၂၀၂၁ ခုနှစ်၊ ဇူလိုင်လ၊ (၁၀)ရက်နေ့ ၊ (၀၉၃၀)နာရီအချိန်တွင် ဧရာဝတီတိုင်းဒေသကြီးစီမံ အုပ်ချုပ်ရေးကောင်စီဥက္ကဋ္ဌသည် ကောင်စီအဖွဲ့ဝင်(၁) ဗိုလ်မှူးကြီးကျော်စွာလှိုင်၊ ကောင်စီအတွင်း ရေးမှူး ဦးဝေဇင်ထွန်း၊ တိုင်းဒေသကြီးကျန်းမာရေးနှင့်ကုသရေးဦးစီးဌာန တိုင်းဦးစီးမှူး ဒေါက်တာ ဇော်မင်းထွန်း၊ တိုင်း/ခရိုင်/မြို့နယ်အဆင့် ဌာနဆိုင်ရာတာဝန်ရှိသူများနှင့်အတူ ပုသိမ်မြို့၊ ခုတင်(၅၀၀) အထွေထွေရောဂါကုဆေးရုံကြီး၊ ကင်ဆာကုသဆောင်တွင် COVID-19 ရောဂါအတည်ပြုလူနာများ ကုသပေးနေမှုအခြေအနေများကို ကြည့်ရှုအားပေးခဲ့ပါသည်။ ထို့နောက် ဆေးရုံးကြီး အစည်းအဝေးခန်းမတွင် ကောင်စီဥက္ကဋ္ဌအဖွဲ့ဝင်များမှ COVID-19 ရောဂါကာကုသရေးဆိုင်ရာပစ္စည်းများနှင့် အလှူငွေကျပ်(၄၅) သိန်းအား ဆေးရုံအုပ်ကြီးဒေါက်တာကျော်ဇင်နှင့် တာဝန်ရှိသူများထံသို့ ထောက်ပံ့ ပေးအပ်ခဲ့ပါသည်။ ထို့နောက် ကောင်စီဥက္ကဋ္ဌနှင့်အဖွဲ့သည် ပုသိမ်မြို့၊ တိုင်းရင်းဆေးရုံတွင် COVID-19 ရောဂါ အတည်ပြုလူနာများကို ကုသပေးနေမှု အခြေအနေများအား သွားရောက်ကြည့်ရှုစစ်ဆေးခဲ့ပါသည်။ ဆက်လက်၍ ပုသိမ်တက္ကသိုလ်၊ နန္ဒဆောင်တွင် COVID-19 ရောဂါ အတည်ပြုလူနာများ ထားရှိ ကုသရန်အတွက် ပြင်ဆင်ဆောင်ရွက်ရန် သွားရောက်ကြည့်ရှုစစ်ဆေးခဲ့ပြီး ကောင်စီဥက္ကဋ္ဌနှင့် အဖွဲ့ဝင်များမှ ဌာနဆိုင်ရာတာဝန်ရှိသူများအား အဆောင်သန့်ရှင်းရေး၊ လိုအပ်သောပစ္စည်းများအား ဖြည့်တင်းရေး ပူးပေါင်းကူညီဆောင်ရွက်ကြရန် ညှိနှိုင်းဖြေရှင်းဆောင်ရွက်ပေးခဲ့ပါကြောင်း သတင်းရရှိပါသည်။

၂၀၂၁ ခုနှစ်၊ ဇူလိုင်လ၊ (၈)ရက်နေ့ ၊ (၀၉၀၀)နာရီအချိန်တွင် ဧရာဝတီတိုင်းဒေသကြီး စီမံအုပ်ချုပ်ရေးကောင်စီရုံး၊ အစည်းအဝေးခန်းမ(၁)၌ ဧရာဝတီတိုင်းဒေသကြီးလယ်ယာမြေနှင့် အခြားမြေများသိမ်းဆည်းခံရမှုများ ပြန်လည်စိစစ်ရေးကော်မတီအစည်းအဝေး (၇/၂၀၂၁) ကျင်းပပြုလုပ်ခဲ့ရာ ဧရာဝတီတိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ ဦးရဲမြင့်၊ ကောင်စီအဖွဲ့ဝင်များ၊ ကောင်စီအတွင်းရေးမှူးနှင့် တိုင်းဒေသကြီး မြေ/စစ်ကော်မတီအဖွဲ့ဝင်များ တက်ရောက်ခဲ့ကြပြီး ကော်မတီဝင်များမှ ယခင်အစည်းအဝေး၌ တင်ပြခဲ့သော အမှုတွဲ(၁၀)တွဲအား အတည်ပြုဆုံးဖြတ်ပြီး ယခုအစည်းအဝေးတွင် အမှုတွဲ(၄)တွဲအား ဆွေးနွေးခဲ့ကြောင်း သတင်းရရှိပါသည်။

၂၀၂၁ ခုနှစ်၊ ဇူလိုင်လ၊ (၆)ရက်နေ့ ၊ (၁၀၃၀)နာရီအချိန်တွင် ဧရာဝတီတိုင်းဒေသကြီးစီမံ အုပ်ချုပ်ရေးကောင်စီရုံး၊ အစည်းအဝေးခန်းမ(၁)၌ Coronavirus Disease 2019 (COVID-19) ရောဂါထိန်းချုပ်ရေးနှင့် အရေးပေါ်တုံ့ပြန်ရေးကော်မတီ လုပ်ငန်းညှိနှိုင်းအစည်းအဝေး(၁၇/၂၀၂၁) ကျင်းပပြုလုပ်ခဲ့ရာ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ ဦးရဲမြင့်၊ ကောင်စီအဖွဲ့ဝင်များ၊ ကောင်စီအတွင်းရေးမှူး၊ တိုင်းဒေသကြီးကျန်းမာရေးနှင့်ကုသရေးဦးစီးဌာန တိုင်းဦးစီးမှူး ဒေါက်တာဇော်မင်းထွန်း၊ ဆေးရုံအုပ်ကြီး ဒေါက်တာကျော်ဇင်နှင့် ဌာနဆိုင်ရာ တာဝန်ရှိသူများ တက်ရောက်ခဲ့ကြ ပါသည်။ အစည်းအဝေးတွင် ဧရာဝတီတိုင်းဒေသကြီးအတွင်း၌ (COVID-19) ရောဂါကူးစက်ပြန့်ပွားမှု များပြားလာခြင်းကြောင့် (COVID-19) ရောဂါထိန်းချုပ်ရေးလုပ်ငန်း ဆောင်ရွက်ထားရှိမှုအခြေအနေများ၊ သံသယလူနာများထားရှိရန်အတွက် Quarantine Center များ ကြိုတင်ပြင်ဆင်ထားရှိမှု အခြေအနေများ၊ (COVID-19)ရောဂါအတည်ပြုလူနာများအား ကုသပေးနေမှုအခြေအနေများအား တက်ရောက်လာသူများမှ ဆွေးနွေးတင်ပြခဲ့ကြရာ ကောင်စီဥက္ကဋ္ဌမှ လိုအပ်သည်များကို ညှိနှိုင်းပေါင်းစပ် ဆောင်ရွက်ပေးခဲ့ကြောင်း သတင်းရရှိပါသည်။

၂၀၂၁ ခုနှစ်၊ ဇူလိုင်လ၊ (၂)ရက်နေ့ ၊ (၀၉၃၀)နာရီအချိန်တွင် ပုသိမ်မြို့၊ အထက(၁)၊ ရတနာ တန်ဆောင်ခန်းမ၌ တိုင်းဒေသကြီးအမျိုးသမီးကော်မတီမှ ဦးဆောင်ကျင်းပသည့် ၂၀၂၁ခုနှစ်၊ ဇူလိုင်လ၊ (၃)ရက်နေ့တွင် ကျရောက်မည့် “မြန်မာအမျိုးသမီးများနေ့အထိမ်အမှတ်” အကြိုလှုပ်ရှားမှု အခမ်းအနားသို့ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ ဦးရဲမြင့်နှင့်ဇနီး၊ ကောင်စီအဖွဲ့ဝင်(၂) ဦးတင်အေးနှင့်ဇနီး၊ ကောင်စီအဖွဲ့ဝင်(၃) ဦးအုန်းမြင့်နှင့်ဇနီး၊ ကောင်စီအဖွဲ့ဝင်(၅) ရဲမှူးကြီး တင်ဇော်ထွန်းနှင့်ဇနီး၊ ကောင်စီအတွင်းရေးမှူး ဦးဝေဇင်ထွန်းနှင့်ဇနီး၊ အနောက်တောင်တိုင်း စစ်ဌာနချုပ်မှ အမျိုးသမီးရေးရာအဖွဲ့ဝင်များ၊ တိုင်းဒေသကြီးအမျိုးသမီးရေးရာအဖွဲ့ဝင်များနှင့် တိုင်း/ခရိုင်/မြို့နယ် ဌာနဆိုင်ရာတာဝန်ရှိသူများ တက်ရောက်ခဲ့ကြပါသည်။ အခမ်းအနားတွင် တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ ဦးရဲမြင့်မှ အဖွင့်အမှာစကား ပြောကြားခြင်း၊ တိုင်းဒေသကြီး အမျိုးသမီးကော်မတီဥက္ကဋ္ဌ ဦးအုန်းမြင့်မှ မြန်မာအမျိုးသမီးများနေ့နှင့်ပတ်သက်၍ ရှင်းလင်းပြောကြားခြင်း၊ အခမ်းအနားသို့ တက်ရောက်လာသူများ စုပေါင်းမှတ်တမ်း တင်ဓာတ်ပုံရိုက်ကူးခြင်းများဆောင်ရွက်ခဲ့ပြီး ကောင်စီဥက္ကဋ္ဌနှင့် အခမ်းအနားသို့တက်ရောက်လာသူ များမှ ခန်းမတွင်ခင်းကျင်းပြသထားသည့် အမျိုးသမီးများ၏ လက်မှုပညာနှင့်အစားအစာပြခန်းအား လှည့်လည်ကြည့်ရှုအားပေးခဲ့ကြောင်း သတင်းရရှိပါသည်။

၂၀၂၁ ခုနှစ်၊ ဇွန်လ၊ (၂၉)ရက်နေ့ ၊ (၀၈၀၀)နာရီအချိန်တွင် ဟင်္သာတခရိုင်အထွေထွေ အုပ်ချုပ်ရေးဦးစီးဌာနခန်းမ၌ ကျင်းပပြုလုပ်သည့် လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ ဧရာဝတီတိုင်းဒေသကြီး ကွပ်ကဲမှုအောက် ဟင်္သာတခရိုင်အတွင်းရှိ မြို့နယ်များ၌ (၆/၂၀၂၁)လအတွင်း “ပန်းခင်း”စီမံချက်ဖြင့် ဆောင်ရွက်ပေးခဲ့သည့် နိုင်ငံသားစိစစ်ရေးကတ်ပြားနှင့် အိမ်ထောင်စုလူဦးရေ စာရင်း ပေးအပ်ပွဲအခမ်းအနားသို့ ဧရာဝတီတိုင်းဒေသကြီးစီမံအုပ်ချုပ်ရေး ကောင်စီဥက္ကဋ္ဌ ဦးရဲမြင့်၊ ကောင်စီအဖွဲ့ဝင်(၁) ဗိုလ်မှူးကြီးကျော်စွာလှိုင်၊ ကောင်စီအဖွဲ့ဝင်(၂) ဦးတင်အေး၊ ကောင်စီအဖွဲ့ဝင် (၄) ဦးမောင်မောင်သန်း၊ ကောင်စီအတွင်းရေးမှူး ဦးဝေဇင်ထွန်းနှင့် တိုင်း/ခရိုင်/မြို့နယ် အဆင့်ဌာန ဆိုင်ရာ တာဝန်ရှိသူများ တက်ရောက်ခဲ့ပြီး ကောင်စီဥက္ကဋ္ဌနှင့်အဖွဲ့ဝင်များမှ မြို့နယ် စီမံအုပ်ချုပ်ရေး အဖွဲ့ဥက္ကဋ္ဌများနှင့် ပြည်သူများအား နိုင်ငံသားစိစစ်ရေးကတ်ပြားများနှင့်အိမ်ထောင်စုလူဦးရေစာရင်း များအား ပေးအပ်ခဲ့ပါသည်။ ဆက်လက်၍ ကောင်စီဥက္ကဋ္ဌနှင့်အဖွဲ့သည် (၀၈၃၅)နာရီအချိန်တွင် ဟင်္သာတမြို့နယ်၊ ရွှေဟင်္သာ ကျွန်းကျေးရွာ၊ ရွှေဟင်္သာတံတားဆိပ် ဧရာဝတီမြစ်ရိုးချောင်းတွင် ကျင်းပပြုလုပ်သည့် ငါးလွှတ်ပွဲ သို့တက်ရောက်ခဲ့ပြီး ငါးမြစ်ချင်းသားပေါက်အကောင်ရေ(၁)သိန်း၊ ငါးခုံးမ ကြီးသားပေါက်အကောင်ရေ (၁)သိန်း စုစုပေါင်း ငါးအကောင်ရေ (၂)သိန်းအား ပေးလွှတ်ခဲ့ပြီးနောက် ဟင်္သာတမြို့၊ မြို့တော် ခန်းမတွင် Covid-19 ရောဂါသံသယလူနာ(၁၂၁)ယောက်ထားရှိနိုင်သည့် Quarantine Center ပြင်ဆင်ဆောင်ရွက်ထားရှိမှု၊ ဆယ်ထပ်ကြီးဘုရားဝင်း၊ သာသနာ့ဗိမ္မာန်တွင် Covid-19 ရောဂါ သံသယလူနာ(၈၅)ယောက်ထားရှိနိုင်သည့် Quarantine Center ပြင်ဆင်ဆောင်ရွက်ထားရှိမှု အခြေအနေများအားကြည့်ရှုစစ်ဆေးခဲ့ပြီး လိုအပ်သည်များကို ဌာနဆိုင်ရာများနှင့် ပေါင်းစပ်ဖြည့်ဆည်း ဆောင်ရွက်ပေးခဲ့ပါသည်။ ဆက်လက်၍ ကောင်စီဥက္ကဋ္ဌနှင့်အဖွဲ့သည် (၁၁၁၀)နာရီအချိန်တွင် ပုသိမ်မြို့၊ မြို့ဝင် Covid-19 ရောဂါစစ်ဆေးဂိတ် ဆောက်လုပ်နေမှုအခြေအနေများအား ကြည့်ရှုစစ်ဆေးခဲ့ပါသည်။ ထို့နောက် ကိုးသိန်းအားကာသိပ္ပံကျောင်းတွင် Covid-19 ရောဂါအတည်ပြု လူနာများထားရှိရန်အတွက်ပြင်ဆင် ဆောင်ရွက်နေမှုများအားကြည့်ရှုစစ်ဆေးခဲ့ပြီး ကောင်စီဥက္ကဋ္ဌမှ လိုအပ်သည်များကို လမ်းညွှန် မှာကြားခဲ့ကြောင်း သတင်းရရှိပါသည်။