သတင်းများ


အဂတိလိုက်စားမှုတိုက်ဖျက်ရေး အသိပညာပေးဆိုင်ရာ ပိုစတာ၊ ဗီဒီယိုနှင့် စာစီစာကုံးပြိုင်ပွဲသို့ ဝင်ရောက်ယှဉ်ပြိုင်နိုင်ရေး ဖိတ်ခေါ်ခြင်း
အဂတိလိုက်စားမှုတိုက်ဖျက်ရေး အသိပညာပေးဆိုင်ရာ ပိုစတာ၊ ဗီဒီယိုနှင့် စာစီစာကုံးပြိုင်ပွဲသို့ ဝင်ရောက်ယှဉ်ပြိုင်နိုင်ရေး ဖိတ်ခေါ်ခြင်း


Read More...
03-Aug-2023
တိုင်းဒေသကြီးဝန်ကြီးချုပ် လပွတ္တာမြို့နယ်အတွင်းရှိ မွေးမြူရေးလုပ်ငန်းများအားကြည့်ရှုအားပေး
ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင်ဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ ယနေ့နံနက်ပိုင်းက လပွတ္တာမြို့နယ်အတွင်းရှိ မွေးမြူရေးလုပ်ငန်းများအား ကြည့်ရှုအားပေးခဲ့ကြောင်းသိရသည်။ ရှေးဦးစွာ တိုင်းဒေသကြီးဝန်ကြီးချုပ်သည် လပွတ္တာမြို့နယ်၊ ဇင်ရွဲလေးကျေးရွာအနီးရှိ ပိုင်ရှင်ဦးလှစိုး၏ ဂဏန်းမွေးမြူရေးကန်သို့ သွားရောက်ခဲ့ပြီး ဂဏန်းမွေးမြူထားရှိမှု၊ နေ့စဉ်ဈေးကွက်အတွင်းသို့ တင်ပို့ရောင်းချမှု အခြေအနေများကိုမေးမြန်းခဲ့ပြီး ဂဏန်းမွေးမြူထားရှိမှုများကို လှည့်လည်ကြည့်ရှုခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်သည် လပွတ္တာ-သင်္ကန်းကြီး‌ကားလမ်းဘေးဝဲယာရှိ လယ်ကွင်းများတွင် မိုးစပါးစိုက်ပျိုး​ဆောင်ရွက်​ထားရှိများအား ကြည့်ရှုစစ်​ဆေးခဲ့ပြီး တိုင်း​ဒေသကြီးစိုက်ပျိုး​ရေးဦးစီးမှူး၊ တိုင်း​ဒေသကြီး​လယ်ယာ​မြေစီမံခန့်ခွဲ​ရေးနှင့်စာရင်းအင်းဦးစီးမှုး၊ တိုင်း​ဒေသကြီးဆည်​မြောင်းနှင့်​ရေအသုံးချမှုစီမံခန့်ခွဲ​ရေးဦးစီးမှူးများက လပွတ္တာမြို့နယ်အတွင်း မိုးစပါးစိုက်ပျိုး​ဆောင်ရွက်ထားရှိမှုများ၊ စိုက်ပျိုးဧရိယာများ ​ရေချိုရရှိမှုအ​ခြေအ​နေများ၊ ​​စိုက်ပျိုးဧရိယာများအတွင်းသို့ ရေငံဝင်​ရောက်မှုမရှိ​အောင် ရေငံတားတာများဖြင့် ကာကွယ်ထားရှိမှုများ၊ ​ရေငံတားတာ အပြင်ဘက်ရှိ လယ်​မြေများအား ​ရေငံဒဏ်ခံနိုင်သည့် စပါးမျိုးများ စိုက်ပျိုးထားရှိမှုများအား ရှင်းလင်းတင်ပြခဲ့ပါသည်။ ဆက်လက်၍ တိုင်းဒေသကြီး ဝန်ကြီးချုပ်သည် ၂၀၂၃-၂၀၂၄ ဘဏ္ဍာ​ရေးနှစ် တိုင်း​ဒေသကြီးရန်ပုံ​ေ​ငွဖြင့်​ဆောင်ရွက်သည့် လပွတ္တာ-သင်္ကန်းကြီး‌ကားလမ်း (၂/၃)မိုင် ကမ်းပြိုကာကွယ်ရေးလုပ်ငန်း၊ ဘိုးပိုင်အ​​​ခြေပြု​ကျောက်စီ​မြေထိန်းနံရံတည်​ဆောက်ခြင်းနှင့် ​ရေထဲပိုင်းနိုင်လွန်ပိုက်ထုပ်​ကျောက်ကြီးချခြင်း အလျား(၁၇၀)​ပေ လုပ်ငန်း ဆောင်ရွက်နေမှုများအား ကြည့်ရှုစစ်ဆေးခဲ့ပြီး တာဝန်ရှိသူများက လုပ်ငန်းဆောင်ရွက်မှု အခြေအနေများကို ရှင်းလင်းတင်ပြခဲ့ရာ တိုင်း​ဒေသကြီးဝန်ကြီးချုပ်က လိုအပ်သည်များကို မှာကြားခဲ့ပါသည်။ ထို့နောက် တိုင်းဒေသကြီး ဝန်ကြီးချုပ်သည် လပွတ္တာမြို့နယ် တက်စ်ကမ်မရိန်းကုမ္အဏီလိမိတက်သို့ သွားရောက်ခဲ့ပြီး ဂဏန်း၊ ပုစွန်မွေးမြူရေး လုပ်ငန်းရှင်များနှင့်တွေ့ဆုံခဲ့ရာ အဆိုပါကုမ္ပဏိလိမိတက်မှမန်​နေဂျာက စက်ရုံစတင်တည်ထောင်မှု၊ ရေထွက်ကုန်ပစ္စည်း ဂဏန်းပျော့ မွေးမြူ ထုတ်လုပ် တင်ပို့ရောင်းချမှုများ၊ ကကတစ်သားပေါက်မွေးမြူခြင်းလုပ်ငန်းများအားလည်းကောင်း၊ ဂဏန်း၊ ပုစွန်မွေးမြူရေးလုပ်ငန်းရှင်များက ပုစွန်သားပေါက် ဝယ်ယူရရှိမှု၊ ဈေးကွက်အတွင်း တင်ပို့ရောင်းချမှုအခြေအနေများနှင့် လုပ်ငန်းအခက်အခဲများကို တင်ပြကြရာ တိုင်းဒေသကြီး ဝန်ကြီးချုပ်က သက်ဆိုင်ရာတာဝန်ရှိသူများနှင့် ပေါင်းစပ် ဆောင်ရွက်ပေးခဲ့သည်။ ထို့​နောက် တိုင်း​ဒေသကြီးဝန်ကြီးချုပ်နှင့်အဖွဲ့သည် တက်စ်ကမ်မရိန်းကုမ္ပဏီလိမိတက်မှ သား​ပေါက်ကန်များတွင် ကကတစ်သားပေါက်​ကောင်​ရေ နှစ်သိန်းခွဲမွေးမြူထားရှိမှု၊ မြေသားကန်များအတွင်း ကကတစ်ငါးအ​ကောင်​ရေ နှစ်သိန်းခုနှစ်​သောင်း မွေးမြူထားမှုရှိမှုများနှင့် ဂဏန်းကန်များတွင် ဂဏန်းများ မွေးမြူထားရှိမှုများကို လှည့်လည်ကြည့်ရှုခဲ့ကြသည်။ ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လပွတ္တာမြို့နယ်၊ ကျောက်ဖြူကျေးရွာရှိ ဦးကျော်ထွန်းမြင့်၏ ရေချိုပုစွန်ကန်များတွင် ပုစွန်သားပေါက်အ​ကောင်​ရေ လေးသိန်းနှစ်သောင်းမွေးမြူထားရှိမှထားမှုအားလည်းကောင်း၊ မြောင်းမြ-လပွတ္တာကားလမ်းဘေး ရေဆိုင်ကျေးရွာအုပ်စုရှိ ပိုင်ရှင်ဦးဝင်းဇော်ထွန်း၏ ငါးမြစ်ချင်းကောင်ရေ နှစ်သိန်းမွေးမြူထားရှိမှုများအား ကြည့်ရှုအားပေးပြီး ဈေးကွက်အတွင်း ​စျေးနှုန်းသက်သာစွာ တင်ပို့ရောင်းချနိုင်ရေးနှင့် တိုးချဲ့မွေးမြူနိုင်ရေးလမ်းညွှန်မှာကြားခဲ့သည်။


Read More...
31-Jul-2023
ပုသိမ်မြို့၌ စပါးခွံလောင်စာသုံးGasifier လုပ်ငန်းများ စနစ်တကျဖွံ့ဖြိုးတိုးတက်ရေးနှင့် နည်းပညာဆိုင်ရာဆွေးနွေးပွဲကျင်းပ
စပါးခွံလောင်စာသုံးGasifier လုပ်ငန်းများ စနစ်တကျဖွံ့ဖြိုးတိုးတက်ရေးနှင့် နည်းပညာ ဆိုင်ရာဆွေးနွေးပွဲအား ယနေ့ညနေပိုင်းက ပုသိမ်မြို့၊ ဧရာရွှေဝါခန်းမ၌ ပြုလုပ်ခဲ့ရာ ဆွေးနွေးပွဲသို့ တိုင်းဒေသကြီးဝန်ကြီးချုပ်ဦးတင်မောင်ဝင်း၊ သိပ္ပံနှင့်နည်းပညာဝန်ကြီးဌာန၊ ဒုတိယဝန်ကြီး ဒေါက်တာအောင်ဇေယျ၊ အစိုးရအဖွဲ့ဝင် ဝန်ကြီးများ၊ ဌာနဆိုင်ရာများ၊ သိပ္ပံနှင့်နည်းပညာ ဝန်ကြီးဌာနအောက်ရှိ တာဝန်ရှိသူများနှင့် ဆန်စက်လုပ်ငန်းရှင်များ တက်ရောက်ခဲ့ကြသည်။ ဆွေးနွေးပွဲတွင် တိုင်းဒေသကြီး ဝန်ကြီးချုပ်က“ တိုင်းဒေသကြီးအနေဖြင့် Gasifier ဆိုင်ရာ အလုပ်ရုံဆွေးနွေးပွဲ ရလဒ် များအနက် ဦးစားပေးအကောင်အထည်ဖော် ဆောင်ရွက်ရမည့်အချက်များအား ဦးစားပေး ဆောင်ရွက်လျက်ရှိပါကြောင်း၊ ဧရာဝတီတိုင်းဒေသကြီးသည် စိုက်ပျိုးရေး တိုင်းဒေသကြီးဖြစ်ပြီး နွေစပါး၊ မိုးစပါးဧက(၅၂)သိန်း ကျော် စိုက်ပျိုးလျက်ရှိပြီး စပါးတင်းသိန်းပေါင်း(၄)ထောင်ကျော် နှင့် စပါးခွံ တန်(၁၉)သိန်းခန့် ထွက်ရှိပါကြောင်း၊ ယခင်က ရေနွေးငွေ့တာဘိုင်များ အသုံးပြုခဲ့ရာမှ ယခုအခါတွင် Gasifier များအား အစားထိုး အသုံးပြုလာခဲ့ပြီး Gasifier အသုံးပြု၍ လည်ပတ်သည့်ဆန်စက်ပေါင်း (၄၅၀)ကျော်ရှိရာ စွန့်ပစ်ပစ္စည်းများကြောင့်  သဘာဝပတ်ဝန်းကျင် ထိခိုက်နိုင်မှု နည်းပါးအောင် ဆောင်ရွက်လျက်ရှိပါကြောင်း၊ တိုင်းဒေသကြီးအတွင်း စပါးခွံအသုံးပြု၍ လောင်စာတောင့် ထုတ်လုပ်သည့်စက်ရုံ (၅၀)ရုံ ရှိပါကြောင်းနှင့် ထင်း၊ မီးသွေး အစားထိုးသုံးစွဲမှုကြောင့် သစ်တောပြုန်းတီးမှုအား လျော့ကျ စေခဲ့ပါကြောင်း၊ Gasifier အသုံးပြုခြင်းကြောင့် လျှပ်စစ်လိုအပ်ချက်ကို တစ်ဖက်တစ်လမ်းမှ ဖြည့်ဆည်းပေးနေသကဲ့သို့ စက်ရုံများလည်ပတ်ရာတွင်လည်း အထောက်အကူပြုစေမည် ဖြစ်ပါကြောင်း၊ ဒုတိယဝန်ကြီးဦးဆောင်သည့် ပညာရှင်များ အနေဖြင့်လည်း စစ်ဆေးတွေ့ရှိ ခဲ့သည့် အားသာချက်၊ အားနည်းချက်များကိုလည်း အကြုံပြုဆွေးနွေးပေးစေလိုကြောင်း”အဖွင့်အမှာစကားပြောကြားသည်။ ဆက်လက်၍ သိပ္ပံနှင့်နည်းပညာဝန်ကြီးဌာန၊ ဒုတိယဝန်ကြီး ဒေါက်တာအောင်ဇေယျက "ဧရာဝတီတိုင်းဒေသကြီးအတွင်းရှိ Gasifierအသုံးပြု ဆန်စက်များအား လေ့လာချက်များအရ တိုင်းဒေသကြီးဝန်ကြီးချုပ်၏ လမ်းညွှန်ချက်နှင့်အညီ ဆောင်ရွက်ထားသည်ကို တွေ့ရှိရ ပါကြောင်း၊ နိုင်ငံတော်၏ မူဝါဒဖြစ်သော ပြည်သူလူထုဘဝ မြှင့်တင်ရေးအတွက် MSMEs လုပ်ငန်းများ မြှင့်တင်ရာ၌ လျှပ်စစ်လိုအပ်ချက်မှာ များပြားလာမည်ဖြစ်ပါကြောင်း၊ ကွင်းဆင်း လေ့လာတွေ့ရှိချက်များအရ မိမိတို့ဒေသနှင့်ကိုက်ညီသည့် အကောင်းဆုံးစနစ်များကို ပြန်လည် ချပြ ပေးသွားမည်ဖြစ်ပါကြောင်း၊ Gasifierမှ ထွက်ရှိလာသည့် ရေဆိုးများအား ပြန်လည် ပြုပြင်ပြီး စိုက်ပျိုးရေးလုပ်ငန်းများတွင် ပြန်လည်အသုံးချနိုင်အောင် ဆောင်ရွက်ရမှာ ဖြစ်ပါ ကြောင်း၊ စက်ရုံများသန့်ရှင်းရေးကောင်းမွန်ရန် လိုအပ်ပါကြောင်း၊ သိပ္ပံနှင့်နည်းပညာဝန်ကြီး ဌာနအောက်ရှိ တက္ကသိုလ်များ၊ ကျောင်းများအနေဖြင့် သုတေသနလုပ်ငန်းများ ဆောင်ရွက် ရာတွင် မိမိသုတေသနလုပ်မည့်နယ်ပယ်နှင့် အံဝင်ဂွင်ကျဖြစ်အောင် သက်ဆိုင်ရာဌာနများ၊ တာဝန်ရှိသူများနှင့် ချိတ်ဆက်ဆောင်ရွက်ရန်လိုပါကြောင်း၊ Gasifier အား မည်သို့တိုးတက် အောင် ဆောင်ရွက်ရမည်ကို သုတေသနပြုရာ၌လည်း သက်ဆိုင်ရာဌာနများ၊ တာဝန်ရှိသူများ အနေဖြင့် ပူးပေါင်းဆောင်ရွက်ပေးစေလိုပါကြောင်း၊ ဧရာဝတီတိုင်းဒေသကြီးဖွံ့ဖြိုး တိုးတက် စေရေး စွမ်းစွမ်းတမံ ဆောင်ရွက်နိုင်ပါစေကြောင်း" ဆွေးနွေး ပြောကြားခဲ့ပါသည်။    ထို့နောက် သိပ္ပံနှင့်နည်းပညာဝန်ကြီးဌာနအောက်ရှိ သုတေသနနှင့်တီထွင်ဆန်းသစ်မှုဦးစီး ဌာန၊ ညွှန်ကြားရေးမှူးချုပ် ဒေါက်တာဖြူဖြူဝင်းက" Gasifier နှင့်ပတ်သက်ပြီး Operation နှင့် Design ၊ Waste Management နှင့်ပတ်သက်သည့် ဆောင်ရွက်ပုံနည်းလမ်း၊ Waste များနှင့် ပတ်သက်၍ ပြန်လည်အသုံးပြုပုံ၊ စွန့်ပစ်ပစ္စည်းများ ဓာတ်ခွဲစမ်းသပ်စစ်ဆေးခြင်း စသည့် အပိုင်း(၄)ပိုင်းဖြင့် ရှင်းလင်းတင်ပြခဲ့ကာ ဧရာဝတီတိုင်းဒေသကြီးအနေဖြင့် ကုန်ကြမ်းနှင့် ပတ်သက်ပြီး အခက်အခဲမရှိသည်ကို တွေ့ရှိရပါကြောင်း၊ တိုင်းဒေသကြီးအတွင်း Gasifier (၈)လုံးခန့်ကို လေ့လာခဲ့ပါကြောင်း၊ Design နှင့်ပတ်သက်ပြီး အားနည်းချက်၊ အားသာချက် များကို ပြန်လည်ပေးပို့မည်ဖြစ်ကြောင်း၊ ၂၀၀၅ ခုနှစ်တွင် Gasifier လက်စွဲစာအုပ် ထုတ်ထားပါကြောင်း၊ ၂၀၀၇ ခုနှစ်တွင် မြန်မာနိုင်ငံ ပြန်လည်ပြည့်ဖြိုးမြဲစွမ်းအင် အသင်းနှင့် ပူးပေါင်း၍ လပွတ္တာမြို့နယ်တွင် 160 KW/ 50KW လျှပ်စစ်ဓာတ်အားထုတ်စက်ရုံကို ဆန်းစစ် ထားသော Report များရှိပါကြောင်း၊ Waste များကို ပြန်လည်အသုံးပြုမှုနှင့်ပတ်သက်ပြီး စပါးခွံ၊ ဖွဲပြာများကို လမ်းခင်းရာတွင်အသုံးပြုနိုင်ကြောင်း၊ အက်စစ်ဓာတ်များသည့် မြေကြီးများတွင် မြေဩဇာအဖြစ် အသုံးပြုနိုင်ပါကြောင်း၊ တိုင်းဒေသကြီးအစိုးရအဖွဲ့များနှင့်ပူးပေါင်း၍ စပါးခွံ မြေဩဇာ အသုံးပြုမှုသင်တန်းများ ပို့ချပေးလျက်ရှိပါကြောင်း၊ အမျိုးသားစွန့်ပစ်အရည်အသွေး ဆိုင်ရာ ဓာတ်ခွဲစမ်းသပ်ရန် BOD, COD, Oil and Grease, pH အပါအဝင် Parameter စုစုပေါင်း (၁၅)မျိုးစစ်ရန် နမူနာများ ယူသွားပါကြောင်း၊ SOP ထွက်ရှိနိုင်ရေးအတွက် သိပ္ပံနှင့်နည်းပညာ ဝန်ကြီးဌာန၊ ပြည်ထောင်စုဝန်ကြီးနှင့် ဒုတိယဝန်ကြီးတို့၏ ညွှန်ကြားချက်များနှင့်အညီ ဆောင်ရွက်သွားမည်ဖြစ်ပါကြောင်း" ဆွေးနွေးခဲ့ပါသည်။ ဆက်လက်၍ ဇီဝနည်းပညာသုတေသနဦးစီးဌာန၊ ဒုတိယညွှန်ကြားရေးမှူးချုပ် ဒေါက်တာအေးအေးခိုင်က "ဇီဝနည်းပညာသုတေသနဦးစီးဌာနသည် သက်ရှိဆဲလ်များအား ကိုင်တွယ်၍ သိပ္ပံနည်းကျ ဓာတ်ခွဲလေ့လာဆန်းစစ်သည့် ဌာနဖြစ်ပါကြောင်း၊ အဓိကအနေဖြင့် ကျေးလက်ဒေသဖွံ့ဖြိုးရေးနှင့်ပတ်သက်သည့် နည်းပညာသင်တန်းများ ပို့ချပေးလျက်ရှိ ပါကြောင်း၊ အပင်တစ်ရှူးမျိုးပွားသင်တန်းတွင် အဏုဇီဝပိုး၊ ဘတ်တီးရီးယား၊ မှိုများကို အသုံးပြု၍ ဒေသဖွံ့ဖြိုးရေးအတွက် ကောင်းမွန်စွာ အသုံးချနေပါကြောင်း၊ Waste Water Treatment မပေးထားသော Planများရှိကြောင်း၊ ၎င်းတို့အား နမူနာကောက်ယူထားရှိပါကြောင်း၊ Treatment ပေးထားသော စက်ရုံများကိုလည်း မပေးခင်အခြေအနေနှင့် ပေးပြီးအခြေအနေ တို့အား စစ်တမ်းကောက်ယူ၍ ၎င်းမှထွက်ရှိလာသော စစ်တမ်းအဖြေကို ကြည့်ပြီးမှသာ သုံးသပ်ချက်ပေးနိုင်မည် ဖြစ်ပါကြောင်း၊ ယခင်လေ့လာခဲ့သော ဆိုးဆေးစက်ရုံတွင် Waste Water Treatment လုပ်သောအခါ လေပေးစနစ် ပါဝင်ပါကြောင်း၊ ကန်ရေနှင့် အဆင့်ဆင့်စစ်ရ ပါကြောင်း၊ လေပေးသည့် နေရာတွင် နွားချေးထည့်ပြီး ၎င်းမှ ဘက်တီးရီးယားပေါက်ဖွားမည် ဖြစ်ပါကြောင်း၊ ၎င်းစက်ရုံမှ ထွက်ရှိလာသည့် ရေဆိုးကို ဗေဒါကန်ထဲ စွန့်ထုတ်ကြောင်း၊ ၎င်းရေထဲတွင် လူကိုရောဂါဖြစ်စေနိုင်သည့် ပိုးများပါဝင်နိုင်ကြောင်း၊ စွန့်ထုတ်သည့် (Sludge)အဖတ်များကို စွန့်ပစ်ကန်မှ ဗေဒါနှင့်ပေါင်းစပ်ပြီး မြေဩဇာအဖြစ် အသုံးပြုနိုင်ကြောင်း၊ ထိုအချက်နှင့်ပတ်သက်၍ Reportများရှိပါကြောင်း၊ Gasifierများမှ ထွက်ရှိလာသော ဖွဲပြာနှင့် ပတ်သက်၍ Referenceအရ Silicaပါဝင်မှု ၆၀%မှ ၈၀%ထိရှိသည့်အတွက် ၎င်းကိုအသုံးပြုလျင် အပင်၏ပင်စည် တုတ်ခိုင်လာမည်ဖြစ်ပါကြောင်း၊ ထို့ကြောင့် Silicaပါဝင်သည့် ဖွဲပြာနှင့်ဗေဒါကို ပေါင်းစပ်ပြီး သဘာဝမြေဩဇာပြုလုပ်နိုင်ကြောင်း၊ အပင်အတွက်အကျိုးပြု N,P,K ထုတ်လုပ် ပေးသည့် ဘတ်တီးရီးယားများဖြင့် ပေါင်းစပ်ပါက သဘာဝဇီဝမြေဩဇာပြုလုပ်နိုင်မည် ဖြစ်ပါကြောင်း၊ သို့ဖြစ်ပါ၍ Waste Water Treatmentပြုလုပ်သည့်အခါ အဏုဇီဝမှိုတစ်မျိုးမျိုးကို ထည့်သွင်းပေါင်းစပ်၍ ဖျက်ဆီးဖြိုခွဲခြင်းဖြင့် ဆောင်ရွက်နိုင်မည်ဖြစ်ပါကြောင်း၊ ကောက်ယူ ထားရှိသော Data Sampleများ၏ အခြေအနေကို ညွှန်ကြားချက်နှင့်အညီဆောင်ရွက်ပြီး ပြန်လည်တင်ပြသွားမည်ဖြစ်ပါကြောင်း" ဆွေးနွေးပြောကြားခဲ့ပါသည်။ ယင်းနောက် ဆွေးနွေးပွဲသို့ တက်ရောက်လာသူများ၏ အထွေထွေ ဆွေးနွေးတင်ပြချက် များအပေါ် တိုင်းဒေသကြီးဝန်ကြီးချုပ်က လိုအပ်သည်များကို ဖြည့်စွက်ဆွေးနွေးခဲ့ကြောင်း သိရသည်။


Read More...
29-Jul-2023
အနောက်တောင်တိုင်းစစ်ဌာနချုပ် တပ်မတော်နယ်လှည့်ဆေးကုသရေးအဖွဲ့ ပုသိမ်တပ်နယ်မှ ဒေသခံပြည်သူများအား ကျန်းမာရေးစောင့်ရှောက်မှုပေးနေမှုများကိုတိုင်း‌ဒေသကြီး ဝန်ကြီးချုပ် ကြည့်ရှုအားပေး
ဧရာဝတီတိုင်းဒေသကြီး၊ ရေကြည်မြို့နယ်၊ ကက္ကူကြီးကျေးရွာ၊ ရာဇသေနဆုတောင်းပြည့်ကျောင်းတိုက်အတွင်း၌ အနောက်တောင်တိုင်းစစ်ဌာနချုပ် တပ်မတော်နယ်လှည့်ဆေးကုသရေးအဖွဲ့ ပုသိမ်တပ်နယ်မှ ဆရာဝန်၊ သူနာပြုများက ဒေသခံပြည်သူများအား ကျန်းမာရေးစောင့်ရှောက်မှုပေးနေမှုများကို တိုင်းဒေသကြီး ဝန်ကြီးချုပ်ဦးတင်မောင်ဝင်းသည် အနောက်တောင်တိုင်းစစ်ဌာနချုပ် တိုင်းမှူး၊ ပုသိမ်လေတပ်စခန်းဌာနချုပ်မှူးတို့နှင့်အတူ ကြည့်ရှု၍ အားပေးစကားများပြောကြားခဲ့သည်။ ရှေးဦးစွာ တိုင်းဒေသကြီး ဝန်ကြီးချုပ်သည် အထွေထွေရောဂါကုသမှုပါရဂူ၊ သားဖွားမီးယပ်ကုသမှုပါရဂူ၊ ခွဲစိပ်ကုသမှုပါရဂူ၊ မျက်စိကုသမှုပါရဂူ၊ သွားနှင့်ခံတွင်းကုသမှု ပါရဂူများက ဒေသခံပြည်သူများအား ကျန်းမာရေးစောင့်ရှောက်မှုပေးနေများကို ကြည့်ရှုအားပေးကာ ရင်းရင်းနှီးနှီးနှုတ်ဆက်ခဲ့ပြီး လာရောက်ဆေးကုသမှုခံယူသည့် ဒေသခံများအား စားသောက်ဖွယ်ရာများ ထောက်ပံ့လှူဒါန်းခဲ့သည်။ ယင်းနောက် တိုင်းဒေသကြီး ဝန်ကြီးချုပ်သည်  အဆိုပါကျောင်းတိုက်၏ ကျောင်းထိုင်ဆရာတော် ဥူးပညောဘာသအား ဖူးမြော်ကြည်ညိုကာ သာသနာရေးဆိုင်ရာ ကိစ္စရပ်များအား လျှောက်ထားတင်ပြခဲ့ပြီး ဝန်ကြီးချုပ်နှင့် တိုင်းမှူးတို့သည် လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့သည်။ အနောက်တောင်တိုင်းစစ်ဌာနချုပ် တပ်မတော်နယ်လှည့်ဆေးကုသရေးအဖွဲ့ ပုသိမ်တပ်နယ်အနေဖြင့် အထွေထွေရောဂါ(၁၀၉)ဦး၊ ခွဲစိပ်ကုသမှု(၁၀)ဦး၊ မျက်စိဝေဒနာရှင်(၄၁)ဦး၊ သားဖွားမီးယပ်( ၈ )ဦး၊ သွားနှင့်ခံတွင်း (၁၂)ဦး၊ စု‌စုပေါင်း (၁၈၀)ဦးအား ကျန်းမာရေးစောင့်ရှောက်မှုပေးနိုင်ခဲ့ကြောင်းသိရသည်။


Read More...
29-Jul-2023
ဧရာဝတီတိုင်း​ဒေသကြီးမီးသတ်ဦးစီးဌာန၊ စက်လှေကိုင်တွယ်ထိန်းသိမ်းမောင်းနှင်ရေးသင်တန်းဆင်း သရုပ်ပြပွဲအား တိုင်း​ဒေသကြီးဝန်ကြီးချုပ်တက်ရောက်
ဧရာဝတီတိုင်းဒေသကြီးအတွင်းတွင် မြစ်ချောင်းများပေါများ‌သောကြောင့် ​ဘေးအန္တရာယ်များ ဖြစ်​ပွားလာပါက ကယ်ဆယ်ရေးလုပ်ငန်းများ လျင်မြန်စွာဆောင်ရွက်နိုင်စေရန်ရည်ရွယ်၍ တိုင်း​ဒေသကြီး မီးသတ်ဦးစီးဌာနက စက်လှေကိုင်တွယ်ထိန်းသိမ်းမောင်းနှင်ရေးသင်တန်းဆင်း သရုပ်ပြပွဲအခမ်းအနားအား ယ​နေ့နံနက်ပိုင်းက ပုသိမ်မြို့၊ ကန်သုံးဆင့်​ရေကန်တွင် ကျင်းပပြုလုပ်ရာ အခမ်းအနားသို့ တိုင်းဒေသကြီး ဝန်ကြီးချုပ်ဦးတင်မောင်ဝင်း၊ အနောက်တောင်တိုင်းစစ်ဌာနချုပ် တိုင်းမှူးနှင့် ဒုတိယတိုင်းမှူး၊ ပုသိမ်လေတပ်စခန်းဌာနချုပ်မှူး၊ အစိုးရအဖွဲ့ဝင် ဝန်ကြီးများ၊ ဌာနဆိုင်ရာများ၊ မီးသတ်ဦးစီးဌာနမှ ဝန်ထမ်းများနှင့် သင်တန်းသားများ တက်ရောက်ခဲ့ကြသည်။ သင်တန်းဆင်း သရုပ်ပြပွဲတွင် တိုင်းဒေသကြီး ဝန်ကြီးချုပ်က“ မီးသတ်တပ်ဖွဲ့ဆိုသည်မှာ နိုင်ငံတစ်နိုင်ငံ၏ လိုအပ်ချက်အရပေါ်ပေါက်လာခဲ့သည့် အဖွဲ့အစည်းတစ်ခုဖြစ်ကြောင်း သမိုင်းအထောက်အထားများအရ အထင်အရှား တွေ့ရမှာဖြစ်ပါကြောင်း၊ နိုင်ငံတော်အနေနှင့် မီးသတ်တပ်ဖွဲကို ပြည်သူလူထု၏ အသက်အိုးအိမ်စည်းစိမ်များ၊ နိုင်ငံတော်အတွင်းရှိ ကုန်ထုတ်အရင်းအနှီးများကို မီးဘေးအန္တရာယ်မှ တားဆီးကာကွယ်နိုင်ရေးနှင့် သဘာဝဘေးအန္တရာယ် အပါအဝင် အခြားသော ဘေးအန္တရာယ်များကျရောက်သည့်အခါ အရေးပေါ်ရှာဖွေ ကယ်ဆယ်ရေးလုပ်ငန်းများကို တာဝန်ယူဆောင်ရွက်ရန် ရည်ရွယ်ဖွဲ့စည်းခဲ့ဖြင်းဖြစ်ပါ​ကြောင်း၊ ဧရာဝတီတိုင်းဒေသကြီးဟာ မြစ်၊ချောင်း၊ အင်း၊ အိုင်များ ပေါများပြီး ပင်လယ်နှင့် ထိစပ်လျက်ရှိသည့်အတွက် နှစ်စဉ် ရေဘေးအန္တရာယ် အပါအဝင် မုန်တိုင်းဘေးအန္တရာယ် တို့ကို ရင်ဆိုင်ကြုံတွေ့နိုင်သည့်ဒေသတစ်ခုဖြစ်ပါကြောင်း၊ ​ဘေးန္တရာယ်များဖြစ်ပွားလာပါက တပ်မ​တော်သားများ၊ မီးသတ်တပ်ဖွဲ့ဝင်များ၊ ဌာနဆိုင်ရာများ၊ ​ဒေသခံများနှင့်ပူး​ပေါင်း၍ ရှာ​ဖွေကယ်ဆယ်​ရေးနှင့် လုံခြုံ​ရေးလုပ်ငန်းများအား အချိန်နှင့်တ​ပြေးညီ ​ဆောင်ရွက်​ပေးလျှက်ရှိပါ​ကြောင်း၊ မိုခါမုန်တိုင်း​ဝင်​ရောက်ခဲ့သည့် ကာလအတွင်း တိုင်း​ဒေသကြီးတွင် ကြိုတင်ပြင်ဆင်မှုများ၊ စနစ်တကျ​ရွှေ့​ပြောင်းမှုများ၊ ရှာ​ဖွေကယ်ဆယ်​ရေးဇာတ်တိုက်​လေ့ကျင့်မှုများ​ဆောင်ရွက်ခဲ့ပါ​ကြောင်း၊ မိုခါမုန်တိုင်းဒဏ်ခံစားခဲ့ရသည့် ရခိုင်ပြည်နယ်တွင် ဧရာဝတီတိုင်းဒေသကြီးမှ ရှာဖွေကယ်ဆယ်ရေးတပ်ခွဲ(၁)ခွဲ မီးသတ်တပ်ဖွဲ့ဝင် (၁၁၆)ဦးအား (၁၆.၅.၂၀၂၃)ရက်နေ့မှ ယ​နေ့အချိန်ထိ သွား​ရောက် တာဝန်ထမ်း​ဆောင်လျက်ရှိပါကြောင်း၊ သဘာဝဘေးရှာဖွေကယ်ဆယ်ရေးတပ်ဖွဲ့ဝင်များသည် အန္တရာယ်များ မကျရောက်မီကပင် ကြိုတင်လေ့ကျင့်ရေးလုပ်ငန်းများ​ဆောင်ရွက်ထားရပါ​ကြောင်း၊ ရှာဖွေကယ်ဆယ်ရေးဆောင်ရွက်သည့်အခါ ထိခိုက်မှုအန္တရာယ်နဲ့ အသက်ဘေးအန္တရာယ်မကြုံတွေ့စေရန်ကျွမ်းကျင်မှု ကြံ့ခိုင်မှုများကို အပြည့်အဝအသုံးချပြီး  အောင်မြင်​အောင် ဆောင်ရွက်သွားရမှာဖြစ်ပါကြောင်း၊ တပ်ဖွဲ့ဝင်တစ်ဦးချင်း စွမ်း​ဆောင်ရည်မြင့်မား​အောင် ကြိုးပမ်း​နေခြင်းသည် တပ်ဖွဲ့တစ်ခုလုံး၏ ဂုဏ်ကိုမြှင့်တင်​နေခြင်းဖြစ်ပါ​ကြောင်း၊ မီးသတ်တပ်ဖွဲ့ဝင်များအ​နေဖြင့် ရှာ​ဖွေကယ်ဆယ်​ရေးနှင့်မီးငြှိမ်းသတ်​ရေး ဇာတ်တိုက်​လေ့ကျင့်မှုများအား အချိန်အခါ​အ​လှောက် စဥ်ဆက်မပြတ် ​လေ့ကျင့်သွားကြရန်”အမှာစကားပြောကြားသည်။ ဆက်လက်၍ သရုပ်ပြအဖွဲ့မှ စွမ်းရည်များ သရုပ်ပြသခွင့် တောင်းခံပြီး ကမ်းစပ်တွင် ဆက်သုံးဆီအတင်၊ အချပြုလုပ်နေသည့် စက်လှေမီးလောင်မှုဖြစ်စဉ်တွင်  Fire Boat ၊ Assault Boat ၊ Fiber Boatများ အသုံးပြု၍ ငြိမ်းသတ်ရေး ဆောင်ရွက်မှုသရုပ်ပြသခြင်း၊ Fire Boat ၊Assault Boat ၊ Fiber Boat များဖြင့် ရင်ဘောင်တန်းတန်း စီတန်း၍ ရေပက်ဖျန်းသရုပ်ပြသခြင်း၊ ရှေ့/နောက် စီတန်း၍ ရေပက်ဖျန်းသရုပ်ပြသခြင်း၊ လေးကိုင်းပုံသဏ္ဌာန် စီတန်းသရုပ်ပြသခဲ့ပြီး စက်လှေများဖြင့် မြှားဦးပုံသဏ္ဌာန် ဖြင့် စီတန်း၍ အလေးပြုတန်းဖြုတ်ထွက်ထွက်ခွာခဲ့ကြသည်။ ထို့​​နောက် တိုင်း​ဒေသကြီးဝန်ကြီးချုပ်က သင်တန်းသားများအတွက် ဂုဏ်ပြုချီးမြှင့်​ငွေများပေးအပ်ခဲပြီး ခင်းကျင်းပြသထားသည့် ခေတ်မီရှာဖွေကယ်ဆယ်ရေး လုပ်ငန်းသုံးပစ္စည်းများအား ကြည့်ရှုစစ်ဆေးခဲ့ကာ ကန်သုံးဆင့်​ရေကန်အတွင်းရှိ ​​ဘေးမဲ့ငါးများအား ငါးစာများ​ကျွေး​မွေးခဲ့ပါသည်။စက်လှေကိုင်တွယ်ထိန်းသိမ်းမောင်းနှင်ရေးသင်တန်းအား ယခုလ ၁၇ ရက်နေ့မှစတင်၍ ရက်သတ္တပတ်နှစ်ပတ်ကြာဖွင့်လှစ်ခဲ့ကာ အရာရှိနှင့် အခြားအဆင့် သင်တန်းသား (၅၀)ဦးအား စာတွေ့၊ လက်တွေ့သင်ကြားပို့ချပေးနိုင်ခဲ့ပါသည်။  ဆက်လက်၍ တိုင်းဒေသကြီး ဝန်ကြီးချုပ်နှင့် အစိုးရအဖွဲ့ဝင် ဝန်ကြီးများသည် မြောင်းမြမြို့နယ်၊ မွေတော်ရှမ်းစုကျေးရွာအုပ်စု၊ အုန်းပင်စု​ကျေးရွာရှိ တောင်သူ ဦးတင်​​ဖေ၏ လယ်​မြေ(၄၇)ဧက၌ စိုက်ပျိုးရေးဦးစီးဌာနနှင့် စက်မှုလယ်ယာဦးစီးဌာန၊ အမှတ်(၃၈)စက်မှုလယ်ယာစခန်း(မြောင်းမြ)တို့ ပူးပေါင်းပြုလုပ်သည့် ကောက်စိုက်စက်ဖြင့် နယူးဧရာ-၁၊ ချမ်း​မြေ့​မေ၊ GW-11၊ De You-8၊ ဆာဖိုးသာ စပါးမျိုးများအား ​​ခြောက်တန်းသွားကောက်စိုက်စက်ဖြင့် သရုပ်ပြစိုက်ပျိုးခြင်းနှင့် RS to CS ​ပေါ်ဆန်းစပါး မျိုးစေ့ထုတ်စိုက်ခင်း အား လူအားဖြင့် ၆ တန်း ၁ တန်းလှပ် စိုက်ပျိုးခြင်းသရုပ်ပြပွဲအားလည်းကောင်း၊ ​မြောင်းမြမြို့နယ်၊ သပြေချောင်းကျေးရွာ၊ မြန်မာနိုင်ငံဆန်စပါးအသင်းချုပ်၏ ဦးဆောင်မှုဖြင့် မြန်မာနိုင်ငံဆန်စက်လုပ်ငန်းရှင်များအသင်း၊ ချမ်းမြေ့ဇေယျာစိုက်ပျိုးရေးကုမ္ပဏီနှင့်ပူးပေါင်းပြီး ဧက(၅၀၀)အဆင့်မြင့် လယ်ယာမြေစိုက်ခင်းကို နိုင်ငံ့စီးပွားမြှင့်တင်ရေးရန်ပုံငွေဖြင့် မိုးစပါးစိုက်ပျိုးထုတ်လုပ်ရေး ​တောင်သူအထူးပညာ​ပေး အခမ်းအနားသို့ တက်ရောက်ခဲ့ပြီး မြန်မာနိုင်ငံဆန်စက်လုပ်ငန်းရှင်များအသင်းဥက္ကဌ ဦး​ကျော်ဝင်းက စိုက်ပျိုးရေးလုပ်ငန်းများ အ​ကောင်အထည်​ဖော်​ဆောင်ရွက်​နေမှုအ​ခြေများအား လိုက်လံရှင်းလင်းတင်ပြခဲ့ရာ တိုင်း​ဒေသကြီးဝန်ကြီးချုပ်က"သီးထပ် စွမ်းအား တိုးတက်ရေးအတွက် ကြိုးပမ်းဆောင်ရွက်ကြရန်၊ ​မြေဆီလွှာဖွံ့ဖြိုးတိုးတက်​ရေးအတွက် သစ်စိမ်း​မြေသြဇာ(ပိုက်ဆံ​လျှော်)ထည့်သွင်းစိုက်ပျိုးရန်၊ သဘာဝ​မြေသြဇာနှင့် ဓါတ်​မြေသြဇာများ အချိုးကျ သုံးစွဲကြရန်နှင့် တစ်ဧကအတွက်နှုန်းတိုးတက်​​ထွက်ရှိအောင် ကြိုးပမ်း​ဆောင်ရွက်ကြရန်" မှာကြားခဲ့ပါသည်။ ဆက်လက်၍ တိုင်းဒေသကြီး ဝန်ကြီးချုပ်သည် တာဝန်ရှိသူများနှင့်အတူ ဖျာပုံခရိုင်၊ ဖျာပုံမြို့နယ်၊ အမာမြို့၊နောက်မီးကျေးရွာအုပ်စု၊ အလံတိုင်​ကျေးရွာရှိ ဦးဖြိုးဝေကျော်၏ သဘာဝ​အတိုင်း​မွေးမြူသည့် ​ရေငန် ငါး၊ ပုစွန် ​မွေးမြူ​ရေးကန်သို့ သွားရောက်ကြည့်ရှုခဲ့ပြီး ဖမ်းယူရရှိမှုအခြေအနေများ၊ ဈေးကွက်အတွင်း တင်ပို့ရောင်း ချမှုအခြေအနေများ၊ နှစ်အလိုက်အမြတ်အစွန်းရရှိမှုများကို မေးမြန်းခဲ့ရာ ဦးဖြိုးဝေကျော်က သိရှိသည်များကို ရှင်းလင်းဖြေကြားခဲ့သည်။ ထို့​နောက် တိုင်း​ဒေသကြီးဝန်ကြီးချုပ်နှင့်အဖွဲ့သည် အလံတိုင်​​ကျေးရွာရှိ ဦးသိန်းလှိုင်၏ ငါး၊ ပုစွန် ​ရောင်းဝယ်​ရေးဒိုင်သို့​ရောက်ရှိ၍ ​ငါး၊ ပုစွန်​ကောက်ယူရရှိမှုအ​ခြေအ​နေများ၊ စျေးကွက်သို့တင်ပို့​ရောင်းချမှုအ​ခြေအ​နေများအား ​မေးမြန်းခဲ့ပါသည်။ ဆက်လက်၍ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဖျာပုံမြို့နယ်၊ ကြက်ဖမွေးဇောင်းကျွန်းပတ်တာအတွင်းရှိ ဝါးချောင်းရေတံခါးသို့ သွားရောက်ခဲ့ရာ တာဝန်ရှိသူများက ဧရာအားမာန်သမဝါယမစိုက်ကွင်းသို့ ရေချိုရရှိရေးဆောင်ရွက်မည့်အစီအစဉ်များ၊ သပြေကန်သိမ်ကုန်းဧရိယာနှင့် ကြက်ဖမွေးဇောင်းကျွန်းပတ်တာအတွင်း တိုးတက်ရေချိုပေးဝေနိုင်မည့်အခြေအနေများ၊ သပြေကန်သိမ်ကုန်း ဧရိယာအတွင်း ဆောင်ရွက်မည့်လုပ်ငန်းများ၊ ကြက်ဖမွေးဇောင်းကျွန်းပတ်တာ နွေစပါးစိုက်ဧကများ တိုးချဲ့စိုက်ပျိုးနိုင်ရန် ဆောင်ရွက်မည့် လုပ်ငန်းများအား ရှင်းလင်းတင်ပြရာ တိုင်း​​ဒေသကြီးဝန်ကြီးချုပ်က ဘဏ္ဍာနှစ်အလိုက် လုပ်ငန်းများအမြန်ဆုံးအကောင်အထည်ဖော် ဆောင်ရွက်ရေး လမ်းညွှန်မှာကြားပြီး ဒေသခံတောင်သူများနှင့်ရင်းရင်းနှီးနှီးတွေ့ဆုံနှုတ်ဆက်ခဲ့သည်။


Read More...
28-Jul-2023