ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည် မေလ ၂၇ ရက်နေ့ နံနက်ပိုင်းတွင် တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီး/ခရိုင်နှင့်မြို့နယ်အဆင့်ဌာနဆိုင်ရာများလိုက်ပါလျက် ကြံခင်းမြို့နယ်၊ ဘတ်ရဲမြို့ အခြေခံပညာအထက်တန်းကျောင်းနှင့် ကြံခင်းမြို့အခြေခံပညာအထက်တန်းကျောင်းများတွင် KG တန်းမှ GRADE-11 အထိ သက်ဆိုင်ရာအတန်းများအလိုက် ကျောင်းအုပ်ကြီးများနှင့် အတန်းပိုင်ဆရာ၊ ဆရာမများမှ ကျောင်းသား၊ ကျောင်းသူများ ကျောင်းအပ်နှံခြင်းကို လက်ခံဆောင်ရွက်ပေးနေမှု၊ ကျောင်းသုံးပြဌာန်းစာအုပ်များနှင့် ဗလာစာအုပ်များကို (အခမဲ့) ထုတ်ပေးမှု ကျောင်းသား၊ကျောင်းသူများ ကျောင်းအပ်နေမှု အခြေအနေများအား သွားရောက်ကြည့်ရှုအားပေးခဲ့ပြီး ကျောင်းသားကျောင်းသူများ အေးချမ်းပျော်ရွှင်စွာ ပညာသင်ကြားနိုင်ရေး၊ ကျောင်းအပ်နှံမှုလုပ်ငန်းစဉ်များအား မြန်ဆန်အဆင်ပြေစွာဆောင်ရွက်စေရေးနှင့် ကိုဗစ်၁၉ ရောဂါကာကွယ်ရေးဆိုင်ရာ ညွှန်ကြားချက်များနှင့်အညီဆောင်ရွက်စေရေးနှင့် ကျောင်းပတ်ဝန်းကျင် သန့်ရှင်းသာယာလှပရေး ၊ ဥပဓိရုပ်ကောင်းမွန်ရေးဆောင်ရွက်ထားရှိရန်မှာကြားခဲ့သည်။ ထို့နောက် ကြံခင်းမြို့ ပြည်သူ့ဆေးရုံတွင် အောက်ဆီဂျင်စက်ရုံလည်ပတ်နေမှုအား ကြည့်ရှုအားပေးခဲ့ပြီး ဆေးရုံအုပ်ကြီးမှ လိုအပ်သည်များ တင်ပြမှုပေါ် သက်ဆိုင်ရာဌာနများနှင့် ပေါင်းစပ်ဆောင်ရွက်ပေးခဲ့သည်။

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့ဝင်များသည်  ပုသိမ်မြို့ အမှတ်(၃)အခြေခံပညာအထက်တန်းကျောင်းနှင့် အမှတ်(၅)အခြေခံပညာအထက်တန်းကျောင်းတို့တွင် ကျောင်းဆောင်သစ်ဖွင့်ပွဲများကို မေလ ၂၇ ရက်နေ့ နံနက်ပိုင်းတွင်ကျင်းပပြုလုပ်ခဲ့ရာအခမ်းအနားသို့ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်နှင့်အစိုး ရအဖွဲ့ဝင်ဝန်ကြီးများ၊ပုသိမ်မြို့ပေါ်ရှိအခြေခံပညာကျောင်းများမှ ကျောင်းဆရာ/ဆရာမများ၊ ဌာနဆိုင်ရာများနှင့် ကျောင်းသား/သူ များတက်ရောက်ကြသည်။  ရှေးဦးစွာအမှတ်(၃) အခြေခံပညာအထက်တန်းကျောင်း (၇၀×၃၀ ) ပေ၊ RC.နှစ်ထပ်ဆောင်သစ်အား တိုင်းဒေသကြီး၊အစိုးရ အဖွဲ့ဝန်ကြီးချုပ်ဦးတင်မောင်ဝင်းနှင့် တာဝန်ရှိသူများက အသီးသီးဖဲကြိုးဖြတ်ဖွင့်လှစ်ပေးခဲ့ကြပြီး ကျောင်းဆောင်သစ်ဆောက်လုပ်မှုနှင့်စပ်လျဥ်းသည့် စာရွက်စာတမ်းများ လွှဲပြောင်းပေးအပ်ရာ တိုင်းဒေသကြီးပညာရေးမှူးရုံးမှ တာဝန်ရှိသူများမှ လက်ခံရယူခဲ့ကာ ကျောင်းဆောင်သစ်အား ကျောင်းသား/သူများ ဆရာ/ဆရာမ.များနှင့် အမှတ်တရစုပေါင်းဓာတ်ပုံများ ရိုက်ခဲ့ကြပြီး ကျောင်းဆောင်သစ်အားလှည့်လည်ကြည့်ရှုစစ်ဆေးခဲ့သည်။ ထို့နောက် အမှတ်(၅) အခြေခံပညာအထက်တန်းကျောင်း (၁၄၀×၃၀ ) ပေ၊ RC.နှစ်ထပ် ကျောင်းဆောင်သစ်အား ဖဲကြိုးဖြတ်ဖွင့်လှစ်ပေးခဲ့ကြပြီး ကျောင်းဆောင်သစ်ဆောက်လုပ်မှုနှင့်စပ်လျဥ်းသည့် စာရွက်စာတမ်းများလွှဲ ပြောင်းပေးအပ်ရာ တိုင်းဒေသကြီးပညာရေးမှူးရုံးမှတာဝန်ရှိသူများမှ လက်ခံရယူခဲ့ကာ အမှတ်တရစုပေါင်းဓာတ်ပုံများရိုက်ခဲ့ကြပြီး ကျောင်းဆောင်သစ်အား လှည့်လည်ကြည့်ရှုစစ်ဆေးခဲ့သည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်နှင့်အဖွဲ့သည် မေလ ၂၆ ရက်နေ့ နံနက်ပိုင်းတွင် ဧရာရွှေဝါခန်းမ၌ ပြုလုပ်သည့် ပြည်နယ်နှင့်တိုင်းဒေသကြီးလက်ဝှေ့ပြိုင်ပွဲသို့ ဝင်ရောက်ယှဉ်ပြိုင်မည့် လက်‌ဝှေ့ပြိုင်ပွဲအသင်းအား အောင်နိုင်ရေးအလံပေးအပ်ပွဲအခမ်းအနားသို့ တက်ရောက်၍ အမှာစကားများ ပြောကြားပြီး တိုင်းဒေသကြီး လက်ဝှေ့အသင်းအား အောင်နိုင်ရေးအလံနှင့် ဂုဏ်ပြုဆုငွေ (၁၀)သိန်းအား ပေးအပ်ခဲ့သည်။ ဆက်လက်၍ ၂၀၂၂-၂၀၂၃ ပညာသင်နှစ် ကျောင်းနေအရွယ်ကလေးငယ်အားလုံး ပညာသင်ယူခွင့်ရရှိဖို့ ကျောင်းအပ်နှံကြပါစို့ ဆောင်ပုဒ်နှင့်အညီ ဧရာဝတီတိုင်းဒေသကြီးအတွင်း ရှိအခြေခံပညာကျောင်းများတွင် KG တန်းမှ GRADE-11 အထိ သက်ဆိုင်ရာအတန်းများအလိုက် ကျောင်းအုပ်ကြီးများနှင့် အတန်းပိုင် ဆရာ၊ ဆရာမများမှ ကျောင်းသား၊ ကျောင်းသူများ ကျောင်းအပ်နှံခြင်းကို လက်ခံဆောင်ရွက်ပေးလျက်ရှိပြီး၊ ကျောင်းသုံးပြဌာန်းစာအုပ်များနှင့် ဗလာစာအုပ်များကို (အခမဲ့) ထုတ်ပေးလျက်ရှိပါသည်။ ထို့နောက်ဝန်ကြီးချုပ်သည်  ပုသိမ်မြို့ အမှတ်(၁)အခြေခံပညာအထက်တန်းကျောင်းတွင် ကျောင်းသား၊ ကျောင်းသူများ ကျောင်းအပ်နေမှု အခြေအနေများအား သွားရောက်ကြည့်ရှု အားပေးခဲ့ပြီး ကျောင်းသားကျောင်းသူများ အေးချမ်းပျော်ရွှင်စွာ ပညာသင်ကြားနိုင်ရေး၊ ကျောင်းအပ်နှံမှုလုပ်ငန်းစဉ်များအား မြန်ဆန်အဆင်ပြေစွာဆောင်ရွက်စေရေးနှင့် ကိုဗစ်၁၉ ရောဂါကာကွယ်ရေးဆိုင်ရာ ညွှန်ကြားချက်များနှင့်အညီဆောင်ရွက်စေရေးနှင့် ကျောင်းပတ်ဝန်းကျင် သန့်ရှင်းသာယာလှပရေး ၊ ဥပဓိရုပ်ကောင်းမွန်ရေးဆောင်ရွက်ထားရှိရန်မှာကြားခဲ့ပါသည်။ တိုင်းဒေသကြီးအတွင်းအခြေခံပညာကျောင်းများ၌  မေလ ၂၆ ရက်နေ့မှ ဇွန်လ ၁ ရက်နေ့အထိ ကျောင်းအပ်နှံရေး ရက်သတ္တပတ်အဖြစ် ကျောင်းအပ်လက်ခံ ဆောင်ရွက် ပေးသွားမည်ဖြစ်ကြောင်းနှင့် ဇွန်လ ၂ ရက်နေ့မှစတင်ကာ အခြေခံပညာကျောင်း အားလုံးဖွင့်လှစ်သင်ကြား ပေးသွားမည်ဖြစ်ကြောင်း သိရှိရပါသည်။

ဧရာဝတီတိုင်းဒေသကြီးအတွင်း၌ သဘာဝပတ်ဝန်းကျင်စိန်းလမ်းစိုပြေရေး၊ ရာသီဥတုကောင်းမွန်မျှတရေးနှင့် သစ်တောသယံဇာတများရေရှည်တည်တံ့ပြီး သဘာဝပတ်ဝန်းကျင်ထိန်းသိမ်းနိုင်ရေးတို့ကို ရည်ရွယ်၍  ပုသိမ်ပညာရေးဒီဂရီကောလိပ်ကျောင်းဝန်းအတွင်း၌ မိုးရာသီအကြို စုပေါင်းသစ်ပင်စိုက်ပျိုးပွဲကို မေလ ၂၆ ရက်နေ့ နံနက် ၈ နာရီအချိန်က ပြုလုပ်ရာ တိုင်းဒေသကြီးဝန်ကြီးချုပ် ဦးတင်မောင်ဝင်း ၊ အနောက်တောင်တိုင်းစစ်ဌာနချုပ်တိုင်းမှူး ဗိုလ်ချုပ်အောင်အောင်နှင့် အစိုးရအဖွဲ့ဝင်ဝန်ကြီးများ၊ ဌာနဆိုင်ရာများ တက်ရောက်ခဲ့ကြပါသည်။ ရှေးဦးစွာ တိုင်းဒေသကြီးဝန်ကြီးချုပ်က “သက်ရှိများအသက်ရှင်နေထိုင်ရေးအတွက် သစ်တောသယံဇာတများသည် အထူးအရေးပါလှကြောင်း၊ လူနှင့်သက်ရှိသတ္တဝါများအတွက် လိုအပ်သော အောက်စီဂျင်ထုတ်လွှင့်ပေးခြင်းဖြင့် သက်ရှိလောကအတွက် အရေးကြီးဆုံးဝန်ဆောင်မှုကို အကျိုးဆောင်ပေးလျက်ရှိကြောင်း၊ ရာသီဥတုပြောင်းလဲမှုကို ဖြစ်ပေါ်စေသော အကြောင်းအရင်းများတွင် သစ်တောပြုန်းတီးမှုဟာ တစ်ခုအပါအဝင်ဖြစ်ကြောင်း၊ သစ်တောပြုန်းတီးမှုကာကွယ်နိုင်ရေးအတွက် နှစ်စဉ်သစ်ပင်သစ်တောများ၊ ဒီရေတောများစိုက်ပျိုးပေးလျက်ရှိပါကြောင်းနှင့်စိုက်ပျိုးပြီးသစ်ပင်များအား ရှင်သန်အောင် ဆက်လက်ပြုစုထိန်းသိမ်းသွားရန်လိုအပ်ကြောင်း”ပြောကြားခဲ့ပါသည်။ ဆက်လက်၍ တိုင်းဒေသကြီးသစ်တောဦးစီးဌာနကမှ ညွှန်ကြားရေးမှူးဦးမြင့်စိန်က သစ်ပင်စိုက်ပျိုးပွဲတော် ကျင်းပရခြင်းရည်ရွယ်ချက်များအား ရှင်းလင်းပြောကြားခဲ့ပြီး တိုင်းဒေသကြီးဝန်ကြီးချုပ်၊ အနောက်တောင်တိုင်းစစ်ဌာနချုပ်တိုင်းမှူးနှင့်တာဝန်ရှိသူများမှ သစ်ပင်များအား တာဝန်ရှိသူများထံလွှဲ ပြောင်းပေးအပ်ခဲ့ပြီးနောက် တိုင်းဒေသကြီးဝန်ကြီးချုပ် ဦးတင်မောင်ဝင်း၊ အနောက်တောင်တိုင်း စစ်ဌာနချုပ်တိုင်းမှူး ဗိုလ်ချုပ်အောင်အောင်နှင့် အစိုးရအဖွဲဝင်ဝန်ကြီးများ၊  ဌာနဆိုင်ရာအကြီးအကဲများနှင့် ဝန်ထမ်းများ၊ ကျောင်းသူကျောင်းသားများက သတ်မှတ်ထားသောနေရာများတွင်နေရာယူ၍  ကျွန်း၊ ပျဉ်းကတိုး၊ ပိတောက်၊ မဟော်ဂနီအစရှိသည့် ပျိုးပင်အမျိုးအစား (၁၄)မျိုး၊ ပျိုးပင်ပေါင်း (၆၈၀)အားစုပေါင်းစိုက်ပျိုးခဲ့ပြီး တိုင်းဒေသကြီးဝန်ကြီးချုပ်နှင့်တာဝန်ရှိသူများက သစ်ပင်စုပေါင်းစိုက်ပျိုးမှုအား လှည့်လည်ကြည့်ရှုအားပေးခဲ့ပါသည်။

ဧရာဝတီတိုင်းဒေသကြီး၊ ပုသိမ်မြို့၌ တိုင်းဒေသကြီးအတွင်းရှိ ၆ ခရိုင်မှအသက် ၁၉ ‌နှစ်အောက် အမျိုးသားဘောလုံးပြိုင်ပွဲ ဖွင့်ပွဲအခမ်းအနားကို မေလ ၂၅ ရက်နေ့ ညနေပိုင်းတွင် ကိုးသိန်းအားကစားကွင်း၌ ပြုလုပ်ရာ  တိုင်းဒေသကြီးဝန်ကြီးချုပ် ဦးတင်မောင်ဝင်း၊ အနောက်တောင်တိုင်းစစ်ဌာနချုပ်တိုင်းမှူး ဗိုလ်ချုပ်အောင်အောင်နှင့် အစိုးရအဖွဲ့ဝင်ဝန်ကြီးများ တက်ရောက်ဖွင့်လှစ်ပေးခဲ့သည်။ ဖွင့်ပွဲတွင် တိုင်းဒေသကြီးဝန်ကြီးချုပ်က “ယနေ့ကျင်းပ ပြုလုပ်သော ဘောလုံးပြိုင်ပွဲမှ တိုင်းဒေသကြီးကိုယ်စားပြု  ထူးချွန်ထက်မြက်သော ဘောလုံးသမားများ ပေါ်ထွက်လာစေရေး ရည်ရွယ်ကျင်းပခြင်းဖြစ်ကြောင်း၊ ပြိုင်ပွဲဝင်အသင်းများမှ အားကစားသမားများကလည်း အားကစားသမားကောင်းပီသစွာ ယှဉ်ပြိုင်ကစားကြရန် တိုက်တွန်းလိုကြောင်း၊ ယခုပြိုင်ပွဲမှတဆင့် မိမိတို့၏ခရိုင်၊ မိမိတို့၏ တိုင်းဒေသကြီး၏ ဂုဏ်ကို ဆောင်နိုင်ပြီး နိုင်ငံ့ဂုဏ်ဆောင် အားကစားသများဖြစ်အောင် ကြိုးစားဆောင်ရွက်ကြရန်” တိုက်တွန်းမှာကြား၍ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဖလား  ၆ ခရိုင် အသက် ၁၉ နှစ်အောက် အမျိုးသားဘောလုံးပြိုင်ပွဲအား ဖွင့်လှစ်ပေးသည်။ ဆက်လက်၍ စစ်ကြောင်းမှူးဦးဆောင်၍ ၆ ခရိုင်မှပြိုင်ပွဲဝင်အသင်းများက ဝန်ကြီးချုပ်အား အလေးပြုခြင်း၊ အားကစားသစ္စာအဓိဌာန် ၄ချက်အား ရွတ်ဆိုခြင်းများကို ဆောင်ရွက်ခဲ့ကြပြီး ပြိုင်ပွဲဝင်အသင်းများက ကွင်းအတွင်းမှပြန်လည်ထွက်ခွာခဲ့ကြသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့မှ ပြိုင်ပွဲပထမပွဲစဉ်ယှဉ်ပြိုင်ကစားကြသည့် ပုသိမ်ခရိုင်အသင်းနှင့် ဟင်္သာတခရိုင်အသင်းတို့၏ ယှဉ်ပြိုင်ကစားမှုများကို ကြည့်ရှုအားပေးခဲ့ပါသည်။ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဖလား  ၆ ခရိုင် အသက် ၁၉ နှစ်အောက် အမျိုးသားဘောလုံးပြိုင်ပွဲကို ၂၅.၅ ၂၀၂၂ရက်နေ့မှ ၄.၆.၂၀၂၂ ရက်နေ့အထိ ကျင်းပပြုလုပ်သွားမှာဖြစ်ကြောင်းသိရှိရပါသည်။