ဧရာဝတီတိုင်းဒေသကြီးဝန်ကြီးချုပ်ဦးအေးကျော် ဟင်္သာတမြို့နယ်၊ နိဗ္ဗာန်စံပြကျေးရွာရှိ အမျိုးသားပညာဝန်ဦးဖိုးကျားအထိမ်းအမှတ် သုတစွယ်စုံစာကြည့်တိုက်အား ကြည့်ရှုလေ့လာပြီး အလှူငွေနှင့် ပရိဘောဂပစ္စည်းများလှူဒါန်း
၂၀၂၆ ဩဂုတ် ၁၃
ဧရာဝတီတိုင်းဒေသကြီးဝန်ကြီးချုပ်ဦးအေးကျော်သည် ယနေ့မွန်းလွဲပိုင်းက တာဝန်ရှိသူများနှင့်အတူ ဟင်္သာတမြို့နယ်၊ နိဗ္ဗာန်စံပြကျေးရွာရှိ အမျိုးသားပညာဝန်ဦးဖိုးကျားအထိမ်းအမှတ် သုတစွယ်စုံစာကြည့်တိုက်သို့ ရောက်ရှိ၍ ဦးဖိုးကျား၏ စာအုပ်များ၊ မှတ်တမ်းဓာတ်ပုံများနှင့် စာအုပ် ငှားရမ်းဖတ်ရှုမှုအခြေအနေများကို ကြည့်ရှုလေ့လာခဲ့ပြီး သုတ၊ ရသစာအုပ်များ စုံလင်စွာထားရှိရေး၊ စာဖတ်သူများပိုမို စိတ်ပါဝင်စားစွာ လာရောက်လေ့လာ ဖတ်ရှုနိုင်ရေး၊ စာကြည့်တိုက်များပိုမိုဖွံ့ဖြိုးတိုးတက်ရေးနှင့် ရေရှည်တည်တံ့ခိုင်မြဲရေးအတွက် ဝိုင်းဝန်းဆောင်ရွက်ကြရန်မှာကြားခဲ့ပြီး စာကြည့်တိုက်အတွက်လိုအပ်သည့် ပရိဘောဂပစ္စည်းများနှင့် အလှူငွေများကို ပေးအပ်လှူဒါန်းခဲ့သည်။
13-Aug-2026
