ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည် လူမှုရေးရာဝန်ကြီးလိုက်ပါ၍ စက်တင်ဘာလ(၂၀)ရက်နေ့ နံနက်(၈း၃၀)အချိန်တွင် ပုသိမ်မြို့ကိုးသိန်းအားကစားခန်းမ အကြီးစားပြင်ဆင်နေမှု ၇၅%ပြီးစီးမှုအခြေအနေများနှင့် ဘောလုံးကွင်းပွဲကြည့်စင်သန့်ရှင်းရေးဆောင်ရွက်ထားရှိမှုအခြေအနေများအား ကြည့်ရှု့စစ်ဆေးခဲ့​ပြီး တိုင်းဒေသကြီးညွှန်ကြားရေးမှူး ဦးမိုးကျော်လွင်၊ တာဝန်ခံအင်ဂျင်နီယာတို့ကလုပ်ငန်းများအား ရှင်းလင်းတင်ပြရာဝန်ကြီးချုပ်က ၂၀၂၁ခုနှစ် အောက်တိုဘာလအကုန် တည်ဆောက်ရေးလုပ်ငန်းအပြီးဆောင်ရွက်ရန်နှင့် ကိုဗစ်အလွန် အားကစားပြိုင်ပွဲံများကျင်းပပြုလုပ်ရန်လမ်းညွှန်မှာကြားပါသည်။ အဆိုပါ ကိုးသိန်းအားကစားပြိုင်ပွဲရုံကို ဧရာဝတီတိုင်ဒေသကြီးအစိုးရအဖွဲ့၏ ၂၀၂၀-၂၀၂၁ဘဏ္ဏာရေးနှစ် ငွေလုံးငွေရင်းရန်ပုံငွေဖြင့် DeltaDeveloperColtdမှ တာဝန်ယူတည်ဆောက်ခြင်းဖြစ်ပြီး လက်ရှိမှာ လုပ်ငန်း၇၅%ပြီးစီးပြီလို့သိရပါတယ်။ ဆက်လက်ပြီး တိုင်းဒေသကြီးဝန်ကြီးချုပ်သည် ပုသိမ်မြို့ အထက-၆ရှိ ကိုဗစ် -၁၉ ကာကွယ်ဆေးထိုးစုရပ်သို့သွားရောက်ပြီး ကိုဗစ်ကာကွယ်ဆေးလာရောက်ထိုးနှံသူများအားရင်းရင်းနှီးနှီးအားပေးကြည့်ရှုခဲ့ကြောင်းသိရှိရပါသည်။ ပုသိမ်​မြို့ အထက(၆)တွင် အမှတ်၁၄ရပ်ကွက်မှ စာရင်းပေးသွင်းထာသူ အသက်၅၅နှစ်နှင့်အထက် (၄၀၀)ဦးအား ထိုးနှံပေးသွားမှာဖြစ်တယ်လို့သိရပါသည်။

၂၀၂၁ ခုနှစ်၊ စက်တင်ဘာလ (၁၁) ရက်၊ (၀၉၅၀)နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်စွာလှိုင်၊ လမ်းပန်းဆက်သွယ်ရေးဝန်ကြီး ရဲမှူးကြီးတင်ဇော်ထွန်း၊ တိုင်းဒေသကြီးအစိုးရအဖွဲ့အတွင်းရေးမှူး ဦးဝေဇင်ထွန်း၊ တိုင်းဒေသကြီးကုသရေးနှင့် ပြည်သူ့ကျန်းမာရေးဦးစီးမှူး ဒေါက်တာဇော်မင်းထွန်းနှင့် ဌာနဆိုင်ရာ တာဝန်ရှိသူများနှင့်အတူ ဖျာပုံခရိုင်၊ ရတနာသိဒ္ဓိသာသနာ့ဗိမာန်တော်တွင် ကျင်းပပြုလုပ်သည့် ဖျာပုံခရိုင်အတွင်းရှိ ဖျာပုံ၊ ဘိုကလေး၊ ကျိုက်လတ်၊ ဒေးဒရဲမြို့နယ်များတွင် ဝါကပ်သီတင်းသုံးတော်မူကြသော ဆရာတော်၊ သံဃာတော်များနှင့် သီလရှင်များအတွက် ဆွမ်းဆန်တော်(၂၁၇၄)အိတ်၊ ဆီ(၄၉၆၆)ပိဿာ၊ ပဲ(၇၂၄၄)ပိဿာ၊ ဆား(၆၆၂၂)ပိဿာတို့အား တိုင်းဒေသကြီးအစိုးရအဖွဲ့နှင့် အလှူရှင်များမှ စုပေါင်းလှူဒါန်းသည့် အခမ်းအနားသို့ တက်ရောက်ခဲ့ပြီး နိုင်ငံတော်သြဝါဒါ စရိယ၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမဇောတိကဓဇ၊ ဘဒ္ဒန္တဝေပုလ္လ၊ ထန်းပင်ကျောင်း ဆရာတော်ထံမှ အနုမောဒနာတရားတော်များနာယူကြည်ညိုပြီး ဆရာတော်သံဃာတော် အရှင်သူမြတ်များအား လှူဖွယ်ဝတ္တုပစ္စည်းများနှင့် ဆွမ်းဆန်တော်၊ ဆီ၊ ဆား၊ ပဲ များ ဆက်ကပ်လှူဒါန်းခဲ့ကာ လှူဒါန်းမှုအစုစုတို့အတွက် ရေစက်သွန်းချ အမျှပေးဝေခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ဒေးဒရဲမြို့နယ်ပြည်သူ့ ဆေးရုံသို့ရောက်ရှိ၍  oxygen concentrator (၂)လုံး၊ ဆေးရုံသုံးပစ္စည်းများ၊ ဆေးဝါးများနှင့် ဆေးရုံဝန်ထမ်းများအတွက် ထောက်ပံ့ငွေ(၅)သိန်းကျပ်တို့အား ထောက်ပံ့ပေးအပ်ခဲ့ရာ ဆေးရုံအုပ် ဒေါက်တာဇော်ဝင်းနိုင်မှ လက်ခံခဲ့ပါသည်။ ထို့နောက် တိုင်းဒေသကြီးဝန်ကြီးချုပ်မှ ကိုဗစ်-၁၉ ရောဂါကာကွယ် ကုသရေးလုပ်ငန်းများတွင် ကူညီဆောင်ရွက် ပေးနေသည့် ဒေးဒရဲမြို့နယ် မီးသတ်တပ်ဖွဲ့ဝင်များ၊ ကြက်ခြေနီတပ်ဖွဲ့ဝင်များနှင့်၊  လူသားချင်းစာနာမှုအကူ အညီပေးရေး ပရဟိတအဖွဲ့များအား PPE ဝတ်စုံများထောက်ပံ့ပေးအပ်ခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် မအူပင်မြို့သို့ရောက်ရှိ၍ မအူပင်မြို့၊ ဓမ္မာရုံရွှေကျင်ကျောင်းတိုက်၊ ငွေရတုဓမ္မဗိမ္မာန်တော်ကြီးတွင် ကျင်းပပြုလုပ်သည့် မအူပင်ခရိုင်အတွင်းရှိ မအူပင်၊ ပန်းတနော်၊ ညောင်တုန်း၊ ဓနုဖြူမြို့နယ်များတွင် ဝါကပ်သီတင်း သုံးတော်မူကြသော ဆရာတော်၊ သံဃာတော်များနှင့် သီလရှင် စုစုပေါင်း (၈၅၈၂)ပါး အတွက် ဆွမ်းဆန်တော်(၁၃၆၄)အိတ်၊ ဆီ(၁၈၈၉)ပိဿာ၊ ပဲ(၃၅၇၅)ပိဿာ၊ ဆား(၈၉၃)ပိဿာတို့အား တိုင်းဒေသကြီးအစိုးရအဖွဲ့နှင့်အလှူရှင်များမှ စုပေါင်းလှူဒါန်းသည့် အခမ်းအနားသို့ တက်ရောက်ခဲ့ပြီး နိုင်ငံတော်သံဃမဟာနာယကအဖွဲ့ဝင် မအူပင်မြို့၊ ပရိယတ္တိမင်းကျောင်းတိုက်၊ ပဓာနနာယက ဆရာတော် ဘဒ္ဒန္တ ဉာဏိန္ဒာဘိဝံသ(အဂ္ဂမဟာ ပဏ္ဍိတ၊ အဂ္ဂမဟာဂန္တဝါစက ပဏ္ဍိတ၊ မဟာဂန္တ ဝါစကပဏ္ဍိတ)ထံမှ  အနုမောဒနာတရားတော်များ နာယူကြည်ညိုပြီး ဆရာတော်သံဃာတော် အရှင်သူမြတ်များအား လှူဖွယ်ဝတ္ထုပစ္စည်းများနှင့် ဆွမ်းဆန်တော်၊ ဆီ၊ ဆား၊ ပဲ များ ဆက်ကပ်လှူဒါန်းကာ လှူဒါန်းမှုအစုစုတို့အတွက် ရေစက်သွန်းချ အမျှပေးဝေခဲ့ပါသည်။ ဆက်လက်၍ ဝန်ကြီးချုပ်နှင့်အဖွဲ့သည် ညောင်တုန်းမြို့နယ် ပြည်သူ့ဆေးရုံသို့ ရောက်ရှိ၍ ဆေးရုံသုံးပစ္စည်းများ၊ ဆေးဝါးများနှင့် ဆေးရုံဝန်ထမ်းများအတွက် ထောက်ပံ့ငွေ(၅)သိန်းကျပ်တို့အား ထောက်ပံ့ပေးအပ်ခဲ့ရာ ဆေးရုံအုပ် ဒေါက်တာစိုးလှိုင်ဦးမှ လက်ခံရယူခဲ့ပါသည်။ ဆက်လက်၍ ဝန်ကြီးချုပ်နှင့်အဖွဲ့သည် ဟင်္သာတမြို့သို့ရောက်ရှိ၍ ဟင်္သာတမြို့၊ မြစ်ကွေ့ပရိယတ္တိစာသင်တိုက်၊ မြင်းပျံအလယ်တိုက်ကျောင်းကြီးတွင် ကျင်းပပြုလုပ်သည့် ဟင်္သာတခရိုင်အတွင်းရှိ ဟင်္သာတ၊ ဇလွန်၊ မြန်အောင်၊ ကြံခင်း၊ လေးမျက်နှာ၊ အင်္ဂပူ မြို့နယ်များတွင် ဝါကပ်သီတင်းသုံးတော်မူကြသော ဆရာတော်၊ သံဃာတော်များနှင့် သီလရှင်များအတွက် ဆွမ်းဆန်တော်(၁၄၁၇)အိတ်၊ ဆီ(၂၁၈၁)ပိဿာ၊ ပဲ(၃၉၅၅)ပိဿာ၊ ဆား(၉၂၇) ပိဿာတို့အား တိုင်းဒေသကြီးအစိုးရအဖွဲ့နှင့်အလှူရှင်များမှ စုပေါင်းလှူဒါန်းသည့် အခမ်းအနားသို့ တက်ရောက်ခဲ့ပြီး နိုင်ငံတော်သံဃမဟာနာယက အဖွဲ့ဝင် ဟင်္သာတမြို့၊ ဘိုးသိန်းတန် ပရိယတ္တိစာသင်တိုက်၊ ပဓာနနာယကဆရာတော်  အဂ္ဂမဟာပဏ္ဍိတ ဘဒ္ဒန္တဝိသုဒ္ဓ မဟာထေရ်မြတ်ထံမှ  ငါးပါးသီလခံယူဆောက်တည်ပြီး ဆရာတော်သံဃာတော် အရှင်သူမြတ်များအား လှူဖွယ်ဝတ္ထုပစ္စည်းများနှင့်  ဆွမ်းဆန်တော်၊ ဆီ၊ ဆား၊ ပဲ များ ဆက်ကပ် လှူဒါန်းကာ  ဟင်္သာတမြို့၊ မြို့နယ်သံဃနာယကဥက္ကဋ္ဌ ရွှေကြက်ယက်ပရိယတ္တိစာသင်တိုက်၊ ပဓာနနာယက ဆရာတော် ဘဒ္ဒန္တအာစာရထံမှ အနုမောဒနာတရားတော်များနာယူကြည်ညိုပြီး လှူဒါန်းမှုအစုစုတို့အတွက် ရေစက်သွန်းချ အမျှပေးဝေခဲ့ပါသည်။

၂၀၂၁ ခုနှစ်၊ စက်တင်ဘာလ (၇) ရက်၊နံနက်(၁၀)နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်း၊ တိုင်းဒေသကြီး အစိုးရအဖွဲ့ဝင်လူမှုရေးရာဝန်ကြီး ဦးမောင်မောင်သန်း၊ တိုင်းဒေသကြီးအစိုးရအဖွဲ့ အတွင်းရေးမှူး ဦးဝေဇင်ထွန်း၊ တိုင်းဒေသကြီး လူမှုဝန်ထမ်းဦးစီးဌာန ညွှန်ကြားရေးမှူး ဒေါ်နော်သဝါး၊ ခရိုင်၊မြို့နယ်အဆင့်တာဝန်ရှိသူများ လိုက်ပါလျက် ဧရာဝတီတိုင်းဒေသကြီး၊ ပုသိမ်မြို့၊ လူမှုဝန်ထမ်းရုံး၊ မူလတန်းကြိုကျောင်းခန်းမ၌ ကျင်းပပြုလုပ်သည့် လူမှုအားမာန်(ISHGS)အဖွဲ့များအား ထောက်ပံ့ငွေပေးအပ်ခြင်း အခမ်း အနားကို ကျန်းမာရေးဝန်ကြီးဌာန၏ လမ်းညွှန်ချက်များနှင့်အညီကျင်းပပြုလုပ်ခဲ့ပါသည်။  အခမ်းအနားတွင် ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်မှ လူမှုအားမာန်အဖွဲ့များအား ထောက်ပံ့ငွေပေးအပ်ခြင်းနှင့်ပတ်သက်၍ အမှာစကားပြောကြားခဲ့ပြီး ပုသိမ်မြို့နယ် လူမှုအားမာန်အဖွဲ့ဥက္ကဋ္ဌ ဦးစောဘောမူဒိုက ဧရာဝတီတိုင်းဒေသကြီးအတွင်းရှိ လူမှုအားမာန်အဖွဲ့များမှ ဆောင်ရွက်နေသည့် လုပ်ငန်းများအား ရှင်းလင်းပြောကြားပါသည်။ ဆက်လက်ပြီး ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်မှ ဧရာဝတီတိုင်းဒေသကြီးအတွင်း ရှိပုသိမ်မြို့နှင့် ရွှေသောင်ယံမြို့အစရှိသော လူမှုအသင်းအဖွဲ့ပေါင်း(၂၄)ဖွဲ့ကို တစ်ဖွဲ့လျှင် (၁၀)သိန်းနှုန်း ဖြင့်ထောက်ပံ့ငွေ (ကျပ်သိန်းနှစ်ရာ့လေးဆယ်ကျပ်တိတိ) အားထောက်ပံပေးအပ်ခဲ့ရာသက်ဆိုင်ရာ တာဝန်ရှိသူများကလက်ခံရယူခဲ့ကြပြီးဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်မှ ဧရာဝတီတိုင်းဒေသကြီးအတွင်း လူမှုအားမာန်အဖွဲ့ပေါင်း(၆၃)ဖွဲ့ရှိရာ ကျန်ရှိသည့်အဖွဲ့များကို ဆက်လက်ထောက်ပံ့ပေးအပ်သွားမည် ဖြစ်ကြောင်းသတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင် လမ်းပန်းဆက်သွယ်ရေးဝန်ကြီး   ရဲမှူးကြီးတင်ဇော်ထွန်း၊   ၊ တိုင်းဒေသကြီးအစိုးရအဖွဲ့ အတွင်းရေးမှူး ဦးဝေဇင်ထွန်းနှင့် သက်ဆိုင်ရာဌာနဆိုင်ရာများ လိုက်ပါလျှက် ၂၀၂၁ ခုနှစ်၊ စက်တင်ဘာလ၊ (၅)ရက်နေ့ မွန်းတည့်အချိန်တွင် မြောင်းမြမြို့ထွက်ခွာခဲ့ရာ ပုသိမ်-မြောင်မြလမ်းမပေါ်ရှိ ၂၀၂၀-၂၀၂၁ ဘဏ္ဍာရေးနှစ် ပြည်ထောင်စုရန်ပုံငွေဖြင့် စီမံကိန်းခန့်မှန်းတန်ဖိုး ၆၆၀၀ ကျပ်သန်းကုန်ကျခံကာ တည်ဆောက်လျှက်ရှိသော ပမ္မဝတီတံတား(မြင်းကဆိပ်)၏ လုပ်ငန်းခွင် ရှင်းလင်းဆောင်သို့ရောက်ရှိရာ တံတားအထူးအဖွဲ့(၁၅)မှ ဒုတိယညွှန်ကြားရေးမှူး (မြို့/ပြ)ဦးရဲနိုင်ဦးမှ တံတားလုပ်ငန်းဆောင်ရွက်ပြီးစီးမှု အခြေအနေများ၊ ဘဏ္ဍာနှစ်အလိုက် ရရှိရန်ပုံငွေနှင့် လုပ်ငန်းဆောင်ရွက်ပြီးစီးမှုအခြေအနေများ၊ လုပ်ငန်းဆက်လက်ဆောင်ရွက်မည့် အခြေအနေနှင့် ပြီးစီးမှုအခြေအနေများအား ရှင်းလင်းတင်ပြခဲ့ပြီး တိုင်းဒေသကြီးဝန်ကြီးချုပ်နှင့်အဖွဲ့မှ သတ်မှတ်ဘဏ္ဍာရေးနှစ်အတွင်း ပြီးစီးအောင်ဆောင်ရွက်ရန် မှာကြားခဲ့ပြီး တံတားလုပ်ငန်းဆောင်ရွက်နေမှုအခြေအနေများအား ကြည့်ရှုစစ်ဆေးခဲ့သည်။ ထို့နောက် မြောင်းမြမြို့နယ်၊ ကျုံဝါးကျေးရွာရှိ တောင်သူဦးသိန်းဆိုင်ထွန်း၏ ဆင်းသုခမိုးစပါးစိုက်ခင်းတွင် စုပေါင်းမြေဩဇာကြဲပက်ပွဲသို့ ရောက်ရှိခဲ့ရာ မြောင်းမြမြို့စိုက်ပျိုးရေးဦးစီးဌာနမှူး ဦးချစ်ကိုနိုင်က ၂၀၂၁ခုနှစ်၊ မိုးစပါးရာသီတွင် စံပြကွက်/စမ်းသပ်ကွက်များဆောင်ရွက်ထားရှိမှုများအား ရှင်းလင်းတင်ပြခဲ့ပြီး စုပေါင်းမြေဩဇာကြဲပက်ပွဲကို ကြည့်ရှုအားပေးကာ တောင်သူများအား ယူရီးယားဓာတ်မြေဩဇာများထောက်ပံ့ပေးအပ်ခဲ့ပြီး သစ်စိမ်းမြေဩဇာများ ထည့်သွင်းစိုက်ပျိုးခြင်းများ၊ ယူရီးယားနှင့်မြေဆွေးရောစပ်အသုံးပြု၍ စိုက်ပျိုးခြင်းဖြင့်ရရှိလာသော အကျိုးကျေးဇူးများကို သိရှိပြီးလိုက်နာဆောင်ရွက်သွားကြရန် လမ်းညွှန်မှာကြားခဲ့ပါသည်။ ထို့နောက်ဝန်ကြီးချုပ်နှင့်အဖွဲ့သည် မြောင်းမြမြို့နယ်အထွေထွေအုပ်ချုပ်ရေးဦးစီးဌာနရှိ မြရွှေဝါခန်းမ၌ကျင်းပသော ဧရာဝတီတိုင်းဒေသကြီးအစိုးရအဖွဲ့နှင့် မြောင်းမြခရိုင်ဆန်စက်ပိုင်ရှင်များ၊ မြို့မိ/မြို့ဖများ၊ ဌာနဆိုင်ရာများပူးပေါင်းစီစဉ်ကျင်းပသည့် မြောင်းမြခရိုင်အတွင်းရှိ ဝါဆိုဝါကပ်သီတင်းသုံးတော်မူကြသော ဆရာတော်၊ရဟန်း၊သာမဏေနှင့်သီလရှင်များအား ဆွမ်းဆန်တော်၊ဆီ၊ဆား၊ပဲ ဆက်ကပ်လှူဒါန်းပွဲအခမ်းအနားသို့ တက်ရောက်ပါသည်။ အခမ်းအနားကို နမောတဿ(၃)ကြိမ်ရွတ်ဆိုဘုရားကန်တော့၍ ဖွင့်လှစ်ခဲ့ပြီး မြောင်းမြမြို့ နိုင်ငံတော်ဗဟိုဝန်ဆောင်၊ အဂ္ဂမဟာပဏ္ဍိတ၊အလယ်တောရဆရာတော်ထံမှ ငါးပါးသီလခံယူ ဆောက်တည်ခဲ့ကာ ကြွရောက်လာသော ဆရာတော်များက ပရိတ်တရားတော်များရွတ်ဖတ်ချီးမြှင့်တော်မူပြီးနောက် သံဃာတော်အရှင်သူမြတ်များအား ဝါဆိုသင်္ကန်းနှင့် ဆန်၊ဆီ၊ဆား၊ပဲနှင့် လှူဖွယ်ပစ္စည်းများကို ဝန်ကြီးချုပ်နှင့်တာဝန်ရှိသူများက ဆက်ကပ်လှူဒါန်းခဲ့ကာ ရေစက်သွန်းချအမျှပေးဝေခဲ့ပြီး ဗုဒ္ဓသာသနံ စိရံတိဌတု(၃)ကြိမ်ရွတ်ဆိုအခမ်းအနားရုပ်သိမ်းခဲ့ပါသည်။ ဆက်လက်ပြီး ဝန်ကြီးချုပ်နှင့်အဖွဲ့သ ည်အမှတ်(၆)အခြေခံပညာအထက်တန်းကျောင်းသို့သွားရောက်ကာ ကျောင်းအုပ်ဆရာမကြီးနှင့်အဖွဲ့အားတွေ့ဆုံ၍ ကျောင်းတွင်လိုအပ်သော အခက်အခဲများအားရှိပါက တင်ပြသွားရန်မှာကြားခဲ့ပြီးနောက် မြောင်းမြခရိုင်ဆေးရုံကြီးသို့ ရောက်ရှိခဲ့ပါတယ်။ ထို့နောက် ဆေးရုံတွင်အသုံးပြုရန် FACE MASK အခု ၆၀၀၀ ၊ Remdesivir for Injection 120 တို့အား ခွဲဝေထောက်ပံ့ပေးအပ်ခဲ့ပြီး ဆေးရုံဝန်ထမ်းများအတွက် ထောက်ပံ့ငွေကျပ်(၅)သိန်းအား ထောက်ပံ့ပေးအပ်ခဲ့ပါသည်။ ထို့နောက် မြောင်းမြမြို့ ဘောလုံးကွင်းအားကြည့်ရှုစစ်ဆေးခဲ့ရာတာဝန်ရှိသူမှ အားကစားကွင်းတွင် လက်ရှိပြုပြင်ထိန်းသိမ်းပြင်ဆင်လျှက်ရှိသည်များကိုတင်ပြရာ ဝန်ကြီးချုပ်မှ အားကစားများအဆင့်မြင့်အောင်ကြိုးစားဆောင်ရွက်ရေ းလမ်းညွှန်မှာကြားခဲ့ကြောင်း သတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်း သည် ၂၀၂၁ ခုနှစ်၊ စက်တင်ဘာလ(၅)ရက်နေ့ နံနက်(၉)နာရီအချိန်တွင် ဧရာဝတီတိုင်းဒေသကြီး၊ ပုသိမ်မြို့၊ မြို့တော်ခန်းမနှင့် အ.ထ.က(၁)ကျောင်းတို့တွင် ကိုဗစ်-၁၉ရောဂါ ကာကွယ်ဆေးထိုးနှံပေးနေမှုအား ကြည့်ရှု့အားပေးခြင်းကို တိုင်းဒေသကြီးအစိုးရအဖွဲ့ဝင် လမ်းပန်းဆက်သွယ်ရေးဝန်ကြီး   ရဲမှူးကြီးတင်ဇော်ထွန်း၊   တိုင်းဒေသကြီးအစိုးရအဖွဲ့အတွင်းရေးမှူး ဦးဝေဇင်ထွန်းနှင့် ခရိုင်၊မြို့နယ်ဌာနဆိုင်ရာတာဝန်ရှိသူတို့နှင့်အတူ လိုက်လံကြည့် ရှုအားပေးခဲ့ပါသည်။ ဆက်လက်ပြီး တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့၊မြို့တော်ခန်းမသို့ရောက်ရှိပြီး မြို့နယ်ကျန်မာရေးဦးစီးဌာနမှဦးစီးမှူး ဒေါက်တာတင်ဝင်းအောင် ဦးစီးသောကာကွယ်ဆေးထိုးနေမှုအဖွဲ့၏ ဒုတိယအကြိမ် ကိုဗစ်-၁၉ရောဂါ ကာကွယ်ဆေးထိုးနှံနေမှုအားကြည့်ရှုအားပေးပါတယ်။ ဆက်လက်ပြီး ပုသိမ်မြို့ အ.ထ.က(၁)  ကျောင်း ရတနာတန်ဆောင်ခန်းမတွင် မြို့နယ်ကျန်းမာရေးဦးစီးဌာန မှ ဒေါက်တာမို့မို့လွင် ဦးစီးသော ကိုဗစ်-၁၉ ကာကွယ်ဆေးထိုးနေမှုကို ကြည့်ရှု့ကာ ကိုဗစ်ကာကွယ်ဆေး ထိုးပြီးသွားသော်လည်း ကျန်းမာရေးဌာနမှထုတ်ပြန်ထားသော စည်းကမ်းချက်များကို ဆက်လက်လိုက်နာသွားရန် လိုအပ်ကြောင်းနှင့် ကာကွယ်ဆေးကို ဇူလိုင်လ လကုန်ရက်နှင့် ဩဂုတ်လ လဆန်းပိုင်းက ပထမအကြိမ်ကိုဗစ်-၁၉ကာကွယ်ဆေး ထိုးနှံပြီးသူများအား ရပ်ကွက်အလိုက် ဒုတိယအကြိမ် ထိုးနှံပေးခြင်းဖြစ်ပြီး ဆေးထိုးနှံပြီးပါက အထောက်အထားလက်မှတ် (Certificate)ပေးသွားမှာဖြစ်ကြောင်း အားပေးစကားပြောကြားပြီး ပေါင်းစပ်ညှိနှိုင်း ဆောင်ရွက်ပေးခဲ့ပါကြောင်း သတင်းရရှိပါသည်။