၂၀၂၄ ခုနှစ်၊ တက္ကသိုလ်ဝင်စာမေးပွဲ အောင်ချက်မြင့်မားရေး ဘာသာရပ်ဆိုင်ရာသိကောင်းစရာများ​ ဒုတိယအကြိမ် ဆွေး​နွေးပွဲကို ဇန်နဝါရီလ ၆ရက်နေ့နံနက်ပိုင်းက ပုသိမ်တက္ကသိုလ်တွင် ဘာသာရပ်အလိုက် ​ဆွေး​နွေးပွဲများပြုလုပ်ခဲ့ရာ ဧရာဝတီတိုင်း​ဒေသကြီးအတွင်း မြို့နယ် ၂၆ မြို့နယ်ရှိ အ​ခြေခံပညာ​ကျောင်းများမှ ဆရာ၊ ဆရာမ (၄၀၀၀)​ကျော်အား ပုသိမ်တက္ကသိုလ်မှ ပါ​မောက္ခဌာနမှူးများ၊ ဆရာကြီး ဆရာမကြီးများမှ ​ဆွေး​နွေးပို့ချ​ပေးလျက်ရှိရာ တိုင်းဒေသကြီးဝန်ကြီးချုပ် ဦးတင်မောင်ဝင်းနှင့် အစိုးရအဖွဲ့ဝင် ဝန်ကြီးများ၊ တာဝန်ရှိသူများသည် ညနေပိုင်းတွင် အဆိုပါ​ဆွေး​နွေးပွဲသို့ တက်​ရောက်လာကြသည့် ဆရာ၊ ဆရာမများအား သွား​ရောက်​တွေ့ဆုံ အား​ပေးခဲ့ပြီး တိုင်းဒေသကြီး ဝန်ကြီးချုပ်က “ ဧရာဝတီတိုင်း​ဒေသကြီး၏ ၂၀၂၄ ခုနှစ်၊ တက္ကသိုလ်ဝင်စာမေးပွဲတွင် အောင်ချက်မြင့်မားရေးအတွက် တက္ကသိုလ်များမှ ပါ​မောက္ခ(ဌာနမှူး) ဆရာကြီး၊ ဆရာမကြီးများနှင့် အခြေခံပညာအထက်တန်းကျောင်းများမှ ဆရာ၊ ဆရာမများတွေ့ဆုံ၍ ယနေ့တွင်ဘာသာရပ်ဆိုင်ရာ သိ​ကောင်းစရာ ဟောပြောပွဲကျင်းပသည်မှာ ဒုတိယအကြိမ်ဖြစ်ပါ​ကြောင်း၊ ယခု​ဆွေး​နွေးပွဲမှ ရရှိသည့် ဘာသာရပ်အလိုက်သိ​ကောင်းစရာများကိုလည်း လက်ဆင့်ကမ်း ဆင့်ပွားပြန်လည်ပို့ချ​ပေးရမှာဖြစ်​ကြောင်း၊ တက္ကသိုလ်ဝင်စာမေးပွဲအောင်ချက်မြင့်မားရေးအတွက် အုပ်ချုပ်ရေးအဖွဲ့များ၊ ဆရာ၊ ဆရာမများ ဝိုင်းဝန်းပူး​ပေါင်း ဆောင်ရွက်​ပေးခဲ့ပါကြောင်း၊ ယခုနှစ်သည် Grade 12 သင်ရိုးသစ် စတင်သင်ကြား​ဖြေဆိုရမည်ဖြစ်သဖြင့် ဆရာ၊ ဆရာမများက ကြိုးစား၍ သင်ကြားပို့ချပေးလျက်ရှိသည်ကို​တွေ့ရှိရပါကြောင်း၊ ဘက်စုံပညာ​ရေးစနစ်အား အ​ကောင်အထည်​ဖော်နိုင်​ရန် ဆရာ၊ ဆရာမများ၏ စွမ်း​ဆောင်နိုင်မှုသည် အလွန်အ​ရေးပါ​သော အခန်းကဏ္ဍမှ ရပ်တည်​နေပါ​ကြောင်း၊ ယခင်နှစ် စနစ်ဟောင်း တက္ကသိုလ်ဝင်စာမေးပွဲအား မဖြေဆိုဖြစ်ခဲ့သူများ၊ ကျရှုံးသူများကိုလည်း ဝင်​ရောက်​ဖြေဆိုခွင့်ပြုထားရာ ​အောင်မြင်စွာ​ဖြေဆိုနိုင်​ရေးအတွက် သင်ကြား​ပေးရမှာဖြစ်ပါ​ကြောင်း၊ ​ယခုနှစ် Grade 12 သင်ရိုးသစ် စာ​မေးပွဲတွင် တိုင်း​​ဒေသကြီးအ​နေဖြင့် တက္ကသိုလ်ဝင်စာမေးပွဲ အောင်ချက်မြင့်မားစေရေး ဆရာ၊ ဆရာမများအ​နေဖြင့် ဝိုင်းဝန်း ကြိုးပမ်း​ပေးကြ​စေလို​ကြောင်း " အမှာစကား​ပြောကြားခဲ့ပါသည်။ ထို့​နောက် ပုသိမ်တက္ကသိုလ်ပါမောက္ခချုပ် ဆရာကြီးက တက္ကသိုလ်ဝင်စာမေးပွဲအောင်ချက်မြင့်မားရေး ဘာသာရပ်ဆိုင်ရာသိကောင်းစရာများ ဟောပြောပွဲနှင့်ပတ်သက်၍ ရှင်းလင်းတင်ပြပြီး တိုင်း​ဒေသကြီးဝန်ကြီးချုပ်က ဆရာ၊ ဆရာမများအတွက် ​ချီးမြှင့်​ငွေများ ​ပေးအပ်ခဲ့ရာ ပုသိမ်တက္ကသိုလ်ပါမောက္ခချုပ်ဆရာကြီးက လက်ခံခဲ့ပြီးနောက် တိုင်းဒေသကြီးဝန်ကြီးချုပ်သည် ​ဆွေး​နွေးပွဲသို့တက်​ရောက်လာကြသည့် ဆရာ၊ ဆရာမများအား ရင်းရင်းနှီးနှီး​နှုတ်ဆက်ခဲ့ပါသည်။ ဆက်လက်၍ တိုင်း​ဒေသကြီးဝန်ကြီးချုပ် ဦးတင်​မောင်ဝင်းနှင့်အဖွဲ့သည် ပုသိမ်မြို့​ပေါ်ရှိ စာသင်​ကျောင်းများတွင် အ​ခြေခံစာတတ်​မြောက်​ရေးလုပ်ငန်း စာသင်ဝိုင်းများအား လိုက်လံကြည့်ရှုအား​ပေးခဲ့ရာ ပုသိမ်မြို့၊ အမှတ်(၁) ရပ်ကွက်ရှိ အမှတ် (၁၇၇)အ​ခြေခံပညာအလယ်တန်း​ကျောင်း(ခွဲ) ထန်းကုန်း​လေးတွင် လည်း​ကောင်း၊ ပန်းဆက်ရပ်ကွက်၊ အမှတ်(၂၅)အ​ခြေခံပညာမူလတန်းလွန်​ကျောင်းတွင်လည်း​ကောင်း နည်းပြ ဆရာ၊ ဆရာမများမှ အ​ခြေခံပညာစာတတ်​မြောက်​ရေးလုပ်ငန်းအဖြစ် စာသင်သားများအား သင်ကြား​ပေး​နေမှုများ၊ စာသင်သားများ၏ ​အရေးအဖတ် တိုးတက်လာမှုများအား ကြည့်ရှုအား​ပေးခဲ့ပြီး အာဟာရဖြည့် စား​သောက်ဖွယ်ရာများ ​ထောက်ပံ့​ပေးအပ်ခဲ့ပါသည်။ ပညာရေးဝန်ကြီးဌာနနှင့် ဧရာဝတီတိုင်းဒေသကြီးအစိုးရအဖွဲ့ ပူးပေါင်း၍ အခြေခံ စာတတ်မြောက်ရေးလုပ်ငန်းကို ပုသိမ်မြို့နယ်၊ ဟင်္သာတ မြို့နယ်၊ မအူပင်မြို့နယ်၊ မြောင်းမြမြို့နယ်နှင့် ဘိုကလေးမြို့နယ်များတွင် ဆောင်ရွက်လျှက်ရှိ​ပါသည်။

ဧရာဝတီတိုင်းဒေသကြီး၊ ပုသိမ်ခရိုင်၊ ငပု​တောမြို့နယ်၊ ဟိုင်းကြီးကျွန်းမြို့၊ ဇီးချိုင်ကျေးရွာအုပ်စု၍တည်ထား ကိုးကွယ်တော်မူသည့် မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီး၏ ရင်ပြင်တော်တိုးချဲ့တည်ဆောက်ခြင်းလုပ်ငန်းများကို တိုင်းဒေသကြီးဝန်ကြီးချုပ် ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ သွားရောက်ကြည့်ရှု စစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်သည် ​မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီးအား ပန်း၊ ဆီမီး၊ ​ရေချမ်းကပ်လှူပူ​ဇော်၍ ဖူးမြော်ကြည်ညိုခဲ့သည်။ ထို့နောက် စေတီ​တော်မြတ်ကြီး အ​နေကဇာ​ဆောင် ပြုပြင်မွမ်းမံပြင်ဆင်​နေမှုများ၊ ​စေတီ​တော်ကြီး၏ ​မြောက်ဘက်ရင်ပြင်၊ အ​ရှေ့ဘက်ရင်ပြင် ​နေပူခံ​ကျောက်ပြားခင်းကျင်းနေမှုများ၊ ​စေတီ​တော်မြတ်ကြီး ပန်းတင်ခုံမြန်မာမှုလုပ်ငန်းေဆာင်ရွက် နေမှုများ၊ မဟာရံတံတိုင်းလုပ်ငန်း​ဆောင်ရွက်​နေမှုများ၊ မဟာရံတံတိုင်း စိန်​တောင် မြန်မာမှုလုပ်ငန်းဆောင်ရွက်နေမှုများ၊ မဟာမကုဋရံသီ ဆံတော်ရှင် မြတ်မော်တင်စေတီတော်မြတ်ကြီး မြောက်ဘက်မုခ်ဦးလှေကား ဆောင်ရွက်နေမှု အခြေအနေများ၊ ​စေတီ​တော်မြတ်ကြီးရင်ပြင် အောက်အနှုတ်(၁၂)level ပွတ်လုံးလက်ရမ်း​ဆောင်ရွက်​နေမှုများ၊ စေတီတော်ရင်ပြင်အောက်ဘက်ရှိ ကမ်းခြေဆင်းလမ်း ဆောင်ရွက်နေမှုအခြေအနေများအားကြည့်ရှုစစ်ဆေးခဲ့သည်။ ထို့​နောက် ကုမ္ပဏီတာဝန်ရှိသူမှ မြတ်​မော်တင်ဆံ​တော်ရှင်​စေတီ​တော်မြတ်ကြီး၏ ရင်ပြင်​တော်တိုးချဲ့ခြင်း၊ ပြုပြင်မွမ်းမံခြင်းလုပ်ငန်းများနှင့်ပတ်သက်၍ ရှင်းလင်းတင်ပြရာ တိုင်း​ဒေသကြီးဝန်ကြီးချုပ်က ​ရေရှည်တည်တံ့ခိုင်မြဲ​စေ​ရေးအတွက် တည်ဆောက်ရေးလုပ်ငန်းများအရည်အသွေးပြည့်မီ​​အောင်ရွက်ရန်၊ မြန်မာမှုလက်ရာ လက်သားများ ​သေသပ်​ကောင်းမွန်​အောင်​ဆောင်ရွက်ရန်၊ နဂါးလမ်း၊ ​လှေကားအတက်အဆင်းလမ်းများ ပြေပြစ်စေရေးဆောင်ရွက်ရန်၊ လုပ်ငန်း​ဆောင်ရွက်မှုများ သတ်မှတ်ကာလအတွင်းပြီးစီးစေရေး အင်အားပြည့်ဆောင်ရွက်ရန်၊ လုပ်ငန်းခွင်အန္တရာယ်ကင်းရှင်းစေရေးနှင့်သန့်ရှင်းမှုရှိစေရေး အလေးထားဆောင်ရွက်ရန် မှာကြားခဲ့ပါသည်။

၂၀၂၃-၂၀၂၄ပညာသင်နှစ်၊ ပထမနှစ် (၂၀၂၃-အောင်) မောင်မယ်သစ်လွင်ကြိုဆိုပွဲနှင့် တက္ကသိုလ်၊ ဒီဂရီကောလိပ်ပေါင်းစုံ အားကစားပြိုင်ပွဲ(ပုသိမ်ဇုန်) အောင်နိုင်ရေးအလံပေးအပ်ပွဲ အခမ်းအနားကို ယနေ့နံနက်ပိုင်းက ပုသိမ်တက္ကသိုလ်၊ ဘွဲ့နှင်းသဘင်ခန်းမ၌ ပြုလုပ်ခဲ့ရာ အခမ်းအနားသို့ တိုင်းဒေသကြီး ဝန်ကြီးချုပ်ဦးတင်မောင်ဝင်း၊ အစိုးရအဖွဲ့ဝင် ဝန်ကြီးများ၊ ပါမောက္ခချုပ်၊ ဒုတိယပါမောက္ခချုပ်နှင့် ပါမောက္ခ(ဌာနမှူး)များ၊ ကျောင်းသားကျောင်းသူများ တက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က“ တက္ကသိုလ်ကြီးတွင် စတင်ပညာဆည်းပူးမည့် မောင်တို့မယ်တို့အား တက္ကသိုလ်ရှိ ပါမောက္ခချုပ်၊ ဒုတိယပါမောက္ခချုပ်နှင့် ပါမောက္ခများက နွေးထွေးစွာကြိုဆိုကြခြင်းဖြစ်ပါကြောင်း၊ မောင်တို့မယ်တို့အနေဖြင့် တက္ကသိုလ်ဝင်စာမေးပွဲ အောင်မြင်ခဲ့ကြပြီး ဘာသာရပ်များအလိုက် အဆင့်မြင့်ပညာများကို ဆက်လက်လေ့လာသင်ယူ ကြရမှာဖြစ်ပါကြောင်း၊ တက္ကသိုလ်ဆိုသည်မှာ တွေးတောကြံဆခြင်း အလေ့အကျင့်ကောင်း များကို ပြုစုပျိုးထောင်ပေးရာ နေရာဖြစ်ပါကြောင်း၊ ထို့အပြင် တက္ကသိုလ် ကျောင်းတော်ကြီးတွင် မိမိတို့ဝါသနာပါသည့် အားကစား၊ စာပေ ၊ ဂီတ၊ အနုပညာဆိုင်ရာများကိုလည်း စနစ်တကျလေ့လာသင်ယူခွင့်ရကြမှာဖြစ်ပါကြောင်း၊ ပုသိမ်တက္ကသိုလ်အား တက္ကသိုလ်အင်္ဂါရပ်များနှင့်အညီဖြစ်စေရေး အဆောက်အဦသစ်များတိုးချဲ့ဆောက်လုပ်ပေးခြင်း၊ လမ်းများတို့ချဲ့ဆောင်ရွက်ပေးခြင်း၊ အားကစားနှင့်သက်ဆိုင်သည့် အဆောက်အဦများနှင့် အားကစားပစ္စည်းများဖြည့်ဆည်းဆောင်ရွက်ပေး လျက်ရှိပါကြောင်း၊ အားကစားကဏ္ဍအနေဖြင့် ပုသိမ်၊ ဟင်္သာတ၊ မအူပင် တက္ကသိုလ်တို့စုပေါင်း၍ ပုသိမ်ဇုန်အဖြစ် အားကစားပြိုင်ပွဲများကို ဝင်ရောက်ယှဉ်ပြိုင် ရမည်ဖြစ်ပါကြောင်း၊ ယခင်နှစ်ထက်အောင်မြင်မှုများရရှိလာမည်ဟု မိမိအနေဖြင့်ယုံကြည်ပါကြောင်း၊ မောင်မယ်သစ်လွင်တို့အနေဖြင့် အဆင့်မြင့်ပညာများကိုလေ့လာဆည်းပူးပြီး သုတေသနပြုမှု၊ တီထွင်ဖန်တီးမှုတွေကိုတိုးတက်အောင်မြင်အောင်ကြိုးစားရင်းဖြင့် ဒေသနှင့် နိုင်ငံအကျိုး ကိုယ်စွမ်းဉာဏ်စွမ်းရှိသမျှ ကြိုးစားဖော်ဆောင်ပေးနိုင်သူများ ဖြစ်ပါစေကြောင်းနှင့် အားကစားကဏ္ဍတွင်လည်း ပုသိမ်ဇုန်ဂုဏ်ဆောင်နိုင်သည့် အားကစားသမားလည်း ဖြစ်ကြ ပါစေကြောင်း” မောင်မယ်သစ်လွင်များအား ကြိုဆိုနှုတ်ခွန်းဆက်စကားနှင့် ပြိုင်ပွဲဝင် အားကစားသမားများအား အမှာစကားများပြောကြားသည်။ ဆက်လက်၍ ပုသိမ်တက္ကသိုလ်ပါမောက္ခချုပ်က မောင်မယ်သစ်လွင်များအား ကြိုဆို နှုတ်ခွန်းဆက်စကားနှင့် တက္ကသိုလ်၊ဒီဂရီကောလိပ်ပေါင်းစုံအားကစားပြိုင်ပွဲ ဝင်ရောက်ယှဉ်ပြိုင်မည့် ပုသိမ်ဇုန်အသင်းဖွဲ့စည်းထားရှိမှုနှင့် ပြိုင်ပွဲဝင်ရောက်မည့် အစီအစဉ်များအား ရှင်းလင်းတင်ပြသည်။ ထို့နောက် တိုင်းဒေသကြီးဝန်ကြီးချုပ်က ပြိုင်ပွဲဝင်အားကစားသမားများအား အောင်နိုင်ရေးအလံနှင့် ချီးမြှင့်ထောက်ပံ့ငွေများ ပေးအပ်ခဲ့သည်။ ပုသိမ်တက္ကသိုလ်တွင် ၂၀၂၃-၂၀၂၄ပညာသင်နှစ် ပထမနှစ်(၂၀၂၃-အောင်) မောင်မယ်သစ်လွင် (၄၀၉)ဦး တက်ရောက် ပညာလေ့လာဆည်းပူးလျက်ရှိပြီး ပုသိမ်ဇုန်အနေဖြင့် တက္ကသိုလ်၊ ဒီဂရီကောလိပ်ပေါင်းစုံ အားကစားပြိုင်ပွဲသို့ ဘောလုံး၊ ဘော်လီဘော၊ ပိုက်ကျော်ခြင်း၊ ပြေးခုန်ပစ်၊ စားပွဲတင်တင်းနစ် အားကစားနည်း(၅)ခုမှာ အားကစားနည်း အလိုက် အုပ်ချုပ်၊ နည်းပြ၊ အားကစားသမား စုစုပေါင်း (၇၀) ဦးဖြင့်ဝင်ရောက်ယှဉ်ပြိုင်သွားမှာဖြစ်ကြောင်းသိရသည်။

ဧရာဝတီတိုင်းဒေသကြီး၊ ပုသိမ်မြို့၊ မြို့တော်ခန်းမ၌ (၇၆)နှစ်မြောက် လွတ်လပ်ရေးနေ့ အထိမ်းအမှတ် ဂုဏ်ပြုညစာစားပွဲကို ဇန်နဝါရီလ၊ (၄) ရက်နေ့ညပိုင်းကပြုလုပ်ခဲ့ရာ ညစာစားပွဲသို့ တိုင်းဒေသကြီးဝန်ကြီးချုပ်ဦးတင်မောင်ဝင်းနှင့်ဇနီး၊ အနောက်တောင်တိုင်း စစ်ဌာနချုပ်တိုင်းမှူးနှင့်ဇနီး၊ ပုသိမ်လေတပ်စခန်းဌာနချုပ်မှူးနှင့်ဇနီး၊ အစိုးရအဖွဲ့ဝင် ဝန်ကြီးများနှင့် ဇနီးများ၊ ဌာနဆိုင်ရာများ၊ ဆုရရှိသူများ တက်ရောက်ခဲ့ကြသည်။ ဂုဏ်ပြုညစာစားပွဲတွင် တိုင်းဒေသကြီးဝန်ကြီးချုပ်က“ မြန်မာနိုင်ငံအနေဖြင့် လွတ်လပ်ရေးရရှိခဲ့သည်မှာ (၇၆)နှစ်မြောက်သို့ တိုင်ခဲ့ပြီဖြစ်ပါကြောင်းနှင့် မိမိတို့အနေဖြင့် လွတ်လပ်ရေးအား လက်ဆင့်ကမ်းထိန်းသိမ်းသွားရမည် ဖြစ်ပါကြောင်း၊ နိုင်ငံတော်စီမံအုပ်ချုပ်ရေးကောင်စီ၏ အမျိုးသားရေးရည်မှန်းချက် နှစ်ရပ်ဖြစ်သည့် တိုင်းပြည်သာယာဝပြောရေးနှင့် စားရေရိက္ခာဖူလုံရေးကို ကြိုးပမ်းဆောင်ရွက်လျက်ရှိပါကြောင်း၊ ယခုနှစ်မိုးစပါးတွင် သတ်မှတ်ထားသည့် ရည်မှန်းချက်များကို အောင်မြင်စွာဆောင်ရွက်နိုင်ခဲ့သကဲ့သို့ နွေစပါးကိုလည်း ရည်မှန်းထားသည့်အတိုင်း အောင်မြင်စွာဆောင်ရွက်နိုင်မည်ဟု ယုံကြည်ပါကြောင်း၊ Clean City ၊ Green City ဆုများကိုလည်း ချီးမြှင့်သွားမည်ဖြစ်ပါကြောင်း၊ တိုင်းဒေသကြီးအနေဖြင့် ချမှတ်ထားသည့် ရည်မှန်းချက်များကို အကောင်အထည်ဖော်သည့်အခါ စိုက်ပျိုးမွေးမြူရေးကို အခြေခံသည့် ဒေသထွက်ကုန်ကြမ်းများဖြင့် MSMEsလုပ်ငန်းများပိုမိုတိုးတက်အောင် ဆောင်ရွက် ခဲ့ပါကြောင်း၊ မိမိတို့တိုင်းဒေသကြီး၏ စိုက်ပျိုးမွေးမြူရေးလုပ်ငန်းများ၊ ပညာရေး၊ ကျန်းမာရေး၊ ဒေသဖွံ့ဖြိုးရေးလုပ်ငန်းများအပါအဝင် ဘက်စုံကဏ္ဍစုံ တိုးတက်စေရန်နှင့် လွတ်လပ်ရေး အဓွန့်ရှည်တည်တံ့စေရန်အတွက် အားလုံးက ပူးပေါင်းပါဝင်ပြီး တက်ညီလက်ညီဖြင့် ထိန်းသိမ်းကာကွယ်စောင့်ရှောက် သွားကြရမည်ဖြစ်ကြောင်း”အမှာစကားပြောကြားသည်။ ဆက်လက်၍ ဆုချီးမြှင့်ပွဲအခမ်းအနားကို ပြုလုပ်ရာ စည်ပင်ဖွဲ့စည်းပုံ (ကအဆင့်မြို့) အထူးဆုရရှိသည့် ဖျာပုံမြို့၊ စည်ပင်ဖွဲ့စည်းပုံ( က အဆင့်အောက်မြို့) အထူးဆုရရှိသည့် ကြံခင်းမြို့တို့မှ တာဝန်ရှိသူများနှင့်အခြေခံပညာအလယ်တန်းအဆင့် စာစီစာကုံးပြိုင်ပွဲ တတိယဆု၊ အခြေခံပညာမူလတန်းအဆင့်စာစီစာကုံးပြိုင်ပွဲတတိယဆု၊ အခြေခံပညာ အထက်တန်းအဆင့်ကဗျာပြိုင်ပွဲ တတိယဆု၊ အခြေခံပညာအထက်တန်းအဆင့် ကျပန်းစကား ပြောပြိုင်ပွဲ တတိယဆုရရှိသူများကို လုံခြုံရေးနှင့်နယ်စပ်ရေးရာဝန်ကြီးကလည်းကောင်း၊ ဌာနဆိုင်ရာပြခန်း တတိယဆုရရှိသည့် မွေးမြူရေးနှင့်ကုသရေးဦးစီးဌာနပြခန်း၊ MSMEs ပြခန်း တတိယဆုရရှိသည့် မြောင်းမြခရိုင်ပြခန်း၊ သစ်သီးဝလံပြခန်း တတိယဆုရရှိသည့် မြန်အောင်ခရိုင်ပြခန်းတို့မှ တာဝန်ရှိသူများ၊ တက္ကသိုလ်ကျောင်းပေါင်းစုံစာစီစာကုံးပြိုင်ပွဲ တတိယဆု၊ တက္ကသိုလ်ကျောင်းပေါင်းစုံကဗျာပြိုင်ပွဲ တတိယဆု၊ အခြေခံပညာအထက်တန်း အဆင့်စာစီစာကုံးပြိုင်ပွဲ တတိယဆုရရှိများကို ပုသိမ်လေတပ်စခန်းဌာနချုပ်မှူးက လည်းကောင်း၊ တက္ကသိုလ်ကျောင်းပေါင်းစုံကဗျာပြိုင်ပွဲ ဒုတိယဆု၊ အခြေခံပညာအထက်တန်း အဆင့် စာစီစာကုံးပြိုင်ပွဲ ဒုတိယဆု၊ အခြေခံပညာအလယ်တန်းအဆင့် စာစီစာကုံးပြိုင်ပွဲ ဒုတိယဆု၊ အခြေခံပညာမူလတန်းအဆင့်စာစီစာကုံးပြိုင်ပွဲ ဒုတိယဆု၊ အခြေခံပညာ အထက်တန်းအဆင့် ကဗျာပြိုင်ပွဲ ဒုတိယဆုရရှိသူများကို အနောက်တောင်တိုင်းစစ်ဌာနချုပ် တိုင်းမှူး၏ဇနီးကလည်းကောင်း၊ ဌာနဆိုင်ရာပြခန်း ဒုတိယဆုရရှိသည့် ကျန်းမာရေးဝန်ကြီးဌာန ၊ MSMEs ပြခန်းဒုတိယဆုရရှိသည့် ပုသိမ်ခရိုင်၊ သစ်သီးဝလံပြခန်းတွင် ဒုတိယဆုရရှိသည့် ကျုံပျော်ခရိုင်တို့မှ တာဝန်ရှိသူများနှင့် တက္ကသိုလ်ကျောင်းပေါင်းစုံစာစီစာကုံးပြိုင်ပွဲတွင် ဒုတိယဆု၊ အခြေခံပညာအထက်တန်းအဆင့် ကျပန်းစကားပြောပြိုင်ပွဲတွင် ဒုတိယဆုရရှိသူများ ကို အနောက်တောင်တိုင်းစစ်ဌာနချုပ် တိုင်းမှူးကလည်းကောင်း၊ တက္ကသိုလ်၊ ဒီဂရီကောလိပ် ပေါင်းစုံ စာစီစာကုံးပြိုင်ပွဲ ပထမဆု၊ အခြေခံပညာအထက်တန်းအဆင့် ကျပန်းစကားပြောပြိုင်ပွဲ ပထမဆု၊ အခြေခံပညာအလယ်တန်းအဆင့် စာစီစာကုံးပြိုင်ပွဲ ပထမဆု၊ အခြေခံပညာမူလတန်း အဆင့် စာစီစာကုံးပြိုင်ပွဲ ပထမဆု၊ အခြေခံပညာအထက်တန်းအဆင့် ကဗျာပြိုင်ပွဲ ပထမဆုရရှိ သူများကို တိုင်းဒေသကြီးဝန်ကြီးချုပ်၏ ဇနီးကလည်းကောင်း၊ တက္ကသိုလ်ဒီဂရီကောလိပ် ပေါင်းစုံ ကဗျာပြိုင်ပွဲ ပထမဆု၊ အခြေခံပညာအထက်တန်းအဆင့် စာစီစာကုံး ပထမဆုရှိရ သူများနှင့် စည်ပင်ဖွဲ့စည်းပုံ (အထူး+ ကအဆင့်)(Green City)ဆုရရှိသည့် မြန်အောင်မြို့၊ စည်ပင်ဖွဲ့စည်းပုံ (အထူး+ ကအဆင့်)(Clean City)ဆုရရှိသည့် ဟင်္သာတမြို့၊ စည်ပင်ဖွဲ့စည်းပုံ (အထူး+ ကအဆင့်အောက်)(Green City)ဆုရရှိသည့် ဓနုဖြူမြို့၊ စည်ပင်ဖွဲ့စည်းပုံ (အထူး+ ကအဆင့်အောက်)(Clean City)ဆုရရှိသည့် ကျောင်းကုန်းမြို့၊ ဌာနဆိုင်ရာပြခန်းဆုရရှိသည့် နည်းပညာတက္ကသိုလ်၊ အစိုးရနည်းပညာအထက်တန်းကျောင်း၊ ကွန်ပျူတာတက္ကသိုလ်ပြခန်း၊ သစ်သီးဝလံပြပွဲဆု ပထမရရှိသည့် မြောင်းမြခရိုင်နှင့် MSMEs ပြခန်း ပထမဆုရရှိသည့် ကျုံပျော်ခရိုင်တို့မှ တာဝန်ရှိသူများကို တိုင်းဒေသကြီးဝန်ကြီးချုပ်ကလည်းကောင်းဆုများ အသီးသီးချီးမြှင့်ခဲ့ကြသည်။ ယင်းနောက် ဝန်ကြီးချုပ်နှင့်ဧည့်သည်တော်များသည် ပညာအလင်္ကာတေးဂီတအဖွဲ့မှလွတ်လပ်ရေးနေ့ဂုဏ်ပြုတေးသီချင်းများဖြင့် သီဆိုဖျော်ဖြေမှုများကို ကြည့်ရှု အားပေးခဲ့ပြီး ဂုဏ်ပြုညစာများ သုံးဆောင်ခဲ့ကြကြာ အဆိုရှင်များနှင့် ပညာအလင်္ကာ တေးဂီတ အဖွဲ့တို့အား ချီးမြှင့်ငွေများပေးအပ်ခဲ့ကြောင်းသိရသည်။

မြန်မာနိုင်ငံဘောလုံးအဖွဲ့ချုပ်မှ ကြီးမှူးကျင်းပသော ( Myanmar National League-2 Promotion Amateur Culb Tournament) ပြိုင်ပွဲတွင် ပထမတံခွန်စိုက်ဆုဖလားရရှိခဲ့သော ဧရာဝတီတိုင်းဒေသကြီး၊ ပုသိမ်မြို့အခြေစိုက် RANGER Football Club အသင်းအား ဂုဏ်ပြုပွဲအခမ်းအနားကို ဇန်နဝါရီလ(၃)ရက်နေ့ မွန်းလွဲပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁)၌ ပြုလုပ်ခဲ့ရာ ဂုဏ်ပြုပွဲအခမ်းအနားသို့ တိုင်းဒေသကြီး ဝန်ကြီးချုပ် ဦးတင်မောင်ဝင်းနှင့် အစိုးရအဖွဲ့ဝင် ဝန်ကြီးများ၊ ပထမတံခွန်စိုက်ဆုဖလားရရှိခဲ့သော RANGER Football Club အသင်းမှ အုပ်ချုပ်၊ နည်းပြ၊ အားကစားသမားများတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်အား RANGER Football Club အသင်းနည်းပြချုပ်က ပြိုင်ပွဲတွင် ပါဝင်ယှဉ်ပြိုင်ခဲ့သည့် အုပ်ချုပ်၊ နည်းပြ၊ အားကစားသမားများနှင့် တစ်ဦးချင်း မိတ်ဆက်ပေးပြီး ပြိုင်ပွဲဝင်ရောက်ယှဉ်ပြိုင်ခဲ့သည့် အစီအစဉ်များအား ရှင်းလင်းတင်ပြခဲ့သည်။ ဆက်လက်၍ တိုင်းဒေသကြီးဝန်ကြီးချုပ်က“ ပြိုင်ပွဲဝင်အားကစားသမားများအနေဖြင့် ( Myanmar National League-2 Promotion Amateur Culb Tournament) ပြိုင်ပွဲတွင် ပထမတံခွန်စိုက်ဆုဖလားရရှိခဲ့အောင်ကြိုးစားခဲ့ကြသည့်အတွက် များစွာဂုဏ်ယူပါကြောင်း၊ တိုင်းဒေသကြီးအတွင်း၌ ဘောလုံးအားကစားနည်းနှင့် အခြားသောအားကစားနည်းများ ဖွံ့ဖြိုး တိုးတက်စေရေးအတွက် မကြာမီကာလတွင် အားကစားသိပ္ပံတစ်ခု ပေါ်ထွက်လာစေရေး ဆောင်ရွက်လျက်ရှိပြီး ကိုးသိန်းအားကစားကွင်းအား အဆင့်မြှင့်တင်ခြင်းလုပ်ငန်းများ ဆောင်ရွက်လျက်ရှိပါကြောင်း၊ ဘောလုံးအားကစားနည်းအား အပျော်တမ်းမှ ပရော်ဖက်ရှင်နယ် စနစ်ကို သွားမည်ဆိုပါက ယခုကဲ့သို့ပြိုင်ပွဲများပြုလုပ်ပေးခြင်းသည် ထူးချွန်ထက်မြက်သည့် မျိုးဆက်သစ် အားကစားသမားများအတွက် လမ်းဖွင့်ပေးရာနေရာတစ်ခုဖြစ်ပြီး တိုင်းဒေသကြီး အစိုးရအဖွဲ့အနေဖြင့်လည်း လိုအပ်သည့်ပံ့ပိုးမှုများ ပြုလုပ်ပေးသွားမည်ဖြစ်ပါကြောင်း၊ ပထမတံခွန်စိုက်ဆုဖလားရရှိခဲ့သော RANGER Football Club အသင်းအား များစွာဂုဏ်ယူပါကြောင်းနှင့် လိုအပ်သည့်ကိစ္စရပ်များကို ဝိုင်းဝန်းပံ့ပိုးဆောင်ရွက်သွားမည် ဖြစ်ကြောင်း” ဂုဏ်ပြုအမှာစကားများပြောကြားခဲ့ပြီး အောင်ပွဲရRANGER Football Club အသင်းအား ဂုဏ်ပြုချီးမြှင့်ငွေ ပေးအပ်ခဲ့ကြောင်းသိရသည်။