ဧရာဝတီတိုင်းဒေသကြီးဝန်ကြီးချုပ်ဦးအေးကျော် ပုသိမ်မြို့၊ အမှတ်(၅) ရပ်ကွက်၊ ပန်းတင်ကုန်း ဘူတာဘောလုံးကွင်း ကွင်းဖွင့်ဖလားပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ အခမ်းအနားသို့ တက်ရောက်
ပုသိမ် စက်တင်ဘာ ၁၆
ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် တာဝန်ရှိသူများနှင့်အတူ ပုသိမ်မြို့၊ အမှတ်(၅) ရပ်ကွက်၊ ပန်းတင်ကုန်း ဘူတာဘောလုံးကွင်း ကွင်းဖွင့်ဖလားပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ အခမ်းအနား သို့ တက်ရောက်ခဲ့ပြီး ဗိုလ်လုပွဲအဖြစ်ယှဉ်ပြိုင်ကစားသည့် CALLOUS FCအသင်းနှင့် SILENT STRICKER FC အသင်းတို့၏ယှဉ်ပြိုင်ကစားနေမှုများကို ကြည့်ရှုအားပေးခဲ့ပြီးနောက် ဆုချီးမြှင့် ပွဲကို ပြုလုပ်ရာ ပြိုင်ပွဲဝင်အသင်းများ၊ အကောင်းဆုံးအားကစားသမားဆုရရှိသူများ၊ တတိယ ဆုနှင့် ဒုတိယဆုရရှိသည့်အသင်းများကို တိုင်းဒေသကြီးအစိုးရအဖွဲ့ဝင်ဝန်ကြီးများနှင့် အားကစား ရေးရာဝန်ကြီးဌာန ဒုတိယဝန်ကြီးတို့ကတစ်ဦးချင်းဆုတံဆိပ်များ၊ ငွေသားဆုများကို လည်းကောင်း၊ ပြိုင်ပွဲဝင်အသင်းများနှင့် ပထမဆုရရှိသည့် CALLOUS FC အသင်းအား တစ်ဦးချင်းဆုတံဆိပ်များ၊ ဆုဖလားနှင့်ငွေသားဆုကို တိုင်းဒေသကြီးဝန်ကြီးချုပ်က လည်းကောင်း ဆုများအသီးသီးချီးမြှင့်ခဲ့ကြ ကြောင်းသိရသည်။
