ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင်များ၊ တိုင်း၊ ခရိုင်၊ မြို့နယ် ဌာနဆိုင်ရာများလိုက်ပါလျက် နိုဝင်ဘာလ ၇ရက်နေ့ညနေပိုင်းတွင် မြန်အောင်ခရိုင်အတွင်း စိုက်ပျိုးရေးလုပ်ငန်းများကွင်းဆင်းကြည့်ရှစစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်မြို့နယ်၊ ဆင်ကျုံးချောင်းအား ပြန်လည်တူးဖော်ခြင်းလုပ်ငန်းဆောင်ရွက်နေမှုများကိုကြည့်ရှုစစ်ဆေးခဲ့ရာ ခရိုင် ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန တာဝန်ရှိများက ဆင်ကျုံးမြောင်းပြန်လည်တူးဖော်ခြင်းလုပ်ငန်းဆောင်ရွက်နေမှု၊ ရေမြောင်းတူးဖော်ခြင်းလုပ်ငန်းများဆက်လက်ဆောင်ရွက်သွားမည့်အခြေအ နေများနှင့် စိုက်ပျိုးရေလုံလောက်စွာရရှိနိုင်ရေးနှင့်ရေဝင်ရေထွက်ကောင်းမွန်စေ​ရေးဆောင်ရွက်မည့်အခြေအနေများရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ လုပ်ငန်းများသတ်မှတ်ကာလအတွင်းပြီးစီးစေရေး၊ ရေမြောင်းတူးဖော်ပြီးပါက မြောင်းတာဘောင်များ၊ မြေလွတ်များတွင် သီးနှံများစိုက်ပျိုးနိုင်ရေးဆောင်ရွက်ရန်မှာကြားခဲ့သည်။ အဆိုပါ ဆင်းကျုံးမြောင်းအား အလျား (၁.၈၉၃)မိုင် မြေကြီးကျင်း၁၈၇၉၅ကျင်း၊ ထိပ်ဝအကျယ် ၃၆ပေ၊ အောက်ခြေအကျယ် ၂၀ပေ၊ ပျမ်းမျှ အမြင့်/အနက် ၈ပေ ပြန်လည်တူးဖော်ခြင်းဖြစ်ပြီး မိုးစပါးစိုက်ဧက (၂၆၀၀)ဧက အားရေကြီးနစ်မြုပ်ခြင်းမှ ကာကွယ်ပေးနိုင်မှာဖြစ်ကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် အင်္ဂပူမြို့နယ်၊ ညောင်ချဉ်ကျေးရွာသို့သွားရောက်၍ တောင်သူဦးအေးလွင်၏ ယာမြေ ၅ ဧကတွင် မိုးမြေပဲ(မကွေး- ၁၂) ဒုတိယအကြိမ်စိုက်ပျိုးထားရှိမှုနှင့်(ဆင်းရွှေကြာ-၂) နေကြာစိုက်ပျိုးထားရှိမှုတို့အားကြည့်ရှုအားပေးခဲ့ပြီး တောင်သူများနှင့်ရင်းရင်းနှီးနှီးတွေ့ဆုံ၍ နေကြာအပါအဝင်ဆီထွက်သီးနှံများပိုမိုအောင်မြင်အောင်စိုက်ပျိုးစေရေး၊ အထွက်တိုးမျိုးကောင်းများမျိုးသန့်များစိုက်ပျိုးစေရေးနှင့် အောင်မြင်အောင်စိုက်ပျိုးစေရေးမှာကြားခဲ့ကြောင်းသိရသည်။

မြန်မာဘော်လီဘောလူမှုရေးအသင်း အမှုဆောင်ဖလားဘော်လီဘောပြိုင်ပွဲ ဖွင့်ပွဲ အခမ်းအနားအား ယနေ့နံနက်ပိုင်းက ပုသိမ်မြို့၊ ကိုးသိန်းအားကစားခန်းမတွင် ပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်း၊ အစိုးရအဖွဲ့ဝင်ဝန်ကြီးများ၊ အားကစားနှင့်ကာယပညာဦးစီးဌာန ညွှန်ကြားရေးမှူးချုပ်နှင့်  ဌာနဆိုင်ရာများ၊ ပြိုင်ပွဲဝင် အားကစားသမားများ တက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က “မြန်မာဘော်လီဘောလူမှုရေးအသင်းကို ၂၀၀၄ ခုနှစ်တွင် စတင်ဖွဲ့စည်းခဲ့ရာ ပြည်နယ်နှင့်တိုင်းဒေသကြီးများတွင်လည်း မြန်မာဘော်လီဘော အမှုဆောင်အဖွဲ့များကို ဖွဲ့စည်းနိုင်ခဲ့ပြီး ဘော်လီဘောလောကကြီး တိုးတက်လာစေရေးအတွက် အသက်(၁၈)နှစ်အောက်၊ အသက်(၂၅)နှစ်အောက် ပြိုင်ပွဲများကိုကျင်းပပေး နိုင်ခဲ့သည်ကိုလည်း တွေ့ရှိရပါကြောင်း၊ မြန်မာဘော်လီ ဘောလူမှုရေး အသင်းအနေဖြင့် ယခုကဲ့သို့မိမိတို့၏ ဧရာဝတီတိုင်းဒေကြီးတွင် ဘော်လီဘောပြိုင်ပွဲများ ကျင်းပပေးသည့် အတွက်လည်း များစွာကျေးဇူးတင်ရှိပါကြောင်း၊ ယနေ့ကျင်းပ ပြုလုပ်သည့် ပြိုင်ပွဲ၏ ရည်ရွယ်ချက်များမှာ ဘော်လီဘောအားကစား ဖွံ့ဖြိုးတိုးတက်ရေးအတွက် အကောင်အထည်ဖော်ဆောင်ရွက်ရာတွင်  အထောက်အကူ ပြုစေရန်၊ ထူးချွန်သည့် မျိုးဆက်သစ်အားကစားသမားများ စဉ်ဆက်မပြတ် ပေါ်ထွက် ရေးတွင် အထောက် အကူပြုနိုင်စေရန်၊ မြန်မာ့လက်ရွေးစင်အားကစားမောင်/မယ်များ ပေါ်ထွက်လာစေရန် စသည့်ရည်ရွယ်ချက်များအပြင် တိုင်းဒေသကြီးအတွင်းရှိ ဘော်လီ ဘောအားကစားသမားများ အချင်းချင်း ချစ်ကြည်ရင်းနှီးမှု ခိုင်မာလာစေရန်၊ တိုင်းဒေသကြီးအားကစား တိုးတက်မြင့်မားလာရေးအတွက် မြန်မာနိုင်ငံအားကစား အဖွဲ့ချုပ်များ၏ လုပ်ငန်းစဉ်များကို အထောက်အကူ ပြုပေးနေခြင်းလည်းဖြစ်ပါကြောင်း၊ ပြည်သူများ ကျန်းမာကြံ့ခိုင် စေရေးအတွက် အားကစားကဏ္ဍကို အလေးထားအားပေး ဆောင်ရွက်လျှက်ရှိပြီး “အားကစား မြှင့်တင်ခြင်းသည် နိုင်ငံတော်ကိုကာကွယ် စောင့်ရှောက် နေခြင်းဖြစ်သည်”ဆိုသည့် ခံယူချက်နှင့်အညီ ကြိုးပမ်းဆောင်ရွက် သွားကြရန် မှာကြားလိုပါကြောင်း၊ အားကစားဆိုသည်မှာ “အင်အားနှင့် ဉာဏ်ရည်ကို အသုံးချပြီး လှုပ်ရှားယှဉ်ပြိုင်မှု" ဟု အဓိပ္ပါယ်ဖွင့်ဆိုထားသည့်အတွက် ယှဉ်ပြိုင်မှု ပြင်းထန် လာသည့်အခါ အားကစားသမားများအနေဖြင့် သတ်မှတ် ထားသည့်  ဥပဒေတွေကို လိုက်နာရမှာဖြစ်ပြီး စည်းကမ်းသေဝပ်မှု၊ တရားသောယှဉ်ပြိုင် အနိုင်ရရှိမှုကို ကျင့်သုံးဖို့ လိုအပ်မှာဖြစ်ပါကြောင်း၊ ယခုပြိုင်ပွဲကိုကြီးကြပ် ဆောင်ရွက်ကြမည့် ဒိုင်လူကြီးများ အနေဖြင့်လည်း ဘက်လိုက်မှုကင်းစွာဖြင့် ပြိုင်ပွဲစည်းမျဉ်း စည်းကမ်းများ၊ ဥပဒေများ အတိုင်း တိတိကျကျ ဆုံးဖြတ်ကြီးကြပ်ပေးကြဖို့ကိုလည်း ပြောကြားလိုပါကြောင်း” အဖွင့်အမှာစကားပြောကြား၍  ပြိုင်ပွဲကိုစတင်ဖွင့်လှစ်ပေးသည်။ ဆက်လက်၍ ဆက်လက်၍ စစ်ကြောင်းမှူးဦးဆောင်သည့် ပြိုင်ပွဲဝင်အသင်းများက ဝန်ကြီးချုပ်အား အလေးပြုခြင်းနှင့် အားကစားသစ္စာအဓိဌာန် (၄)ချက်အား ရွတ်ဆိုခြင်းများကို ဆောင်ရွက်ခဲ့ကြပြီးနောက် ပြိုင်ပွဲဝင်အသင်းများက ကွင်းအတွင်းမှ ပြန်လည် ထွက်ခွာခဲ့ကြသည်။ ထို့နောက် တိုင်းဒေသကြီးဝန်ကြီးချုပ်နှင့် ဧည့်သည်တော်များသည် အဖွင့်ပွဲစဉ်အဖြစ် Golden Brother(U-18)အသင်းနှင့် အနန်းကုန်း(U-18)အသင်းတို့၏ ယှဉ်ပြိုင်ကစားနေမှုကို ကြည့်ရှုအားပေးခဲ့ကြကြောင်းသိရသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင်များ၊ တိုင်း၊ ခရိုင်၊ မြို့နယ် ဌာနဆိုင်ရာများလိုက်ပါလျက် နိုဝင်ဘာလ ၇ရက်နေ့ညနေပိုင်းတွင် မြန်အောင်ခရိုင်အတွင်း စိုက်ပျိုးရေးလုပ်ငန်းများကွင်းဆင်းကြည့်ရှစစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်မြို့နယ်၊ ဆင်ကျုံးချောင်းအား ပြန်လည်တူေးဖာ်ခြင်းလုပ်ငန်းဆောင်ရွက်နေမှုများကိုကြည့်ရှုစစ်ဆေးခဲ့ရာ ခရိုင်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန တာဝန်ရှိများက ဆင်ကျုံးမြောင်းပြန်လည်တူးဖော်ခြင်းလုပ်ငန်းဆောင်ရွက်နေမှု၊ ရေမြောင်းတူးဖော်ခြင်းလုပ်ငန်းများဆက်လက်ဆောင်ရွက်သွားမည့်အခြေအ နေများနှင့် စိုက်ပျိုးရေလုံလောက်စွာရရှိနိုင်ရေးနှင့်ရေဝင်ရေထွက်ကောင်းမွန်စေ​ရေးဆောင်ရွက်မည့်အခြေအနေများရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ လုပ်ငန်းများသတ်မှတ်ကာလအတွင်းပြီးစီးစေရေး၊ ရေမြောင်းတူးဖော်ပြီးပါက မြောင်းတာဘောင်များ၊ မြေလွတ်များတွင် သီးနှံများစိုက်ပျိုးနိုင်ရေးဆောင်ရွက်ရန်မှာကြားခဲ့သည်။ အဆိုပါ ဆင်းကျုံးမြောင်းအား အလျား (၁.၈၉၃)မိုင် မြေကြီးကျင်း၁၈၇၉၅ကျင်း၊ ထိပ်ဝအကျယ် ၃၆ပေ၊ အောက်ခြေအကျယ် ၂၀ပေ၊ ပျမ်းမျှ အမြင့်/အနက် ၈ပေ ပြန်လည်တူးဖော်ခြင်းဖြစ်ပြီး မိုးစပါးစိုက်ဧက (၂၆၀၀)ဧက အားရေကြီးနစ်မြုပ်ခြင်းမှ ကာကွယ်ပေးနိုင်မှာဖြစ်ကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် အင်္ဂပူမြို့နယ်၊ ညောင်ချဉ်ကျေးရွာသို့သွားရောက်၍ တောင်သူဦးအေးလွင်၏ ယာမြေ ၅ ဧကတွင် မိုးမြေပဲ(မကွေး- ၁၂) ဒုတိယအကြိမ်စိုက်ပျိုးထားရှိမှုနှင့်(ဆင်းရွှေကြာ-၂) နေကြာစိုက်ပျိုးထားရှိမှုတို့အားကြည့်ရှုအားပေးခဲ့ပြီး တောင်သူများနှင့်ရင်းရင်းနှီးနှီးတွေ့ဆုံ၍ နေကြာအပါအဝင်ဆီထွက်သီးနှံများပိုမိုအောင်မြင်အောင်စိုက်ပျိုးစေရေး၊ အထွက်တိုးမျိုးကောင်းများမျိုးသန့်များစိုက်ပျိုးစေရေးနှင့် အောင်မြင်အောင်စိုက်ပျိုးစေရေးမှာကြားခဲ့ကြောင်းသိရသည်။

တိုင်းဒေသကြီးဝန်ကြီးချုပ်နှင့် တာဝန်ရှိသူများသည် မြန်အောင်ခရိုင်၊ မြန်အောင်မြို့နယ်၊ အောင်ဇေယျအားကစားခန်းမ၌ပြုလုပ်သည့် ၂၀၂၃-၂၀၂၄ခုနှစ် ဆောင်းသီးနှံစိုက်ပျိုးရေးအတွက် နေကြာ၊ သစ်စိမ်းမြေဩဇာ(ပိုက်ဆံလျှော်) မျိုးစေ့ပေးအပ်ပွဲအခမ်းအနားသို့ တက်ရောက်၍ “တိုင်းဒေသကြီးအတွင်းရှိ ခရိုင်များအား နေကြာ၊ သစ်စိမ်းမြေဩဇာ(ပိုက်ဆံလျှော်) မျိုးစေ့များပေးအပ်ဆောင်ရွက်လျက်ရှိပါကြောင်း၊  ပြီးခဲ့သည့်မိုးစပါးစိုက်ရာသီတွင် ရေ‌တော်မိုးတော်စိုက်ဧကတစ်သိန်းတွင် သစ်စိမ်းမြေဩဇာ(ပိုက်ဆံလျှော်)ထည့်သွင်း စိုက်ပျိုးခဲ့ပြီး မြေဆီလွှာပိုမိုကောင်းမွန်လာသည်ကိုတွေ့ရှိရပါကြောင်း၊ လာမည့်မိုးစပါးစိုက်ရာသီတွင် ရေတော်မိုးတော်စိုက်စိုက်ဧက(၂၇)သိန်းအား အပြည့်အဝထည့်သွင်း စိုက်ပျိုးဆောင်ရွက်သွားမည်ဖြစ်ပါကြောင်း၊ လယ်ယာမြေများရှိ မြေဆီလွှာပျက်စီးမှုများကို ပြန်လည်ကောင်းမွန်စေရေးအတွက် သစ်စိမ်းမြေဩဇာများ ထည့်သွင်းစိုက်ပျိုးခြင်းဖြင့် မြေပြင်ခြင်းလုပ်ငန်းများဆောင်ရွက်ရန်နှင့် ယူရီးယားမြေဩဇာ များသုံးစွဲမှုလျှော့ချနိုင်ရေးတို့အတွက် ဆောင်ရွက်ခြင်းလည်းဖြစ်ပါကြောင်း၊ တောင်သူများအနေဖြင့် သက်ဆိုင်ရာမြို့နယ်အလိုက်အုပ်စုဖွဲ့ပြီး အဖွဲ့လိုက်စုပေါင်းစနစ်ဖြင့် လုပ်ငန်းဆောင်ရွက်ကြရမှာဖြစ်ပါကြောင်း၊ ဆီဖူလုံရေးအတွက် မြန်အောင်ခရိုင်အတွင်းရှိ မြို့နယ်(၃)မြို့နယ်တွင် နေကြာစိုက်ပျိုးခြင်းများကို ဆောင်ရွက်လျက်ရှိပါကြောင်းနှင့် မြေပဲ၊ နှမ်းစသည့် ဆီထွက်သီးနှံများဖြစ်ထွန်းအောင်မြင်အောင်လည်း ဝိုင်းဝန်းဆောင်ရွက်ပေးကြစေလိုကြောင်း၊ ဆီဖူလုံရေးအတွက်မြန်အောင်ခရိုင်အား စံပြအဖြစ်ထားရှိပါကြောင်းနှင့် သီးထပ်စွမ်းအားတိုးပွားရန်အတွက်လည်း စိုက်ပျိုးဆောင်ရွက်ရမှာဖြစ်ပါကြောင်း၊ ပျားမွေးမြူခြင်းများကိုလည်း ဆောင်ရွက်ရန်လိုပါကြောင်းနှင့် ပျားမွေးမြူရေးသည် စိုက်ပျိုးရေးလုပ်ငန်းများတွင် ဝတ်မှုန်ကူးခြင်းအတွက်အထောက်အပံ့ရရှိစေမည့်အပြင် ပျားရည်နှင့် ပျားထွက်ပစ္စည်းများမှ ဝင်ငွေလည်းရရှိစေပါကြောင်း၊ တိုင်းဒေသကြီးဆီဖူလုံရေး၊ သီးနှံများပန်းတိုင်အထွက်နှုန်းရောက်ရှိစေရေးအတွက်လည်း အားလုံးကတက်ညီလက်ညီပူးပေါင်း ဆောင်ရွက်ပေးကြစေလိုကြောင်း” အမှာစကားများပြောကြားသည်။ ဆက်လက်၍ မြန်အောင်ခရိုင်စီမံအုပ်ချုပ်ရေးအဖွဲ့ ဥက္ကဋ္ဌက မြန်အောင်၊ ကြံခင်း၊ အင်္ဂပူမြို့နယ်များတွင် မိုးနေကြာစိုက်ပျိုးဆောင်ရွက်မှုနှင့် ဖြစ်ထွန်းအောင်မြင်မှု၊ ပိုက်ဆံလျှော်ထည့်သွင်းစိုက်ပျိုးမှု၊ ရေတော်မိုးတော်စိုက်ဧကများစိုက်ပျိုးမှု၊ နေကြာမျိုးစေ့နှင့်ပိုက်ဆံလျှော်မျိုးစေ့များ စုဆောင်းထားရှိမှုအခြေအနေများ၊ နိုင်ငံ့စီးပွားမြှင့်တင်ရေးရန်ပုံငွေဖြင့် စိုက်ပျိုးရေးဆောင်ရွက်မှုအခြေအနေများအားလည်းကောင်း၊ စိုက်ပျိုးရေးဦးစီးဌာန၊ ဒုတိယတိုင်းဦးစီးမှူးက နေကြာ၊ သစ်စိမ်းမြေဩဇာ(ပိုက်ဆံလျှော်) မျိုးစေ့ပေးပေးအပ်ရသည့် ရည်ရွယ်ချက်များအားရှင်းလင်းတင်ပြသည်။ ထို့နောက် တိုင်းဒေသကြီးဝန်ကြီးချုပ်နှင့်လုံခြုံရေးနှင့်နယ်စပ်ရေးရာဝန်ကြီးက မြန်အောင်၊  ကြံခင်း၊ အင်္ဂပူမြို့နယ်များမှ တောင်သူများထံသို့ သစ်စိမ်းမြေဩဇာ(ပိုက်ဆံလျှော်)မျိုးစေ့များနှင့်  နေကြာမျိုးစေ့များကို ပေးအပ်ခဲ့ပြီး ၂၀၂၃-၂၀၂၄ခုနှစ် ဆောင်းသီးနှံစိုက်ပျိုးရေးအတွက် နေကြာ၊ သစ်စိမ်းမြေဩဇာ(ပိုက်ဆံလျှော်) မျိုးစေ့ပေးပေးအပ်ပွဲအခမ်းအနားသို့ တက်ရောက်လာသော တောင်သူများကိုယ်စား တောင်သူတစ်ဦးက ကျေးဇူးတင်စကားများ ပြန်လည်ပြောကြားခဲ့သည်။ ထို့နောက်တိုင်းဒေသကြီးဝန်ကြီးချုပ်နှင့်အဖွဲ့သည် တောင်သူများနှင့်ရင်းရင်းနှီးနှီးတွေ့ဆူအားပေးခဲ့ပြီး ပြသထားသည့် နေကြာမျိုးစေ့များနှင့်၊ မိုးနေကြာဖြစ်ထွန်းမှုများအားကြည့်ရှုအားပေးခဲ့သည်။

အထွေထွေအုပ်ချုပ်ရေးဦးစီးဌာန (၃၅)နှစ်မြောက်နှစ်ပတ်လည်နေ့ အထိမ်းအမှတ်အခမ်းအနားကို ယနေ့နံနက်ပိုင်းက ပုသိမ်မြို့၊ ဧရာရွှေဝါခန်းမ၌ ပြုလုပ်ခဲ့ရာ တိုင်းဒေသကြီးဝန်ကြီးချုပ်နှင့်ဇနီး၊ အစိုးရအဖွဲ့ဝင် ဝန်ကြီးများနှင့် ဇနီးများ၊ တိုင်းအုပ်ချုပ်ရေးမှူးနှင့် ဇနီး၊ အထွေထွေအုပ်ချုပ်ရေးဦးစီးဌာနမှ အရာထမ်း၊ အမှုထမ်းများတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က“ ယနေ့အခမ်းအနားသည် အထွေထွေအုပ်ချုပ်ရေးဦးစီးဌာန၏ ဌာနနှစ်ပတ်လည်နေ့အထိမ်းအမှတ်အခမ်းအနားဖြစ်ပြီး (၃၅)နှစ်မြောက်အဖြစ်ကျင်းပပြုလုပ်သည့် အခမ်းအနားဖြစ်ပါကြောင်း၊ အထွေထွေအုပ်ချုပ်ရေးဦးစီးဌာနသည် နိုင်ငံတော်၏အုပ်ချုပ်ရေးယန္တရားပြောင်းလဲမှု ဖြစ်စဉ်များနှင့်အတူ နယ်ချဲ့ကိုလိုနီလက်ထက်ကစပြီး လွတ်လပ်ရေးရပြီးကာလ၊ စနစ်သစ်အုပ်ချုပ်ရေးကာလ၊ ပြည်သူ့ကောင်စီကာလ၊ တပ်မတော်အစိုးရလက်ထက် ပါတီစုံဒီမိုကရေစီကာလ၊ လက်ရှိနိုင်ငံတော် စီမံအုပ်ချုပ်ရေးကောင်စီ ကာလအထိ အသွင်အမျိုးမျိုးဖြင့် ပြောင်းလဲဖွဲ့စည်းရပ်တည်ခဲ့ပြီး မြန်မာနိုင်ငံတော်၏အုပ်ချုပ်ရေးယန္တရား အဆင်ပြေချောမွေ့စွာ လည်ပတ်နိုင်ရေးအတွက် ပင်နယံစိတ်များသဖွယ် အခြားဌာနဆိုင်ရာများနှင့်ချိတ်ဆက်လည်ပတ်ကာ ပြည်ရေးပြည်ရာ အုပ်ချုပ်ရေးနှင့်အတူ ပေးအပ်လာသည့်တာဝန်တွေကို ကျရာအခန်းကဏ္ဍကပါဝင်၍ တာဝန်ယူဆောင်ရွက်လျက် ရှိပါကြောင်း၊  ယနေ့နိုင်ငံတော်စီမံအုပ်ချုပ်ရေးကောင်စီကာလတိုင်အောင်နိုင်ငံတော်၏ အုပ်ချုပ်ရေးကိုအထောက်အကူပြုသည့် ဌာနကြီးတစ်ခုအနေဖြင့်ရပ်တည်နိုင်ခဲ့ပြီး နှစ်ပတ်လည်နေ့ကို အဓိပ္ပာယ်ရှိသည့်အခမ်းအနားတစ်ခုအဖြစ် အစဉ်အလာကောင်းတစ်ရပ်အနေနှင့် ယနေ့အချိန်အထိ ကျင်းပခဲ့သည်မှာ ဌာန၏ အရာထမ်း၊ အမှုထမ်းများအနေဖြင့် မိမိတို့ဌာန၏ ကြီးမားသည့်အစဉ်အလာကိုဆက်လက်ထိန်းသိမ်းသွားနိုင်ရန်ဆိုသည့် ကောင်းမွန်သည့်အသိဖြစ်ပေါ်စေရန် ရည်ရွယ်ချက်လည်းပါဝင်ပါကြောင်း၊ တိုင်းဒေသကြီးအစိုးရအဖွဲ့သည် နိုင်ငံတော်အစိုးရ၏ မူဝါဒများကို အောင်မြင်အောင်အကောင်အထည်ဖော်ဆောင်ရွက်ရာတွင်အထွေထွေအုပ်ချုပ်ရေး ဦးစီးဌာနသည် အစိုးရအဖွဲ့၏ ရုံးလုပ်ငန်းတာဝန်များအား အဓိကပံ့ပိုး တာဝန်ယူဆောင်ရွက်ပေးလျက်ရှိပြီးပြည်သူများ၏ လိုအပ်ချက်များအား အစိုးရအဖွဲ့မှ အောင်မြင်အောင် ဖော်ဆောင်ပေးနိုင်ရေး ဆောင်ရွက်ရာတွင်လည်း အစိုးရနှင့်ပြည်သူအကြား ပေါင်းကူးသဖွယ်ဆက်သွယ်ဆောင်ရွက်ပေးသော ဌာနလည်းဖြစ်သည့်အတွက် ပြည်သူများနှင့် ဆက်ဆံရာတွင်လည်း ဆက်ဆံရေးပြေပြစ်ကောင်းမွန်မှု ရှိရမှာ ဖြစ်ပါကြောင်း၊ နိုင်ငံတော်မှချမှတ်ထားသော မူဝါဒများ၊ အမိန့်၊ ဥပဒေ၊ နည်းဥပဒေ၊ လုပ်ထုံးလုပ်နည်း၊ညွှန်ကြားချက်များနှင့်အညီ တိကျစွာလိုက်နာရန် လိုအပ်ပြီး ဌာနအတွင်းရှိ ဝန်ထမ်းများအချင်းချင်း စည်းလုံးညီညွတ်မှုရှိရန်လည်းလိုအပ်မည်ဖြစ်ပါကြောင်း၊ ယခုအခါ နိုင်ငံတော်စီမံအုပ်ချုပ်ရေးကောင်စီ၏ ရှေ့လုပ်ငန်းစဉ်(၅)ရပ်၊ ဦးတည်ချက်(၉)ရပ်တို့ကို အကောင်အထည်ဖော်ဆောင်ရွက်ရာတွင်လည်း အောင်မြင်စေရေး၊ ပြည်သူလူထု၏ လူမှုစီးပွားဘဝ လုံခြုံရေး၊ ပြည်ထောင်စုတစ်ဝန်းလုံး တည်ငြိမ်အေးချမ်းရေး၊ တရားဥပဒေစိုးမိုးရေး၊ ပညာရေး၊ ကျန်းမာရေး၊ ဒေသဖွံ့ဖြိုးတိုးတက်ရေး၊ ဒီမိုကရေစီနှင့် ဖက်ဒရယ်ကို အခြေခံသည့်ပြည်ထောင်စုတည်ဆောက်ရေး၊ ပြည်သူလူထု၏ လူနေမှုဘဝဖွံ့ဖြိုးတိုးတက်ရေးတို့ကို အလေးထား၍ ဆက်လက်ဆောင်ရွက်ရာတွင် အထွေထွေအုပ်ချုပ်ရေးဦးစီးဌာနသည် ညီနောင်အဖွဲ့အစည်းများနှင့်အတူ ပူးပေါင်းဆောင်ရွက်သွားကြရန် လိုအပ်ပါကြောင်း၊ ဝန်ထမ်းများအနေဖြင့် ချမှတ်ထားသည့် စည်းကမ်းချက်များ၊ စောင့်ထိန်းရမည့် ကျင့်ဝတ်များကိုလိုက်နာပြီး ဝန်ထမ်းတိုင်းစိတ်ဓာတ် တိုးတက်မြင့်မားရန်၊ ဝန်ထမ်းအချင်းချင်း စည်းလုံးညီညွတ်စွာဖြင့်  ရုံးလုပ်ငန်းတာဝန်များကို ကျေပွန်အောင် ဆောင်ရွက်ရန်၊ အချိန်ကို လေးစားတန်ဖိုးထားပြီး အကျိုးရှိစွာ အသုံးပြုကြရန်၊ ကောင်းမွန်တဲ့အစဉ်အလာကို ထိခိုက်ပျက်စီးနိုင်သည့် အပြုအမူ၊ အပြောအဆို၊ အနေအထိုင်များကိုရှောင်ကြဉ်ရန်၊ ဌာနအပေါ်သစ္စာရှိပြီး အထွေထွေအုပ်ချုပ်ရေးဦးစီးဌာန၏ အစဉ်အလာကောင်းများကို ဆက်လက်ထိန်းသိမ်း၍ နိုင်ငံတော်နှင့် ပြည်သူများက လေးစားအားထားရသည့် အုပ်ချုပ်ရေးဌာနကြီးတစ်ခုအဖြစ် ဆက်လက် ရပ်တည်နိုင်အောင် ဆောင်ရွက်သွားကြရန် လိုအပ်ပါကြောင်း၊  အထွေထွေအုပ်ချုပ်ရေးဦးစီးဌာန (၃၅) နှစ်မြောက် နှစ်ပတ်လည် နေ့အခမ်းအနားကို ဂုဏ်ပြုသောအားဖြင့် ဘုရား၊ ပုထိုး၊ စေတီ ရင်ပြင်နှင့် တန်ဆောင်းများအား စုပေါင်းသန့်ရှင်းရေးဆောင်ရွက်ခြင်း၊ ပန်း၊ ဆီမီး ဆက်ကပ်လှူဒါန်းခြင်း၊ သံဃာတော်များအား ဆွမ်း၊ သင်္ကန်းနှင့် နဝကမ္မအလှူငွေများလှူဒါန်းခြင်း၊ စုပေါင်းသွေးလှူဒါန်းခြင်း၊ ပျော်ပွဲ/ ရွှင်ပွဲ၊ အားကစားပြိုင်ပွဲများကျင်းပခြင်း စသည့်လုပ်ဆောင်ချက်များသည် ကောင်းမွန်သည့် လုပ်ဆောင်မှုများဖြစ်ပြီး နောင်နှစ်များတွင်လည်း အထွေထွေအုပ်ချုပ်ရေးဦးစီးဌာန နှစ်ပတ်လည်နေ့အခမ်းအနားအား စဉ်ဆက်မပြတ် ခမ်းနားကြီးကျယ်စွာ ကျင်းပနိုင်ပါစေကြောင်းနှင့် နိုင်ငံတော်၏ အကျိုး၊ ဒေသ၏အကျိုး၊ ပြည်သူလူထု၏အကျိုးကို အစဉ်သယ်ပိုးနိုင်တဲ့ အရည်အသွေးပြည့်ဝသည့် အုပ်ချုပ်ရေးဝန်ထမ်းကောင်းများဖြစ်အောင်၊ ဌာန၏ ဝန်ထမ်းအဖြစ်ဂုဏ်ယူလိုသောစိတ်ဓာတ်ဖြင့် ကြိုးပမ်းဆောင်ရွက်သွားကြစေလိုကြောင်း”အဖွင့်အမှာစကားပြောကြားသည်။ ဆက်လက်၍ (၃၅)နှစ်မြောက်နှစ်ပတ်လည်နေ့အထိမ်းအမှတ်အခမ်းအနားအတွက် တိုင်းဒေသကြီးအစိုးရအဖွဲ့မှထောက်ပံ့သည့် ကျပ်သိန်း(၅၀)အား ဝန်ကြီးချုပ်က ပေးအပ်ချီးမြှင့်ရာ တိုင်းဒေသကြီးအထွေထွေအုပ်ချုပ်ရေးဦးစီးဌာနမှ ဦးစီးအရာရှိနှစ်ဦးကလက်ခံယူခဲ့သည်။ ယင်းနောက် ဗဟိုဝန်ထမ်းတက္ကသိုလ်(အထက်မြန်မာပြည်နှင့် အောက်မြန်မာပြည်)တွင် သင်တန်းတက်ရောက်၍ ဆုရရှိသူဝန်ထမ်းလေးဦးအား တိုင်းဒေသကြီးဝန်ကြီးချုပ်ကလည်းကောင်း၊ တိုင်းဒေသကြီးအထွေထွေအုပ်ချုပ်ရေးဦးစီးဌာနမှ အရာထမ်း၊ အမှုထမ်းဝန်ထမ်းများအတွက်  ဝန်ထမ်းဝတ်စုံများကို တိုင်းဒေသကြီး ဝန်ကြီးချုပ်နှင့် ဇနီးကလည်းကောင်း၊ ဗဟိုဝန်ထမ်းတက္ကသိုလ်(အထက်မြန်မာပြည်နှင့် အောက်မြန်မာပြည်)တွင် သင်တန်းတက်ရောက်၍ ဆုရရှိသူဝန်ထမ်းသုံးဦးအား တိုင်းအုပ်ချုပ်ရေးမှူးကလည်းကောင်း ဝန်ထမ်းဝတ်စုံများနှင့် ဆုများချီးမြှင့်ခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့် ဧည့်သည်တော်များသည် ပြည်ထဲရေးဝန်ကြီးဌာန၊ အထွေထွေအုပ်ချုပ်ရေးဦးစီးဌာနသမိုင်းကြောင်း ဗီဒီယိုကလစ် ပြသမှုကိုကြည့်ရှုအားပေးခဲ့ပြီးနောက် (၃၅)နှစ်မြောက်နှစ်ပတ်လည်နေ့ အထိမ်းအမှတ်အဖြစ် ပြသထားသောမှတ်တမ်းဓာတ်ပုံပြခန်းများကို ဆက်လက်ကြည့်ရှုအားပေးခဲ့‌ကြကြောင်းသိရသည်။