ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် မေလ ၁၈ ရက်နေ့ နေ့လည်ပိုင်းတွင် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီးအဆင့်ဌာနဆိုင်ရာများ လိုက်ပါလျက်  ပုသိမ်ခရိုင်၊ ကျောင်းကုန်းမြို့နယ်၊ ဂုန်မင်းကျေးရွာအုပ်စု၊ ဂုန်မင်းကျေးရွာ၊ သာသနာ့ဇောတိကကျောင်း၊ ကျောင်းထိုင်ဆရာတော်အား ဖူးမြော်ကြည်ညို၍ သာသနာရေးဆိုင်ရာများ လျှောက်ထားခဲ့ပြီး လှုဖွယ်ပစ္စည်းနှင့်ဝတ္ထုငွေများဆပ်ကပ်လှူဒါန်းခဲ့ပါသည်။ ထို့နောက် သာသနာ့ဇောတိကကျောင်းဓမ္မာရုံ၌ ဒေသခံတောင်သူများနှင့်တွေ့ဆုံခဲ့ပြီး ၂၀၂၁-  ၂၀၂၂ မိုးစပါး၊နွေစပါး၊ ပဲမျိုးစုံ၊ ဆီထွက်သီးနှံများစိုက်ဧကအထွက်နှုန်းနှင့်မွေးမြူရေး ကိန်းဂဏန်းအချက်အလက်များမှန်ကန်မှုရှိစေရေး၊လျာထားစိုက်ဧကများပြည့်မီစွာစိုက်ပျိုးနိုင်ရေး၊ သီးနှံများအထွက်နှုန်းတိုးစေရေးနှင့် စားသုံးဆီဖူလုံမှုရှိစေရေးအတွက် ဆီထွက်သီးနှံ (နေကြာ) တိုးချဲ့စိုက်ပျိုးနိုင်ရေးဆောင်ရွက်လျက်ရှိပါကြောင်း၊ မြေဆီလွှာကောင်းမွန်စေရေးသဘာဝမြေသြဇာနှင့်ဓာတ်မြေသြဇာများအချိုးကျသုံးစွဲရန်လိုပါကြောင်းနှင့် လျာထားစိုက်ဧကများပြည့်မီစွာစိုက်ပျိုးနိုင်ရေးနှင့် သီးနှံများအထွက်နှုန်းတိုးစေရေးနှင့် တက်ရောက်လာကြသူများမှ ဆွေးနွေးတင်ပြပေးစေလိုကြောင်းပြောကြားခဲ့ပါသည်။ ဆက်လက်၍ တိုင်းဒေသကြီးလယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန၊ စိုက်ပျိုးရေးဦးစီးဌာန၊ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန၊မွေးမြူရေးနှင့်ကုသရေးဦးစီးဌာန တိုင်းဦးစီးမှူးတို့မှ  စိုက်ဧကများပြည့်မီစေရေး၊ အထွတ်နှုန်းတိုးစေရေးနှင့် မွေးမြူရေးလုပ်ငန်းများ စနစ်တကျမွေးမြူနိုင်ရေး ဆောင်ရွက်နေမှုများအား ရှင်းလင်းပြောကြားခဲ့ပြီး တောင်သူများ၏ တင်ပြမှုများအပေါ် တိုင်းဒေသကြီးဝန်ကြီးချုပ်မှသက်ဆိုင်ရာဌာနများနှင့်ပေါင်းစပ်ဆောင်ရွက်ပေးခဲ့ပြီး ယခင်နှစ်များက ရိုးပြက်ကျန်စိုက်ဧကများ၌ နွေစပါး၊ ပဲမျိုးစုံ၊ဆီထွက်သီးနှံများတိုးချဲ့စိုက်ပျိုးနိုင်ရေးအလေးထားဆောင်ရွက်ရန်နှင့် လျာထားစိုက်ဧကများပြည့်မီရေး၊ အထွက်နှုန်းတိုးစေရေးစိုက်ပျိုးရေးထုတ်လုပ်မှုတိုးတက်မြင့်မားရေးကြီးကြပ်မှုကော်မတီ အဆင့်ဆင့်မှ အလေးထားဆောင်ရွက်သွားရန်မှာကြားခဲ့ပါတယ်။ ဆက်လက်၍ ဂုန်မင်းကျေးရွာ အခြေခံပညာအထက်တန်းကျောင်းသို့သွားရောက်၍ ဆရာ၊ဆရာမများနှင့်တွေ့ဆုံခဲ့ပြီး တင်ပြမှုများအပေါ်သက်ဆိုင်ရာဌာနများနှင့်ပေါင်းစပ်ဆောင်ရွက်ပေးခဲ့ကာ ကျောင်းသုံးပစ္စည်းများ၊ကျန်းမာရေးသုံးပစ္စည်းများနှင့်ထောက်ပံငွေများပေးအပ်ခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည်  မေလ ၁၅ ရက်နေ့ နေ့လည်ပိုင်းတွင် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီးအဆင့်ဌာနဆိုင်ရာများ လိုက်ပါလျက်  ပုသိမ်ခရိုင်၊ ကန်ကြီးထောင့်မြို့နယ်၊ ကျုံကြီးကျေးရွာအုပ်စု၊ ညောင်ချောင်းကျေးရွာ၊ ဓမ္မပီတိသုခဓမ္မာရုံတော်ကြီး၌ ဒေသခံတောင်သူများနှင့်တွေ့ဆုံခဲ့ပြီး ၂၀၂၁-  ၂၀၂၂ ခုနှစ် မိုးစပါး၊ နွေစပါး၊ ပဲမျိုးစုံ၊ ဆီထွက်သီးနှံများစိုက်ဧကအထွက်နှုန်းနှင့် မွေးမြူရေး ကိန်းဂဏန်းအချက်အလက်များ မှန်ကန်မှုရှိစေရေး စိုက်ပျိုးရေးထုတ်လုပ်မှုတိုးတက်မြင့်မားရေးကြီးကြပ်မှုကော်မတီမှ ကွင်းဆင်းစစ်ဆေးဆောင်ရန်လိုပါကြောင်း၊ ထို့အပြင် စားသုံးဆီဖူလုံမှုရှိစေရေးအတွက် ဆီထွက်သီးနှံ (နေကြာ) တိုးချဲ့စိုက်ပျိုးနိုင်ရေး ဆောင်ရွက်လျက်ရှိပါကြောင်းနှင့် လျာထားစိုက်ဧကများ ပြည့်မီစွာ စိုက်ပျိုးနိုင်ရေးနှင့် သီးနှံများ အထွက်နှုန်းတိုးစေရေးနှင့် တက်ရောက်လာကြသူများမှ ဆွေးနွေးတင်ပြပေးစေလိုကြောင်း ပြောကြားခဲ့ပါသည်။ ဆက်လက်၍ တိုင်းဒေသကြီးစိုက်ပျိုးရေးဦးစီးဌာန၊  တိုင်းဒေသကြီးလယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၊ တိုင်းဒေသကြီးမွေးမြူရေးနှင့်ကုသရေးဦးစီးဌာန၊ တိုင်းဦးစီးမှူးတို့မှ  စိုက်ဧကများပြည့်မီစေရေး၊ မွေးမြူရေးလုပ်ငန်းများ စနစ်တကျမွေးမြူနိုင်ရေး ဆောင်ရွက်ပေးနေမှုများအား ရှင်းလင်းပြောကြားခဲ့ပြီး တိုင်းဒေသကြီးသမဝါယမဦးစီးဌာန၊ တိုင်းဒေသကြီးဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန၊ တိုင်းဒေသကြီး လျှပ်စစ်ဓာတ်အားဖြန့်ဖြူးရေး၊ တိုင်းဦးစီးမှူးတို့မှ လုပ်ငန်းဆောင်ရွက်မှုများအားရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ လိုအပ်သည်များဖြည့်စွက်ပြောကြားခဲ့ပါသည်။ ထို့နောက် မြို့နယ်စိုက်ပျိုးရေးထုတ်လုပ်မှုတိုးတက်မြင့်မားရေးကြီးကြပ်မှုကော်မတီမှ မြို့နယ်အတွင်း စိုက်ပျိုးရေးထုတ်လုပ်မှု တိုးတက်မြင့်မားရေးလုပ်ငန်းများဆောင်ရွက်မှုများ ရှင်းလင်းတင်ပြခဲ့ပြီး မြို့နယ်လယ်ယာဖွံ့ဖြိုးရေးဘဏ်မန်နေဂျာမှ စိုက်ပျိုးစရိတ်ထုတ်ချေးပေးနိုင်မည့်အခြေအနေများ ရှင်းလင်းတင်ပြခဲ့ကာ တောင်သူများမှ လိုအပ်သည်များတင်ပြမှုအပေါ် တိုင်းဒေသကြီးဝန်ကြီးချုပ်မှ သက်ဆိုင်ရာဌာနများနှင့် ပေါင်းစပ်ဆောင်ရွက်ပေးခဲ့ပြီး ယခု၂၀၂၂- ၂၀၂၃ ခုနှစ်တွင် ယခင်နှစ်များက မိုးစပါးတစ်သီးသာစိုက်ပျိုးပြီး ရိုးပြက်ကျန်စိုက်ဧကများတွင် နွေစပါး၊ ပဲမျိုးစုံ၊ဆီထွက်သီးနှံများ တိုးချဲ့စိုက်ပျိုးနိုင်ရေးအလေးထားဆောင်ရွက်ရန်နှင့် လျာထားစိုက်ဧကများပြည့်မီရေး၊ အထွက်နှုန်းတိုးစေရေး စိုက်ပျိုးရေးထုတ်လုပ်မှုတိုးတက်မြင့်မားရေးကြီးကြပ်မှုကော်မတီအဆင့်ဆင့်မှ အလေးထားဆောင်ရွက်သွားရန်မှာကြားခဲ့ကြောင်းသိရှိရပါသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည်၊ အနောက်တောင်တိုင်းစစ်ဌာနချုပ် တိုင်းမှူး ဗိုလ်ချုပ်အောင်အောင်၊ တိုင်းဒေသကြီးအစိုးရအဖွဲ့ဝင်များနှင့်အတူ မေလ ၁၃ ရက်နေ့ နံနက်ပိုင်းတွင် ပုသိမ်မြို့ ဧရာရွှေဝါခန်းမတွင် ကျင်းပပြုလုပ်သည့် တိုင်းဒေသကြီးအတွင်း လုံခြုံရေးတာဝန်ထမ်းဆောင်ခဲ့သော စစ်မှုထမ်းဟောင်းအဖွဲ့ဝင်များအား ထောက်ပံ့ငွေပေးအပ်ပွဲ အခမ်းအနားသို့တတ်ရောက်ခဲ့ပါသည်။ ရှေးဦးစွာ တိုင်းဒေသကြီးဝန်ကြီးချုပ်မှ အမှာစကားပြောကြားရာတွင် စစ်မှုထမ်းဟောင်းအဖွဲ့ဝင်များသည် လုံခြုံရေးတာဝန်များကို တာဝန်သိသိဖြင့်ဆောင်ရွက်နေသည်ကို တွေ့ရှိရပါကြောင်း၊ ထို့အပြင် တိုင်းဒေသကြီးအတွင်း လူမှုစီးပွားဖွံ့ဖြိုးတိုးတက်ရေးလုပ်ငန်းများတွင်လည်း ပါဝင်ဆောင်ရွက်နေကြပါကြောင်းနှင့် မြန်မာနိုင်ငံစစ်မှုထမ်းဟောင်းအဖွဲ့ ဖွဲ့စည်းရခြင်းရည်ရွယ်ချက်များအတိုင်း အကောင်အထည်ဖော်ဆောင်ရွက်သွားနိုင်ရေး ပြောကြားခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်မှ ဧရာဝတီတိုင်းဒေသကြီး စစ်မှုထမ်းဟောင်းကြီးကြပ်ရေးအဖွဲ့အတွက် ထောက်ပံ့ငွေများပေးအပ်ခဲ့ပြီး စစ်မှုထမ်းဟောင်းအဖွဲ့ဝင်များကိုယ်စား တိုင်းဒေသကြီးစစ်မှုထမ်းဟောင်းကြီးကြပ်ရေးအဖွဲ့ဥက္ကဌမှ ကျေးဇူးတင်စကားပြန်လည်ပြောကြားခဲ့ကြောင်းသိရှိရပါသည်။

ဧရာဝတီတိုင်းဒေသကြီး၊ ပုသိမ်မြို့ရှိ၊ နည်းပညာတက္ကသိုလ်(ပုသိမ်)၊ ပုသိမ်တက္ကသိုလ်နှင့် ကွန်ပျူတာတက္ကသိုလ်(ပုသိမ်)များ မေလ ၁၂ ရက်နေ့တွင် စတင်ဖွင့်လှစ်သင်ကြားပေးလျက်ရှိရာ တိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်း၊  တိုင်းဒေသကြီး အစိုးရအဖွဲ့ဝင်ဝန်ကြီးများ၊ တိုင်းဒေသကြီးအဆင့်ဌာနဆိုင်ရာများနှင့်အတူ သွားရောက်ကြည့်ရှုအားပေးခဲ့ပါသည်။ ရှေးဦးစွာ နည်းပညာတက္ကသိုလ်(ပုသိမ်) သို့သွားရောက်၍ ကျောင်းသား ကျောင်းသူများ၏ ကျောင်းအပ်နှံနေမှုများ၊ အေးချမ်းပျော်ရွှင်စွာ ပညာသင်ကြားနေမှုများအား ကြည့်ရှုအားပေးခဲ့ပါသည်။ ထို့‌နောက် ပုသိမ်တက္ကသိုလ်သို့သွားရောက်၍ ဆရာ၊ဆရာမ များနှင့်တွေ့ဆုံခဲ့ကာ ကျောင်းသားကျောင်းသူများ၏ တက်ရောက်ပညာသင်ကြားမှုအခြေအနေများအားမေးမြန်းခဲ့ပြီး စာသင်ဆောင်များအတွင်း ကျောင်းသား၊ ကျောင်းသူများ အေးချမ်းပျော်ရွှင်စွာတက်ရောက်သင်ကြားနေမှုများအား လှည့်လည်ကြည့်ရှုအားပေးပါသည်။ ထို့အတူကွန်ပျူတာတက္ကသိုလ်(ပုသိမ်)သို့သွားရောက်၍ ကျောင်းသားကျောင်းသူများ အေးချမ်းပျော်ရွှင်စွာ ပညာသင်ကြားနေမှုများအား ကြည့်ရှုအားပေးခဲ့ပြီး တိုင်းဒေသကြီးဝန်ကြီးချုပ်မှ ကျောင်းသားကျောင်းသူများ အေးချမ်းစွာ ပညာသင်ယူ‌နိုင်ရေးနှင့် ကိုဗစ်-၁၉ စည်းကမ်းနှင့်အညီဆောင်ရွက်ကြစေရေး တာဝန်ရှိသူများအား မှာကြားခဲ့ပါသည်။ ဆက်လက်၍ ပုသိမ်မြို့နယ်၊ ကိုးဆူကျေးရွာရှိ အစိုးရစက်မှုလက်မှုသိပ္ပံ(ပုသိမ်)၊ အလုပ်ရုံ(၁)ထပ်၊ Steel Structure(၁၂၅ပေ×၈၂ပေ)အမြင့် (၁၈)ပေ၊ Plinth Level (၅)ပေ၊ တည်ဆောက်ရေးလုပ်ငန်း စီမံကိန်းရှင်းလင်းဆောင်သို့ရောက်ရှိ၍ အစိုးရနည်းပညာအထက်တန်းကျောင်း၊ ကျောင်းအုပ်ကြီးမှ လုပ်ငန်းဆောင်ရွက်မှုအခြေအနေများ၊ ဆက်လက်ဆောင်ရွက်မည့်အခြေအနေများအား ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ အရည်အသွေးပြည့်မီစေရေးနှင့် သတ်မှတ်ကာလအတွင်းပြီးစီးစေရေး အလေးထားဆောင်ရွက်ရန်မှာကြားခဲ့ပါသည်။ တိုင်းဒေသကြီးအတွင်း ယနေ့တွင် ပုသိမ်တက္ကသိုလ်၊ ဟင်္သာတတက္ကသိုလ်၊မအူပင်တက္ကသိုလ်၊ နည်းပညာတက္ကသိုလ်(ပုသိမ်၊ ဟင်္သာတ၊ မအူပင်)၊ ကွန်ပျူတာတက္ကသိုလ်(ပုသိမ်၊ ဟင်္သာတ၊ မအူပင်)၊ ပုသိမ်ပညာရေးဒီဂရီ ကောလိပ်၊ မြောင်းမြပညာရေးဒီဂရီ ကောလိပ်၊ ဘိုကလေးပညာရေးဒီဂရီ ကောလိပ်၊ စက်မှုလက်မှုသိပ္ပံ(ဝါးခယ်မ၊ ကျိုက်လတ်၊ လပွတ္တာ) တို့တွင် စတင်ဖွင့်လှစ်သင်ကြားပေးလျက်ရှိသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည် ဧရာဝတီတိုင်းဒေသကြီး အစိုးရအဖွဲ့ဝင်ဝန်ကြီးများ၊ တိုင်းဒေသကြီးအဆင့်ဌာနဆိုင်ရာများလိုက်ပါလျက် မေလ ၁၁ ရက်နေ့ နေ့လယ်ပိုင်းတွင် ဟင်္သာတမြို့၊ နည်းပညာတက္ကသိုလ်(ဟင်္သာတ)၊ အစိုးရနည်းပညာ အထက်တန်းကျောင်း၊ ကွန်ပျူတာတက္ကသိုလ်၊ ဟင်္သာတတက္ကသိုလ်သို့ ရောက်ရှိခဲ့ပြီး ကျောင်းသား ကျောင်းသူများလာရောက်၍ ကျောင်းအပ်နှံနေမှုများအား ကြည့်ရှု့အားပေးခဲ့ပါသည်။ ထို့‌နောက် တက္ကသိုလ်များမှ ဆရာဆရာမများနှင့် တွေ့ဆုံကာ တာဝန်ရှိသူများမှ ကျောင်းဆိုင်ရာ အချက်အလက်များ၊ သင်ကြားပို့ချမည့် ဘာသာရပ်များအကြောင်းနှင့် ကျောင်းသားကျောင်းသူများ၏ တည်ခိုးဆောင်များ ဆောင်ရွက်ထားရှိမှု အခြေအနေများအားရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ ကျောင်းသား ကျောင်းသူများ အေးချမ်းစွာ ပညာသင်ယူ‌နိုင်ရေးနှင့် ကိုဗစ်-၁၉ စည်းကမ်းနှင့်အညီ ဆောင်ရွက်ကြရန် ပြောကြားခဲ့ပြီး ကျောင်းအတွက် ထောက်ပံ့ငွေများအား တာဝန်ရှိသူများထံ ပေးအပ်ခဲ့၍ ကျောင်းဝင်းအတွင်းရှိ စာသင်ဆောင်များနှင့် လက်တွေ့ခန်းများ၊  စာသင်ခန်းများ၊ ကျောင်းပရိဘောဂများ၊ သင်ထောက်ကူပစ္စည်းများ ပြည့်စုံကောင်းမွန်မှုရှိ မရှိ လှည့်လည်ကြည့်ရှုစစ်ဆေးခဲ့ပြီး လိုအပ်သည်များအား မှာကြားခဲ့ပါသည်။ ဆက်လက်၍ ဝန်ကြီးချုပ်နှင့်အဖွဲ့သည် အမှတ်(၆)အခြေခံပညာ အထက်တန်းကျောင်းကျောင်းဆောင်သစ်ဖွင့်ပွဲ အခမ်းအနားသို့ တတ်ရောက်ခဲ့ပြီး ကျောင်းဆောင်သစ်အားဖဲကြိုးဖြတ် ဖွင့်လှစ်ပေးခဲ့ပြီး အဆောက်အဦးအတွင်း လှည့်လည်ကြည့်ရှု့ခဲ့ပါသည်။ ထို့နောက် အမှတ်(၅)အခြေခံပညာ အထက်တန်းကျောင်းသို့ ရောက်ရှိပြီး  ဆရာ၊ဆရာမများ၊ ရပ်မိရပ်ဖများ၊ ကျောင်းကော်မတီများ၊ ကျောင်းသားမိဘများနှင့်တွေ့ဆုံ၍ လာမည့်ပညာသင်နှစ်တွင် ရာနှုန်းပြည့်ကျောင်းတက်နိုင်ရေး စည်းရုံးဆောင်ရွက်ပေးကြရန် မှာကြားခဲ့ပြီး  တင်ပြချက်များအပေါ် သက်ဆိုင်ရာဌာနများနှင့် ပေါင်းစပ်ညှိနှိုင်းဆောင်ရွက်ပေးခဲ့ကာ ကျန်းမာရေးသုံးပစ္စည်းများ၊ စာရေးကိရိယာများနှင့် ထောက်ပံ့ငွေများပေးအပ်ခဲ့ပါကြောင်း သတင်းရရှိပါသည်။