ဧရာဝတီတိုင်းဒေသကြီး လေးမျက်နှာမြို့နယ် ငဝန်တာ၏ အောက်ခံမြစ်ကျိုး အင်းသဲကြောမှ ထူးပေါက်၍ ရေဖြတ်သန်းစီးဆင်းမှုကြောင့် တာတမံနိမ့်ကျမှုဖြစ်ပွားကာ ရေကျော်စီးဝင်ပြီး ရေဘေးသင့်ခဲ့ရသည့် ရေကြည်မြို့နယ်အတွင်း ရေကြီးနစ်မြုပ်နေသည့် မအူကုန်ကျေးရွာအုပ်စု၊ ဒေါင့်ကြီးကျေးရွာအုပ်စုနှင့် ကြပ်ကွင်းကျေးရွာအုပ်စုရှိ ရေဘေးသင့်ပြည်သူများအားဧရာဝတီတိုင်းဒေသကြီးအစိုးရအဖွဲ့ဝင် ရခိုင်တိုင်းရင်းသားလူမျိုးရေးရာဝန်ကြီး ဦးစိုးညွှန့်၊ ကျုံပျော်ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌ ဦးစောထွန်းဝင်း၊ မြို့နယ်အုပ်ချုပ်ရေးမှူး ဦးသန်းဇော်လင်းနှင့်ပရဟိတအဖွဲ့ဝင်များကယနေ့နံနက်ပိုင်း၌ စက်လှေဖြင့် သွားရောက်၍ ရေဘေးသင့်ပြည်သူများနှင့် တွေ့ဆုံအားပေးစကားပြောကြားကာဆန်(၄)ပြည်အိတ် (၂၃၀)အိတ် ၊ ဆီပိဿာ(၂၀) ၊ ရေသန့် (၈၅) ကတ်၊တာ‌ပေါ်လင်(၂)လိပ်နှင့်ထောက်ပံ့ငွေများစားသောက်ဖွယ်ရာများ ထောက်ပံ့ပေးအပ်ခဲ့သည်။

ဧရာဝတီတိုင်းဒေသကြီးအစိုးရအဖွဲ့၊ စည်ပင်သာယာရေးဝန်ကြီး ဦးမောင်မောင်ဦးသည် သြဂုတ်လ ၂၁ ရက်နေ့ ညနေပိုင်းက ဝါးခယ်မမြို့နယ်အထွေထွေအုပ်ချုပ်ရေးဦးစီးဌာန၊ အောင်ဇေယျခန်းမ၌ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဋ္ဌနှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာများ၊ မြို့မိမြို့ဖများ၊ ရွှေဆိုင်လုပ်ငန်းရှင်များ၊ ဆန်စက်လုပ်ငန်းရှင်များ၊ ဆီလုပ်ငန်းရှင်များ၊ စားသောက်ဆိုင်လုပ်ငန်းရှင်များ၊ ကုန်ထုတ်လုပ်ငန်းရှင်များနှင့်တွေ့ဆုံ၍ MSME ကဏ္ဍဖွံ့ဖြိုးတက်ရေးအတွက် ထုတ်ကုန်များ အဆင့်တိုးမြှင့်ထုတ်လုပ်နိုင်ရေး၊ ပြည်ပသွင်းကုန်များ အစားထိုး သုံးစွဲနိုင်ရေး၊ စွန့်ဦးတီထွင်လုပ်ငန်းများဆောင်ရွက်၍ Brand Founder များဖြစ်စေရေး၊ MSME လုပ်ငန်းများနှင့်ပတ်သက်၍ နိုင်ငံ့စီးပွားမြှင့်တင်ရေးရန်ပုံငွေများ ထုတ်ချေးဆောင်ရွက်နိုင်‌ရေးကိစ္စရပ်များအား ရှင်းလင်းပြောကြားခြင်း၊ မြို့ပြစည်ပင်သာယာရေးနှင့် ဖွံ့ဖြိုးတိုးတက်ရေးအတွက် စည်ပင်သာယာရေးအဖွဲ့နှင့် ဌာနဆိုင်ရာများ၊ မြို့မိမြို့ဖများမှ ဝိုင်းဝန်းပူးပေါင်းဆောင်ရွက်ကြရန် တိုက်တွန်းပြောကြားခြင်းများ ဆောင်ရွက်ခဲ့ပါကြောင်း သိရှိနိုင်ပါရန် တင်ပြအပ်ပါသည်။

ဧရာဝတီတိုင်းဒေသကြီးအစိုရအဖွဲ့ ရခိုင်တိုင်းရင်းသားလူမျိုးရေးရာဝန်ကြီး ဦးစိုးညွန့်သည် ကျုံပျော်ခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ဦးစောထွန်းဝင်းနှင့် တာဝန်ရှိသူများလိုက်ပါ၍ ယမန်နေ့ နံနက်က ကျုံပျော်မြို့၌ ရေဘေးသင့်ပြည်သူများနှင့်တွေ့ဆုံကာ ထောက်ပံ့မှုများ ဆောင်ရွက်ပေးခဲ့သည်။

ဧရာဝတီတိုင်းဒေသကြီး ကျုံပျော်ခရိုင် ရေကြည်မြို့နယ်၌ ငဝန်တာ၏ အောက်ခံမြစ်ကျိုးအင်း သဲကြောမှ ထူးပေါက်၍ ရေဖြတ်သန်းစီးဆင်းမှုကြောင့် တာတမံနိမ့်ကျမှုဖြစ်ပွားပြီး ရေကျော် စီးဝင်သဖြင့်မြို့နယ်အတွင်းရှိရေဘေးသင့်ပြည်သူများအားဧရာဝတီတိုင်းဒေသကြီးအစိုးရအဖွဲ့ဝင် ရခိုင်တိုင်းရင်းသားလူမျိုးရေးရာဝန်ကြီးနှင့်အဖွဲ့မှ ကွင်းဆင်းကြည့်ရှု၍ စားသောက်ကုန်ပစ္စည်းများထောက်ပံ့လှူဒါန်းခြင်းကိုယမန်နေ့နံနက်ပိုင်းကဆောင်ရွက်ခဲ့ကြောင်းသိရသည်။

ဧရာဝတီတိုင်းဒေသကြီး MSME လုပ်ငန်းများဖွံ့ဖြိုးတိုးတက်ရေး အေဂျင်စီဥက္ကဋ္ဌ စည်ပင်သာယာရေးဝန်ကြီး ဦးမောင်မောင်ဦးသည် မအူပင်မြို့ ရှိ အသေးစား၊ အလတ်စား၊ စက်မှုလက်မှု(MSME)လုပ်ငန်းရှင်များနှင့် ယနေ့နံနက် (၁၁)နာရီက ပြည်သူ့ဆောက်လုပ်ရေးရိပ်သာ အစည်းအဝေးခန်းမတွင် တွေ့ဆုံဆွေးနွေးသည်။