၂၀၂၂ ခုနှစ်၊ ဖေဖော်ဝါရီလ (၁၂)ရက်နေ့တွင် ကျရောက်မည့် စိန်ရတု ပြည်ထောင်စုနေ့ကို ဂုဏ်ပြုသောအားဖြင့် “ တူယှဉ်နွှဲပျော် ဂီတပွဲတော်” သီချင်းဆိုပြိုင်ပွဲ ဒုတိယအဆင့်ပွဲစဉ် စိတ်ကြိုက်သီချင်း သီဆိုမှုကို ဧရာဝတီတိုင်းဒေသကြီးကိုယ်စားပြု အုပ်စု (C) ပြိုင်ပွဲဝင် ချိုမီမီဇော်နှင့် အုပ်စု (E) ပြိုင်ပွဲဝင် ဇင်သူသူထွန်းတို့သည် ဖေဖော်ဝါရီလ (၄)ရက်နေ့တွင် စိတ်ကြိုက်သီချင်းများဖြင့်လည်းကောင်း၊ ဖေဖော်ဝါရီလ (၆)ရက်နေ့တွင် ပြဋ္ဌာန်းတေးသီချင်းဖြင့်လည်းကောင်း ယှဉ်ပြိုင်ကြမည်ဖြစ်သည်။ အဆိုပါပွဲစဉ်၌ ဧရာဝတီတိုင်းဒေသကြီးမှ MF06 ဇင်သူသူထွန်း၊  MF07 ချိုမီမီဇော်တို့က ယှဉ်ပြိုင်သွားကြမည်ဖြစ်ပြီး The Ensemble တေးဂီတအဖွဲ့မှ တီးခတ်သွားမည်ဖြစ်သည်။ ပထမပွဲစဉ် အုပ်စုပြိုင်ပွဲမှာ အကဲဖြတ်ဒိုင်အဖွဲ့၏ အမှတ်ပေးမှုဖြင့် ဆောင်ရွက်ခဲ့သော်လည်း ဒုတိယအဆင့်နှင့် တတိယအဆင့် ပြိုင်ပွဲများတွင် အကဲဖြတ်ဒိုင်များ အမှတ်ပေးမှုအပြင် ပရိသတ်များအနေဖြင့် MPT နှင့် Mytel SIM Card များကို အသုံးပြု၍ Voting မဲပေးနိုင်မည်ဖြစ်ရာ MPT Sim Card များမှ ကုဒ်နံပါတ် 7522 သို့လည်ကောင်း၊ Mytel Sim Card များမှ ကုဒ်နံပါတ် 7525 သို့လည်းကောင်း SMS ဖြင့် ပြိုင်ပွဲဝင်၏ MF နံပါတ်ကို ရိုက်နှိပ်၍ Voting Time သတ်မှတ်ချိန်အတွင်း SMS ပေးပို့ခြင်းကို အရေအတွက် အကန့်အသတ်မရှိ ပေးပို့နိုင်ပါသည်။

ဧရာဝတီတိုင်းဒေသကြီးအစိုးရအဖွဲ့ရုံး အစည်းအဝေးခန်းမ(၁)၌ ၂၀၂၁ခုနှစ်၊ နိုဝင်ဘာလ(၉)ရက်နေ့ နံနက်ပိုင်းအချိန်တွင် ဧရာဝတီတိုင်းဒေသကြီးအစိုးရအဖွဲ့မှ ကြီးမှူးကျင်းပပြုလုပ်မည့်  စုပေါင်းမဟာဘုံကထိန်သင်္ကန်း ဆက်ကပ်လှူဒါန်းပွဲကျင်းပနိုင်ရေး လုပ်ငန်းညှိနှိုင်းအစည်းအဝေးကျင်းပပြုလုပ်ခဲ့ပါတယ်။  အခမ်းအနားသို့ တိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်း၊ တိုင်းဒေသကြီး အစိုးရအဖွဲ့ဝင်ဝန်ကြီးများ၊ တိုင်းဒေသကြီးအစိုးရအဖွဲ့အတွင်းရေးမှူး၊ တိုင်းဒေသကြီး/ ခရိုင်/ မြို့နယ်အဆင့် ဌာနဆိုင်ရာများ တက်ရောက်ခဲ့ကြပါတယ်။ ဦးစွာ စုပေါင်းမဟာဘုံကထိန်သင်္ကန်းဆက်ကပ်လှူဒါန်းပွဲကျင်းပရေး နာယက ဧရာဝတီတိုင်းဒေသကြီးအစိုးရအဖွဲ့၊ဝန်ကြီးချုပ်မှ အဖွင့်အမှာစကားပြောကြားရာတွင် ကိုဗစ်-၁၉ ရောဂါဆိုင်ရာ သတ်မှတ်ထားသောစည်းကမ်းချက်များအတိုင်း ကျင်းပသွားမှာဖြစ်ကြောင်း အခမ်းအနားများအား သေသေသပ်သပ်စနစ်တကျရှိစေရေးဆောင်ရွက်ရန်၊ သက်ဆိုင်ရာကော်မတီများအလိုက် လုပ်ငန်းအစီအမံများအား အောင်မြင်အောင်ဆောင်ရွက်ရန် မှာကြားခဲ့ပါတယ်။ပြီးနောက် ကျင်းပရေး ဦးစီးကော်မတီ တွဲဘက်အတွင်းရေးမှူး၊ တိုင်းဒေသကြီး သာသနာရေးဦးစီးဌာန၊ ညွှန်ကြားရေးမှူးမှ ဆွေးနွေးတင်ပြခဲ့ပြီးကော်မတီများအလိုက်ဆွေးနွေးတင်ပြကြပါတယ်။ ထို့နောက်အထွေထွေဆွေးနွေးတင်ပြခဲ့ကြပြီး စုပေါင်းမဟာဘုံကထိန်သင်္ကန်း ဆက်ကပ်လှူဒါန်းပွဲကျင်းပရေး နာယက၊ ဧရာဝတီတိုင်းဒေသကြီးအစိုးရအဖွဲ့၊ ဝန်ကြီးချုပ်ဦးတင်မောင်ဝင်းမှ နိဂုံးချုပ်အမှာစကားပြောကြားခဲ့ကြောင်း သတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင်ဝန်ကြီးများ၊ ဧရာဝတီတိုင်းဒေသကြီးအစိုးရအဖွဲ့ အတွင်းရေးမှူး၊တိုင်းဒေသကြီးအဆင့်ဌာန ဆိုင်ရာများ နှင့်အတူ ၂၀၂၁ ခုနှစ်၊ နိုဝင်ဘာလ (၁၀)ရက်နေ့ နံနက်ပိုင်းအချိန်က ဘိုကလေးပညာရေးဒီဂရီကောလိပ်၊ ပညာဂုဏ်ရည်ခန်းမ၌ ကျင်းပသော အခြေခံပညာ ဆရာ၊ ဆရာမသစ်လွင်များနှင့်တွေ့ဆုံပွဲ တက်ရောက်ခဲ့ပါတယ်။  ရှေးဦးစွာ တိုင်းဒေသကြီးဝန်ကြီးချုပ်မှ အမှာစကား ပြောကြားရာမှာ-“ဆရာ၊ဆရာမများ အနေဖြင့် ပညာလည်းသင် ၊ လူကိုလည်းပြင်ရန်၊ စေတနာ၊ဝါသနာ၊အနစ်နာစသည့် နာသုံးနာကိုအခြေခံ၍ စံနမှုပြများ၊ဂရုဏာရှင်များ၊စာဖတ်နာသူများဖြစ်ကြရန်၊ ဆရာ၊ ဆရာမ များ၏ စွမ်းဆောင်ရည်နှင့်အရည်အသွေး မြင့်မားစေရေးအတွက်စဉ်ဆက်မပြတ် ကြိုးစားကြရန်၊ ဆရာကျင့်ဝတ်နှင့်အညီ ပြုမူနေထိုင်ကြရန်၊နိုင်ငံတော်အတွက် အားကိုးအားထားပြုနိုင်သည့် ဆရာ၊ဆရာမများ ၊ ဝန်ထမ်းကောင်းများဖြစ်ရေးကြိုးစားသွားကြရန်" စသည်ဖြင့် ပြောကြားခဲ့ပါတယ်။ ဧရာဝတီတိုင်းဒေသကြီးအစိုးရအဖွဲ့မှ သင်တန်းတက်ရောက်သည့်ဆရာ၊ ဆရာမများ အတွက်ထောက်ပံ့ကြေး ငွေကျပ် (၄၀)သိန်းအား ဝန်ကြီးချုပ်ကထောက်ပံ့ပေးအပ်ခဲ့ရာ ကျောင်းအုပ်ကြီးက လက်ခံရယူခဲ့ပါတယ်။ အဆိုပါ ဘိုကလေးပညာရေး ဒီဂရီကောလိပ်တွင် စုစုပေါင်း (၂၃၄)ဦး တက်ရောက် လျှက်ရှိပါတယ်။ ဆက်လက်၍ အစည်းအဝေးခန်းမဆောင်တွင်  ကျောင်းအုပ်ကြီး၊ဆရာ/ ဆရာမများနှင့်တွေဆုံခဲ့ပြီး  ကျောင်းအုပ်ကြီးမှသင်တန်ဖွင့်လှစ်နေသည့် အခြေအနေမှုများ၊ တည်ဆောက်ရေးလုပ်ငန်းများ ဆောင်ရွက်နေမှုအားရှင်းလင်းတင်ပြမှုအပေါ် ဝန်ကြီးချုပ်မှ လိုအပ်သည်များကိုပေါင်းစပ်ညှိနှိုင်းဆောင်ရွက်ခဲ့ပြီး ကျောင်းစာသင်ခန်းပြင်ဆင် ထားရှိမှု၊ကျောင်းအားကစားခန်းမတည်ဆောက်နေမှု၊ ကျောင်းစာကြည့်တိုက်နှင့် ဝန်ထမ်းအိမ်ရာတည်ဆောက်နေမှုအားလိုက်လံကြည်ရှုခဲ့ပါတယ်။ ထို့နောက် မဟာအောင်တော်မူဘုရားကြီးတန်ဆောင်းတွင် ကိုဗစ် ၁၉ ရောဂါကာကွယ်ဆေး ပထမအကြိမ်နှင့် ဒုတိယအကြိမ်ထိုးနှံပေးနေမှုအား ကြည့်ရှု အားပေးခဲ့ပါတယ်။ တိုင်းဒေသကြီးဝန်ကြီးချုပ်အဖွဲ့သည် မြောင်းမြခရိုင်၊ ဝါးခယ်မမြို့နယ်၊အူကျွန်းကျေးရွာ၊ ဘက်စုံအဆင့်မြင့်နည်းပညာသုံးစံပြကျေးရွာ တောင်သူ ဦးဘမြင့် ၏ကွင်းအမှတ် (၁၀၁၅) ၊ ဦးပိုင် (၅၁/၆)၊ ပေါ်ဆန်းရင်(၃)ဧကမျိုးစေ့ထုတ်စိုက်ခင်းရင့်မှည့်ချိန်တွင် မျိုးကွဲနှုတ်ပယ်ခြင်း သရုပ်ပြပွဲအား တက်ရောက်အားပေးခဲ့ပါတယ်။ ဆက်လက်၍ တိုင်းဒေသကြီးဝန်ကြီးချုပ်နှင့် အဖွဲ့သည်မြောင်းမြပညာရေးဒီဂရီကောလိပ်၊ ပညာသီရိခန်းမ၌ကျင်းပသော တိုင်းဒေသကြီး ဝန်ကြီးချုပ်နှင့် အခြေခံပညာ ဆရာ၊ ဆရာမသစ်လွင်များတွေ့ဆုံပွဲသို့တက်ရောက်၍ အမှာစကားပြောကြားခဲ့ပြီးနောက် ဧရာဝတီတိုင်းဒေသကြီးအစိုးရအဖွဲ့မှ သင်တန်းတက်ရောက် သည့် ဆရာ၊ ဆရာမများ အတွက် ထောက်ပံ့ကြေး ငွေကျပ် (၃၅)သိန်းအား ဝန်ကြီးချုပ်က ထောက်ပံ့ပေးအပ်ခဲ့ရာ ဒုတိယကျောင်းအုပ်ကြီးက လက်ခံရယူခဲ့ပါတယ်။ အဆိုပါ မြောင်းမြပညာရေး ဒီဂရီကောလိပ်သို့သင်တန်းသား သင်တန်းသူစုစုပေါင်း (၂၀၀)ဦး တက်ရောက်ခဲ့ပါတယ်။ ဆက်လက်၍ အစည်းအဝေးခန်းမတွင် ဒုတိယကျောင်းအုပ်ကြီး၊ ဆရာ/ဆရာများနှင့်တွေ့ဆုံခဲ့၍ဒုတိယကျောင်းအုပ်ကြီးမှကျောင်းလုပ်ငန်းဆိုင်ရာများရှင်းလင်းတင်ပြခဲ့ရာ တိုင်းဒေသကြီးဝန်ကြီးချူပ်မှလိုအပ်သည်များလမ်းညွှန်မှာကြားခဲ့ပြီးသင်တန်းသား အိပ်ဆောင်များနှင့် သင်တန်းအိပ်ဆောင်(၁၇၉ပေ×၃၆ပေ×၄ထပ်) ဆောက်လုပ်နေမှုအား ကြည့်ရှုစစ်ဆေးခဲ့ကြောင်းသတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် အစိုးရအဖွဲ့ဝင်ဝန်ကြီးများ၊ ဧရာဝတီတိုင်းဒေသကြီးအစိုးရအဖွဲ့ အတွင်းရေးမှူး၊ တိုင်းဒေသကြီးအဆင့်ဌာနဆိုင်ရာများနှင့်အတူ ၂၀၂၁ ခုနှစ်၊ နိုဝင်ဘာလ (၁၀)ရက်နေ့ နေလည်ပိုင်းတွင် လမ်းအမှတ်၁၀၊ ဘိုကလေး-မော်လမြိုင်ကျွန်း-ကျုံမငေး-ဝါးခယ်မ-မြောင်းမြလမ်းရှိ ကျွန်းကုန်းတံတားတည်ဆောက်ရေးလုပ်ငန်းသို့ ရောက်ရှိခဲ့ပြီး တိုင်းဒေသကြီးလမ်းဦးစီးဌာနမှူးမှ လုပ်ငန်းဆောင်ရွက်နေမှုအခြေအနေများအား ရှင်းလင်းတင်ပြရာ တိုင်းဒေသကြီးဝန်ကြီးချုပ်မှ အရည်အသွေးပြည့်မီရန်နှင့် သတ်မှတ်ကာလအတွင်း ပြီးစီးအောင်ဆောင်ရွက်နိုင်ရေးလမ်းညွှန်မှာကြားခဲ့ပါသည်။ ဆက်လက်၍ ကျွန်းကုန်းပင်မ တံတားလူသွားလမ်းလုပ်ငန်းလက်ရန်းလုပ်ငန်းဆောင်ရွက်နေမှုနှင့် ချည်းကပ်လမ်းလုပ်ငန်း ဆောင်ရွက်နေမှုအားကြည့်ရှုစစ်ဆေးခဲ့ပြီးတံတားတစ်စင်လုံး(၉၂)ရာခိုင်နှုန်းပြီးစီးပြီဖြစ်ကြောင်းသိရှိရပါတယ်။  ဆက်လက်၍ တိုင်းဒေသကြီးဝန်ကြီးချုပ်အဖွဲ့သည် ပုသိမ်-ကံကုန်း-မြင်းကဆိပ်-မြောင်းမြလမ်းရှိ ပမ္မဝတီတံတား(မြင်းကဆိပ်)ဆောက်လုပ်ရေးခွင်သို့ရောက်ရှိ၍ ရှင်းလင်းဆောင်တွင် တိုင်းဒေသကြီးလမ်းဦးစီးဌာနမှူးမှ လုပ်ငန်းဆောင်ရွက်နေမှုအား ရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ လိုအပ်သည်များ လမ်းညွှန်မှာကြားခဲ့ပြီး မြောင်းမြဘက်ခြမ်း ရေလယ်တိုင် Bored Pile လုပ်ငန်းအားလုံး ဆောင်ရွက်ပြီးစီးမှုနှင့် ပုသိမ်ဘက်ခြမ်းရေလယ်တိုင် Bored Pile လုပ်ငန်းဆောင်ရွက်နေမှုအားကြည့်ရှုစစ်ဆေးခဲ့ပါတယ်။ အဆိုပါတံတားအား ဆောက်လုပ်နေမှုမှာ၂-၁၀-၂၀၂၀ရက်နေ့တွင်စတင်ဆောက်လုပ်ရာယနေ့အထိ  ၃၁ ရာခိုင်နှုန်း​ ဆောက်ရွက်ပြီးဖြစ်ကြောင်း သတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် အစိုးရအဖွဲ့ဝင်ဝန်ကြီးများ၊ တိုင်းဒေသကြီးအဆင့်ဌာနဆိုင်ရာများနှင့်အတူ ၂၀၂၁ ခုနှစ်၊ နိုဝင်ဘာလ (၈)ရက်နေ့ နံနက်ပိုင်းအချိန်က ပုသိမ်ပညာရေးဒီဂရီကောလိပ်၊ ပညာရတနာခန်းမ၌ကျင်းပသောနည်းပြ၊ သရုပ်ပြနှင့် အခြေခံပညာ ဆရာ၊ ဆရာမသစ်လွင်များ ကြိုဆိုပွဲနှင့် မွမ်းမံသင်တန်းဖွင့်ပွဲသို့ တက်ရောက်၍အမှာစကားပြောကြားခဲ့ပါတယ်။ ထို့နောက် ဧရာဝတီတိုင်းဒေသကြီးအစိုးရအဖွဲ့မှ သင်တန်းတက်ရောက်မည့်ဆရာ၊ ဆရာမများအတွက် ထောက်ပံ့ကြေး ငွေကျပ် (၄၅)သိန်းအား ဝန်ကြီးချုပ်က ထောက်ပံ့ပေးအပ်ခဲ့ရာ ဒုတိယကျောင်းအုပ်ကြီးဒေါ်သန်းသန်းနိုင်က လက်ခံရယူခဲ့ပါတယ်။ အဆိုပါ ပုသိမ်ပညာရေး ဒီဂရီကောလိပ်သို့နည်းပြ(၇)ဦး၊ အလယ်တန်းအဆင့်(၆၇)ဦး၊မူလတန်းအဆင့်(၁၈၅)ဦး၊စုစုပေါင်း (၂၅၉)ဦး တက်ရောက်ခဲ့ပါတယ်။  ထို့နောက် ဝန်ကြီးချုပ်နှင့်အဖွဲ့သည် ပုသိမ်တက္ကသိုလ်၊ ဘွဲ့နှင်းသဘင်ခန်းမ၌ ကျင်းပသည့် နည်းပြ၊ သရုပ်ပြဆရာ၊ဆရာမများ သစ်လွင်များ ကြိုဆိုပွဲနှင့် မွမ်းမံသင်တန်းဖွင့်ပွဲသို့ တက်ရောက် အမှာစကားပြောကြားပြီး သင်တန်းတက်ရောက်သည့် နည်းပြ ၊ သရုပ်ပြ ဆရာ၊ဆရာမများအတွက် တိုင်းဒေသကြီးအစိုးရအဖွဲ့မှ ငွေကျပ်(၂၀)သိန်းအား ထောက်ပံ့ပေးအပ်ရာ ပုသိမ်တက္ကသိုလ်ပါမောက္ခချုပ် ဒေါက်တာသန်းထွဋ် လက်ခံရယူခဲ့ပါတယ်။ ထို့နောက်ဘာသာရပ်အလိုက် သင်တန်းတက်ရောက်သည့် နည်းပြ၊ သရုပ်ပြ ဆရာ၊ဆရာမများနှင့် မိတ်ဆက်ပေးခဲ့သည်။ အဆိုပါသင်တန်းသို့ ဘာသာရပ်(၁၃)ခုမှ သင်တန်းသားဆရာ၊ဆရာမ (၁၁၇)ဦးတက်ရောက်ခဲ့ကြပါတယ်။ ဆက်လက်ပြီး ဝန်ကြီးချုပ်နှင့်အဖွဲ့သည်ဟင်္သာတတက္ကသိုလ် ဘွဲ့နှင်းသဘင်ခန်းမတွင်လည်း နည်းပြ၊ သရုပ်ပြဆရာ၊ဆရာမများ သစ်လွင်များ ကြိုဆိုပွဲနှင့် မွမ်းမံသင်တန်းဖွင့်ပွဲသို့ တက်ရောက် အမှာစကားပြောကြားပြီး သင်တန်းတက်ရောက်သည့် နည်းပြ ၊ သရုပ်ပြ ဆရာ၊ဆရာမ သစ်လွင်(၁၀၄)ဦးအတွက် တိုင်းဒေသကြီးအစိုးရအဖွဲ့မှ ငွေကျပ်(၂၀)သိန်းအား ထောက်ပံ့ပေးအပ်ခဲ့ရာ ဟင်္သာတတက္ကသိုလ်ပါမောက္ခချုပ် ဒေါက်တာသိင်္ဂီရွှေမှလက်ခံရယူခဲ့ပြီး ဆရာမတစ်ဦးမှ ကျေးဇူးတင်စကားပြန်လည်ပြောကြားခဲ့ပါတယ်။ ဆက်လက်ပြီးဝန်ကြီးချုပ်နှင့်အဖွဲ့သည် မအူပင်တက္ကသိုလ် ဘွဲ့နှင်းသဘင်ခန်းမတွင်လည်း နည်းပြ၊ သရုပ်ပြဆရာ၊ဆရာမများ သစ်လွင်များ ကြိုဆိုပွဲနှင့် မွမ်းမံသင်တန်းဖွင့်ပွဲသို့ တက်ရောက် အမှာစကားပြောကြားပြီး သင်တန်းတက်ရောက်သည့် နည်းပြ ၊ သရုပ်ပြ ဆရာ၊ဆရာမ သစ်လွင်များအတွက် တိုင်းဒေသကြီးအစိုးရအဖွဲ့မှ ငွေကျပ်(၂၀)သိန်းအား ထောက်ပံ့ပေးအပ်ခဲ့ရာ မအူပင် တက္ကသိုလ် မှသရုပ်ပြဆရာများမှလက်ခံရယူခဲ့ပြီး ဆရာမတစ်ဦးမှကျေးဇူးတင် စကားပြန်လည်ပြောကြားခဲ့ပြီးနောက် ပါမောက္ခချုပ်နှင့်ပါမောက္ခ(ဌာနမှူးများ)အားတွေ့ဆုံခဲ့ပြီး တင်ပြချက်များအပေါ် တိုင်းဒေသကြီးဝန်ကြီးချုပ်မှသက်ဆိုင်ရာများနှင့် ပေါင်းစပ်ညှိနှိုင်း ဆောင်ရွက်ပေးခဲ့ပါတယ်။ အဆိုပါတက္ကသိုလ်များတွင် တိုင်းဒေသကြီးဝန်ကြီးချုပ်မှ အမှာစကား ပြောကြားရာမှာ-“ဆရာ၊ဆရာမအနေနှင့် ပညာလည်းသင် ၊ လူကိုလည်းပြင်ရန် ဆရာ၊ ဆရာမများ၏ စွမ်းဆောင်ရည်နှင့် အရည်အသွေး မြင့်မားရေး ကြိုးစားကြရန် ၊ ဆရာ/ဆရာမများသည်စေတနာ၊ဝါသနာ၊အနစ်နာ နာသုံးနာဖြင့် ကျောင်းသား၊ ကျောင်းသူများကို သင်ကြားပေးကြရန်၊ကျောင်းသား၊ ကျောင်းသူများ၏ အတူယူစရာ စံနမူနာပြများ ဖြစ်စေရေး ဆရာကျင့်ဝတ်နှင့်အညီ ပြုမူနေထိုင်ကြရန်၊ဆရာ၊ဆရာမများသည် စာဖတ်နာသူများ ဖြစ်စေရေးဆောင်ရွက်ကြရန်၊ပညာဖြင့် အလှဆင်ပြီး ဂရုဏာထား၍ သင်ကြားသွားကြရန်နှင့် နိုင်ငံတော်အတွက် အားကိုးအားထားပြုနိုင်သည့် ဆရာ၊ဆရာမများ ၊ဝန်ထမ်းကောင်းများဖြစ်ရေး ကြိုးစားသွားကြရန်" စသည်ဖြင့် ပြောကြားခဲ့ပါတယ်။ အဆိုပါတက္ကသိုလ်အသီးသီးတွင်ဖွင့်လှစ်မည့်သင်တန်းများ၏သင်တန်းကာလမှာနိုဝင်ဘာ ၈ ရက်နေ့မှဒီဇင်ဘာ ၃ ရက်နေ့အထိ ၄ ပတ်ကြာမြင့်မည်ဖြစ်ကြောင်းသတင်းရရှိပါသည်။