ဧရာဝတီတိုင်းဒေသကြီးဝန်ကြီးချုပ် ဦးအေးကျော် လက်မှတ်ရပိုးသတ်ဆေးသုံးစွဲသူများ သင်တန်း (၃/၂၀၂၆)ဖွင့်ပွဲတက်ရောက်
ပုသိမ် ဇူလိုင် ၂၆
ဧရာဝတီတိုင်းဒေသကြီးဝန်ကြီးချုပ် ဦးအေးကျော် သည် ဇူလိူင် ၂၃ ရက်နေ့ နံနက်ပိုင်းက တိုင်းဒေသကြီးစိုက်ပျိုးရေးဦးစီးဌာန၊ အစည်းအဝေးခန်းမတွင် ပိုးသတ်ဆေးဥပဒေအား သက်ဝင်လှုပ်ရှားစေရန်၊ ပိုးသတ်ဆေးနှင့် ပိုးသတ်ဆေး ဓာတ်ကြွင်း အန္တရာယ်ကို သိရှိ နားလည်ပြီး စနစ်တကျကိုင်တွယ်သုံးစွဲတတ်စေရန်၊ ဘက်စုံသီးနှံ ကာကွယ်ရေးလုပ်ငန်းစဉ်တွင် ထိရောက်အောင်မြင်စေရန်၊ ဘေးကင်းလုံခြုံ စိတ်ချရသော စားသုံးသီးနှံများ စိုက်ပျိုးထုတ်လုပ်နိုင်ရေးနှင့် သဘာဝပတ်ဝန်းကျင်မပျက် ရေရှည်စိုက်ပျိုးထုတ်လုပ်နိုင်ရေးကို အထောက်အကူပြုစေရန် ရည်ရွယ်၍ သင်တန်းသား (၂၀၀)ဦးအား ဇူလိုင်လ ၂၃ ရက်နေ့မှ ၂၅ ရက်နေ့အထိ ၃ ရက်ကြာဖွင့်လှစ်ခဲ့သည့် လက်မှတ်ရ ပိုးသတ်ဆေး သုံးစွဲသူများ သင်တန်း(၃/၂၀၂၆)ဖွင့်ပွဲအခမ်းအနားတက်ရောက်၍ အမှာစကားများ ပြောကြားခဲ့ပြီး သင်တန်းသား၊ သင်တန်းသူများအား ရင်းရင်းနှီးနှီးနှုတ်ဆက်ခဲ့ကြောင်း သိရှိရပါသည်။
