သတင်းများ

ချစ်ခင်ရပါသော မောင်မယ်တို့၊ မိဘအုပ်ထိန်းသူများနှင့် ဆရာ၊ ဆရာမအပေါင်းတို့ခင်ဗျား -
ယခုနှစ် ပညာသင်နှစ်၏ တက္ကသိုလ်ဝင်စာမေးပွဲကြီးတွင် မိမိတို့၏ ထူးကဲလှသော ဝီရိယ၊ စွဲမြဲသော ဇွဲလုံ့လ တို့ကြောင့် ထူးချွန်ပြောင်မြောက်စွာအောင်မြင်ခဲ့ကြသည့် ကျောင်းသား၊ ကျောင်းသူ မောင်မယ်များအားလုံးကို ဧရာဝတီတိုင်းဒေသကြီးအစိုးရအဖွဲ့နှင့်တကွ တစ်မျိုးသားလုံးက လှိုက်လှိုက်လှဲလှဲ ချီးကျူးဂုဏ်ပြုအပ်ပါသည်။ ကျောင်းသား၊ ကျောင်းသူ မောင်မယ်တို့အနေဖြင့် ပညာရှာမှီးရာတွင် ကြုံတွေ့ရသည့် အခက်အခဲ စိန်ခေါ်မှုအမျိုးမျိုးကို ရဲဝံ့စွာရင်ဆိုင် ကျော်လွှားပြီး ယခုကဲ့သို့ ကောင်းမွန်လှပသော ရလဒ်ကောင်းကို ထွက်ပေါ်အောင် စွမ်းဆောင်နိုင်ခဲ့ခြင်းသည် မိမိ ကိုယ်တိုင်နှင့် မိသားစုအတွက်သာမက နိုင်ငံတော်အတွက်ပါ အလွန်ဂုဏ်ယူဝမ်းမြောက်ဖွယ်ရာဖြစ်ပြီး မောင်မယ်တို့၏ ညဉ့်မအိပ်၊ နေ့မနား ကြိုးစားအားထုတ်မှုများသည် ယနေ့တွင် အောင်ပန်းဆွတ်ခူးနိုင်ခဲ့ပြီဖြစ်သည်။


Read More...
29-Jun-2026
(၃၉)ကြိမ်မြောက် အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့အထိမ်းအမှတ် အခမ်းအနားကျင်းပ
၂၀၂၆ ခုနှစ်၊ ဇွန်လ(၂၆)ရက်နေ့တွင်ကျရောက်သော (၃၉)ကြိမ်မြောက် အပြည်ပြည် ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့အထိမ်းအမှတ် အခမ်းအနားကို ယနေ့နံနက်ပိုင်းတွင် ဧရာဝတီတိုင်းဒေသကြီး၊ ပုသိမ်မြို့၊ မြို့တော်ခန်းမတွင် ပြုလုပ်ရာ အခမ်းအနားသို့ ဧရာဝတီတိုင်းဒေသကြီး၊ မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများအန္တရာယ် တားဆီးကာကွယ်ရေးအဖွဲ့ဥက္ကဌ၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးစိုးမင်းဦးနှင့်ဇနီး၊ အစိုးရအဖွဲ့ဝင်ဝန်ကြီးများနှင့် ၎င်းတို့၏ဇနီးများ၊ တိုင်း၊ ခရိုင်၊ မြို့နယ်အဆင့်ဌာနဆိုင်ရာများ၊ ရဲတပ်ဖွဲ့ဝင်များ၊ ဆရာ၊ ဆရာမများနှင့် ကျောင်းသား ကျောင်းသူများ တက်ရောက်ခဲ့ကြသည်။


Read More...
26-Jun-2026
ဧရာဝတီတိုင်းဒေသကြီးတရားမဝင်ကုန်သွယ်မှုတိုက်ဖျက်ရေးအထူးအဖွဲ့လုပ်ငန်းညှိနှိုင်းအစည်းအဝေး (၂/၂၀၂၆)ကျင်းပ
ဧရာဝတီတိုင်းဒေသကြီးတရားမဝင်ကုန်သွယ်မှုတိုက်ဖျက်ရေးအထူးအဖွဲ့ လုပ်ငန်း ညှိနှိုင်းအစည်းအဝေး (၂/၂၀၂၆)ကို ယနေ့ နေ့လည်ပိုင်းက ဧရာဝတီ တိုင်းဒေသကြီးအစိုးရအဖွဲ့ ရုံး၊ အစည်းအဝေးခန်းမ(၁)တွင်ကျင်းပပြုလုပ်ခဲ့သည်။ အစည်းအဝေးတွင် ဧရာဝတီတိုင်းဒေသကြီးတရားမဝင်ကုန်သွယ်မှုတိုက်ဖျက်ရေးအထူးအဖွဲ့ဥက္ကဋ္ဌ၊ တိုင်းဒေသကြီးလုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး စိုးမင်းဦးက အဖွင့်အမှာစကားပြောကြားပြီး ဒုတိယဥက္ကဋ္ဌ၊ တိုင်းဒေသကြီး စီမံကိန်း၊ စီးပွားရေးနှင့် ဘဏ္ဍာရေးဝန်ကြီး ဦးအောင်စန်းချစ် က အမှာစကားပြောကြားသည်။


Read More...
24-Jun-2026
မြစ်ကမ်းပါးပြိုကျမှုများကြည့်ရှု့စစ်ဆေး
၂၀၂၆ ခုနှစ်၊ ဇွန်လ ၂၄ ရက်နေ့တွင် ဧရာဝတီတိုင်းဒေသကြီးအစိုးရအဖွဲ့ လျှပ်စစ်၊စွမ်းအင်၊ စက်မှု့နှင့် လမ်းပန်းဆက်သွယ်ရေးဝန်ကြီး ဦးကျော်ထွန်းဇော်၊ ရေအရင်အမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဋ္ဌာန တိုင်းဒေသကြီးညွှန်ကြားရေးမှူး ဦးလှမိုးနှင့်အဖွဲ့တို့သည် ဧရာဝတီတိုင်းဒေသကြီး၊ မအူပင်မြို့၊ ကျောင်းရွာကျေးရွာအုပ်စု၊ ကျောင်းရွာကျေးရွာတွင် မြစ်ရေတိုက်စားမူကြောင့် မြေပြိုမူဖြစ်ပွားသောနေရာများသို့ ကွင်းဆင်းကြည့်ရှု့စစ်ဆေးခဲ့ပါသည်။


Read More...
24-Jun-2026
ဧရာဝတီတိုင်း‌ဒေသကြီးဝန်ကြီးချုပ်ဦးအေးကျော် Myanmar Women's League 2026-27 Week-2 ပွဲစဉ်အား အိမ်ရှင်အဖြစ်လက်ခံကစားမည့် Ayeyawady FC အသင်းနှင့် Young Lionesses အမျိုးသမီးအသင်းမှ အားကစားသမားများကို တွေ့ဆုံအားပေး
Myanmar Women's League 2026-2027 Week-2 ပွဲစဉ်အား ပုသိမ်မြို့၊ ကိုးသိန်းအားကစားကွင်း၌ Ayeyawady FC အမျိုးသမီးအသင်းက Young Lionesses အမျိုးသမီးအသင်းကို အိမ်ရှင်အဖြစ်လက်ခံ၍ ယှဉ်ပြိုင်ကစားမည်ဖြစ်ရာ တိုင်းဒေသကြီးဝန်ကြီးချုပ်ဦးအေးကျော်သည် ဇွန်လ(၂၂)ရက်နေ့ ညနေပိုင်းက Ayeyawady FC အမျိုးသမီးအသင်းနှင့် Young Lionesses အမျိုးသမီးအသင်းမှ အားကစားသမားများကို တွေ့ဆုံ၍ အားပေးစကားများ ပြောကြားခဲ့ပြီး လိုအပ်သည်များကို ‌ကူညီဆောင်ရွက်ပေးရန် တာဝန်ရှိသူများကို မှာကြားခဲ့သည်။


Read More...
24-Jun-2026