ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများနှင့်အတူ ယနေ့ညနေပိုင်းက ပုသိမ်မြို့၊ ရွေပုသိမ်ဧည့်ရိပ်သာတွင် ပုသိမ်မြို့ပေါ်ရှိ မြို့မိ၊ မြို့ဖများနှင့်တွေ့ဆုံ၍ ဒေသဖွံ့ဖြိုးရေးလုပ်ငန်းများအတွက် ဆွေးနွေးဆောင်ရွက်ခဲ့သည်။ ထို့သို့တွေ့ဆုံရာတွင် တိုင်းဒေသကြီးဝန်ကြီးချုပ်က“ မြို့မိ၊ မြို့ဖများနှင့်တွေ့ဆုံခြင်းသည် ဒုတိယအကြိမ် တွေ့ဆုံခြင်းဖြစ်ပြီး ပထမအကြိမ်တွေ့ဆုံဆွေးနွေးမှုများအပေါ် ဆောင်ရွက်ပေးနိုင်မှုအခြေအနေများနှင့် မိမိတို့ဒေသဖွံ့ဖြိုးတိုးတက်ရေး၊ မြို့သန့်ရှင်းသာယာ လှပရေးအတွက်လည်းဖြစ်ပါကြောင်း၊ တိုင်းဒေသကြီးသည် ခရီးသွားလုပ်ငန်းများဖွံ့ဖြိုးသည့် အတွက် ခရီးသွားများ သွားရေးလာရေးအဆင်ပြေစေရေး ရန်ကုန်-ပုသိမ်လမ်းမကြီးအား အဆင့်မြှင့်တင်နိုင်ရေး ဆောင်ရွက်လျက်ရှိပြီးလမ်းပိုင်းများအလိုက် ပြုပြင်ခြင်းလုပ်ငန်းများ ကိုလည်းဆောင်ရွက်ပေးလျက်ရှိပါကြောင်း၊ ယာဉ်လမ်းအသုံးပြုသူများမှ ယာဉ်စည်းကမ်းလမ်းစည်းကမ်းနှင့်အညီ စနစ်တကျအသုံးပြုစေလိုပါကြောင်း၊ စိုက်ပျိုးရေးနှင့်ပတ်သက်ပါက ဧရာဝတီတိုင်းဒေသကြီးသည် စံပြတိုင်းဒေသကြီးဖြစ်ရန်နှင့် ပန်းတိုင်အထွက်နှုန်းများရောက်ရှိရန် ကြိုးပမ်းဆောင်ရွက်လျက်ရှိပါကြောင်း၊ စားသုံးဆီဖူလုံစေရေးအတွက် နေကြာအပါအဝင် မြေပဲ၊ နှမ်းစသည့် ဆီထွက်သီးနှံများတိုးချဲ့စိုက်ပျိုးလျက်ရှိရာ ယခုနှစ်တွင်နေကြာစိုက်ပျိုးရေးလုပ်ငန်း များပိုမိုဖြစ်ထွန်းအောင်မြင်လာပါကြောင်း၊ MSME လုပ်ငန်းများအနေဖြင့် မိမိတို့တိုင်းဒေသကြီးမှ ထွက်ရှိသည့် ကုန်ကြမ်းများကိုအသုံးပြု၍ ထုတ်လုပ်သောပစ္စည်းများဖြစ်ရန် ဆောင်ရွက်လျှက် ရှိကြောင်းနှင့် ထုတ်ပိုးစနစ်များပိုမိုကောင်းမွန်စေရေး၊ ရေရှည်အသုံးပြုနိုင်စေရေးနှင့် ပြည်တွင်းပြည်ပတင်ပို့ နိုင်ရေးဆောင်ရွက်ရန်လိုပါကြောင်း၊ ပုသိမ်လေယာဉ်ကွင်းအား အဆင့်မြှင့်တင်ဆောင်ရွက်နေမှု၊ ပုသိမ်မြို့အဝင်လမ်းအား အဆင့်မီဆောင်ရွက်နိုင်ရေး ဆောင်ရွက်လျက်ရှိပါကြောင်း၊ ကုန်စည်ဒိုင်ဖွင့်လှစ်နိုင်ရေးမြေနေရာရှာဖွေခြင်းနှင့် ရေရှည် အသုံးပြုနိုင်စေရေး စဉ်းစားဆောင်ရွက်ကြရမှာဖြစ်ပါကြောင်း၊ ဆားလုပ်ငန်းတောင်သူများ အတွက် ဆားပိုမိုထုတ်လုပ်နိုင်စေရေး၊ လုပ်ငန်းများပိုမိုအဆင်ပြေစေရေးနှင့် ချေးငွေများရရှိ နိုင်စေရေးဆောင်ရွက်ပေးလျက်ရှိပါကြောင်း၊ မြန်မာ့ရိုးရာယဉ်ကျေးမှု အဆို၊ အက၊အရေး၊ အတီးပြိုင်ပွဲတွင် အောင်မြင်မှုများရရှိနိုင်ရေးအတွက်လည်း သက်ဆိုင်ရာဝန်ကြီးများအား တာဝန်ပေးဆောင်ရွက်ထားရှိပြီး ဘာသာရပ်အားလုံးဝင်ရောက်ယှဉ်ပြိုင်နိုင်စေရေးဆောင်ရွက် လျက်ရှိပါကြောင်း၊ မြန်မာ့ရိုးရာသင်္ကြန်ပွဲတော်အား ယခင်နှစ်များနည်းတူ စည်ကားသိုက်မြိုက် စွာကျင်းပနိုင်ရေးနှင့် ဌာနဆိုင်ရာအလိုက်၊ရပ်ကွက်အလိုက် ဖျော်ဖြေရေးမဏ္ဍပ်၊ ရေကစား မဏ္ဍပ်များဆောက်လုပ်နိုင်စေရေးနှင့်ပြည်သူများအားလုံးပျော်ရွှင်စွာပါဝင်ဆင်နွှဲနိုင်စေရေးဆောင်ရွက်လျက်ရှိပါကြောင်း၊ MSME လုပ်ငန်းများပိုမိုတိုတက်စေရေးနှင့် One Region One Product ထုတ်ကုန်များထုတ်လုပ်နိုင်စေရေး ဆွေးနွေးပေးကြစေလိုကြောင်း၊ စပါးခွံလောင်စာ အသုံးပြု၍ Gasifier၊ ဘွိုင်လာစနစ်များဖြင့် လျှပ်စစ်လိုအပ်ချက်ကို တစ်ဖက်တစ်လမ်းမှ ဖြည့်ဆည်းဆောင်ရွက်ပေးလျက်ရှိပြီး စပါးခွံ ထွက်ရှိမှု၊ တိုင်းအတွင်းလုံလောက်စွာရရှိနိုင်မှုနှင့် တိုင်းပြင်ပထွက်ရှိမှု၊ စပါးခွံလောင်စာတောင့်များထုတ်လုပ်နိုင်မှုကြောင့် သစ်တောပြုန်းတီးမှု လျော့နည်းလာစေရေး ဆောင်ရွက်လျက်ရှိပါကြောင်း၊ မြို့မိမြို့ဖများကလည်း မိမိတို့တိုင်းဒေသကြီး ဘက်စုံကဏ္ဍစုံ စနစ်တကျဖွံ့ဖြိုးတိုးတက်လာ စေရေးအတွက် အကြံပြုဆွေးနွေးပေးကြရန် ” ဆွေးနွေးပြောကြားခဲ့သည်။ ဆက်လက်၍ မြို့မိ၊ မြို့ဖများက ဒေသဖွံ့ဖြိုးရေး၊ မြို့သန့်ရှင်းသာယာလှပရေးများတွင် ပြည်သူများပူးပေါင်းဆောင်ရွက်မှု၊ မီးရထားလမ်း၊ ကားလမ်းများ အဆင့်မြှင့်တင်ပေးနိုင်ရေး၊ ပုသိမ်မြို့ကမ်းနားလမ်း အဆင့်မြှင့်တင်ပေးနိုင်မှုကြောင့် ကမ်းနားလမ်းတစ်လျှောက်နှင့် ရေပေါ်ဈေး တို့တွင် ညနေပိုင်း အပန်းဖြေဈေးဝယ်သူများနှင့် စည်ကားနေမှုများ၊ ဆားလုပ်ငန်း ဖွံ့ဖြိုးတိုးတက်ရေးအတွက် ဆောင်ရွက်ပေးနိုင်မည့် အခြေအနေများ၊ MSME လုပ်ငန်းများ ဖွံ့ဖြိုးတိုးတက်စေရေးအခြေအနေများ၊ စိုက်ပျိုးရေး လုပ်ငန်းမျာတိုးတက်လာမှုနှင့် ပြည်သူများ၏ လူမှုစီးပွားများတိုးတက်လာမှုအခြေအနေများ၊ စပါးခွံထွက်ရှိမှု၊ တိုင်းပြင်ပထွက်ရှိမှု အခြေအနေ များ၊ စွန့်ပစ်အမှိုက်များမှတစ်ဆင့် လျှပ်စစ်ထုတ်လုပ်နိုင်မှု၊ ပုသိမ်မြို့ရှိဈေးများ အဆင့်မြှင့်တင် ဆောင်ရွက်ပေးနိုင်ရေးဆွေးခဲ့ကြပြီး တိုင်းဒေသကြီးဝန်ကြီးချုပ်နှင့် အစိုးရအဖွဲ့ဝင်များမှ ဆွေးနွေးမှုများအပေါ် လိုအပ်သည်များဖြည့်စွက်ဆွေးနွေးခဲ့ကြကြောင်းသိရသည်။

ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်၊ မရမ်းချောင်းကျေးရွာရှိ တောင်သူ ဦးမြင့်သိန်း၏ စိုက်ဧက( ၁၀)ဧက တွင် စိုက်ပျိုးထားသည့် ဆီထွက်သီးနှံနေကြာ Super Sun 41 ဆောင်းနေကြာစံကွက်ရိတ်သိမ်းပွဲကို ယနေ့နံနက်ပိုင်းက ပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ သွားရောက်ကြည့်ရှုအားပေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် နေကြာစံကွက် ရိတ်သိမ်းနေမှုများကို ကြည့်ရှုအားပေးပြီး ဌာဆိုင်ရာများ၊ ဒေသခံတောင်သူများနှင့်ရင်းရင်းနှီးနှီးတွေ့ဆုံ၍ တိုင်းဒေသကြီးဝန်ကြီးချုပ်က ရိတ်သိမ်းချိန်လေလွင့်မှုမရှိစေရေး၊ ဆီထွက်သီးနှံနေကြာ တိုးချဲ့ စိုက်ပျိုးနိုင်ရေး၊ အပွင့်အရေအတွက် အရွယ်အစားအလိုက်အောင်စေ့ထွက်ရှိမှု၊ မျိုးရွေးချယ်မှုများ၊ အထွက်နှုန်းများ၊ နေကြာဆီကြိတ်ခွဲမှုများအားစနစ်တကျမှတ်တမ်းထားရှိရန်၊ အထွက်တိုး မျိုးကောင်းမျိုးသန့်များ တိုးချဲ့စိုက်ပျိုးရန်နှင့် ရိတ်သိမ်းပြီးနေကြာပင်များအား သဘာဝမြေသြဇာ များပြုလုပ်၍ အကျိုးရှိစွာ အသုံးပြုရန်မှာကြားခဲ့ပါသည်။ အဆိုပါ ( Super sun-41 )ဆောင်းနေကြာစံပြကွက် ရိတ်သိမ်းရာမှ (၁)ဧကလျှင် နေကြာတင်း ပျမ်းမျှ (၂၈.၂၅)တင်း ထွက်ရှိခဲ့ပြီး တိုင်းဒေသကြီးအတွင်းရှိ မြို့နယ်(၂၆) မြို့နယ် တွင် (၁)မြို့နယ်လျှင် နေကြာ (၁၀)ဧက စံပြစိုက်ခင်းများထူထောင်၍ ဆီဖူလုံမှုရှိစေရေး တောင်သူများကို အသိပညာပေးဆောင်ရွက်ခဲ့ကြောင်းသိရသည်။

(၇၉)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ၂ဝ၂၃-၂ဝ၂၄ ဘဏ္ဍာရေးနှစ်အတွင်း တိုင်းဒေသကြီးငွေလုံးငွေရင်းရန်ပုံငွေဖြင့် ဆောင်ရွက်ခဲ့သောကျုံပျော်မြို့ (၄)ခန်းတွဲ(၄)ထပ်ဝန်ထမ်းအိမ်ရာ ဖွင့်ပွဲအခမ်းအနားဖွင့်ပွဲအား ယနေ့နေ့လည်ပိုင်းတွင် ကျုံပျော်မြို့၊ အဆိုပါဝန်ထမ်းအိမ်ရာတွင်ပြုလုပ်ခဲ့ရာ ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်း၊ ခရိုင်၊ မြို့နယ်ဌာနဆိုင်ရာများတက်ေရာက်ဖွင့်လှစ် ပေးခဲ့သည်။ ဦးစွာ အိမ်ရာဖွင့်ပွဲအား တိုင်းဒေသကြီးဝန်ကြီးချုပ်နှင့်တာဝန်ရှိသူများက ဖဲကြိုးဖြတ်ဖွင့်လှစ်ပေးခဲ့ပြီး စုပေါင်းမှတ်တမ်းတင်ဓာတ်ပုံများ ရိုက်ကူးခဲ့သည်။ ထို့နောက် မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ညွှန်ကြားရေးမှူးက တိုင်းဒေသကြီးဝန်ကြီးချုပ်နှင့် တာဝန်ရှိသူများထံသို့ ဝန်ထမ်းအိမ်ရာဖွင့်ပွဲအမှတ်တရပစ္စည်းများပေးအပ်ခဲ့ပြီး ဝန်ကြီးချုပ်နှင့်ဧည့်သည်တော်များသည် ဝန်ထမ်းအိမ်ရာသစ်အား လှည့်လည်ကြည့်ရှုစစ်ဆေးခဲ့ပြီး ဝန်ထမ်းအိမ်ရာတွင် နေထိုင်သည့် နိုင်ငံ့ဝန်ထမ်းများအနေဖြင့် ဝန်ထမ်းအိမ်ရာရှိ အိမ်ခန်းများအားလည်း ရေရှည်တည်တံ့အောင် ထိန်းသိမ်းသွားကြရန်၊ မိမိတို့၏ အခန်းများ သန့်ရှင်းသပ်ရပ်ရေးအပြင် ပတ်ဝန်းကျင်စိမ်းလန်းစိုပြေရေး၊ သန့်ရှင်းသာယာစေရေး၊ အိမ်ရာများသန့်ရှင်းသာယာလှပရေးနှင့် ရေရှည်တည်တံ့အောင် ဝိုင်းဝန်းကြိုးပမ်းဆောင်ရွက်ကြရန်မှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်သည် ကျုံပျော်မြို့အမှတ်(၂)အခြေခံပညာနှင့်စက်မှု၊ စိုက်ပျိုး၊ မွေးမြူရေးအထက်တန်းကျောင်း စံပယ်ဆောင် ကျောင်းဆောင်သစ်အား တာဝန်ရှိသူများနှင့်အတူ ဖွင့်လှစ်ပေးခဲ့သည်။ ထို့နောက် စုပေါင်းမှတ်တမ်းတင်ဓာတ်ပုံများ ရိုက်ကူးခဲ့ကာ ကမ္ဗည်းမော်ကွန်းအား အမွှေးနံ့သာရည်များ ပက်ဖျန်းပေးခဲ့ပြီး ကျောင်းဆောင်သစ်အား လှည့်လည်ကြည့်ရှုစစ်ဆေးခဲ့ပြီးလာမည့်ပညာသင်နှစ်တွင် ကျောင်းသားကျောင်းသူများတက်ရောက်နိုင်စေရေး၊ ကျောင်းဆောင်သစ်အားရေရှည်တည်တံ့စေရေးစနစ်တကျထိမ်းသိန်းစေရေးနှင့် သန့်ရှင်းသပ်ရပ်မှုရှိစေရေးဆောင်ရွက်ရန်မှာကြားခဲ့ကြောင်းသိရသည်။

တိုင်းဒေသကြီးဝန်ကြီးချုပ်နှင့်အဖွဲ့သည် (၇၉)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် အင်္ဂပူမြို့၊ အခြေခံပညာအထက်တန်းကျောင်း(၂၀၀ပေ-၃၀ပေ) Steel Structure နှစ်ထပ်ကျောင်းဆောင်နှင့် (၁၂၀ပေ-၃၀ပေ) RCC တစ်ထပ် ကျောင်းဆောင်သစ်ဖွင့်ပွဲအခမ်းအနားအား တက်ရောက်ခဲ့ပြီး ကျောင်းဆောင်သစ်အား တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးကာ စုပေါင်းမှတ်တမ်းတင် ဓာတ်ပုံများရိုက်ကူးခဲ့သည်။ ယင်းနောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ကျောင်းဆောင်သစ် ကမ္ဗည်းမော်ကွန်းအား အမွှေးနံ့သာရည်များ ပက်ဖျန်းပေးခဲ့ပြီး ကျောင်းဆောင်သစ်နှစ် ဆောင်အား လှည့်လည်ကြည့်ရှုစစ်ဆေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ကျောင်းဆောင်သစ်ဖွင့်ပွဲနှင့် လွှဲပြောင်းပေးအပ်ပွဲအခမ်းအနားကို တက်ရောက်ခဲ့ပြီး ဝန်ကြီးချုပ်က“ (၇၉)နှစ်မြောက်တပ်မတော်နေ့ကို ကြိုဆိုဂုဏ်ပြုသောအားဖြင့် ကျောင်းဆောင်သစ်များအား အောင်မြင်စွာဖွင့်လှစ်နိုင်ခဲ့ပြီ ဖြစ်ပါကြောင်းနှင့် ကျောင်းသား၊ ကျောင်းသူများ စိတ်အေးချမ်းသာစွာ ပညာသင်ကြားနိုင်တော့မည် ဖြစ်ပါကြောင်း၊ အောင်ချက်များမြင့်မား ရေးအတွက်လည်းကြိုးပမ်းဆောင်ရွက်ရန်လိုပါကြောင်း” အမှာစကားများပြောကြားသည်။ ထို့နောက် ကျောင်းဆောက်သစ်ဆောက်လုပ်သည့် ကုမ္ပဏီမှ မန်နေဂျင်းဒါရိုက်တာက ကျောင်းဆောင်သစ်ဖွင့်ပွဲ အထိမ်းအမှတ် အမှတ်တရ လက်ဆောင်ပစ္စည်းများနှင့် ကျောင်းဆောင်သစ်နှင့်ပတ်သက်သည့် စာရွက်စာတမ်းများ လွှဲပြောင်းပေးအပ်ရာ တိုင်းဒေသကြီးဝန်ကြီးချုပ်နှင့် တာဝန်ရှိသူများက လက်ခံရယူခဲ့ပြီး အင်္ဂပူမြို့အခြေခံပညာအထက်တန်းကျောင်းအုပ်ဆရာကြီးက ကျေးဇူးတင်စကားများ ပြန်လည်ပြောကြားခဲ့သည်။

ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် (၇၉)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ၂ဝ၂၃-၂ဝ၂၄ ဘဏ္ဍာရေးနှစ်အတွင်း တိုင်းဒေသကြီးငွေလုံးငွေရင်းရန်ပုံငွေဖြင့် ဆောင်ရွက်ခဲ့သော မြန်အောင်မြို့ (၄)ခန်းတွဲ(၄)ထပ်ဝန်ထမ်းအိမ်ရာ ဖွင့်ပွဲအခမ်းအနားအား တက်ရောက်ခဲ့ပြီး တိုင်းဒေသကြီးဝန်ကြီးချုပ်က“ ဧရာဝတီတိုင်းဒေသကြီး၏ နိုင်ငံ့ဝန်ထမ်းများအတွက် နိုင်ငံ့ဝန်ထမ်းအိမ်ရာများဆောက်လုပ်ပေးလျက်ရှိရာ ခရိုင်ရုံးစိုက်ရာမြို့များဖြစ်သည့် မြန်အောင်မြို့နှင့်ကျုံ ပျော်မြို့များတွင်လည်း နိုင်ငံ့ဝန်ထမ်းများအတွက် ဦးစားပေးဆောက်လုပ်ပေးခဲ့ပါကြောင်း၊ ဘဏ္ဍာနှစ်အလိုက် ရရှိရန်ပုံငွေအပေါ်မူတည်၍ ဆက်လက်ဆောက်လုပ်ပေးသွားမည်ဖြစ်ပါကြောင်း၊ ဝန်ထမ်းအိမ်ရာတွင် နေထိုင်သည့် နိုင်ငံ့ဝန်ထမ်းများအ နေဖြင့် ရေ၊ မီးသုံးစွဲမှုများကို စနစ်တကျသုံးစွဲကြရန်နှင့် အိမ်ခန်းများအားလည်း ရေရှည်တည်တံ့အောင် ထိန်းသိမ်းသွားကြရန်လည်း လိုအပ်မည်ဖြစ်ပါကြောင်း၊မိမိတို့၏ အခန်းများ သန့်ရှင်းသပ်ရပ်ရေးအပြင် ပတ်ဝန်းကျင်စိမ်းလန်းစိုပြေရေး၊ သန့်ရှင်းသာယာစေရေးဆောင်ရွက်ကြရမှာဖြစ်ပါကြောင်း၊ အိမ်ရာများသန့်ရှင်းသာယာလှပရေးနှင့် ရေရှည်တည်တံ့အောင် ဝိုင်းဝန်းကြိုးပမ်းဆောင်ရွက်ရမှာဖြစ်ပါကြောင်း”အမှာစကားပြောကြားသည်။ ဆက်လက်၍ တိုင်းဒေသကြီး မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ညွှန်ကြားရေးမှူးက မြန်အောင်မြို့ (၄)ခန်းတွဲ (၄)ထပ် ဝန်ထမ်းအိမ်ရာနှင့်ပတ်သက်၍ ရှင်းလင်းတင်ပြပြီး တိုင်းဒေသကြီးဝန်ကြီးချုပ်နှင့် တာဝန်ရှိသူများထံသို့ ဝန်ထမ်းအိမ်ရာဖွင့်ပွဲအမှတ်တရပစ္စည်းများပေးအပ်ခဲ့သည်။ ထို့နောက် မြန်အောင်မြို့ (၄)ခန်းတွဲ(၄)ထပ် ဝန်ထမ်းအိမ်ရာ ဖွင့်ပွဲအခမ်းအနားအား တိုင်းဒေသကြီး ဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးပြီး စုပေါင်းမှတ်တမ်းတင် ဓာတ်ပုံများရိုက်ကူးခဲ့ကာ အိမ်ရာသစ်အားလှည့်လည်ကြည့်ရှုစစ်ဆေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် (၇၉)နှစ်မြောက်တပ်မတော်နေ့ကို ကြိုဆိုဂုဏ်ပြုသောအားဖြင့် အင်္ဂပူမြို့နယ်၊ ထူးကြီး-ရွှေကျင်ကွန်ကရစ်လမ်းသစ်ဖွင့်ပွဲအား တက်ရောက်ခဲ့ပြီး တိုင်းဒေသကြီးဝန်ကြီးချုပ်သည် တာဝန်ရှိသူများနှင့်အတူ ကွန်ကရစ်လမ်းသစ်အား ဖဲကြိုးဖြတ်ဖွင့်လှစ်ပေးပြီး စုပေါင်းမှတ်တမ်းတင် ဓာတ်ပုံများရိုက်ကူးခဲ့ကြကာ ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါလမ်းသည် ၂၀၂၃-၂၀၂၄ဘဏ္ဍာရေးနှစ်၊ တိုင်းဒေသကြီးအစိုးရအဖွဲ့ငွေလုံးငွေရင်းရန်ပုံငွေဖြင့် ဆောင်ရွက်သောလမ်းဖြစ်ပြီး လမ်းအရှည်( ၂၇၇၈ )ပေ၊ အကျယ်( ၁၄ )ပေနှင့်ထု( ၇ )လက်မရှိကြောင်းသိရသည်။