သတင်းများ


ဧရာဝတီတိုင်းဒေသကြီးဝန်ကြီးချုပ် ဦးအေးကျော် (၂၇)ကြိမ်မြောက် အဆို၊ အက၊ အရေး၊ အတီး ဗဟို အဆင့်ပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီးအသင်းအား အောင်နိုင်ရေးအလံပေးအပ်
ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် တိုင်းဒေသကြီးအစိုးရအဖွဲ့ရုံး၊ အစည်းအဝေး ခန်းမ(၁)တွင်ပြုလုပ်သည့် (၂၇)ကြိမ်မြောက် အဆို၊ အက၊ အရေး၊ အတီး ဗဟိုအဆင့်ပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီးအသင်းအား အောင်နိုင်ရေးအလံပေးအပ်ပွဲ အခမ်းအနားသို့တက်ရောက်၍ တိုင်းဒေသကြီးဝန်ကြီးချုပ်က "(၂၇)ကြိမ်မြောက် အဆို၊ အက၊ အရေး၊ အတီး ဗဟိုအဆင့်ပြိုင်ပွဲသို့ ဝင်ရောက်ယှဉ်ပြိုင်နိုင်ရန်အတွက် စနစ်တကျ လေ့ကျင့်ပြီး ဖြစ်ပါကြောင်း၊ နည်းပြများနှင့် အုပ်ချုပ်သူများသည် အတွေ့အကြုံ ရင့်ကျက်သည့် ပညာရှင်များ ဖြစ်သဖြင့် အကောင်းဆုံး ယှဉ်ပြိုင်နိုင်မည်ဟု ယုံကြည်ပါကြောင်း၊ ပြိုင်ပွဲဝင်များအနေဖြင့် ကျန်းမာရေးကို အထူးဂရုစိုက်ကြရန်နှင့် ကျန်းမာရေးစောင့်ရှောက်မှုများ ပေးနိုင်ရန် အတွက် စီစဉ်ဆောင်ရွက်ပေးမည်ဖြစ်ပါကြောင်း၊ အုပ်ချုပ်၊ နည်းပြများအနေဖြင့် ပြိုင်ပွဲဝင်များ သွားလာနေထိုင်မှုများနှင့် စည်းကမ်းတကျဖြစ်စေရေး ကြပ်မတ်ဆောင်ရွက်သွားရန်လိုပါကြောင်း၊ ပြိုင်ပွဲဝင်များအနေဖြင့် ဆုတံဆိပ်များစွာရရှိ၍ တိုင်းဒေသကြီးဂုဏ်ဆောင်နိုင်သူများဖြစ်အောင် ကြိုးစားယှဉ်ပြိုင်သွားကြစေလိုကြောင်း” ပြောကြားသည်။


Read More...
16-Oct-2026
ဧရာဝတီတိုင်းဒေသကြီးဝန်ကြီးချုပ် ဦးအေးကျော် ရန်ကုန်-ပုသိမ်လမ်းထပ်ပိုးကတ္တရာခင်းခြင်းလုပ်ငန်းနှင့် ပုသိမ်မြို့အတွင်း ယာဉ်၊ လမ်းအန္တရာယ်ကင်းရှင်းရေးကြည့်ရှုစစ်ဆေး
ဧရာဝတီတိုင်းဒေသကြီးဝန်ကြီးချုပ်ဦးအေးကျော်သည် ရန်ကုန်-ပုသိမ်လမ်း မိုင်တိုင် ၉၉ မိုင် ၇ ဖာလုံမှ မိုင်တိုင် ၁၀၀ ကြား ၂၀ ပေ အကျယ် ကတ္တရာထပ်ပိုးလွှာခင်းခြင်းလုပ်ငန်း၊ ပုသိမ်ပညာရေးဒီဂရီကောလိပ် ၁၀၉၅ ပေ × ၄၈ ပေ လေးလမ်းသွား ကွန်ကရစ်လမ်းတိုးချဲ့ ဆောင်ရွက်မည့်လုပ်ငန်း၊ ရန်ကုန်-ပုသိမ်လမ်း ၁၁၁ မိုင်၂ ဖာလုံမှ ၁၁၁ မိုင် ၅ ဖာလုံတွင် အဝိုင်း ဆောင်ရွက်မည့်မြေနေရာနှင့် ပုသိမ်မြို့၊ မဟာဗန္ဓုလလမ်းမကြီးနှင့်မြကျွန်းသာ လမ်းဆုံမီးပွိုင့် တွင် ယာဉ်၊ လမ်း အန္တရာယ် ကင်းရှင်းစေရေးနှင့် ယာဉ်သွားလာမှု လွယ်ကူချောမွေ့စေရေး တို့အတွက် ယာဉ်ကြော (Free Lane) သတ်မှတ်ဆောင်ရွက်မည့်နေရာချထားမှုများကို ကြည့်ရှုစစ်ဆေး


Read More...
16-Oct-2026
ဧရာဝတီတိုင်းဒေသကြီးဝန်ကြီးချုပ် ဦးအေးကျော် ဒါးကမြစ်ကူးတံတား (ကန်ကြီးထောင့်) တည်ဆောက်ရေးစီမံကိန်း ပန္နက်တော်တင်မင်္ဂလာ အခမ်းအနားတက်ရောက်
ဧရာဝတီတိုင်းဒေသကြီး၊ သာပေါင်းမြို့နယ်၊ ဆင်လမ်းကျေးရွာအုပ်စု၊ ဂျုံးဂျုံးကျ ကျေးရွာ နှင့် ကန်ကြီးထောင့်မြို့နယ်၊ သဘော့ငူကျေးရွာအုပ်စု၊ ဖားစည်ကွင်းကျေးရွာကြား တည်ဆောက် မည့် ဒါးက မြစ်ကူးတံတား(ကန်ကြီးထောင့်) တည်ဆောက်ရေးစီမံကိန်း ပန္နက်တော်တင်မင်္ဂလာ အခမ်းအနားကို ယနေ့နံနက်ပိုင်းက အဆိုပါတံတားဆောက်လုပ်မည့် မြေနေရာတွင်ကျင်းပခဲ့ရာ တိုင်းဒေသကြီးဝန်ကြီးချုပ် ဦးအေးကျော်သည် တာဝန်ရှိသူများနှင့်အတူ တက်ရောက်ခဲ့သည်။


Read More...
16-Oct-2026
ရေဘေးသင့်ဒေသပြည်သူများ စိတ်ဓာတ်ခွန်အားမြှင့်တင်နိုင်ရေး ဇာတ်သဘင်ငှားရန်အတွက် အလှူငွေများ ပေးအပ်လှူဒါန်းခြင်းအခမ်းအနား
ရေဘေးသင့်ဒေသပြည်သူများ စိတ်ဓာတ်ခွန်အားမြှင့်တင်နိုင်ရေး ဇာတ်သဘင်ငှားရန်အတွက် အလှူငွေများ ပေးအပ်လှူဒါန်းခြင်းအခမ်းအနားကို ယမန်နေ့နံနက်ပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ ၁ တွင် ကျင်းပခဲ့သည်။ ဦးစွာ AW ဖောင်ဒေးရှင်းက ရေဘေးသင့်ဒေသပြည်သူများ စိတ်ဓာတ်ခွန်အားမြှင့်တင် နိုင်ရေး ဇာတ်သဘင်ငှားရန်အတွက် အလှူငွေများ ပေးအပ်လှူဒါန်းရာ တိုင်းဒေသကြီးအစိုးရ အဖွဲ့ အတွင်းရေးမှူးက လက်ခံရယူသည်။ ထို့ပြင် AW ဖောင်ဒေးရှင်းက ပုသိမ်မြို့ဝင်မုခ်ဦး တည်ဆောက်ရေး ကော်မတီသို့ လည်းကောင်း၊ ARCCI အသင်းရုံးတည်ဆောက်ရန်အတွက် လည်းကောင်း အလှူငွေများကို အသီးသီး ပေးအပ်လှူဒါန်းခဲ့ကြပြီး တိုင်းဒေသကြီးဝန်ကြီးချုပ် နှင့် တာဝန်ရှိသူများက ကျေးဇူးတင်စကားများ ပြောကြားခဲ့ကြောင်းသိရှိရသည်။


Read More...
16-Oct-2026
မြန်အောင်မြို့နယ်ရှိ မမြရေလှောင်တမံ တမံအိလျောမှုအား ကာကွယ်ထိန်းသိမ်းမှုလုပ်ငန်းများ ဆက်လက်ဆောင်ရွက်
ဧရာဝတီတိုင်းဒေသကြီး၊ မြန်အောင်ခရိုင်၊ မြန်အောင်မြို့နယ်ရှိ မမြရေလှောင်တမံ ၏ တမံထိပ်ပြင်နိမ့်ကျမှုအား ကာကွယ်ထိန်းသိမ်းနိုင်ရန်အတွက် လုပ်ငန်းများကို ဆက်လက် ဆောင်ရွက်လျက်ရှိရာ တမံအခြေမြေသားထောက်ခြင်းလုပ်ငန်းများ၊ မြေသားတမံအား ပိုမို အားဖြစ်စေရန်အတွက် မြေသားတမံပုံစံ၏ နောက်ဘက်တွင် ရေစစ်ကျောက်ရိုး (Rock Toe) တည်ဆောက်၍ ကာကွယ်ထိန်းသိမ်းမှုလုပ်ငန်းများ၊ သိုလှောင်ရေလျော့ချခြင်းလုပ်ငန်းများကို စက်ယန္တယားများအသုံးပြုပြီး ကြိုးပမ်းဆောင်ရွက်လျက်ရှိပါသည်။


Read More...
16-Oct-2026