ဧရာဝတီတိုင်းဒေသကြီးစီမံအုပ်ချုပ်ရေးကောင်စီ ဥက္ကဋ္ဌ ဦးရဲမြင့်သည် စီမံအုပ်ချုပ်ရေးကောင်စီအဖွဲ့ဝင်များ၊ စီမံအုပ်ချုပ်ရေးကောင်စီ အတွင်းရေးမှူး ဦးသန်းဆွေဝင်း၊ တိုင်းဒေသကြီးကုသရေးဦးစီးဌာနမှူး ဒေါက်တာသန်းထွန်းအောင်၊ စီမံအုပ်ချုပ်ရေးကောင်စီရုံး ညွှန်ကြားရေးမှူး ဦးနေဝင်း၊ ပုသိမ်မြို့ ခုတင်(၅၀၀)ဆံ့ အထွေထွေ ရောဂါကုဆေးရုံအုပ်ကြီး ဒေါက်တာသန်းမင်းထွဋ်၊ ဒုတိယဆေးရုံအုပ်ကြီး ဒေါက်တာ ကောင်းမြတ်စိုး၊ တိုင်းဒေသကြီးဥပဒေချုပ်ရုံး ဒုတိယညွှန်ကြားရေးမှူး ဦးစိုးဌေးတို့နှင့် ၂၀၂၁ ခုနှစ်၊ မတ်လ ၉ရက်နေ့ (၀၈၃၀)နာရီချိန် တိုင်းဒေသကြီးစီမံအုပ်ချုပ်ရေးကောင်စီရုံး အစည်းအဝေးခန်းမ(၁)၌ ပုသိမ်မြို့၊ ခုတင်(၅၀၀)ဆံ့ အထွေထွေရောဂါကု ဆေးရုံကြီးတွင် ပြည်သူများ၏ ကျန်းမာရေးစောင့်ရှောက်မှုလုပ်ငန်းများ ဆောင်ရွက်နိုင်ရေး လုပ်ငန်းညှိနှိုင်း အစည်းအဝေး ကျင်းပပြုလုပ်ခဲ့ပါသည်။

ဧရာဝတီတိုင်းဒေသကြီစီမံအုပ်ချုပ်ရေးကောင်စီ ဥက္ကဋ္ဌ ဦးရဲမြင့်သည် စီမံအုပ်ချုပ်ရေးကောင်စီအဖွဲ့ဝင်များ၊ စီမံအုပ်ချုပ်ရေးကောင်စီအတွင်းရေးမှူး ဦးသန်းဆွေဝင်း၊ တောင်သူလယ်သမားနေ့ အခမ်းအနားကျင်းပရေး ကော်မတီအတွင်းရေးမှူး တိုင်းဒေသကြီးစိုက်ပျိုးရေး ဦးစီးဌာန၊ ဦးစီးမှူး ဦးစိန်မောင်မြင့်၊ တိုင်းဒေသကြီး/ခရိုင်/မြို့နယ်များမှ တာဝန်ရှိသူများနှင့် အတူ ၂၀၂၁ခုနှစ်၊ မတ်လ၊ (၂)ရက်နေ့၊ (၀၉၀၀)အချိန်၌ ကန်ကြီးထောင့်မြို့နယ်၊ ဝါးဒူးကျေးရွာရှိ တောင်သူလယ်သမားနေ့အခမ်းအနားသို့ တက်ရောက်ခဲ့ပါသည်။ ရှေးဦးစွာ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌက တောင်သူလယ်သမားနေ့ အထိမ်းအမှတ် တောင်သူပညာပေး စံပြစိုက်ခင်းများအား ဖွင့်လှစ်ပေးပြီး အမှာစကားပြောကြားရာတွင် ပြည်ထောင်စုသမ္မတ မြန်မာနိုင်ငံတော်သည် တောင်သူလယ်သမားထုကြီးအား ကိုယ်စားပြုပြီး လယ်ယာကဏ္ဍကို အခြေခံသည့် နိုင်ငံဖြစ်ပါကြောင်း၊ ပြည်သူလူထု၏ ကျေးဇူးရှင်များဖြစ်ကြသည့် တောင်သူလယ်သမားများအပေါ် ဂုဏ်ပြုသည့်အားဖြင့် ယခုကဲ့သို့တောင်သူ လယ်သမားနေ့ကို ကျင်းပပေးရခြင်းဖြစ်ပါကြောင်း၊ စိုက်ပျိုးရေးနှင့် မွေးမြူရေးကိုအခြေခံသည့် ကုန်ထုတ်လုပ်မှုကို ခေတ်မီနည်းစနစ်များဖြင့် ပိုမိုဖွံ့ဖြိုးတိုးတက်အောင်ဆောင်ရွက်ရမည် ဖြစ်ပါကြောင်း၊ နိုင်ငံတော်အနေဖြင့်လည်း လယ်ယာထွက်ကုန်များမှရရှိသည့် ပြည်ပဝင်ငွေ တိုးတက်ရေး ဆောင်ရွက်လျက်ရှိပါကြောင်း၊ အထွက်နှုန်းများပြီး အရည်အသွေးကောင်း သီးနှံများထုတ်လုပ်နိုင်ရေး စျေးကွက်ကောင်းရရှိရေးအတွက် ကြိုးပမ်းဆောင်ရွက်ရမည် ဖြစ်ပါကြောင်း၊ မျိုးကောင်းမျိုးသန့်ရွေးချယ် စိုက်ပျိုးခြင်း၊ မြေဆီလွှာထိန်းသိမ်းများကိုလည်း ဆောင်ရွက်ရမည်ဖြစ်ပါကြောင်း၊ စိုက်ပျိုးရေးကဏ္ဍအတွက် လိုအပ်သည့် စိုက်ပျိုးရေနှင့် စက်ကိရိယားများကိုလည်း နိုင်ငံတော်မှ ဆောင်ရွက်ပေးလျက်ရှိပါကြောင်း၊ ရာသီဥတုနှင့် လိုက်လျောညီထွေသည့်သီးနှံများရွေးချယ်စိုက်ပျိုးပြီး ပညာပေးလုပ်ငန်းများဆောင်ရွက်ရန် လိုအပ်ပါကြောင်း၊ အစိုးရနှင့်တောင်သူလက်တွဲပြီး စားနပ်ရိက္ခာဖူလုံ၍ လူမှုစီးပွားဘဝများ ဖွံ့ဖြိုးတိုးတက်ရေးအတွက် ကြိုးပမ်း ဆောင်ရွက်ရမည်ဖြစ်ပါကြောင်း၊ စိုက်ပျိုးရေးကဏ္ဍအတွက် လိုအပ်ချက်များရှိပါလည်း ဖြည့်ဆည်းဆောင်ရွက် ပေးသွားမည်ဖြစ်ကြောင်း ပြောကြားခဲ့ပြီး အခမ်းအနားအား ရုတ်သိမ်းခဲ့ကြောင်းသတင်းရရှိပါသည်။

ဧရာဝတီတိုင်းဒေသကြီး ပုသိမ်မြို့တွင် တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ ဦးရဲမြင့်နှင့် တိုင်းဒေသကြီး အဆင့်ဌာနဆိုင်ရာ တာဝန်ရှိသူများ တွေ့ဆုံပွဲကို (၁၀.၂.၂၀၂၁)ရက်နေ့ မွန်းလွဲပိုင်းက ဧရာရွှေဝါခန်းမ၍ ကျင်းပခဲ့ပါသည်။ အဆိုပါတွေ့ဆုံပွဲသို့ တိုင်းဒေသကြီးစီမံအုပ်ချုပ်ရေးကောင်စီဝင်များ၊ တိုင်းအဆင့်ဌာနဆိုင်ရာများ တက်ရောက်ခဲ့ကြပါသည်။ ရှေးဦးစွာ တိုင်းဒေသကြီးစီမံအုပ်ချုပ်ရေးကောင်စီ ဥက္ကဋ္ဌ ဦးရဲမြင့်က နိုင်ငံအတွင်း ဒေသအသီးသီးတွင် လက်တလောဖြစ်ပေါ်လျက်ရှိသော နိုင်ငံနှင့်ပြည်သူအကျိုးပျက်စေမည့် သွေးထိုးလှုံ့ဆော်မှုများ၊ ကောလဟလများ၊ နိုင်ငံ့ဝန်ထမ်းများ၊ တာဝန်ဝတ္တရားများ မဆောင်ရွက်နိုင်အောင် သွေးဆောင်မှုများ ပြုမူဆောင်ရွက်နေသည်ကို တွေ့ရသည့်အတွက် နိုင်ငံ့ဝန်ထမ်းများ လိုက်နာရမည့် စည်းမျဉ်းစည်းကမ်းနှင့်အညီ လိုက်နာဆောင်ရွက်သွားရန် အလေးထားပြောကြားလိုကြောင်း၊

ဧရာဝတီတိုင်းဒေသကြီးစီမံအုပ်ချုပ်ရေးကောင်စီ ဥက္ကဋ္ဌ ဦးရဲမြင့် သည် တာဝန်ရှိသူများနှင့်အတူ (၁၀.၂.၂၀၂၁)ရက်နေ့က ပုသိမ်မြို့ ပြည်ထောင်စုနေ့အခမ်းအနား ကျင်းပမည့် ပြည်ထောင်စုကွင်းသို့ ရောက်ရှိလာပြီး အစမ်းလေ့ကျင့်နေမှုများကို ကြည့်ရှုခဲ့ပါသည်။ ထို့နောက် တိုင်းဒေသကြီးစီမံအုပ်ချုပ်ရေးကောင်စီ ဥက္ကဋ္ဌ ဦးရဲမြင့်သည် တာဝန်ရှိသူများနှင့်အတူ တိုင်းဒေသကြီး သံဃနာယကအဖွဲ့ဥက္ကဋ္ဌ၊ မရမ်းချိုကျောင်းတိုက်ဆရာတော် အဂ္ဂမဟာဂန္ထဝါစကပဏ္ဍိတ၊ အဂ္ဂမဟာသဒ္ဓမ္မဇောတိကဓဇ ဘဒ္ဒန္တသောဘိတ၊ မြောင်းမြကျောင်းတိုက်ဆရာတော် အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ ဘဒ္ဒန္တပဏ္ဍိတာဘိဝံသ၊ ဇေယျဝံသ(ရေတွင်းကုန်း) ကျောင်းတိုက်ဆရာတော် ဘဒ္ဒန္တဉာဏောဘာသ ဆရာတော်ကြီးများကို သွားရောက်ဖူးမြော်ကြည်ညိုကာ သာသနာရေးကိစ္စရပ်များကို လျှောက်ထားပြီး လှူဖွယ်များ ဆက်ကပ်လှူဒါန်းခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် တိုင်းဒေသကြီးအစိုးရအဖွဲ့ဝန်ကြီးများ၊လွှတ်တော်ကိုယ်စားလှယ်များ၊ ဌာနဆိုင်ရာတာဝန်ရှိသူများနှင့်အတူ ၂၀၂၀ ပြည့်နှစ်၊ သြဂုတ်လရက် (၁၂)ရက်နေ့၊ နံနက် (၀၉၀၀)နာရီအချိန်တွင် ဆောက်လုပ်ရေးဝန်ကြီးဌာန၊ တံတားဦးစီးဌာန၊ တံတားအထူးအဖွဲ့(၁၆)မှ တာဝန်ယူတည်ဆောက်လျက်ရှိသော ပုသိမ်တံတား အမှတ် (၂) တည်ဆောက်နေမှုအားသွားရောက်ကြည့်ရှုခဲ့ပါသည်။ ရှေးဦးစွာ တံတားတည်ဆောက်ရေးရှင်းလင်းဆောင်တွင် ဝန်ကြီးချုပ်နှင့်အဖွဲ့အား တာဝန်ရှိသူများမှ လုပ်ငန်းဆောင်ရွက်နေမှုအခြေအနေများအားရှင်းလင်းတင်ပြရာ ဝန်ကြီးချုပ်နှင့် တိုင်းဒေသကြီးဝန်ကြီးများမှ လိုအပ်သည်များလမ်းညွှန်မှာကြားခဲ့ပါသည်။