ပုသိမ်ပြည်သူ့ဆေးရုံကြီးမှ အကူသူနာပြု(ပြင်ပ)(၉)လသင်တန်း၊ သင်တန်းဆင်းပွဲအခမ်းအနားကို ယနေ့နံနက်ပိုင်းက ပုသိမ်ပြည်သူ့ဆေးရုံကြီး အစည်းအဝေးခန်းမတွင် ကျင်းပပြုလုပ်ရာ တိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်း၊ တိုင်းဒေသကြီးအစိုးရအဖွဲ့ဝန်ကြီးများ၊ တိုင်းဒေသကြီး ပြည်သူ့ကျန်းမာရေးဦးစီးဌာနမှူး၊ ပုသိမ်ပြည်သူ့ဆေးရုံကြီးအုပ်ကြီးနှင့်တာဝန်ရှိသူများ၊ သင်တန်းသားသင်တန်းသူများတက်ရောက်ကြပါတယ်။ ဦးစွာ တိုင်းဒေသကြီးဝန်ကြီးချုပ်မှ ကျန်းမာရေးစနစ်ရဲ့အရေးအကြီးဆုံးဒေါက်တိုင်ကြီးတစ်ခုဖြစ်တဲ့ အရည်အချင်းပြည့်ဝသော ကျန်းမာရေးလူ့စွမ်းအားအရင်းအမြစ်များမွေးထုတ်ပေးနိုင်ရေးဆောင်ရွက်ပေးလျက်ရှိပါကြောင်း၊ အကူသူနာပြုများဟာ ပင်ကိုယ်စိတ်ရောကိုယ်ပါဖြူစင်သူများ၊ ယဉ်ကျေးပျူငှာသူများဖြစ်ကြပြီး ပြည်သူကိုအလုပ်အကျွေးပြုရန်ရည်ရွယ်၍ အကူသူနာပြုကျင့်ဝတ်များကိုလိုက်နာစောင့်ထိန်းပြီး မိမိတို့၏တာဝန်များကိုကျေပွန်စွာထမ်းဆောင်သွားရန်လိုပါကြောင်း၊ အကူသူနာပြုများအနေဖြင့် သင်တန်းမှပို့ချသင်ကြားပေးသော ဆေးပညာဆိုင်ရာပညာရပ်များ၊ လက်တွေ့ကုသမှုများကို ကောင်းစွာမှတ်သားနာယူပြီး လူနာများပေါ် ဝါသနာ၊ စေတနာ၊ အကြင်နာ၊ ဂရုဏာ၊ အနစ်နာ၊ စာနာမှုစသည့် နာ (၆) နဲ့အတူ ပြုစုစောင့်ရှောက်ပေးကြရမှာဖြစ်ပါကြောင်း၊ ပြည်သူကိုဗဟိုပြုသောကျန်းမာရေးစနစ်ကို အောင်မြင်အောင် ဖော်ဆောင်နိုင်ရေးပါဝင်ဆောင်ရွက်ကြရမည့်အပြင် ကိုယ်တိုင်ကလည်း အရည်အသွေးပြည့်မီစေရေး၊ ပြည်သူများပါဝင်လာစေရေး၊ လူမှုဆက်ဆံရေးကောင်းမွန်စေရေးစသည်တို့ကိုလည်း ဆက်လက်သင်ယူလေ့ကျင့်ကြရမှာဖြစ်ပါကြောင်းနှင့် နိုင်ငံတော်၏ လိုအပ်ချက်အတွက် တစ်ထောင့်တစ်နေရာမှာ ဖြည့်တင်းလုပ်ကိုင်ရင်း ပြည်သူတစ်ရပ်လုံးအတွက် အလုပ်အကျွေးပြုသည့် ကျန်းမာရေးဝန်ဆောင်မှုလုပ်ငန်းများကို ဦးဆောင်ကြိုးပမ်းဆောင်ရွက်ကြရန် အမှာစကားပြောကြားခဲ့ကာ ထူးချွန်သင်တန်းသားသင်တန်းသူများကို ဆုများနှင့် သင်တန်းဆင်းအောင်လက်မှတ်များချီးမြှင့်ပေးခဲ့ပါသည်။ ထို့နောက်သင်တန်းသားသင်တန်းသူများကိုယ်စား သင်တန်းသားတစ်ဦးမှ ကျေးဇူးတင်စကားပြန်လည်ပြောကြားခဲ့ပြီး စုပေါင်းမှတ်တမ်းဓာတ်ပုံများရိုက်ကူးခဲ့ပါတယ်။ အဆိုပါသင်တန်းကို ( ၁၃.၁.၂၀၂၂)ရက်နေ့ မှယနေ့အထိ (၉)လတာဖွင့်လှစ်သင်ကြားခဲ့ပြီး သင်တန်းသားသင်တန်းသူစုစုပေါင်း (၅၃)ဦးတက်ရောက်ခဲ့ကြောင်းသိရှိရသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်နှင့်အဖွဲ့သည် နေ့လည်ပိုင်းတွင် ဧရာဝတီတိုင်းဒေသကြီးအားကစားနှင့်ကာယပညာဦးစီးဌာနရုံး၊ အစည်းအဝေးခန်းမတွင်ကျင်းပပြုလုပ်သည့် ၂၀၂၂ခုနှစ်၊ ပြည်နယ်နှင့်တိုင်းဒေသကြီး ဘိလိယက်နှင့်စနူကာပြိုင်ပွဲတွင် အသင်းလိုက်တံခွန်စိုက်ဆုရရှိခဲ့သော တိုင်းဒေသကြီးကိုယ်စားပြု ဘိလိယက်နှင့်စနူကာအသင်းအား ဂုဏ်ပြုပွဲတက်ရောက်အားပေးခဲ့ပါသည်။ ဦးစွာ ပြည်နယ်နှင့်တိုင်းဒေသကြီး ဘိလိယက်နှင့်စနူကာပြိုင်ပွဲတွင်ရရှိခဲ့သည့် အသင်းလိုက်တံခွန်စိုက်ဆုဖလားအား တာဝန် ရှိသူများမှ တိုင်းဒေသကြီးဝန်ကြီးချုပ်ထံအပ်နှံခဲ့ပြီး တိုင်းဒေသကြီးဝန်ကြီးချုပ်မှဂုဏ်ပြုအမှာစကားပြောကြားရာ  ပြည်နယ်နှင့်တိုင်းဒေသကြီး ဘိလိယက်နှင့်စနူကာပြိုင်ပွဲတွင်အသင်းလိုက်တံခွန်စိုက်ဆုဖလားရရှိအောင်ကြိုးစားခဲ့ကြသည့် အားကစားသမားများ၊ နည်းပြအုပ်ချုပ်သူများကို  ယခုကဲ့သို့တိုင်းဒေသကြီး၏ ဂုဏ်ဆောင်နိုင်ခဲ့သည့်အတွက် များစွာဝမ်းမြောက်ဂုဏ်ယူပါကြောင်းနှင့် ထိုက်သင့်သည့်ဂုဏ်ပြုချီးမြှင့်ခြင်းများကိုဆောင်ရွက်ပေးသွားမှာဖြစ်ပါကြောင်း၊ ထို့ပြင် တိုင်းဒေသကြီးအားကစားကဏ္ဍ တိုးတက်လာစေရေးအတွက်အားကစားသိပ္ပံကျောင်းရရှိစေရေး ဆောင်ရွက်လျက်ရှိပါကြောင်း၊  တိုင်းဒေသကြီးသည် လူးစွမ်းအားအရင်းအမြစ်များများစွာရှိပြီး မျိုးဆက်သစ်အားကစားသမားများပေါ်ထွန်းလာစေရေး မြို့နယ်၊ ခရိုင်၊ အခြေခံပညာ၊ အဆင့်မြင့်ပညာအလိုက် စနစ်တကျလေ့ကျင့်ပျိုးထောင်ပေးကြရမှာဖြစ်ပါကြောင်း၊ဆက်လက်ယှဉ်ပြိုင်ရမည့် အားကစားပြိုင်ပွဲများတွင်လည်း ယခုကဲ့သို့ တံခွန်စိုက်ဆုဖလားများရရှိစေရေးဆက်လက်ကြိုးပမ်းဆောင်ရွက်ရန်လိုပါကြောင်း၊ အားကစားသမားများအနေဖြင့်လည်း တိုင်းဒေသကြီးကိုယ်စားပြုမှ နိုင်ငံ့ဂုဏ်ဆောင်အားကစားသမားဖြစ်လာစေရေး ကြိုးစားကြရန်ပြောကြားခဲ့ပြီးနောက်  ပြည်နယ်နှင့်တိုင်းဒေသကြီး ဘိလိယက်နှင့်စနူကာပြိုင်ပွဲတွင် အသင်းလိုက်တံခွန်စိုက်ဆုဖလားရရှိခဲ့သည့် တိုင်းဒေသကြီးဘိလိယက်နှင့်စနူကာအသင်းအား ဂုဏ်ပြုငွေများချီးမြှင့်ပေးအပ်ခဲ့ပါတယ်။ ထို့နောက် တိုင်းဒေသကြီးဘိလိယက်နှင့်စနူကာအသင်းနည်းပြနှင့် အားကစားသမားများက ပြိုင်ပွဲအတွေ့အကြုံများ၊ ယှဉ်ပြိုင်အနိုင်ရရှိမှုများနှင့် လိုအပ်သည်များအားရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ ပေါင်းစပ်ဖြည့်ဆည်းဆောင်ရွက်ပေးခဲ့ကြောင်းသိရှိရပါဝည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်နှင့်အဖွဲ့သည် ပုသိမ်မြို့၊ မြို့တော်ခန်းမတွင်ကျင်းပပြုလုပ်သည့် (၅၈)နှစ်မြောက် မြန်မာနိုင်ငံရဲတပ်ဖွဲ့နေ့အခမ်းအနားတက်ရောက်ခဲ့ပါသည်။ အခမ်းအနားကို ဧရာဝတီတိုင်းဒေသကြီးရဲတပ်ဖွဲ့ရှိအရာရှိများမှ မြန်မာ့ရဲသီချင်းဖြင့် ဂုဏ်ပြသီဆိုဖွင့်လှစ်ခဲ့ပါသည်။  ထို့နောက် တိုင်းဒေသကြီးဝန်ကြီးချုပ်မှ မြန်မာနိုင်ငံရဲတပ်ဖွဲ့ကို ၁၈၈၇ခုနှစ်တွင်စတင်ဖွဲ့စည်းခဲ့ကာ အဆင့်ဆင့်ပြောင်းလဲဖွဲ့စည်းခဲ့ပြီး ၁၉၉၅ အောက်တိုဘာလ၁ရက်နေ့ကို မြန်မာနိုင်ငံရဲတပ်ဖွဲ့နေ့အဖြစ်ပြောင်းလဲဖွဲ့စည်းခဲ့၍ ပြည်သူ့အကျိုးစီးပွားကို တရားဥပဒေနှင့်အညီ ကာကွယ်စောင့်ရှောက်ဆောင်ကြဉ်းနိုင်စေရေး အသွင်သဏ္ဍာန်ရောအနှစ်သာရပါပြောင်းလဲလာအောင်အစီအမံများချမှတ်ဆောင်ရွက်ခဲ့ရာ ယနေ့ဆိုရင် (၅၈)နှစ်မြောက်မြန်မာနိုင်ငံရဲတပ်ဖွဲ့နေ့ကိုရောက်ရှိခဲ့ပြီဖြစ်ပါကြောင်း၊ မြန်မာနိုင်ငံရဲတပ်ဖွဲ့ဟာ ရည်မှန်းချက်တာဝန်(၄)ရပ်ဖြစ်တဲ့ ပြည်တွင်းလုံခြုံရေး၊ ရပ်ရွာအေးချမ်းသာယာရေးနှင့်တရားဥပဒေစိုးမိုးရေး၊ မူးယစ်ဆေးဝါးအန္တရာယ်တားဆီးကာကွယ်ရေးနှင့် ပြည်သူ့အကျိုးပြုလုပ်ငန်းများဆောင်ရွက်ရေးတို့ကိုအကောင်အထည် ဖော်ဆောင်ရွက်လျက်ရှိပါကြောင်း၊ မြန်မာနိုင်ငံရဲတပ်ဖွဲ့အနေဖြင့် ခေတ်နှင့်အညီ တိုးချဲ့ပြင်ဆင်ဖွဲ့စည်းလျက်ရှိရာ (Interpol) အဖွဲ့ဝင်ဖြစ်ပြီး အဖွဲ့ချုပ်နှင့် အဖွဲ့ဝင်နိုင်ငံများတွင် နိုင်ငံတကာရဲလုပ်ငန်းဆိုင်ရာများပူးပေါင်းဆောင်ရွက်မှု၊မှုခင်းသတင်းအ ချက်အလက် များဖလှယ်မှုအပြင် နိုင်ငံဖြတ်ကျော်မှုခင်းတိုက်ဖျက်ရေးဆိုင်ရာလုပ်ငန်းစဉ်များကိုလည်း ပူးပေါင်းဆောင်ရွက်လျက်ရှိ ပါကြောင်းနှင့် တရားဥပဒေစိုးမိုးရေးလုပ်ငန်းများတွင်အဓိကအကျဆုံးဖြစ်တဲ့ မြန်မာနိုင်ငံရဲတပ်ဖွဲ့ဝင်အားလုံးဟာ တာဝန်ခံမှုတာဝန်ယူမှုပြုနိုင်တဲ့ ရဲတပ်ဖွဲ့ဝင်ကောင်းများဖြစ်ကြပြီး ပြည်သူလူထုရဲ့အကျိုးစီးပွားကို ကာကွယ်စောင့်ရှောက်ရာတွင် ရဲလုပ်ငန်း၊ဥပဒေလုပ်ထုံးလုပ်နည်း၊ ကျွမ်းကျင်မှု၊ ရိုးသားဖြောင့်မတ်မှု၊ သမာသမတ်ရှိမှုတို့နဲ့ဖြည့်ဆည်းဆောင်ရွက်ပေးနိုင်ရေးအစဉ်ကြိုးပမ်းလုပ်ဆောင်သွားရန်ပြောကြားခဲ့ပြီး တိုင်းဒေသကြီးရဲတပ်ဖွဲ့မှူးက မြန်မာနိုင်ငံရဲတပ်ဖွဲ့ရဲချုပ်၏သဝဏ်လွှာအားဖတ်ကြားပါသည်။ ဆက်လက်၍ ဆုရတပ်ဖွဲ့ဝင်များအားဆုချီးမြှင့်ခဲ့ရာ တိုင်းဒေသကြီးဝန်ကြီးချုပ်မှ စီမံထူးချွန်တံဆိပ်၊ ရဲသူရတံဆိပ်၊ ရဲဗလတံဆိပ်ရရှိသူများအားလည်းကောင်း၊ အနောက်တောင်တိုင်းစစ်ဌာနချုပ်တိုင်းမှူး၊ ပုသိမ်လေတပ်စခန်းဌာနချုပ်မှူးနှင့် လုံခြုံရေးနှင့်နယ်စပ်ရေးရာဝန်ကြီးတို့မှ ရဲဗလတံဆိပ်ရရှိသူများနှင့် ရဲချုပ်၏ အမှုထမ်းကောင်းလက်မှတ်ရရှိသူအားလည်းကောင်း၊ တိုင်းဒေသကြီးရဲတပ်ဖွဲ့မှူးမှ အကြမ်းဖတ်မှုတားဆီးကာကွယ်ရေးနှင့်တိုက်ဖျက်ရေးအဖွဲ့၏ဆုချီးမြှင့်ခြင်းခံရသူ နှင့်တိုင်းဒေသကြီး ရဲတပ်ဖွဲ့မှူး၏အမှုထမ်းကောင်းလတ်မှတ်ရရှိသူများအားလည်းကောင်း ဂုဏ်ပြုဆုတံဆိပ်များ အသီးသီးပေးအပ်ချီးမြှင့်ခဲ့ကြပါတယ်။ အဲဒီနောက် ရဲတပ်ဖွဲ့နေ့အထိမ်းအမှတ် Video Clip ပြသမှုအားကြည့်ရှုအားပေးခဲ့ကာအခမ်းအနားတက်ရောက်လာကြသူများနှင့်အတူ စုပေါင်းမှတ်တမ်းတင်ဓာတ်ပုံများရိုက်ကူးခဲ့ကြပြီး ရဲတပ်ဖွဲ့နေ့အထိမ်းအမှတ် ပြခန်များအား လှည့်လည်ကြည့်ရှုအားပေးခဲ့ကြပါသည်။

၂၀၂၂ခုနှစ်၊ အောက်တိုဘာလ(၁)ရက်နေ့၊ အပြည်ပြည်ဆိုင်ရာသက်ကြီးရွယ်အိုများနေ့အထိမ်းအမှတ်အခမ်းအနားကို ယနေ့နံနက်ပိုင်းက ပုသိမ်မြို့ စက်တော်ရာ ဘိုးဘွားရိပ်သာတွင် ကျင်းပပြုလုပ်ရာ တိုင်းဒေသကြီးအစိုးရအဖွဲ့ဝန်ကြီးချုပ်ဦးတင်မောင်ဝင်းနှင့်ဇနီး၊ အနောက်တောင်တိုင်းစစ်ဌာနချုပ်တိုင်းမှူးဗိုလ်ချုပ်အောင်အောင်၊ တိုင်းဒေသကြီးအစိုးရအဖွဲ့ဝင်များနှင့်ဇနီးများ၊ တိုင်း၊ခရိုင်၊မြို့နယ်အဆင့်ဌာနဆိုင်ရာများ၊ လူမှုရေးအသင်းအဖွဲ့များတက်ရောက်ကြပါသည်။ ဦးစွာ  တိုင်းဒေသကြီးဝန်ကြီးချုပ်မှ ကမ္ဘာ့ကျန်းမာရေးအဖွဲ့၏ ထုတ်ပြန်ချက်များအရ မြန်မာနိုင်ငံရှိပြည်သူများ၏ မျှော်မှန်းသက်တမ်းမှာ ပျမ်းမျှအားဖြင့် ၆၉.၁ နှစ်ဖြစ်ပြီး အမျိုးသားများ၏ မျှော်မှန်းသက်တမ်းမှာ ၆၉.၅နှစ်၊ အမျိုးသမီးများ၏ မျှော်မှန်းသက်တမ်းမှာ ၇၂.၂နှစ်ရှိသည်ကိုသိရှိရပါကြောင်း၊ တိုင်းဒေသကြီးရှိ ကျုံပျော်မြို့နယ်တွင် အသက် ၁၁၆နှစ် အဘိုးတစ်ဦး၊ မော်ကျွန်းမြို့နယ်တွင် အသက် ၁၁၃နှစ် အဘွားတစ်ဦးတို့ ကျန်းမာစွာနေထိုင်လျက်ရှိရာ အသက်ရာကျော်ဘိုးဘွားများရှိနေတာကိုဝမ်းမြောက်ဂုဏ်ယူစွာတွေ့ရှိရပြီးကျန်းမာရေးစောင့်ရှောက်မှုများမလစ်ဟင်းစေရေးပြုစုစောင့်ရှောက်ပေးလျက်ရှိပါကြောင်း၊ တိုင်းဒေသကြီးအတွင်းရှိ ဘိုးဘွားရိပ်သာ(၁၅)ခုနှင့် ရိပ်သာများရှိ အဘိုးအဘွားများအတွက် ထောက်ပံ့ငွေများကိုလည်း ထောက်ပံ့ဆောင်ရွက်ပေးလျက်ရှိပါကြောင်းနှင့် အဘိုးအဘွားများအသက်ရာကျော်ရှည်၍ ဘာသာသာသနာရေးကိစ္စရပ်များကိုကောင်းမွန်စွာဆောင်ရွက်နိုင်ကြပါစေကြောင်းဆုတောင်းဂုဏ်ပြုစကားပြောကြားခဲ့ပြီး အဘိုးအဘွားများအားလက်အုပ်ချီမိုးပူဇော်ကန်တော့ကြပါသည်။ ဆက်လက်၍ တိုင်းဒေသကြီးဝန်ကြီးချုပ်မှ စက်တော်ရာဘိုးဘွားရိပ်သာရှိဘိုးဘွားများအတွက်ဆေးပဒေသာပင်အလှူငွေနှင့် ဘိုးဘွားရိပ်သာတည်ဆောက်ရန်အတွက်အလှူငွေများပေးအပ်လှူဒါန်းခဲ့ပြီး အနောက်တောင်တိုင်းစစ်ဌာနချုပ်တိုင်းမှူးမှ ကျုံပျော်ဘိုးဘွားရိပ်သာရှိ အဘိုးအဘွားများအတွက်ဆေးပဒေသာပင်အလှူငွေများလှူဒါန်းခဲ့ကြပါသည်။ ထို့နောက် တိုင်းဒေသကြီးဝန်ကြီးချုပ်နှင့်ဇနီး၊ အနောက်တောင်တိုင်းစစ်ဌာနချုပ်တိုင်းမှူး၊ တိုင်းဒေသကြီးအစိုးရအဖွဲ့ဝန်ကြီးများနှင့်ဇနီးများက စက်တော်ရာဘိုးဘွားရိပ်သာရှိ အဘိုးအဘွားတစ်ဦးချင်းစီအားဆေးပစ္စည်း နှင့်အလှူငွေများပေးအပ်လှူဒါန်းခဲ့ကြရာ ဘိုးဘွားများကိုယ်စား အဘွားတစ်ဦးမှ ကျေးဇူးတင်မေတ္တာပြန်လည်ပို့သပေးခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့မှ အခမ်းအနားသို့မတက်ရောက်နိုင်သော အဘိုးအဘွားများအတွက်ကန်တော့ပစ္စည်းများနေရာအရောက်လှူဒါန်းပေးခဲ့ကြပါသည်။ တိုင်းဒေသကြီးဝန်ကြီးချုပ်နှင့်ဇနီးမိသားစု၊ တိုင်းဒေသကြီးအစိုးရအဖွဲ့ စေတနာရှင်များမှ တိုင်းဒေသကြီးအတွင်းရှိ ဘိုးဘွားရိပ်သာ (၁၅)ခုအတွက် ဆေးပဒေသာပင်အလှူငွေ၊ ခရိုင်(၈)ခရိုင်ရှိ အသက်အကြီးဆုံးဘိုးဘွားများထောက်ပံ့ငွေ၊ စက်တော်ရာဘိုးဘွားရိပ်သာရှိဘိုးဘွားများအတွက်ထောက်ပံ့ငွေများ လှူဒါန်းထောက်ပံ့ခဲ့ကြောင်းသိရှိရပါသည်။

ဧရာဝတီတိုင်းဒေသကြီး၊  ရေကြည်မြို့နယ်၌ မူလတန်းကြိုကျောင်း ပန္နက်တင်မင်္ဂလာ အခမ်းအနားအား ယနေ့နံနက်ပိုင်းက အောင်ဆန်းမြို့ပတ်လမ်းရှိ အဆိုပါအဆောက်အဦ ဆောက်လုပ်မည့်နေရာတွင် ကျင်းပရာ တိုင်းဒေသကြီး ဝန်ကြီးချုပ် ဦးတင်မောင်ဝင်းနှင့် အစိုးရအဖွဲ့ဝင် ဝန်ကြီးများ၊ ခရိုင်နှင့် မြို့နယ် စီမံအုပ်ချုပ်ရေးအဖွဲ့ဝင်များ၊ ဌာနဆိုင်ရာများနှင့် တာဝန်ယူဆောက်လုပ်မည့် ကုမ္ပဏီမှ တာဝန်ရှိသူများ တက်ရောက်ခဲ့သည်။ ဦးစွာ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် သတ်မှတ်နေရာများ၌ နေရာ ယူ၍  ပန္နက်တိုင်များ စိုက်ထူပြီးနောက် အခမ်းအနားအားဆက်လက် ပြုလုပ်ရာ  မူလတန်းကြို ကျောင်း RC(၂)ထပ်ဆောက်လုပ်မည့်ကုမ္ပဏီမှ အဆောက်အဦ ဆောက်လုပ်မှုနှင့်ပတ်သက်၍ ရှင်းလင်းတင်ပြခဲ့ပြီး တိုင်းဒေသကြီးဝန်ကြီးချုပ်က" ရေကြည်မြို့နယ်တွင် RC(၂)ထပ် မူလတန်းကြိုကျောင်း ပေါ်ထွန်းလာတော့မည်ဖြစ်ရာ ကလေးငယ်များပိုမို လုံခြုံစိတ်ချစွာ ပညာသင်ယူနိုင်မည်ဖြစ်ပါကြောင်း၊ မူလတန်းကြိုကျောင်းမှစတင်၍ ပတ်ဝန်းကျင်ကောင်းတွင် သင်ကြားမှုစတင်ရာမှတဆင့် အခြေခံပညာကျောင်းများသို့ အခက်အခဲမရှိ ပညာသင်ကြားနိုင်မည် ဖြစ်ကြောင်း၊ မြေနေရာလှူဒါန်းပေးသည့် အလှူရှင်အား ကျေးဇူးတင်ရှိပါကြောင်းနှင့် မြို့သူ၊ မြို့သားများကလည်း မိမိမြို့စိမ်းလန်းစိုပြေရေးနှင့် သန့်ရှင်းသာယာလှပရေး ပူးပေါင်း ဆောင်ရွက် ကြရန်လိုပါကြောင်း”ပြောကြားသည်။ ယင်းနောက် မူလတန်းကြိုကျောင်း ဆောက်လုပ်ပေးခြင်းနှင် ပတ်သက်၍ ရပ်မိရပ်ဖတစ်ဦးမှ ကျေးဇူးတင်စကား ပြန်လည်ပြောကြားခဲ့ပြီး ဝန်ကြီးချုပ်က  အခမ်းအနားသို့ တက်ရောက်လာသူများနှင့် ရင်းရင်းနှီးနှီးတွေ့ဆုံနှုတ်ဆက်ခဲ့သည်။ ယင်းနောက် တိုင်းဒေသကြီး ဝန်ကြီးချုပ်သည် ရေကြည်မြို့နယ်၊ ကျားချောင်ကျေးရွာအုပ်စု၊ ကျားချောင်ကျေးရွာ တောင်သူဦးစိုးမြင့်၏ ကွင်း/ဦးပိုင်အမှတ်(၈၇၈၊၂/၁) ဆင်းသုခ (၁.၀၀)ဧက မိုးစပါးစံကွက်ရိတ်သိမ်းခြင်း ကွင်းသရုပ်ပြပွဲသို့ တက်ရောက်ကြည့်ရှုအားပေးခဲ့ရာ တစ်ဧက အထွက်နှုန်း ၇၇ တင်း ထွက်ရှိခဲ့ကြောင်းနှင့် ဝန်ကြီးချုပ်က ယူရီးယားဓာတ်မြေဩဇာသုံးစွဲမှု လျှော့ချရေးနှင့် သစ်စိမ်းမြေဩဇာ၊ သဘာဝမြေဩဇာ၊ ဇီဝမြေဩဇာများသုံးစွဲရေးတို့အား မှာကြားသည်။ ဆက်လက်၍ ဝန်ကြီးချုပ်သည် တာဝန်ရှိသူများနှင့်အတူ ကျုံပျော်ခရိုင် စီမံအုပ်ချုပ်ရေးအဖွဲ့ရုံး၊ အစည်းအဝေးခန်းမ၌ ပြုလုပ်သည့် ၂၀၂၂-၂၀၂၃ ပညာသင်နှစ် တက္ကသိုလ်ဝင်စာမေးပွဲ  အောင်ချက်မြင့်မားရေး လုပ်ငန်းညှိနှိုင်းအစည်းအဝေးအား တက်ရောက်ခဲ့ပြီး ဝန်ကြီးချုပ်က “ယခုပညာသင်နှစ်တွင်လည်း တက္ကသိုလ်ဝင်စာမေးပွဲ အောင်ချက်မြင့်မားရေးအတွက် တိုင်းဒေသကြီးအစိုးရအဖွဲ့အနေဖြင့် သက်ဆိုင်ရာဌာနဆိုင်ရာများမှ တာဝန်ရှိသူများနှင့် ပူးပေါင်း ဆောင်ရွက်လျက်ရှိကြောင်း၊ ၂၀၂၂-၂၀၂၃ပညာသင်နှစ်တွင် တက္ကသိုလ်ဝင်စာမေးပွဲ စနစ်ဟောင်း အား ဖြေဆိုရန် နောက်ဆုံးအကြိမ် အခွင့်အရေးဖြစ်ပါကြောင်း၊ ဖြေဆိုမည့်ကျောင်းသား၊ ကျောင်းသူများ ရာနှုန်းပြည့်အောင်မြင်ရေး ကြိုးစားရမှာဖြစ်ပါကြောင်း၊ မိဘများကိုလည်း မိမိတို့ သားသမီးများ အတွက် တက္ကသိုလ်ဝင် စာမေးပွဲ အောင်မြင်ရေး အခွင့်အရေးပေးရန် တိုက်တွန်းပါကြောင်း၊ ပညာရေးဌာနတာဝန်ရှိသူများ၊ အုပ်ချုပ်ရေးအဖွဲ့များ၊ ကျောင်းသား မိဘများနှင့် ကျောင်းသား၊ ကျောင်းသူများကိုယ်တိုင် ပူးပေါင်းဆောင်ရွက်ရန်လိုပါကြောင်း၊ ကျုံပျော် ခရိုင်သည် အောင်ချက်ကောင်းသည့် ခရိုင်ဖြစ်သဖြင့် အောင်ချက်အား ဆက်လက်ထိန်းသိမ်းရန် လိုပါကြောင်းနှင့်  အခက်အခဲရှိသည့် ကျောင်းသား၊ကျောင်းသူများကို စာသင်ခန်းအသီးသီးသို့ ရောက်ရှိလာရေး ဝိုင်းဝန်းဆောင်ရွက်ပေးစေလိုကြောင်း”ပြောကြားသည်။ ယင်းနောက် ခရိုင်စီမံအုပ်ချုပ်ရေးအဖွဲ့ ဥက္ကဌက ကျုံပျော်ခရိုင်အတွင်း ၂၀၂၂-၂၀၂၃ ပညာသင်နှစ် တက္ကသိုလ်ဝင်စာမေးပွဲ  အောင်ချက်မြင့်မားရေး ဆောင်ရွက်ထားရှိမှု အခြေအနေ များအားလည်းကောင်း၊ တိုင်း/ခရိုင်/မြို့နယ် ပညာရေးမှူးများ၊ အခြေခံပညာအထက်တန်းကျောင်းနှင့် ကိုယ်ပိုင်အထက်တန်းကျောင်းများမှ ကျောင်းအုပ် ဆရာကြီး၊ ဆရာမကြီးများနှင့် သက်ဆိုင်ရာ ဌာနများ၏ အထွေထွေဆွေးနွေး တင်ပြချက်များအပေါ် တိုင်းဒေသကြီး ဝန်ကြီးချုပ်က လိုအပ်သည်များကို ဖြည့်စွက်ဆွေးနွေး လမ်းညွှန်မှာကြားခဲ့ကြောင်းသိရသည်။