ဧရာဝတီတိုင်းဒေသကြီး၊ ပုသိမ်မြို့၊ မြန်မာ့စီးပွားရေးဘဏ်၌ ပင်စင်လာရောက်ထုတ်ယူသည့် နိုင်ငံ့ဝန်ထမ်းပင်စင်စားများအား သက်သာသောဈေးနှုန်းဖြင့် အခြေခံစားသောက်ကုန်များရောင်းချနေမှုများနှင့် ကျန်းမာရေးအသိပညာပေးခြင်းနှင့် ကျန်းမာရေးစောင့်ရှောက်မှုပေးနေမှုများကို တိုင်းဒေသကြီး ဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ ဇန်နဝါရီလ ၂၂ ရက်နေ့ နံနက်ပိုင်းက သွားရောက်ကြည့်ရှုအားပေးခဲ့သည်။ ဦးစွာ တိုင်းဒေသကြီး ဝန်ကြီးချုပ်သည် ပုသိမ်မြို့၊ မြန်မာ့စီးပွားရေးဘဏ်ခွဲတွင် ပင်စင်လာရောက်ထုတ်ယူသည့် နိုင်ငံ့ဝန်ထမ်းပင်စင်စားများအား ရင်းရင်းနှီးနှီးတွေ့ဆုံ၍ အားပေးစကားများ ပြောကြားခဲ့ပြီး ပင်စင်ထုတ်ယူရာတွင်မြန်ဆန်စွာဆောင်ရွက်ပေးနိုင်ရေးနှင့် အဆင်ပြေစွာဆောင်ရွက်ပေးနိုင်ရေး တာဝန်ရှိသူများအားမှာကြားခဲ့သည်။ ဆက်လက်၍ တိုင်းဒေသကြီးအစိုးရအဖွဲ့၏ လမ်းညွှန်မှုဖြင့် နိုင်ငံ့ဝန်ထမ်း ပင်စင်စားများကို ဆန်၊ ဆီ၊ ကြက်ဥ စသည့် အခြေခံစားကသာက်ကုန်များအား သက်သာသောဈေးနှုန်းဖြင့် ရောင်းချပေးနေမှုများကို ကြည့်ရှုအားပေးခဲ့ပြီး ပင်စင်စားများ လွယ်ကူစွာဝယ်ယူနိုင်စေရေး၊ သက်သာသောနှုန်းထားများဖြင့် ရောင်းချပေးနိုင်ရေး သက်ဆိုင်ရာဌာနများပေါင်းစပ်ဆောင်ရွက်ရန်မှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်သည် ပုသိမ်ပြည်သူ့ဆေးရုံကြီး၌ နိုင်ငံ့ဝန်ထမ်းပင်စင်စားများအား ကျန်းမာရေးဝန်ထမ်းများက ကျန်းမာရေးအသိပညာပေးခြင်းနှင့် ကျန်းမာရေးစောင့်ရှောက်မှုပေးနေမှုများကို လှည့်လည်ကြည့်ရှုအားပေးခဲ့ပြီး ကျန်းမာရေးစောင့်ရှောက်မှုလုပ်ငန်းများအပြည့်အဝဆောင်ရွက်ပေူနိုင်​ စေရေးမှာကြားခဲ့ပြီး ဆေးရုံကြီးတွင် ဆေးကုသမှုခံယူနေသူများအားရင်းရင်းနှီးနှီးတွေ့ဆုံအားပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်သည် ကျုံပျော်ခရိုင်၊ ကျောင်းကုန်းမြို့နယ်၊ ဂုံမင်းကျေးရွာအုပ်စုရှိတောင်သူဦးဝေလင်းအောင်၏ စိုက်ဧက(၇)တွင်ဧက ပြုလုပ်သည့် ရေကျနောက်စိုက်သီးထပ်ရင်စပါးရိတ်သိမ်းခြွေလှေ့နေမှုနှင့် တောင်သူဦးတင်ဝင်း၏ စိုက်ဧက(၁၀)ဧကတွင်နွေစပါးစိုက်ပျိုးနိုင် ​ေရးအတွက် စိုက်ပျိိုးရေတင် ထွန်ယက်နေမှုများကို ကြည့်ရှုအားပေးခဲ့ပြီး တောင်သူများနှင့်တွေ့ဆုံ၍ စပါးရိတ်သိမ်းပြီးပါက ဒုတိယသီးနှံများထပ်မံစိုက်ပျိုးစေရေး၊ ရိုးပျက်ကျန်များမရှိစေရေး၊ သီးထပ်စွမ်းအားမြှင့်တင်စေရေး၊ သွင်းအားစုများစနစ်တကျထည့်သွင်းဆောင်ရွက်စေရေး၊ အထွက်တိုးမျိုးစပါးများနှင့်စိုက်နည်းစနစ်များပြောင်းလဲစိုက်ပျိုးစေရေးနှင့် ပန်းတိုင်အထွက်နှုန်းရရှိစေရေးဆောင်ရွက်ရန်မှာကြားခဲ့ပြီး တောင်သူများ၏တင်ပြချက်များအပေါ် သက်ဆိုင်ရာဌာနများနှင့်ပေါင်းစပ်ဆောင်ရွက်ပေးခဲ့သည်။ အဆိုပါ တောင်သူဦးတင်ဝင်း၏ လယ်မြေ (၇)ဧကအား စံကွက်ရိတ်သိမ်းခဲ့ရာတွင် တစ်ဧကလျှင် ပျမ်းမျှ အထွက်နှုန်း (၁၂၀)တင်း ကျော် ထွက်ရှိခဲ့ကြောင်းသိရသည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မအူပင်ခရိုင်၊ ညောင်တုန်းမြို့နယ်၊ တူးချောင်းကျေးရွာရှိ စိုက်ပျိုးရေးဦးစီးဌာနမှဆောင်ရွက်သည့် ဆီထွက်သီးနှံ(နေကြာ)၊ ဆင်းရွှေကြာ-၂၊ (၁၀)ဧကစံပြစိုက်ခင်းနှင့် ပိုက်ဆံလျှော်မျိုးစေ့ထုတ်(၂၀)ဧက စံပြစိုက်ခင်းတို့အားကြည့်ရှုစစ်ဆေးခဲ့ပြီး နေကြာစိုက်ခင်းအား ပေါင်းလိုက်ခြင်းလုပ်ငန်းများမြေဩဇာကျွေးခြင်း၊ ရေလောင်းခြင်းများစနစ်တကျဆောင်ရွက်ရန်နှင့် ပိုက်ဆံလျှော်ရိတ်သိမ်းချိန်တွင်လေလွင့်မှုမရှိစေရေးစနစ်တကျဆောင်ရွက်ရန်မှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် မအူပင်မြို့နယ်၊ ဝါးတောကျေးရွာရှိ တောင်သူဦးဝင်းခိုင်၏ လယ်မြေတွင် အုပ်ချုပ်ရေးနှင့် စိုက်ပျိုးရေး ဦးဆောင်စိုက်ပျိုးသော Supersun 41 နေကြာ၁၀ ဧက စံပြကွက်အားကြည့်ရှုအားပေးခဲ့ပြီး ပိုးမွှားများကျရောက်မှုမရှိစေရေးဂရုစိုက်ဆောင်ရွက်ရန်နှင့် အောင်မြင်ဖြစ်ထွန်းစေရေး အလေးထားဆောင်ရွက်ရန်မှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် တောင်သူ ဦး မောင်ကျော်၏ လယ်မြေ ၁၀ဧကတွင် နွေစပါး ( GW 11) မြေဩဇာကြဲပတ်နေမှုကိုကြည့်ရှအားပေးခဲ့ပြီး သဘာဝမြေဩဇာနှင့်ဓါတ်မြေဩဇာ အချိုးကျသုံးစွဲစေရေး၊ သွင်းအားစုများအချိန်ကိုက်အသုံးပြုစေရေးနှင့် တစ်ဧက အထွက်တိုးစေရေးအလေးထားဆောင်ရွက်ရန်မှာကြားခဲ့သည်။

ကျန်းမာရေးဝန်ကြီးဌာန အစီအစဉ်ဖြင့် ရန်ကုန်ပြည်သူ့ဆေးရုံကြီး၊ အထူးကုဆေးရုံကြီး(ခုတင်-၅၀၀)၊ ရန်ကုန်ကလေးဆေးရုံကြီးတို့မှ ပါမောက္ခ/အထူးကုဆရာဝန်ကြီးများပါဝင်သည့် အထူးကုဆေးကုသရေးအဖွဲ့သည် ပြည်သူ့ဆေးရုံကြီး၊ ပုသိမ်မြို့မှ အထူးကုဆရာဝန်ကြီးများနှင့်အတူ ဧရာဝတီတိုင်းဒေသကြီးအတွင်းရှိ ဒေသခံပြည်သူများအား ပုသိမ်မြို့၊ ခုတင်(၅၀၀)ဆံ့ပြည်သူ့ဆေးရုံကြီးတွင် ယခုလ၂၀ရက်နေ့မှ ၂၁ရက်နေ့အထိ ကျန်းမာရေးစောင့်ရှောက်မှုများ ဆောင်ရွက်ပေးလျက်ရှိရာ တိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများနှင့်အတူ ဇန်နဝါရီလ ၂၁ ရက်နေ့ နံနက်ပိုင်းက သွားရောက်ကြည့်ရှုအားပေးခဲ့သည်။ ရှေးဦးစွာ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ဆေးလာရောက်ကုသသည့် လူနာများနှင့် ရင်းရင်းနှီးတွေ့ဆုံ၍ အားပေးစကားများ ပြောကြားခဲ့ကာ နံနက်စာ စားသောက်ဖွယ်ရာများ ထောက်ပံ့လှူဒါန်းခဲ့သည်။ ထို့နောက် ကျန်းမာရေးဝန်ထမ်းများက လူနာများစာရင်းရေးသွင်းနေမှုများ၊ ကိုဗစ်-၁၉ရောဂါကာကွယ်ဆေးထိုးနှံပေးနေမှုများ၊ အထူးကုဆရာဝန်ကြီးများဖြစ်ကြသည့် ပါမောက္ခဒေါက်တာနွယ်နွယ်၊ ပါမောက္ခ/ဌာနမှူး(နှလုံးဆေးကု)၊ ဒေါက်တာစိန်ခိုင်၊ ကထိက(နှလုံးဆေးကု)၊ ပါမောက္ခဒေါက်တာမိုးဝင့်အောင်၊ ပါမောက္ခ/ဌာနမှူး(ဆီးချိုနှင့်ဟော်မုန်း)၊ ဒေါက်တာခင်နွယ်ဦး၊ အထူးကုဆရာဝန်ကြီး(ကလေးကင်ဆာ)၊ ဒေါက်တာအေးမြမင်းအေး၊ အထူးကုဆရာဝန်ကြီး(ကလေးဦးနှောက်နှင့်အာရုံကြော)၊ ပါမောက္ခဒေါက်တာဝင်းဝင်းဆွေ၊ ပါမောက္ခ/ဌာနမှူး(အသည်းဆေးကု)၊ ဒေါက်တာလင်းထက်ဦး၊ အထူးကုဆရာဝန်(အစာအိမ်နှင့်အူလမ်းကြောင်း)၊ ဒေါက်တာနေမျိုးဦး၊ တွဲဖက်ပါမောက္ခ(ဆေးပညာ)၊ ဒေါက်တာရဲသူဟန်၊ အထူးကုဆရာဝန်(ရင်ခေါင်းဆေးကု)၊ ဒေါက်တာထက်ထက်လင်း၊ တွဲဖက်ပါမောက္ခ(ဦးနှောက်နှင့်အာရုံကြောဆေးကု)၊ ဒေါက်တာမြတ်မွန်ဇင်သိန်း၊ အထူးကုဆရာဝန်(ဦးနှောက်နှင့်အာရုံကြောခွဲစိတ်)တို့က ဆေးကုသမှုပေး‌နေမှုများအား‌ တိုင်းဒေသကြီးကျန်းမာရေးနှင့်ကုသရေးဦးစီးဌာနမှူး ဒေါက်တာဇော်မင်းထွန်း၊ ပုသိမ်ဆေးရုံအုပ်ကြီးဒေါက်တာကျော်ဇင်တို့မှလိုက်လံရှင်း လင်း‌ပြောကြားခဲ့ပြီးနောက် တိုင်းဒေသကြီးဝန်ကြီးချုပ်က အထူးကုဆရာဝန်ကြီးများအား ဒေသထွက်အမှတ်တရ လက်ဆောင်ပစ္စည်းများ ပေးအပ်ခဲ့သည်။ အထူးကုဆေးကုသရေးအဖွဲ့အနေဖြင့် ယခုလ၂၀ရက်နေ့မှ ၂၁ရက်နေ့အထိ နှလုံးရောဂါဆိုင်ရာလူနာ၊ အစာအိမ်နှင့်အူလမ်းကြောင်းဆိုင်ရာလူနာ၊ ဦးနှောက်နှင့်အာရုံကြောဆေးကုသမှုဆိုင်ရာလူနာ၊ ဦးနှောက်နှင့်အာရုံကြောခွဲစိတ်ကုသမှုဆိုင်ရာလူနာ၊ အထွေထွေရောဂါဆေးပညာလူနာ၊ ရင်ခေါင်းဆေးကာသမှုဆိုင်ရာလူနာ၊ ဆီးချိုနှင့်ဟော်မုန်းဆိုင်ရာလူနာ၊ အသည်းဆေးကုသမှုဆိုင်ရာလူနာ၊ က လေးကင်ဆာ၊ ကလေးဦးနှောက်နှင့်အာရုံကြော၊ ကလေးရောဂါ၊ အရိုးအကြော၊ အရေပြား၊ မျက်စိ၊ နား၊ နှာခေါင်း၊ လည်ချောင်း၊ သားဖွားမီးယပ်၊ ခွဲစိတ် လူနာစုစုပေါင်း ၁၁၁၉ဦးအား ကြည့်ရှုကုသပေးခဲ့ကြောင်းသိရသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ကန်ကြီးထောင့်မြို့နယ်၊ စာဖြူစုကျေးရွာအုပ်စုရှိ စိုက်ပျိုးရေးဦးစီးဌာန၏ Super sun-41 ဆီးထွက်သီးနှံနေကြာ(၁၀)ဧကစံပြကွက်အားလည်းကောင်း၊ တောင်သူဦး စောဌေးအောင်၏လယ်ဧက( ၄ ) ဧကတွင် (GW11)နွေစပါးဓာတ်မြေဩဇာကြဲပက်နေမှုများနှင့် တောင်သူဒေါ်နှင့်ယုဆွေ၏ လယ်မြေ (၄)ဧကတွင် သီးထပ်ရင် နွေစပါး ပျိုးေထာင်၍ စနစ်တကျစိုက်ပျိုး နေမှုများအားလည်းကောင်းကြည့်ရှုအားပေးခဲ့ပြီး သွင်းအားစုများစနစ်တကျထည့်သွင်းဆောင်ရွက်စေရေး၊ အထွက်တိုးမျိုးစပါးများနှင့်စိုက်နည်းစနစ်များပြောင်းလဲစိုက်ပျိုး၍ အထွက်နှုန်းတိုးတက် အောင်ဆောင်ရွက်စေရေး၊ သီးထပ်စွမ်းအားမြှင့်တင်စေရေးနှင့် ပန်းတိုင်အထွက်နှုန်းရရှိစေရေးဆောင်ရွက်ရန်မှာကြားခဲ့ပြီး တောင်သူများ၏တင်ပြချက်များအပေါ် သက်ဆိုင်ရာဌာနများနှင့်ပေါင်းစပ်ဆောင်ရွက်ပေးခဲ့သည်။ ထို့နောက် တိုင်းဒေသကြီးဝန်ကြီးချုပ်သည် ကန်ကြီးထောင့်မြို့နယ် ၊ဝါးဒူးကျေးရွာ တွင် မတ်လ၂ ရက်‌နေ့တွင် ကျင်းပပြုလုပ်မည့် တောင်သူလယ်သမားနေ့အခမ်းအနားတွင် ပြသရန်အတွက် စိုက်ပျိုးရေးဦးစီးဌာနမှ ကြိုတင်ပြင်ဆောင်ရွက်ထားသည့် သီးပင်စားပင်များ၊ သစ်ပင် ပန်းမန်များနှင့် အခမ်းအနားပြုလုပ်မည့်နေရာတို့အားကြည့်ရှုစစ်ဆေးခဲ့ရာ တောင်သူလယ်သမားနေ့အတွက် ကြိုတင်ပြင်ဆောင်ရွက်နေမှုအခြေအနေများအား တာဝန်ရှိသူများ၏ ရှင်းလင်းတင်ပြချက်များအပေါ် လိုအပ်သည်များကို ဖြည့်စွက်မှာကြားခဲ့ကြောင်းသိရသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့နယ်၊ ကြောင်ပန်းကုန်းကျေးရွာ၊ တောင်သူဦး ဇော်ဇော်မျိုး ၏ လယ်မြေ ၅ ဧကတွင်ပြုလုပ်သည့် ရက် ၉၀ မျိုးစပါး၊ နွေစပါး မျိုးစေ့ချကိရိယာဖြင့် မျိုးစေ့ချခြင်း အခမ်းအနားတက်ရောက်အားပေးခဲ့ပြီး တောင်သူများနှင့်တွေ့ဆုံ၍ နွေစပါး တစ်ဧက ၁၀ တင်းပိုမိုတိုးတက်ထွက်ရှိစေရေး၊ ကောက်စိုက်စက်၊ အစေ့ချကိရိယာဖြင့် မျိုးစေ့ချခြင်းများအား တောင်သူများကျန်ကျယ်ပြန့်ပြန့်သိရှိဆောင်ရွက်စေရေးနှင့် ပန်းတိုင်အထွက်နှုန်းရရှိစေရေး ဆောင်ရွက်ရန်မှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် သစ်တောဦးစီးဌာန၊ မြို့မပျိုးဥယျာဉ်(ပုသိမ်)သို့သွားရောက်၍ သစ်တောဦးစီးဌာနမှ ကံ့ေကာ်၊ ခရေ၊ ကျွန်း၊ ပျဉ်းကတိုး၊ မဟော်ဂနီ၊ မန်ဂျန်ရှား၊ ယမနေ၊ စိန်ပန်းကြီး၊ ပိတောက်၊ ရေတမာ၊ တမလန်း၊ သင်းဝင် ယင်းမာ၊ တောင်သရက်၊ ကုက္ကိုလ်၊ ငုရွှေ၊ ပုန်းညက်၊ ကညင်၊ ပျိုးပင်များပျိုးထောင်ထားရှိမှု အခြေအနေများရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ ပျိုးပင်များအားလုံးရှင်သန် စိုက်ပျိုးနိုင်စေရေးပျိုးထောင်ပြုစုထားရှိရန်မှာကြားခဲ့သည်။ သစ်တောဦးစီးဌာန၊ မြို့မပျိုးဥယျာဉ်(ပုသိမ်)တွင် ၂၀၂၂၊ ၂၀၂၃ ခုနှစ် အထူးပျိုးပင် သုံးသောင်းကျော်နှင့် ၂၀၂၄ မိုးရာသီ ပျိုးပင် သုံးသောင်းကျော် စိုက်ပျိုးထားရှိကြောင်းသိရသည်။ ထို့အတူ ပုသိမ်မြို့နယ်စည်ပင်သာယာရေးအဖွဲ့ ကန်သာယာပျိုးဥယျာဉ်သို့ သွားရောက်၍ ပျိုးပင်များပျိုးထောင်ထားရှိမှုအခြေအနေများအား ကြည့်ရှုစစ်ဆေးခဲ့ပြီးနောက် ပုသိမ်မြို့၊ ကန်သုံးဆင့်တွင် ပြည်သူများကိုယ်လက်လှုပ်ရှားလေ့ကျင့်ခန်းများပြုလုပ်နိုင်ရန်နှင့် အပန်းဖြေနိုင်ရန်အတွက် စည်ပင်သာယာရေးအဖွဲ့မှ ဆောင်ရွက်နေသည့် ကန်သုံးဆင့်ပန်းခြံ စိမ်းလန်းစိုပြေစေရေးအဆင့်မြှင့်တင်ခြင်း လုပ်ငန်းဆောင်ရွက်နေမှုများအားကြည့်ရှုစစ်ဆေးခဲ့ပြီး တာဝန်ရှိသူများ၏ ရှင်းလင်းတင်ပြမှုများအပေါ် အများပြည်သူများစိတ်အေးချမ်းစွာအနားယူနိုင်စေရေး၊ မြတ်ခင်းများစနစ်တကျစိုက်ပျိုးစေရေး၊ လျှောက်လမ်းများတွင် colour brick များစနစ်တကျခင်းကျင်းစေရေးနှင့် သတ်မှတ်ကာလအတွင်းပြီးစီးစေရေးမှာကြားခဲ့ကြောင်းသိရသည်။

၂၀၂၃-၂၀၂၄ ပညာသင်နှစ် စိုက်ပျိုးရေးနှင့်မွေးမြူရေးဒီပလိုမာ(ပထမနှစ်) မောင်မယ် သစ်လွင် ကြိုဆိုပွဲအခမ်းအနားကို ယနေ့နံနက်ပိုင်းက စိုက်ပျိုးရေးနှင့်မွေးမြူရေးသိပ္ပံ(မြောင်းမြ)၊ မြကျွန်းရွှေဝါခန်းမ၌ ပြုလုပ်ခဲ့ရာ အခမ်းအနားသို့ တိုင်းဒေသကြီး ဝန်ကြီးချုပ်ဦးတင်မောင်ဝင်း၊ အစိုးရအဖွဲ့ဝင် ဝန်ကြီးများ၊ ဌာနဆိုင်ရာများ၊ ကျောင်းအုပ်ဆရာမကြီးနှင့် ဆရာ၊ ဆရာမများ၊ မောင်မယ်သစ်လွင်များ တက်ရောက်ခဲ့ကြသည်။ ဦးစွာ အခမ်းအနားအား ကျောင်းသား၊ ကျောင်းသူများက “အလှပန်းအစဉ်ဖြာဝေ” ကျောင်းသီချင်းဖြင့် သီဆိုဖွင့်လှစ်ခဲ့ပြီးနောက် တိုင်းဒေသကြီးဝန်ကြီးချုပ်က “ဧရာဝတီ တိုင်းဒေသကြီးသည် စိုက်ပျိုးမွေးမြူရေးကို အခြေခံသည့်တိုင်းဒေသကြီးဖြစ်ပြီး စိုက်ပျိုးရေးတွင် စံပြတိုင်းဒေသကြီးဖြစ်ရန်နှင့် ပန်းတိုင်အထွက်နှုန်းရောက်ရှိရေး၊ စိုက်ဧကများတိုးတက်စေရေး ကြိုးပမ်းဆောင်ရွက်လျက်ရှိပါကြောင်း၊ တိုင်းဒေသကြီးသည် မြန်မာနိုင်ငံ၏ စပါးကျီဟု တင်စားရသည့် တိုင်းဒေသကြီးဖြစ်ပါကြောင်း၊ မိုးစပါး၊ နွေစပါးစိုက်ပျိုးဧက (၅၂)သိန်းကျော်ရှိပြီး စပါးတင်းသိန်းပေါင်း လေးထောင်ကျော်ထွက်ရှိပါကြောင်း၊ ပြီးခဲ့သည့်မိုးစပါးစိုက်ရာသီတွင် ပန်းတိုင်အထွက်နှုန်းရောက်ရှိစေရန်အတွက် ရည်မှန်းချက်ထား ဆောင်ရွက်လျက်ရှိပါကြောင်း၊ မောင်တို့မယ်တို့သည် သင်တန်းကာလ သုံးနှစ်ပညာဆည်းပူးပြီးပါက ဒီပလိုမာလက်မှတ်ရရှိမည်ဖြစ်ပြီး အလယ်အလတ်အဆင့် စိုက်ပျိုးရေးနှင့်မွေးမြူရေးပညာရှင်များဖြစ်လာကြမည် ဖြစ်ပါကြောင်း၊ မောင်တို့မယ်တို့သည် သင်ကြားပို့ချသည့် ဘာသာရပ်များကို တတ်သိနားလည်အောင် ကြိုးပမ်းသင်ယူဆောင်ရွက် ကြရမည်ဖြစ်ပါကြောင်း၊ မောင်မယ်တို့သည် ခေတ်မီသည့် စိုက်ပျိုးရေးနည်းပညာများကို တောင်သူ များထံသို့ အရောက်ဖြန့်ဝေပေးကြရမည်ဖြစ်ပြီး တောင်သူများ၏လူမှုစီးပွားဘဝ မြင့်မားလာ စေရေး မြှင့်တင်ဆောင်ရွက်ပေးကြရမည့်သူများလည်းဖြစ်ပါကြောင်း၊ မောင်မယ်တို့အနေဖြင့် ပညာသင်စဉ်ကာလတစ်လျှောက် ကျောင်းတော်ကြီးမှချမှတ်ထားသော စည်းကမ်းများကို တိကျစွာလေးစားလိုက်နာကြပြီး ပညာထူးချွန်၍ နိုင်ငံတော်အတွက် အားထားရသော စိုက်ပျိုးရေးနှင့်မွေးမြူရေးပညာရှင်များဖြစ်လာစေရေးကြိုးစားကြရန်လိုပါကြောင်း” ကြိုဆိုနှုတ်ခွန်းဆက် အမှာစကားများပြောကြားခဲ့ပြီး၂၀၂၂-၂၀၂၃ ပညာသင်နှစ်တွင် ထူးချွန်စွာ အောင်မြင်ခဲ့သူများအား ဆုများချီးမြှင့်ခဲ့သည်။ ဆက်လက်၍ စိုက်ပျိုးရေးနှင့်မွေးမြူရေးသိပ္ပံ ကျောင်းအုပ်ဆရာမကြီးက ကြိုဆိုနှုတ်ခွန်း ဆက်စကားများ ပြောကြားခဲ့ပြီးနောက် ၂၀၂၂-၂၀၂၃ ပညာသင်နှစ်၊ နိုင်ငံတော်အဆင့်၊ (၂၄)ကြိမ်မြောက် ဆို၊ က၊ ရေး၊ တီး ပြိုင်ပွဲတွင် ဆုရရှိခဲ့သော ကျောင်းသား၊ ကျောင်းသူများအား တိုင်းဒေသကြီးတိုင်းရင်းသားရေးရာဝန်ကြီးကဆုများ ချီးမြှင့်ခဲ့ပါသည်။ ထို့နောက် တိုင်းဒေသကြီး ဝန်ကြီးချုပ်နှင့် ဧည့်သည်တော်များသည် ကျောင်းသား၊ ကျောင်းသူလေးများ၏ တေးသီချင်း များဖြင့် ဖျော်ဖြေတင်ဆက် ကပြမှုများကိုကြည့်ရှုအားပေးခဲ့ပြီး ဂုဏ်ပြုချီးမြှင့်ငွေများ ပေးအပ်ခဲ့ပါသည်။ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် စိုက်ပျိုးရေးနှင့် မွေးမြူရေးသိပ္ပံ(မြောင်းမြ) မောင်မယ်သစ်လွင် ကျောင်းသား၊ ကျောင်းသူများနှင့်အတူ ရင်းနှီးနွေးထွေးစွာ နေ့လယ်စာအတူတကွသုံးဆောင်ခဲ့ပြီး ရင်းရင်းနှီးနှီးနှုတ်ဆက်ခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်သည် ပုသိမ်ခရိုင်၊ သာပေါင်းမြို့နယ်၊ အောင်တပ် ကျေးရွာအုပ်စုရှိ တောင်သူဦးကံမြင့်၏ လယ်ဧက(၆)ဧက၌ ပြုလုပ်သည့် မိုးစပါး(ရေကျ နောက်စိုက်) ရွှေသွယ်ရင်စပါး စံကွက်ရိတ်သိမ်းပွဲသို့တက်ရောက်၍ ရိတ်သိမ်းခြွေလှေ့စက်ဖြင့် ရိတ်သိမ်းနေမှုအား ကြည့်ရှုအားပေးခဲ့ပြီး တောင်သူများနှင့်ရင်းရင်းနှီးနှီး တွေ့ဆုံခဲ့ကာ အထွက်တိုး မျိုးကောင်းမျိုးသန့်များ ပြောင်းလဲစိုက်ပျိုးရန်၊ သဘာဝမြေသြဇာနှင့်ဓါတ်မြေသြဇာများ အချိန်ကိုက် အချိုးကျထည့်သွင်းရန်၊ သီးထပ်စွမ်းအားမြှင့်တင်ရေးနှင့် ပန်းတိုင် အထွက်နှုန်း ရရှိစေရေးဆောင်ရွက်ရန်မှာကြားခဲ့ပြီး တောင်သူများ၏ တင်ပြချက်များအပေါ် သက်ဆိုင်ရာဌာနများနှင့်ပေါင်းစပ်ဆောင်ရွက်ပေးခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် သာပေါင်းမြို့နယ်၊ သဲဖြူကျေးရွာ အုပ်စုရှိ တောင်သူဦးမြင့်စိုး၏ စိုက်ဧက(၁၀)ဧကတွင် စိုက်ပျိုးထားသည့် super sun 41နေကြာ စိုက်ခင်းအား ကြည့်ရှုအားပေးခဲ့ပြီး အောင်မြင်ဖြစ်ထွန်းအောင်စိုက်ပျိုးရန်မှာကြားခဲ့ပါသည်။ ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ (၁၇.၁.၂၀၂၄)ရက်နေ့ ညနေပိုင်းတွင် ရန်ကုန်-ပုသိမ်လမ်း မိုင်(၈၈/၃.၅) မှ (၈၉/၂.၅)မိုင်အထိ (၇ ဖာလုံ) အား လမ်းလွှာဒီဇိုင်းအရ မူလလမ်းတာဘောင်နှင့်လမ်းလွှာအား တူးထုတ်ဖယ်ရှား၍ သတ်မှတ်လမ်းတာဘောင် အကျယ် နှင့် Slope များရရှိစေရန် Geometric Design အတိုင်း မြေသားလုပ်ငန်းဆောင်ရွက်ခြင်း၊ လမ်းတာဘောင်အတွင်း Geogid Reinforcement (Geosynthetics material) အသုံးပြု၍ လမ်းအောက်ခံမြေသားဝန်ထမ်းနိုင်မှု ပိုမိုမြင့်မားစေရန် ဆောင်ရွက်ခြင်း၊ Improved Subgrade အလွှာတည်ဆောက်ခြင်း၊ ( ၃ဝ ပေ)(၉.၁၄)မီတာ အကျယ်ကွန်ကရစ်လမ်းတည်ဆောက်ခြင်းနှင့် အမာခံလမ်းပုခုံး တည်ဆောက်ခြင်းလုပ်ငန်း များအား ကြည့်ရှုစစ်ဆေးခဲ့ပြီး လုပ်ငန်းဆောင်ရွက်မှုများ အရည်အသွေးကောင်းမွန်ပြီး သတ်မှတ်ကာလအတွင်း ပြီးစီးစေရေး အလေးထားဆောင်ရွက်ရန် တာဝန်ရှိသူများအား မှာကြားခဲ့ပါသည်။

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ဟင်္သာတမြို့၊ မြဝတီရပ်ကွက်၊ တက္ကသိုလ်လမ်းမကြီးတွင် လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန၊ ဟင်္သာတမြို့နယ်ဦးစီးမှူးရုံးမှ သန်း​ခေါင်စာရင်း​ကောက်ယူသည့်အခါ အိမ်​ထောင်စုများထပ်ကျန်ခြင်းမရှိ​စေရန်နှင့် Census Unit တစ်ခုချင်း၏ အ​ဆောက်အဦများ၏ တည်​နေရာနှင့် အိမ်​ထောင်စုအ​ရေအတွက်ကို သိရှိနိုင်​စေရန် အတွက် ၂၀၂၄ ခုနှစ်၊ လူဦးရေနှင့်အိမ်အကြောင်းအရာသန်းခေါင်စာရင်း Census Unit (သန်းခေါင်းစာရင်းယူနစ်)များတွင် အဆောက်အဦစာရင်းတင်ခြင်း လုပ်ငန်း​ဆောင်ရွက်​နေမှုအား သွား​ရောက်ကြည့်ရှု အား​ပေးခဲ့ပါသည်။ ထို့​နောက် တိုင်း​ဒေသကြီးဝန်ကြီးချုပ်နှင့်အဖွဲ့သည် ဟင်္သာတမြို့နယ် ပြည်သူ့ဆေးရုံကြီး၌ ဌာနဆိုင်ရာဝန်ထမ်းများ၊ ပြည်သူများနှင့် ကျန်းမာ​ရေးဝန်ထမ်းများအား ကိုဗစ်-၁၉ ရောဂါကာကွယ်ဆေး Pfizer ထိုးနှံနေမှုအား ကြည့်ရှုအားပေးခဲ့ပြီး ရင်းရင်းနှီးနှီး​တွေ့ဆုံခဲ့ကာ အာဟာရဖြည့် စားသောက်ဖွယ်ရာများ ပေးအပ်ခဲ့ပါသည်။ ထို့နောက် တိုင်းဒေသကြီး ဝန်ကြီးချုပ်နှင့်အဖွဲ့သည် ကုန်းကြီးကျေးရွာအုပ်စုရှိ ဟင်္သာတမြို့နယ် စိုက်ပျိုး​ရေးဦးစီးဌာ၊ စိုက်ပျိုးရေးမျိုးသန့်ခြံတွင် သစ်စိမ်း​မြေသြဇာ(ပိုက်ဆံလျှော်) (၁၅)ဧက မျိုး​စေ့ထုတ်စိုက်ခင်းအားလည်းကောင်း၊ ဟင်္သာတမြို့နယ်၊ စစ်ကုန်းကျေးရွာရှိ တောင်သူ ဦးချစ်​မောင်နှင့် ဦးသက်နိုင်တို့၏ စိုက်ဧက (၈)ဧက၌ ဆီထွက်သီးနှံနေကြာ Super Sun 41စိုက်ခင်း ဖြစ်ထွန်းအောင်မြင်နေမှုနှင့် ပဲရင်းစိုက်ခင်း၊ ငရုတ်စိုက်ခင်းများ​အောင်မြင်ဖြစ်ထွန်း​နေမှုများကိုလည်း​ကောင်း၊ ဇလွန်မြို့နယ်၊ ​မေရီလန်း​ကျေးရွာ၊ ​တောင်သူ ဦးဝင်းမြင့်ဦး၏ ဆီထွက်သီးနှံနေကြာ Super Sun 41(၁၀)ဧက စံပြစိုက်ခင်းအားလည်း​ကောင်း၊ ဇလွန်မြို့နယ်၊ ဖက်​သောင်​ကျေးရွာ၊ ​တောင်သူ ဦး​ရွှေထူး၏ ဆီထွက်သီးနှံနေကြာ Super Sun 41(၁၀)ဧက စံပြစိုက်ခင်းအားလည်း​ကောင်း ကြည့်ရှုအားပေးခဲ့ပြီး ​​ဒေသခံ​တောင်သူများနှင့် ရင်းရင်းနှီးနှီး​တွေ့ဆုံခဲ့ကာ ဒေသတွင်း စားသုံးဆီဖူလုံရေးအတွက် နေကြာ၊ မြေပဲ၊ နှမ်းစသည့် ဆီထွက်သီးနှံများ ​အောင်မြင်​အောင် တိုးချဲ့စိုက်ပျိုးကြရန်၊ ဒေသနှင့်ကိုက်ညီသည့် အထွက်တိုးမျိုး​ကောင်းမျိုးသန့်များ စိုက်ပျိုးကြရန်၊ ပိုးမွှားများ မကျရောက်စေရေးနှင့် ရိတ်သိမ်းချိန် လေလွင့်မှုမရှိစေရေး၊ စနစ်တကျဆောင်ရွက်ကြရန် မှာကြားခဲ့သည်။

၂၀၂၃-၂၀၂၄ပညာသင်နှစ်၊ မောင်မယ်သစ်လွင်ကြိုဆိုပွဲ အခမ်းအနားကို ယနေ့နံနက်ပိုင်းက ဟင်္သာတတက္ကသိုလ်၊ ဘွဲ့နှင်းသဘင်ခန်းမ၌ ပြုလုပ်ခဲ့ရာ အခမ်းအနားသို့ ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်း၊ အစိုးရအဖွဲ့ဝင် ဝန်ကြီးများ၊ ပါမောက္ခချုပ်၊ ဒုတိယပါမောက္ခချုပ်များနှင့် ပါမောက္ခ(ဌာနမှူး)များ၊ ဆရာဆရာမများ၊ ​မောင်မယ်သစ်လွင်များ တက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က “ တိုင်းဒေသကြီးအတွင်းရှိ တက္ကသိုလ်၊ ကောလိပ်သိပ္ပံအသီးသီးတွင် မောင်မယ်သစ်လွင်ကြိုဆိုပွဲများ ကျင်းပနေကြပါကြောင်း၊ မောင်တို့မယ်တို့အနေဖြင့် အခြေခံပညာလွန်မြောက်၍ အဆင့်မြင်ပညာများကို စတင်လေ့လာဆည်းပူးရမည်ဖြစ်ပါကြောင်း၊ တက္ကသိုလ်ကြီးတွင် စတင်ပညာဆည်းပူးမည့် မောင်တို့မယ်တို့အား တက္ကသိုလ်ရှိ ပါမောက္ခချုပ်၊ ဒုတိယပါမောက္ခချုပ်နှင့် ပါမောက္ခများ၊ ဆရာ၊ ဆရာမများက နွေးထွေးစွာကြိုဆိုကြခြင်းဖြစ်ပါကြောင်း၊​ မောင်တို့မယ်တို့အ​နေဖြင့် အခြေခံပညာကို မိဘအုပ်ထိန်းမှုဖြင့်သင်ယူအောင်မြင်ခဲ့ရာ မှ တက္ကသိုလ်သို့​ရောက်ရှိလာချိန်တွင် ကိုယ်ပိုင်စဥ်းစားဆင်ခြင်တွေးခေါ်မှု ဆုံးဖြတ်မှုတို့ဖြင့်လေ့လာဆည်းပူးသွားရမည်ဖြစ်ပါကြောင်း၊ ထို့အပြင် တက္ကသိုလ်ကျောင်းတော်ကြီးတွင် မိမိတို့ဝါသနာပါသည့် အားကစား၊ စာပေ ၊ ဂီတ၊ အနုပညာဆိုင်ရာ များကိုလည်း ဖော်ထုတ်ပြသနိုင်ရန်အတွက် အခွင့်အလမ်းကောင်းများကို ဖန်တီးရယူနိုင်သည့် နေရာလည်းဖြစ်ပါကြောင်း၊ ဧရာဝတီတိုင်းဒေသကြီး၏ သဘာဝအရင်းအမြစ်များကို အသုံးချနိုင်ပြီး ဒေသအကျိုးကို ရှေးရှုပို့ချပေးမည့် စိုက်ပျိုးရေးဓာတုဗေဒဌာန( Agricultural Chemistry)၊ ငါးပညာသိပ္ပံ( Fisheries Science)ဆိုသည့် အသုံးချဘာသာရပ်နှစ်ခုကိုလည်း အောင်မြင်စွာဖွင့်လှစ်နိုင်ခဲ့ပြီဖြစ်ပါကြောင်း၊ ထို့ပြင် မောင်တို့မယ်တို့အနေဖြင့် မြန်မာ့ရိုးရာ အဆို၊ အက၊ အရေး၊ အတီး ပြိုင်ပွဲတွင် အဆင့်မြင့်ပညာကဏ္ဍအတွက် တိုင်းဒေသကြီးကိုယ်စားပြု ပါဝင်ယှဉ်ပြိုင်နိုင်​ရေး​ဆောင်ရွက်ကြရန်လို​ကြောင်း၊ ​မောင်တို့မယ်တို့အ​နေဖြင့် ကျောင်းတွင်းလှုပ်ရှားမှုများ၊ လူမှု​ရေးအသင်းအဖွဲ့များတွင်လည်း စည်းစည်းလုံးလုံးညီညီညွတ်ညွတ် ​ပါဝင်ဆောင်ရွက်ကြရန်လို​ကြောင်း၊ မောင်မယ်သစ်လွင်တို့အနေဖြင့် အဆင့်မြင့်ပညာများကိုလေ့လာဆည်းပူးပြီး သုတေသနပြုမှု၊ တီထွင်ဖန်တီးမှုများကို တိုးတက်အောင်မြင်အောင် ကြိုးစားရင်းဖြင့် ဒေသနှင့် နိုင်ငံအကျိုး ကိုယ်စွမ်းဉာဏ်စွမ်းရှိသမျှ ကြိုးစားဖော်ဆောင်ပေးနိုင်ပြီး ဗလငါးတန်နှင့် ပြည့်စုံသည့် ပညာတတ်လူငယ် ​မောင်မယ်များ ဖြစ်ပါစေကြောင်း” မောင်မယ်သစ်လွင်များအား ကြိုဆိုနှုတ်ခွန်းဆက် အမှာစကားများပြောကြားသည်။ ထို့နောက် ဟင်္သာတတက္ကသိုလ် ပါမောက္ခချုပ်က ​​နွေး​ထွေးစွာ ကြိုဆိုနှုတ်ခွန်းဆက်စကားများ ဆက်လက်ပြောကြားခဲ့ပြီးနောက် ဟင်္သာတတက္ကသိုလ် သင်ကြားရေး၊ စီမံခန့်ခွဲရေး အကြီးအကဲများနှင့် မောင်မယ်သစ်လွင်များအား မိတ်ဆက်ပေးခဲ့သည်။ ဆက်လက်၍ ဝိဇ္ဇာဘာသာရပ်များအကြောင်း သိကောင်းစရာများကို ဒဿနိကဗေဒဌာန ပါမောက္ခ(ဌာနမှူး)နှင့် သိပ္ပံဘာသာရပ်များအကြောင်း သိကောင်းစရာများကို ဓာတုဗေဒနှင့် စိုက်ပျိုးရေးဓာတုဗေဒဌာန ပါမောက္ခ(ဌာနမှူး) တို့က ဘာသာရပ်များ၏ အရည်အ​သွေး၊ အ​ရေးပါမှု၊ သင်ကြားရခြင်း၏ရည်ရွယ်ချက်၊ ရရှိမည့်အကျိုး​ကျေးဇူးများအား ရှင်းလင်းတင်ပြခဲ့ကြပြီးနောက် မောင်မယ်သစ်လွင်များကိုယ်စား ကျောင်းသူတစ်ဦးကကျေးဇူးတင်စကားများ ပြောကြားခဲ့ပြီး အခမ်းအနားအား ရုတ်သိမ်းခဲ့ပါသည်။ ထို့​နောက် တိုင်း​ဒေသကြီးဝန်ကြီးချုပ်က ​မောင်မယ်သစ်လွင်များအား ရင်းရင်းနှီးနှီး နှုတ်ဆက်ခဲ့ပါသည်။