရောက်မှုအများဆုံးတိုင်းဒေသကြီးဖြစ်ပါကြောင်း၊ မိမိတို့တိုင်းဒေသကြီးသည် ရေခံမြေခံကောင်းမွန်ပြီး လူ့စွမ်းအားအရင်းအမြစ်များစွာမွေးထုတ်ပေးနိုင်သည့် အလားအလာကောင်းများရှိနေပါကြောင်း ၊ ရာနှုန်းပြည့်အောင်မြင်စေရေးအတွက် တိုင်းဒေသကြီးအစိုးရအဖွဲ့အနေဖြင့် နှစ်စမှပင်တွန်းအားပေးဆောင်ရွက်ခဲ့ပါကြောင်း၊ တက္ကသိုလ်ဝင်စာမေးပွဲအောင်ချက်မြင့်မားစေရေးအတွက် တက္ကသိုလ် ပါမောက္ခ၊ ဌာနမှူးများနှင့်အထက်တန်းပြဆ ရာ၊ ဆရာမများဘာသာရပ်ဆိုင်ရာသိကောင်းများဆွေးနွေးပွဲများပြုလုပ်ပေးခဲ့ပါကြောင်း၊ ကျောင်းတွင်း၊ ပြင်ပဖြေဆိုမည့်ကျောင်းသားကျောင်းသူများအတွက် ကျောင်းတက်ရက်များတွင်အချိန်ပိုသင်ကြားပေးခြင်းအပြင် စနေ၊တနင်္ဂနွေ ကျောင်းပိတ်ရက်များပါ အချိန်ပိုသင်ကြားပေးလျက်ရှိပါကြောင်း၊ ကျောင်းသားမိဘများက မိမိတို့၏သားသမီးများအား ၏ရည်မှန်းချက်များအကောင်အထည်ဖော်နိုင်ရေး အခွင့်အရေးပေးရန်လိုပါကြောင်း၊ကျောင်းသား၊ကျောင်းသူများအနေဖြင့်လည်း အောင်စိတ်မွေး၍ အောင်မြင်စေရေးအစွမ်းကုန်ကြိုးစားကြစေလိုပါကြောင်း၊ကျန်းမာရေးကိုလည်းအထူးဂရုပြုကြရန်၊ ကြိုတင်ပြင်ဆင်မှုကောင်းကောင်းဖြင့်ရိုးရိုးသားသားကြိုးကြိုးစားစားဖြေဆိုကြရန်၊ ဘာသာရပ်များကို စနစ်တကျလေ့လာကျက်မှတ်ကြရန်နှင့် ဂုဏ်ထူးပေါင်းများစွာဖြင့်ရာနှုန်းပြည့်အောင်မြင်စေရေး အားသွန်ခွန်စိုက်ကြိုးစားကြရန်”အားပေးစကားများပြောကြားခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်သည် ကန်ကြီးထောင့်မြို့နယ် ၊ဝါးဒူးကျေးရွာ၌ မတ်လ၂ ရက်‌နေ့တွင် ကျင်းပပြုလုပ်မည့် တောင်သူလယ်သမားနေ့အခမ်းအနားတွင် ပြသရန်အတွက် စိုက်ပျိုးရေးဦးစီးဌာနမှ ကြိုတင်ပြင်ဆောင်ရွက်ထားသည့် သီးပင်စားပင်များ၊ သစ်ပင် ပန်းမန်များနှင့် အခမ်းအနားပြုလုပ်မည့်နေရာတို့အားကြည့်ရှုစစ်ဆေးခဲ့ရာ တောင်သူလယ်သမားနေ့အတွက် ကြိုတင်ပြင်ဆောင်ရွက်နေမှုအခြေအနေများအား တာဝန်ရှိသူများ၏ ရှင်းလင်းတင်ပြချက်များအပေါ် လိုအပ်သည်များကို ဖြည့်စွက်မှာကြားခဲ့ကြောင်းသိရသည်။