၂၀၂၆ ခုနှစ်၊ ဇူလိုင် ၄ ရက်နေ့၊ နေပြည်တော်ရှိ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာနရုံး၌ ကျင်းပပြုလုပ်သည့် “အပြည်ပြည်ဆိုင်ရာ သမဝါယမနေ့နှင့် ကမ္ဘာ့ကျေးလက်ဖွံ့ဖြိုးရေးနေ့” အခမ်းအနားတွင် “ဧရာဝတီတိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာန”မှ ကျေးလက်နေပြည်သူများ လူမှုစီးပွားဘဝဖွံ့ဖြိုးတိုးတက်စေရန် မျှော်မှန်းဆောင်ရွက်သည့် ကျေးရွာအခြေခံ အဆောက်အအုံဖွံ့ဖြိုးရေးလုပ်ငန်းများ၊ ကျေးလက်စီးပွား မြင့်မားရေးလုပ်ငန်းများနှင့် ဘက်စုံကျေးလက်ဒေသဖွံ့ဖြိုးရေးလုပ်ငန်းများအား ပြည်သူကိုယ်တိုင် စီမံခန့်ခွဲသောနည်းလမ်း၊ ပြည်သူပူးပေါင်းပါဝင်သောနည်းလမ်းတို့ဖြင့် ထူးချွန်စွာ အကောင်အထည်ဖော် ဆောင်ရွက်နိုင်ခဲ့ပါသဖြင့် “ကျေးလက်ဖွံ့ဖြိုးရေး ဘက်စုံထူးချွန် ဒုတိယဆု”ကို ရရှိခဲ့ပြီး၊ “မော်လမြိုင်ကျွန်းမြို့နယ်၊ မရဲ့အုန်းပင်စုကျေးရွာ”အား သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုး တိုးတက်ရေးဦးစီးဌာနက အကောင်အထည်ဖော်ဆောင်ရွက်လျက်ရှိသည့် ပြည်သူကိုယ်တိုင် စီမံခန့်ခွဲသော ကျေးရွာစီမံကိန်း တစ်ခုဖြစ်သည့် မြစိမ်းရောင်ကျေးရွာစီမံကိန်းဖြင့် စိုက်ပျိုးရေး၊ မွေးမြူရေးနှင့် ကုန်ထုတ်လုပ်ငန်းများအား ထူးချွန်အောင်မြင်စွာ အကောင်အထည်ဖော် ဆောင်ရွက်ခဲ့ပါသဖြင့် “မြစိမ်းရောင်ကျေးရွာစီမံကိန်းအကောင်အထည်ဖော် ဆောင်ရွက်နိုင်မှုကျေးရွာဒုတိယဆု” တို့ကို အသီးသီးရရှိခဲ့ပါသည်။

ဧရာဝတီတိုင်းဒေသကြီး၊ ပုသိမ်မြို့တွင် မိုးအဆက်မပျက်ရွာသွန်းမူကြောင့် ၂၀၂၆ ခုနှစ်၊ ဇူလိုင်လ ၁၃ ရက်နေ့တွင် ဧရာဝတီတိုင်းဒေသကြီး၊ ပုသိမ်မြို့၊ ပုသိမ်- ရှောပြာ-ချောင်းသာလမ်းတွင် ရေကျော်မူဖြစ်ပွားသည့်အတွက် လမ်းများခေတ္တပိတ်ထားရပါသည်။ ယခုအခါ ရေများပြန်လည်ကျဆင်းသွားပြီဖြစ်သဖြင့် ည ၁၁ နာရီအချိန်ခန့်တွင် လမ်းများပြန်လည်ပွင့်သွားပြီဖြစ်ပါကြောင်းနှင့် ပုသိမ်-ရှောပြာ-ချောင်းသာလမ်း ပြန်လည်အသုံးပြု၍ရပြီဖြစ်ပါကြောင်း မိဘပြည်သူများသိရှိနိုင်ပါရန် တင်ပြအပ်ပါသည်။

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့၊ ဧရာရွှေဝါခန်းမတွင် ကျင်းပပြုလုပ်သည့် အခွန်ဆိုင်ရာအသိပညာတိုးတက်ရေးနှင့် အခွန်တာဝန်လေးစားလိုက်နာမှု တိုးတက်ရေး လူထုလှုပ်ရှားမှုအစီအစဉ် အခမ်းအနားသို့တက်ရောက်ခဲ့ပြီး တိုင်းဒေသကြီး ဝန်ကြီးချုပ်က“ နိုင်ငံသားတိုင်းသည် ဥပဒေအရ ပေးဆောင်ရမည့် အခွန်အကောက်များကို ပေးဆောင်ရန် တာဝန်ရှိကြောင်း ၂၀၀၈ ခုနှစ်၊ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံ ဥပဒေ ပုဒ်မ ၃၈၉ တွင် ရှင်းလင်းစွာ ပြဋ္ဌာန်းဖော်ပြထားရှိပါကြောင်း၊ အခွန်ဘဏ္ဍာငွေ ပြည့်ဝစွာ ကောက်ခံရရှိရေးအတွက် အခွန်ဆိုင်ရာ အသိပညာပေးခြင်းနှင့် အခွန်ဆိုင်ရာတာဝန်များကို လေးစားလိုက်နာ ဆောင်ရွက်ခြင်းတို့သည် အခြေခံလိုအပ်ချက်များ ဖြစ်ကြပါကြောင်း

ဧရာဝတီတိုင်းဒေသကြီးမှ မြန်မာ - အိန္ဒိယ နှစ်နိုင်ငံအကြား ကုန်သွယ်မှုမြှင့်တင်ရေးကိစ္စ နှင့်စပ်လျဉ်းပြီး ဆောင်ရွက်မည့်အစီအစဉ်များအား ရှင်းလင်းတင်ပြခြင်းအစည်းအဝေးကို ယနေ့နံနက်ပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁)တွင် ကျင်းပခဲ့ရာ တိုင်းဒေသကြီးဝန်ကြီးချုပ် ဦးအေးကျော်၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ မြန်မာ - အိန္ဒိယ ချစ်ကြည်ရေးအသင်း ဥက္ကဋ္ဌနှင့်တာဝန်ရှိသူများ၊ ဌာနဆိုင်ရာများနှင့် ကုမ္ပဏီမှတာဝန်ရှိ သူများ တက်ရောက်ကြသည်။

ပုသိမ်ပြည်သူ့ဆေးရုံကြီးတွင် ကျန်းမာရေးဝန်ကြီးဌာန သွားနှင့်ခံတွင်း ပါမောက္ခ/ အထူးကုဆရာဝန်ကြီးများမှ မွေးရာပါနှုတ်ခမ်းကွဲ၊ အာခေါင်ကွဲလူနာများ ခွဲစိတ်ကုသမှုနှင့် သက်ကြီးဘိုးဘွားများအံကပ်တပ်ဆင်မှုများ ဆောင်ရွက်ပေးလျက်ရှိရာ တိုင်းဒေသကြီး ဝန်ကြီးချုပ်သည် သက်ကြီးဘိုးဘွားများအား အံကပ်များတပ်ဆင်နိုင်ရေးအတွက် ပြင်ဆင်ဆောင်ရွက်ပေးနေမှုများကို သွားရောက်ကြည့်ရှုအားပေးခဲ့ကာ လာရောက်ပြသသည့် သက်ကြီးဘိုးဘွားများအား ရင်းရင်းနှီးနှီးနှုတ်ဆက်အားပေးခဲ့ပြီးနောက် ခြေထောက်ထိခိုက်ဒဏ်ရာ ရရှိခဲ့သဖြင့် ဆေးရုံတက်ရောက်ကုသနေသည့် ကလေးငယ်တစ်ဦးအား ဆက်လက်ကြည့်ရှု အားပေးစကားများပြောကြားပြီး လမ်းလျှောက်ရာတွင် အထောက်အကူပြုစေရန်အတွက် ချိုင်းထောက်တစ်စုံလှူဒါန်းပေးအပ်ခဲ့သည် ။